بادئ الموضوع تاريخ البدء
  • المشاهدات 20,079
  • الردود 64
إنضم
29 أكتوبر 2006
المشاركات
24
مستوى التفاعل
0
النقاط
0
السلام عليكم ورحمة الله

أ.ناعمه انا في حيره

يوم من الايام زوجي هاوش الشغاله عشان شغلها مو نظيف قامت الشغاله على طووول قالت اذا مو عاجبك شغلي وديني المكتب
انا استغربت من ردت فعلها
انها باعيه وتبغى الفكه مع ان مو هالامر الكبير الي صار
اقنعتها انها تبقى لو شهر بس لاني موظفه وعندي طفله وما اقدر استغني عنها بهالشكل

وبعد نص ساعه وبعد ما هدت دخلت وكلمتها قلتلها ايش فيك ليش كذا قالت انا بقولك شي صار من زمان وكنت متردده اني اقوله
قالت انه في يوم كنت انا بالدوام زوجي نادها وطلب منها اتسويله مساج وهو بغرفة النوم ومطفي النور وهي رفضت بعدين صار يناديها ويكلمها مثل ما يكلمون الاطفال ويقولها تعالي سوي مساج ولما اصرت قالها تعالي نامي معي:icon28:

تقول انها قالت له انت مجنون وراحت للغرفه الثانيه
وانتهى الموضوع


انا يوم سمعت منها الكلام مسكت اعصابي وقلت ما رح اصدقها او اكذبها ابغى اتبين

ولما طلع زوجي من البيت ناديتها وسألتها بالتفصيل قالت انه مو بس انا حتى شغالة اهلي جلست عندي فتره وتقول انه طلب منها اتسويله مساج ونادها عشان تتفرج معاه على افلام خليعه وانه يقولها انها بيضه وحلوه

حلفتها على القرآن ان كلامها صح وحلفت
رحت لشغالة اهلي وسألتها قالت صحيح طلب مني مساج
بس ما قال لي اني بيضه وجميله هذي (( زيدتها الشغاله الاولى))
ولا قال لي تعالي اتفرجي على افلام خليعه بس ان في تلفزيون بغرقتها موصل بتلفزيون الصاله فتشوف الي انشوفه واتقول انه جلس يتفرج

بتقولين ليش ما صدقتها مع انها حلفت على القرآن
انا الى الان ما صدقتها ولا كذبتها

وذلك للاسباب التاليه

* هي قصتها انه زوجها تركها وهي حامل ولان عمر ابنها 7 سنوات وهي ما تدري عن زوجها فينه
* قالت عن زوجي انه يتعمد انه يقول على الاشياء انها مو نظيفه وانه هو الي يوسخها عشان يسويلها مشاكل وهذي تكذب فيها لان انا معهم بالبيت وعارفه شغلها
*يوم حلفت على القرآن انا انهرت وبكيت قدمها فصارت اطبب علي وتقنعني اني اتركه واتطلقه منه وقلتها اني ما اقدر عشان بنتي اكيد بياخذها مني قالت شوفي انا عمري من عمرك وعندي ولد وزوجي تاركني وما صار لي شي(( يعني هي اتقارن نفسها فيني))
* والله العظيم والله العظيم والله العظيم ان قبل هالسالفه الي صارت اني جالسه اكلم نفسي واقول هذي من دخلت بيتي وانا مو طايقه زوجي وهي صدف انها راحت فتره عند اهلي وشغالت اهلي جت عندي وبعدين رجعت وبالمرتين لاحظت انها يوم طلعت اكون عادي مع زوجي ويوم ترجع اصير بس اتهاوش معها

وبكلمك عن طبيعة زوجي

زوجي خجووووووووووووووووووووول الى ابعد الحدود
الى درجه انه لي 3 سنوات متزوجين عمره ما اتعرى كامل قدامي ولا اثناءال...... يكون الظلام دامس
وما يخليني اروشه او ادخل معاه البانيو
مع اني حاولت وهو يقول استحي

ما يلفظ كلمات خليعه او جنسيه حتى الكلمات الي عادي تنقال بين الزوج وزوجته ما يقولها بل حاط لها رموز والقاب بيني وبينه

عنده قييم واخلاق وشديد وهو اشد اخوانه

ومعروف بعيلته كلها انه حتى بايام مراهقته كان مؤدب وماله حركات ومضرب مثل

طبيعته يقرف من الشغلات

يموت في بنته موووووووووت يحبها وهو عارف وواعي انه اذا اذى الشغاله ممكن تأذي بنته لانها تجلس معاها فتره طويله

مو قادره اواجهه
ومو عارفه ايش اسوي
يوم قالت لي قلت خلااااااااااص ضاعت حياتي لان لو كلامها صحيح انا مسيحيييييييل اجلس معها لحظه وحده
وقلت ما ادري اشلون بتحمله هالفتره اللين تتضح الحقيقه
بس لقيت نفسي متعلقه فيه اكثر وحابته اكثر يمكن لاني حسيت اني بفقده ما ادري

ملاحظه

هي قالت لي كلمه رنت باذني قالت انك لو مو مصدقة يتشوفين بعينك ؟!!!!!!!!!!!!!!!!
 

نسائيات

New member
إنضم
3 يوليو 2006
المشاركات
1,076
مستوى التفاعل
0
النقاط
0
رد : أ.ناعمه كيف اتأكد زوجي والشغاله

كيف بتشووووفين بعينج ؟؟؟؟؟؟؟؟؟؟؟؟اختي لا تضعفين قدام الخدامه هذي تبا تهدم بيتج
سفريها
وعقب ما تسفريها ناقشي زوجك او حتى لا تفتحين معاه السالفه
هذي شغاله وبما انه ما سوى معاها شيء حقيقي سفريها وفكي راسج من الصدااااااااااااع لا تفتحين عليج باب انتي في عنى عنه وباب القيل والقال
الخدامه تستغلج وتريدج تطلقين
حسبي الله ونعم الوكيل عليهم
 

مرحة : )

New member
إنضم
3 أكتوبر 2006
المشاركات
151
مستوى التفاعل
0
النقاط
0
رد : أ.ناعمه كيف اتأكد زوجي والشغاله

الله يعينك سالفتك سالفة
لاحول ولا قوة الا بالله

بس اخاف هي تألف سوالف....
والله اتوقع انها تتبلى :smoke1:

المهم:::::

انا عندي حل ممكن يفيدك
بس اكيد كلنا بانتظار راي دكتورتنا....


انا سمعت عن قصة واحدة مثل قصتك بالتمام
يوم المرة تشككت بالموضوع
سفرت الخدامة قبل وصول الزوج من العمل
وعندما وصل سأل الزوج عنها؟؟؟

فقالت له: ويييييييييييييييييييييييييه مادريت؟؟؟؟؟
اعذرني تصرفت بغيابك بس الموضوع لا يستحمل انتظار اكثر
فرد عليها: خيييييييييييييييييير؟؟؟ ((وقلبه يرقع)) :no:

فقالت له: طلع فيها ايييييييييييييييدز!!!!!!!! (مرض الايدز الله يعافينا واياكم)
طبعا هذي خدعة منها عشان تظهر الحقيقة
وهي في الحالتين افتكت من الخادمة لانها لو كانت كاذبة فهي نيتها شينة وبتخرب بيتها

المهم هنا يبين على وجه القلق ان كان حقيقة له علاقة فيها او لا :smoke1:


فإنتي هذي الخادمة لالالالالالالالالالالالالالالازم تفتكين منها وتطلعينها من بيتك!!!!!!!!!!!!
سواء صحيح اللي تقوله او تكذب حسبي الله على بليسهم
:crazy:
والله يستر علينا وعليكم
 

أم بسمة الإمارات

.:: اسطورة النساء محررة في مجلة اسرار ابتداء من ا
إنضم
4 يوليو 2006
المشاركات
29
مستوى التفاعل
0
النقاط
0
رد : أ.ناعمه كيف اتأكد زوجي والشغاله

كلام خدامتك صحيح والله اعلم
 
إنضم
9 أكتوبر 2006
المشاركات
2,318
مستوى التفاعل
0
النقاط
0
الإقامة
***عالمي الخاص***
رد : أ.ناعمه كيف اتأكد زوجي والشغاله

حياج الله يا أم بسمة وياهلا ومرحبا فيج معانا من جديد اشتقنالج والله

ولمواضيعج الحلوة .......

كلام ام بسمة صحيح يالورده البلورية .... لكن طبقي كلام نوري لين توصلين للحقيقة

ولا تدخلين في مواجهة مباشرة ..... وحاولي تدخلين ولدج الحضانة خلال الوقت اللي بتكونين

فيه بالدوام ولاتييبين خدامة بالوقت الحالي على الأقل لين تتفاهمين مع زوجج

موفقة حبيبتي :)
 

مرحة : )

New member
إنضم
3 أكتوبر 2006
المشاركات
151
مستوى التفاعل
0
النقاط
0
رد : أ.ناعمه كيف اتأكد زوجي والشغاله

اي بضيف نقطة،،،،
يمكن زوجك يتعمد يهاوشها عشان تحسي انه هو مايواطنها فلو دريتي بالصدفة ماراح تصدقي؟؟
والله اعلم


انتي لازم تتخلصين منها حبيبتي
ان كانت صادقة فخليها تنقلع ديرتها بلا رجعة
وان كانت كاذبة فهي نيتها شينة وبتخرب بيتج
الله يكفيك شرها

اكثري من (لااله الا انت سبحانك اني كنت من الظالمين)
ومن (حسبي الله لا اله الا هو عليه توكلت وهو رب العرش العظيم)
و (اللهم اجرني في مصيبتي واخلفني خيرا منها)

كل وحدة قوليها 100 مرة وان قدرتي اكثرررررررر
وعسى الله يفرجلك
 
إنضم
29 أكتوبر 2006
المشاركات
24
مستوى التفاعل
0
النقاط
0
مشكوره خواتي على الردود

بس انا ما اقدر استغنى بهالسهوله من الشغاله
لان ما عندنا حضانات اقدر ادخل بنتي فيها

ثانيا ايش بقول لاهلي واهل زوجي ما ابغى اكبر السالفه

ثالثا اذا هي صادقه ايش ذنبها اقطع رزقها

رابعا اذا هي صادقه وسفرتها ممكن يجيب شغاله ثانيه وتقبل الي طلبه من الاولى

خامسا اذا طلع الكلام صحيح انا ما رح اعيش مع زوجي لان الي ما يخاف ربه ما رح يخاف من اي شي ثاني

سادسا اذا الكلام صحيح معناه هو خادعني بكل شي بتصرفاته باخلاقه بكلامه وبطبيعته وبقيمه بكل شي كل شي

ادعولي الله يظهر لي الحق
 

المها

New member
إنضم
27 سبتمبر 2006
المشاركات
422
مستوى التفاعل
1
النقاط
0
رد : أ.ناعمه كيف اتأكد زوجي والشغاله

والله أنا مستغربة أختي !!!!!

يعني واحد طول عمره مأدب وحياوي وسنين وانتي تعرفينه تصدقين كلام الشغالة فيه؟؟؟


ترا كان يبي منها الزنا فاهمه شلون؟؟؟ يعني انتي حلاله يستحي منج بيتجرأ عليها هي؟؟؟


يا أختي المكتوب يبان من عنوانه والله انتي أعرف الناس بزوجج وهذا دليل انج ما قدرتي تصدقين يعني مو معقولة قناع يلبسه طول العمر وجات على الشغالة وكشف القناع معاها؟؟؟


والله أعلم هي حسودة وباين عليها الحسد يعني أول شي قالته لج أنج تتطلقين كنها ما صدقت!!!



رايي تاخذين اجازة بدون راتب فترة لي تلاقين مربية ثانية وتسفرين الخدامة بدون ما تنبهينها (أرسليها بيت أهلج وفتشي غرفتها عدل)

ترى والله الحسد هو أساس السحر ان شفتيها ماخذة شي لج والا لزوجج معناتها مسوية لكم عمل...


تراهم يجون من بيوت ينطقون من أزواجهم ويذوقون المر وياهم يعني هي اللي عندها الدافع انها تتبلا مو زوجج!!

واذا تبين تتأكدين بعد ما تسفرينها هددي خدامه بيت أهلج وقولي لها بجيب لج الشرطة اذا ما قلتي الصدق وصدقيني أنا متأكدة انها بتقول كللللللللللللل شي خاصة انها مالها دافع انها تكذب الا لما طلبت منها خدامتج هالشي...

(مقتنعه مليون بالمية ان الخدامة كذابة)!!!!:busted_red:

والله نصيحة صلي ركعتين واستخيري ربج وأرجوووووووووووووووووووووووووووووووووج لا تقولين ما اقدر أستغني عنها شوفي انتي شالمهم عندج حياتج الزوجية والا وظيفتج؟؟؟

والله انتي حسبت أختي وتأثرت واجد من القصة ريحي نفسج من همها وعلمينا النتايج..
 

الود

New member
إنضم
4 أكتوبر 2006
المشاركات
54
مستوى التفاعل
0
النقاط
0
رد : أ.ناعمه كيف اتأكد زوجي والشغاله

الله يكون بعونج
انا من راى انج انتى تعرفين زوجج اكتر من اى شخصا اما الخدامة ماعاشرتيها عشان تعرفينها ؟؟؟؟
وحتى لو الخدامة صاجة بكلامها لازم ماتقعد عندج قدميلج على خدامة ثانية تكون كبيرة بالسن ومن غير ماتدرى هذى وقولى لزوجك هذى تتبلى عليك بس لاتوضحين لة اكثر عشان اذا كان مسوى شى يحس بغلطة واذا كان مضلوم بيبين علية ولاتاخذين وتعطين بالموضوع مع الخدامة وحدة تشجعك بالطلاق هذى وحدة غيرانة ويمكن حاطة عيونها على زوجك بس تنطر تتخلص منك او حاقدة علية عشان مومعطيها وجة انتى ضرورى تسفرينها او تودينها لمكتب من غير ماتعطينها خبر
والله يوفقك ولاتشكين بزوجك دام ماشفتية وتدرين انة موراعى هالحركااات
 

(جوري)

New member
إنضم
23 أكتوبر 2006
المشاركات
5
مستوى التفاعل
0
النقاط
0
الله يكون بعونك
اعتقد ان الشغاله تكذب ولوكان طلب زوجك منها هالشي ماراح ترفض
صدقيني مافيه شغاله ترفض الزنا اذا عرض عليها
مستحيل خاصه اذا كانت اندونوسيه
وليش ماتواجهين زوجك فيها
 

القطة

New member
إنضم
18 أكتوبر 2006
المشاركات
85
مستوى التفاعل
0
النقاط
0
اسمحيلي اختي اقولك ان زوجك يظهر لي انه برئ والله اعلم ،كيف تشكين فيه وانت اكثر وحده تعرفه ؟ولو طلع شيء من ها الكلام صحيح فأكيد هذا مرض نفسي ؟

سفري الشغالة بدون ما تعرف باسرع وقت وجيبي بدالها وحده كبيرة بالسن وانت ماقطعتي رزقها رزقها بيجيها باي مكان خلي الطيبة الزايدة

والله يوفقك
 
إنضم
13 سبتمبر 2006
المشاركات
2,309
مستوى التفاعل
1
النقاط
0
الإقامة
في عالمي .. عالم الأنثى
الموقع الالكتروني
🔗
رد : أ.ناعمه كيف اتأكد زوجي والشغاله

حبيبتي

حل المشكله بسيط جدا و بيدك
سفري الخدامه و اخرجيها من بيتك قبل لا اتخرب بيتك و انت واقفه تنظرين و تولولين

و في الف غيرها

بالنسبة لزوجك .. اياك ثم اياك ثم اياك ان تخبريه بما قالت الخادمة و تواجهيه حتى لو كان غلطان فعلا

حوالي تتقربين من زوجك و تكسبينه اكثر ..
اذا مشكله زوجك الخجل كسري هذه المشكله عنده .. خلك انتي اشجع منه و امطريه بالحب و الكلام الجميل و كلمات الغزل .. اثناء المعاشرة و ايضا في غير اوقات المعاشرة

حاولي اثناء المعاشرة ان تسمي الشيء بأسمه .. كل الرياييل يعجبهم هالشي .. يمكن اهو خايف انك ما تتقبلين او تاخذين عنه فكره او اي شي يدور في باله

الله يطمنك على زوجك و يهديكم و يصلحكم انشالله


بس لا تتأخرين باخراج خادمتك .. و دون ان تعلم
 

جنى

New member
إنضم
25 أكتوبر 2006
المشاركات
107
مستوى التفاعل
0
النقاط
0
العمر
38
الإقامة
السعودية
أعجبتني ثقتكِ بزوجك الله يتمم عليك مو مثل أغلب هالحريم ..

ربي يسعدك ولاتصدقينهم تراهم كذابات وخرابات بيوت .....
 
إنضم
4 أكتوبر 2006
المشاركات
172
مستوى التفاعل
0
النقاط
0
رد : أ.ناعمه كيف اتأكد زوجي والشغاله

مع احترامي ..

احس تصرفج مب طبيعي ..

اشلون قادره بعد اللي سمعتيه منها تتحملينها جدااااااااااااااااااااااامج ..:icon28:

انتي صاحيه ..:flex:

يابنت الحلال ترى اللي ماطاعت المره الماضيه بتطيع المره الجايه .. (( إن كانت صادقه ))

وإن (( كانت كاذبه )) فهذا شي هي تتمنى حصوله ..

لاتعطينها فرصه انصحج .. وعقلج براسج تعرفين خلاصج ..

وديها والله الغني عن الراتب اللي بسببه بتخسرين حياتج
 
إنضم
29 أكتوبر 2006
المشاركات
24
مستوى التفاعل
0
النقاط
0
الله يجزاكم خير
والله اثلجت صدري ردودكم وتفاعلكم

الي مخليني اصبر خواتي اني لازم اتاكد من الموضوع ومارح امشيه بالساهل يعني اذا سفرت الشغاله اللحين وبعدين؟؟!!!
ايش الخطوه التاليه

انا فكرتي وودي انكم تعطوني رايكم فيها

انا اللحين جالسه ارتب لعمره فمكه وودي اخلي زوجي انه يحلف قدام الكعبه وحينها بقطع الشك باليقين
واذا قال انه هالشي ما صار وعشان ما يزعل بقوله انا ما صدقتها بس كنت لازم اتاكد لانها حلفت على القرآن
 
إنضم
2 نوفمبر 2006
المشاركات
5
مستوى التفاعل
0
النقاط
0
السلام عليكم

هذي اول مشاركة لي

بصراحة انقهرت من سالفتك... اسمحيلي اختي

اشلون تنهارين وتبكين قدام الخدامة... واشلون تستشيرينها وتاخذين وتعطين معاها!!!!!!!!!!!!!

انتي اعرف بزوجك.... بس انا عندي احساس من كلامك عنه انه برئ مش راعي هالسوالف... شلون تصدقين خدامة ماكملت معاكي إلا فترة بسيطة وتشكين بزوجك الي عاشرتيه وعارفه ماضيه واهله وتربيته؟؟؟؟؟

لا تكلمين زوجك ولا تخلينه يحلف قدام الكعبة على قولتك.... تراه بيكون شرخ كبير في علاقتكم

سفري الخدامة... هذي شكلها تبي تخرب حياك... فيه خدم من هالنوعية... وممكن تهددين شغالة بيت اهلك بالشرطة علشان تعترف

نصيحة: اذا جتي خدامة ابعديها عنك... يعني مثلا لما يكون زوجك موجود هي ماتطلع إلى المطبخ مثلا او جزء معزول من البيت... لا تشوفك انتي وزوجك تسولفون وقاعدين مع بعض... لا تطلعونها معاكم(اذا طلعتي انتي وزوجك)... لا تسولفين معاها... إلى في حدود شغلها.


الله يوفقك
 

umm_reem

ملكة
إنضم
3 أكتوبر 2006
المشاركات
744
مستوى التفاعل
0
النقاط
0
العمر
42
رد : أ.ناعمه كيف اتأكد زوجي والشغاله

حبيبتي الباب اللي يجي منه الريح سده واستريح....

وسفريها على طول...
وفكي عمرج من الصدعه...اذا كانت صادقه...فعقابها انها تسفرينها...واذا كانت كاذبه عقابها انج تسفرينها بعد...

وقولي للناس اهلج او اهله..او اللي تخافين من كلامهم انها وسخه وما ناسبتج..مو صعبه؟
 
إنضم
12 يوليو 2006
المشاركات
87
مستوى التفاعل
0
النقاط
0
رد : أ.ناعمه كيف اتأكد زوجي والشغاله

أعتقد بشكل جازم أن الخادمة صادقة والله أعلم

وأستغرب لماذا تصر المشاركات في الردود على تكذيبها، بعد أن كانت هناك شاهدتين،

قد تكون خادمتك بالغت قليلا في وصف الأمر، لكنه من الواضح جدا أنه دعاها للمساج، أي قصد إغوائها،

ووصفك له من حيث دينه وأخلاقه لا يعني لي شيء إطلاقا، فتجربتي في عملي جعلتني أتوقع الخطأ من الهادئ الصامت المسالم الوديع الخلوق أكثر من أي رجل آخر.

فبعض الرجال يتقنون فن النفاق.

أما عن كلامك أنه لو فعل ذلك لما بقيت في البيت هذا كلام خارج عن نطاق العقل، فياما سترين، أنت لازلت في بداية الطريق، وكل الرجال لديهم حكايات لا يوجد رجل أفضل من غيره.


أما عن الحل، فأدعوك فورا لعقد مواجهة حاسمة بينهم الثلاثة لحسم الأمر، أولا لتتأكدي من ردة فعله حتى ولو أنكر أنه أقدم على فعلته،
أو احتمال ضعيف أن تكون هي تحرشت به فصدها فانتقمت منه بتشويه سمعته لعل وعسى.
ثالثا: لأن المواجهة ستجعلك تتخذين موقفا قويا معه في حالة إدانته.
لا تتهوري وواجهيه بأدب، أستدعي الخادمتين وقولي له سمعت منهما حديثا فهل سمعت ما قالتاه عنك، ..

وفي مناسبة اخرى سأفرد لكن قصصا وحكايات عن الخادمات واصحاب البيوت،
 

صفاء

New member
إنضم
19 أكتوبر 2006
المشاركات
3
مستوى التفاعل
0
النقاط
0
السلام عليكم

هذه المرة الثالثة التي اشرع فيها بكتابة الرد واتردد وامسح ما كتبته
ولكن نويت باذن الله على الكتابة ..
اختي العزيزة لقد مررت بما حكيتي من قبل .. وكما انكرتي انكرت ولم اصدق ان الزوج الهادئ المسالم الورع قد تصدر منه مثل هالتصرفات
ولكن للاسف صدقت عندما رأيت بعيني
وياليت الموضوع كان مع واحدة بل تكرر مع اكثر من واحدة وحصلت المواجهات واعترف واعترفت .. واحداث واحداث وتتكرر الامور في كل مرة ..
اخرجت الخادمات من المنزل ورفضتهم مع اني موظفة وعندي اطفال صغار .. ولكن الامر اصبح كالهواية فبحث عنهم في الخارج والفنادق والمراقص فيها الخير والبركة

والنتيجة اني منفصلة بلا طلاق منذ 3 سنوات ... يريدني ان ارجع ولكني كرهته وفقدت الثقة به تماما

اتمنى ان اعرف رد الاستاذة ناعمة

لدي الكثير لكن الموضوع مؤلم بالنسبة لي كثيرا
اتمنى ان تصلي الى نتيجة افضل مما وصلت اليه

مع تحياتي
 

ســاره

New member
إنضم
12 أكتوبر 2006
المشاركات
579
مستوى التفاعل
0
النقاط
0
كلام الاستاذه صحيح.........


الرجل قادر على تمثيل الدور باتقان..

وراح اذكر لك سالفة بنت عمرها 15 سنه تستحي من ظلها
وباين عليها الخجل........
الشغاله قبل لاتسافر قالت لي..(( انا مااصدق ان هذي البنت اللي قدامكم هي اللي اشوفها واحنا بالبيت لوحدنا))
تجيب افلام وتتفرج.....
وتناديني وتطلب مني اعلمها كيف الزوجين يمارسون الــ...

انا صدقت الشغاله ..لسبب
انا لا امها ولا اختها..
ولا حتى خالتها........

اعتقد انها فعلا صادقه ولقتني انا بعيد عن العيله وتبي تفضفض..

فحكايتك ذكرتني في هالبنت....
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى