حبيبة عبودي
السلام عليكم
إسمحي لي أختي أقول رأيي بكل صراحة و أعبر عن الشعور اللي جاني و انا اقرأ كلامك و نصائحك للبنات
بس أول شي
أبي أعرف إنتِ وش مؤهلاتك ؟
بأي صفة تجين تحكمين بهالسرعة الفائقة
و ترى اللي يتناسب مع شخصيتك و يمشي " مثلا " مع شخصية زوجك
مو شرط يمشي مع غيرك !
و الله الشرهة ما هي بعليك إنتِ
الشرهة على البنات اللي قاعدة كل وحدة تعرض مشكلتها و أسرار بيتها مع زوجها
لوحدة غريبة و ما هي من أهل الاختصاص و تدعو لسوء الظن !
و أنواااع التناقضات بكلامها
و الله لو تدقق وحدة ان تشوف التناقض
ما غير وحدة فاضية تجي تسولف و تبدي رأيها
بعدين يا أختي ياللي طارحة مشكلتك مع زوجك
ترى هي ما تنظر لزوجك مثل ما تنظرين له !
هي تنظر له كشخص غريب سوا كذا و كذا
ما تأخذ بالحسبان العلاقة الزوجية و الحب و المودة اللي تكنينها لزوجك !
و مهما حاولت وحدة منكن توصل مشكلتها ما رح توصل لأن الاخت " المستشارة " تاخذ الآمور بمنظارها هي !
هذا غير انه في احتما تكون المشكلة كلها قائمة على فهم خاطئ من الزوجة أو حتى مبني على ظنون و صدف !
و المسألة مصيرية بينك و بين زوجك ، كيف يعقل تجي هالأخت تحكم فيها بثواني و تكتب هالردود بموضوع مزدحم
و الله ما تتعب نفسها
و يا أخوات اتقينَ الله في أسراركن الزوجية و مشكلاتكن
تبون حلول اعرضوها على ناس ثقات و مختصين ياخذون أموركن من كافة الجوانب !
و يبون السعادة لكن
مو وحدة تحرضكن !
ترى شخصياتكن غير عن شخصيتها
و رجاجيلكن بعد
اقتباس:
ام تميم :: دام قال لك خذي اغراضك مطوله عتندك اهلك يعني كأنه بيقول روحي مليت وابي اخذ راحتي
أستغفر الله العظيم
على أي أساس بنيتِ هالظن ؟
انتِ لا تعرفين الرجال و لا زوجته و لا طبيعة علاقتهم و لا حتى الموقف اللي عاشته الزوجة
ليه سوء الظن ؟
ليه تخلين وحدة تشيل على زوجها ؟
و الله ما هو بهيّن ان وحدة تنظر لزوجها على انه مل منها
و الله بتزعل و يضيق صدرها و السبب وحدة غريبة تحكم على كيف كيفها و تقضي وقت فراغها ترد على مئة مشكلة بنفس الوقت !
إتقِ الله
و إنتِ تقولين التصنع شين
و بنفس الوقت تدعين البنات انهن يتصنعن الثقل
يا ناس
كل وحدة لها ثقل يناسب شخصيتها و يناسب شخصية زوجها و مجتمعهم
شلون اختصرنا كل شيء في شخصين !
و صرنا نقيس عليها كل حالة و بعد نطرح مشكلاتنا و نبي حلول
يا بنات اعقلن !
اقرن كتب عن الرجل و عن شخصية الرجل و طبيعته و الحياة الزوجية
تثقفن و اسعن للحلول بالطرق الصحيحة
و الله لو أخذت وحدة منكن شي غلط من وحدة غريبة ما هي بخاسرة شي لو انخرب بيتك ، ما يندم إلا أنتِ
تخيلي تسيئين الظن بزوجك و تحقدين عليه و هو ما يستاهل ، و تشيلين هم " أحكام " أطلقتها عضوة بعالم وهمي
وش بتكون نظرتك لنفسك و موقفك وقتها ؟
لو انخرب بيتك ع شان حاجة تافهة زي كذا وش تستفيدين ؟
و الله ما كتبت هالكلام إلا من حرقتي و قهري عليكن يا بنات
المفروض الوحدة تكون أوعى و أحفظ لأسرارها و بعد تتعلم و تبحث من المصاااادر الصحيحة و ليس من تجارب أخريات
ما بي أكتب أكثر من كا لأني طولت مرة
و الا بقلبي و الله كلام كثيييير !
الله يصلحنا كلنا و يوفقنا و إياكن .
