أ. ناعمة.... زوجني كافأني خووووش مكافأة

احصائياتى
الردود
53
المشاهدات
7K

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
أ. ناعمة.... زوجني كافأني خووووش مكافأة
بعد تردد كبير قررت اكتب لك ..بس ماادري من وين ابدأ وكيف ابدا قصتي المعقده باختصار تزوجت واحد خدعني بلحيته الطويله وثوبه القصير طلب مني انه بداية زواجنا يكون في السر لمدة سنة علشان بينه وبين ابوه وأعمامه مشاكل وراح تنحل وافقت لأني ما كنت شايفه فيه أي عيب وعلشان وقف مع أهلي في مشكله كبيره صارت لهم(وهذه الطامه الكبرى) و قلت الحمدلله الله استجاب دعائي ورزقني الزوج الملتزم اللي راح يعوضني عن أشياء كثيره في حياتي ولكن للأسف كان التزامه على كيفه يحلل اللي يبيه ويحرم اللي يبيه.
تزوجني وانا موظفه وناجحه في عملي ومشهوره في المنطقه اللي انا اشتغل فيها بعد زواجي صارت مشكلة كبيره بسبب زوجته الأولى يوم عرفت بزواجنا زعلت واخذت عيالها وهربت مع اخوها لبيت أهلها اللي ساكنين في مدينه ثاني بعيده،تدخلوا أهلها وطلبو منه انه يطلقني علشان هي بنت عمه وام عياله وانا غريبة عنهم، سافر عندها وما رضت ترجع، مرت ثلاثة شهور والوضع على ماهو عليه قلت له خلاص مدام حنا في بداية الطريق طلقني وبلا ها المشاكل كلها قال ما اقدر انا احبك وما اقدر استغنى عنك. بعد كم يوم قال لي ايش رايك اطلقك طلقه وحده بس على الورق علشان نحصل على اثبات من المحكمة اني طلقتك أوريه زوجتي واهلي ووافقت لأني كنت احبه اولاً وعلشان اطفاله ثانياً لأني أحب الأطفال جدا جدا وفعلاً طلقني لمدة يوم واحد ثم رجعني ورجعت زوجته وأولادها وعشت أنا زوجة في السر يجلس معي طول اليوم وفي الليل يروح ينام عند زوجته الأولى وكنت مبسوطه لأني ساكنه جنب أهلي وكل ليلة تجي وحده من أخواتي تنام عندي وطول النهار هو عندي .. فتح مركز نسائي ووظفني عنده بعد ما خلاني استقيل من شغلي قبل زواجي منه بفتره بسيطه في الأول كان يعطيني راتب معقول ويصرف علي بعد مدة تغير صار ما يعطيني راتبي إلا بطلوع الروح وقلل الراتب للنصف سكت ومشيتها يأخر علي الراتب علشان يطفشني وما اطالبه فيه واذا طلبت فلوس للعلاج أو السوق أو أي احتياجات يقول لي عندك راتب اصرفي على نفسك.. منه شوي شوي صار شهر يعطيني وعشره لا صرت اتفشل من لبسي الموظفات اللي عندي يلبسون احسن مني وما اقدر اعزم صديقاتي لانه ما كملي أثاث البيت كل مره يقولي اصبري شوي بجيب لك أثاث على ذوقي مره حلو،، وطبعاً ما شفت شي غير اشياء كثيره حرمني منها...وفوق هذا كله لا تشجيع ولا حتى كلمة يعطيك العافيه المركز اللي اديره كل يوم من نجاح الى نجاح اكبر وتوسع حتى صار اكثر من اربعة فروع في أقل من سنتين ومكافأتي هي : يافاشله .. ياعديمة الفايده .. يا سبب الخساير لي في حياتي {مع انه اصبح من كبار تجار المنطقه وفلوسه بالملايين في البنوك من ورى ايراد المراكز اللي اديرها كلها}...الخ من الالفاظ وفي مره من المرات تكلم علي بكلام جارح جدا وكنت وقتها استعد لزيارة عمل علشان اوقع له عقد صفقه جديده مع احد الجهات الحكوميه بس بعد كلامه ما قدرت اروح زعل علي وقال بتروحين غصب عنك اصلاً انتي مثل الآلة عندي احركك بالريموت كنترول وكل هذا الإنجازات بفضلي انا وانتي ما منك فايده جرحني الكلام مره وما رضيت اروح معه للزيارة طلع وهو زعلان وبعد ساعه اتصل وقال انا فصلتك من المركز وما لك أي مكان فيه واختفى لمدة اسبوعين مايدري عني بغيت اموت من القهر توني عروس ما كملت سنة ويصير لي كل هذا !!!حملت بطفلي الأول بعد زواجي بسنه تقريبا والله يوم سمع الخبر كأنه سمع خبر موت احد من أهله وتحسب علي وطلع من البيت ما يدري عني ولا ادري عنه تعبت حالتي النفسية وزادها الوحم اجلس شوي في بيتي وشوي عند اهلي آكل او اشرب عندهم وانا مستحية منهم، مطبخي كسرة الخبزه ما فيه وانا ما عندي ريال اصرفه على نفسي المهم رجع بعد شهر وكأن ما صار شي وحسن تصرفاته شوي و يسمعني في الكلام الحلو هذا علشان ارجع للمركز لانه الشغل تلخبط والإراد قل بعد الكم شهر اللي وقفني فيهم عن المركز.ما حبيت اطول السالفه وعديتها وداومت.صار من فترة لفترة ينكد علي ويفتعل المشاكل بسبب ومن دون سبب وكل مره يتمنى انه اللي في بطني يطيح او يموت. طول فترة حملي و نفسيتي الله العالم فيها.ولدت وجاني ولد ماشاء الله من اجمل الأطفال وكل ما كبر صار احلى واحلى وبشهادة الجميع ... وصارت اشياء كثيييييييره ماابي اتذكرها بس من ضمنها انه يقول لي بالحرف الواحد انا ما احب ولدك وكأنه مو ابوه وفعلاً ترجم هذه الكلمة عملي لا يلاعبه ولا يضحك في وجه واذا مرض يقول لي هاتي له مضاد او أي شي من الصيدلية علشان ما يدفع مصاريف العياده ولا يشتري له ملابس واذا قلت له اشتري له ملابس قال انا ما اشتري له إلا كل عيد!!! تخيلوا طفل يكبر كل شهر وينتظر العيد علشان يلبس؟؟؟واذا تناقشت معه في هذا الموضوع قال انا ما اصرف على طفل جاء من غير رضاي اوموافقتي..انتي جبتيه انتي اصرفي عليه مالي دخل فيه!!!وعياله من حرمة الأولى يوديهم افخم المحلات ويشتري لهم اغلى الماركات.حملت بالطفل الثاني مع اني كنت آخذ حبوب منع حمل بس سبحان الله إذا اراد الله شيء فإنه يقول له كن فيكون. وتكرر نفس النكد ونفس الكلام الجارح اللي كان يقوله لي في حملي الأول وجبت بنت الحين عمرها اربع اشهر للحين مااشترى لها ولا شي تعرفون ايش يعني ولا شي . اصلا يوم رحت المستشفى اولد اخوي وامي اللي ودوني وانا دفعت مصاريف المستشفى لانه رفض يدفع ريال واحد. ولا تقولون ما عنده. ارصدته في البنوك بالملايين.. هذا غير انه قام يعيرني بانه حل مشكلة اهلي ودفع مبلغ وقدره علشان تنحل مشكلتهم وطالبهم بسداد المبلغ مع انه اول ما ساعدهم قال هذ مساعده مني لوجه الله وما ابي منكم رد المبلغ بس بعدين رجع في كلامه.. وصار كل يوم يسمعني ابشع الكلام عني وعن اهلي وانه هو راعي فضل ومعروف علينا واهلي حرامية ونصابين وكلام والله استحي اقوله لا تقدير ولا احترام لهم او حتى لي لدرجة انه يسميهم يهود واهلي والله العظيم مسالمين لدرجه كبيره وفي حالهم. غير افعاله معهم اللي تشيب الرأس وكل شوي يقول انتي السبب خليتيني اساعد اهلك وهم مو كفو علشان كذا لازم انتي تدفعين الثمن وفعلاً خلاني ابيع كل ذهبي واعطيته فلوسه ما ترك عندي إلا خاتم الزواج عشان افتك من نكده وما خلى عندي ولا قرش في البيت وإلا اخذه حتى كمبيوتري في البيت خذاه مني وباعه لدرجة اني شريت هذا المحمول اللي استخدمه الحين من غير ما يدري استخدمه اذا كان برا واذا جا اسكر عليه الدولاب علشان ما يشوفه و ياخذه ومع هذا كله ما سلمت من لسانه .كل هذا وانا صابره اقول ان شاء الله صبري بيجي بفايده وآخرتها لفت عليه وحده من برا من اللي انتم عارفينهم تذكرني في تصرفتها ورسايلها اللي اقراها في جواله بــ (روزا) في حكاية ام بسمة .ً عرفت سالفتهم من سنتين تقريباً ولما واجهته قال لي انها هي اللي تلحقه وهو ماله ذنب ومن ها الكلام وراح يمسح رقمها من جواله وفعلاَ قاطعها فترة بس هي ما تركته في حاله عليها اصرار فظيع وظلت وراه وراه لين ما جابت رجله والحين صار ما يستغنى عنها كل يوم رسايل ومكالمات مع انها في خارج السعودية والله الكلام اللي ترسله له انا زوجته استحي اقوله..ومره جا يقول لي ايش رايك اتزوجها هي تحبك كذا بكل وقاحه ؟؟؟ قلت له ليش ايش ناقصك علشان تتزوج علي شايل لك البيت والشغل على راسي وعمرك ما طلبت مني شيئ إلا ونفذته لك وراضية اني اكون زوجه في السر وتكون هذا مكافأتي يسكت ويغير الموضوع بس بعد ما قرأت قصة ام بسمه صرت اسوي نفسي ما ادري عنهم واطنش بس من كم يوم شفت رساله ما اذكر ايش فيها إلا انها كتبت له (حبيبتك وزوجتك) ما ادري ايش تقصد من هذا الكلام هل هو فعلا تزوجها طيب اشلون ومتى وكيف وهو لا سافر ولا تحرك من المدينه اللي حنا عايشين فيها؟؟؟؟
ارجوك أ. ناعمه ساعديني انا راح اموت من القهر والظلم جردني من كل شيء من وظيفتي ..من نجاحي .. من استقراري .. اليوم اخذت من اخوي شريحة جوال جديده ما يستخدمها علشان اسجل في المركز بعد العيد بس والله مو قادره اصبر اكثر من كذ الأحداث كثيره بس ما اقدر اكتب اكثر من اللي كتبته الحين صار لي ثلاثة أيام ما اقدر لا آكل ولا آنام ارجوكم خواتي ادعو الله انه يصبرني.. الله يفرج همكم وهم كل مسلم.
 

العذوبة

New member
معلومات العذوبة
إنضم
12 يوليو 2006
المشاركات
1,408
مستوى التفاعل
0
النقاط
0
رد : أ. ناعمة.... زوجني كافأني خووووش مكافأة

معلش اختي الرياييل مادري شو مستوي فيهم موشايفين خييير ولاهو فيروووووووس يصيبهم

والله انا مستغربه من هالريايل .............:icon28:

عموما الغاليه اصبري اليييين مالله يفرجها عليج

وان شالله الدكتوووره مابتقصر وياااااااااج ويتساعدج

الله يصبرج عزيزتي ويفرج همك وكربك ان شالله ..........اللهم آميييييين
 

نسائيات

New member
معلومات نسائيات
إنضم
3 يوليو 2006
المشاركات
1,076
مستوى التفاعل
0
النقاط
0
رد : أ. ناعمة.... زوجني كافأني خووووش مكافأة

اختي ربي يعينج على بلواج بس اسمحي لي انتي سبب همج وتعاستج لانج من البداية انتي واهلج رضيتوا بهذا الوضع الشاذ لعلاقتج بزوجك مادام اهلج رضوا بزواج السر وانتي رضيتي فيه من هذي اللحظه طحتم من عين زوجك وتنازلج له مره بعد مره خلاه يركب فوق راسج رغم انه كل شيء بيدج
الله يعينج ولي عوده ربي ينصرج
وبنشوف رد الاستاذه
 
معلومات طيري الأخضر
إنضم
9 أكتوبر 2006
المشاركات
2,318
مستوى التفاعل
0
النقاط
0
الإقامة
***عالمي الخاص***
رد : أ. ناعمة.... زوجني كافأني خووووش مكافأة

كلام حكاوينا عدل ............. حبيبتي تنازلتي عن اشياء وايد باسم الحب وللأسف هدى النتيجة .......

الأمور كلها كانت تحت ايدج خاصة لمن ردج المرة الثانية كان لازم تحطين شروطج مو بكل سهالة تتنازلين وتردين له .....

هدا انسان جاحد ما يخاف الله ....... وشافله وحده مثلج ينقص عليها ...... ويلعب باسم الحب عليها ..........

لا تزعلين مني حبيبتي بس هدى الحقيقة المرة ..... والله يفرج عنج​
 
معلومات القلب الكبير
إنضم
13 سبتمبر 2006
المشاركات
2,309
مستوى التفاعل
1
النقاط
0
الإقامة
في عالمي .. عالم الأنثى
الموقع الالكتروني
www.oonthaa.com
رد : أ. ناعمة.... زوجني كافأني خووووش مكافأة

لا حول ولا قوة الا بالله
لله يعينك يا اختي على ما ابتلاك ربك
فعلا حالتك ذكرتني بحاله ام بسمه

انشالله ننتظر رد الدكتوره عليك بأقرب وقت
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

الحزينة..القلب الكبير..مشكورين خواتي على مروركم.والله يسعدكم دنيا وآخره
حكاوينا .. حبيبتي ابي اوضح لك شي يوم تزوجته الكل عرف بزواجي وسويت حفله عوده وعرس حلو ما بقى احد ما حضر !!! نقطة السرية في زواجنا انه أهله وزوجته هم بس اللي مايدرون عن سالفة زواجه علشان خلافات قديمه بينهم وراح يعلمهم بعد سنه واحده .. يعني بعد ما يصالح أهله بنسافر عندهم ويقولهم هذا اللي قال لنا عليه وعلى هذا الأساس وافقنا وفي نقطه ثانية خلتني استحي واوافق لو قرأت القصة مره ثانية راح تعرفينها ((ساعد أهلي في مشكلتهم الكبيرة ومو اي مشكلة مشكلة حياة أو موت)) وهو استغل هذه النقطه صح ..على فكرة في ثلاثة من افراد عائلته يعرفون بزواجنا ويزوروني كل ما جو عندنا في المدينة اللي نعيش فيها اما الباقين لا ان شاء الله وضحت الصوره؟! الله يوفقك ويسعدك
طيري الأخضر.. طلاقي منه كان مجرد طلاق صوري فقط ومتفقين عليه ..نقطة الخلاف مو هذه نقطة الخلاف في اسغلالي
وحرماني من حقوقي الشرعية وكل ما فتحت فمي بكلمه معاه قال انا صح اجرحك بكلامي بس احبك وما اقدر استغني عنك احس انه انسان مريض نفسي لانه كل ما زاد نجاحي في شغلي كل ما زادة قسوتي علي..الله يوفقك ويسعدك​
 

نسائيات

New member
معلومات نسائيات
إنضم
3 يوليو 2006
المشاركات
1,076
مستوى التفاعل
0
النقاط
0
رد : أ. ناعمة.... زوجني كافأني خووووش مكافأة

اختي انا اسفه فهمتج غلط
اختي ريلج من النوع اللي يخاف ما يستحي يعني حقوقج عشان تاخذينها منه لازم تتصرفين بحزم وبقوه
اولا لازم تفهمينه انهم عيالج وعياله يحملون اسمه لو ما حب يصرف عليهم بالزين راح تشاكينه وتفضحينه عند الاولي والتالي وتطلعين سواد الوجه وتاخذين نفقة لعيالج وهو يضحك
بعدين بالنسبة لشغلج لا تشتغلين عنده دوري لج شغل ثاني في مكان ثاني ابرك لج عشان ما تكونين تحت سيطرته اما خياناته انتي لا تدخلين فيها ممكن تمررين الموضوع للحرمه الاولى اللي هو شكله يخاف منها موت و تخلينها تهدم المعبد على العابد
وربي يوفقج وبعد شوفي محاضرات الاستاذه ناعمه
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

حكاوينا قال:
اختي انا اسفه فهمتج غلط
بعدين بالنسبة لشغلج لا تشتغلين عنده دوري لج شغل ثاني في مكان ثاني ابرك لج عشان ما تكونين تحت سيطرته اما خياناته انتي لا تدخلين فيها ممكن تمررين الموضوع للحرمه الاولى اللي هو شكله يخاف منها موت و تخلينها تهدم المعبد على العابد
وربي يوفقج وبعد شوفي محاضرات الاستاذه ناعمه
مشاء الله عليك اختي حكاوينا كلامك عين العقل ويدش القلب.. والله انك تتكلمين عن صفاته كأنك تعرفينه!!!
بس موضوع اني اشتغل عن غيره والله ودي بس هو حالف يقول لو ما تشتغلين عندي ما راح اخليك تشتغلين عند غيري وعلشان يضمن هذا ماخذ كل اثباتاتي واوراقي الرسمية ومقفل عليهم في التجوري (الخزنه) عنده:dunno:
وسالفة خيانته والله اني احس قلبي يحترق وهي تتصل عليه كل شوي وهو عندي يسكر الخط في وجهها علشان تفهم انه عنده احد وما فيها فايده تتصل وتتصل ...عليها اصرار غريب !!!فكرت اني اطلب الطلاق وافتك مثل ما يقولون (وجع ساعة ولا وجع كل ساعة)بس بعد ما قرأت قصة ام بسمة الله يحفظها وبراعة أ. ناعمة الله يوفقها قلت احاول محاولة اخيره واستشيرها والغريق يتعلق بقشة. الله يوفقك ويسعدك .
 

نسائيات

New member
معلومات نسائيات
إنضم
3 يوليو 2006
المشاركات
1,076
مستوى التفاعل
0
النقاط
0
رد : أ. ناعمة.... زوجني كافأني خووووش مكافأة

حبيبتي انتي بديتي مشوار لا تهدينه لحد ما تفقدين الامل تماما يعني انتي تزوجتي هذا الريال وعندج منه عيال وعيالج لهم حق في الحياه في ظل اسره بالطيب بالغصب لازم يحبهم
بعدين لازم تفكرين كيف تفتحين التجوري ؟؟؟؟
هل مفاتيح التجوري في البيت ولا دوم يشيلهم معاه ؟؟؟
اذا دوم يشيلهم معاه في علاقة مفاتيحه الليك التالي :-
اذا جاء ينام عندج حتى ولو ساعه خذي المفاتيح و كوني مجهزه قالب صلصال وضغطيهم عليه او اتفقي مع احد من اخوانج في نفس اللحظه يكون موجود من يحط راسه تعلثي باي شيء وطبعا خذي المفتاح عطيه لاحد من اخوانج يروح وينسخه لج على وجه السرعه بس الكتمان ثم الكتمان وخلي عندج نسخه من مفتاح التجوري .
اذا ما نفعت هذي الفكره وما قدرتي تستفردين بالمفتاح في البيت في المكتب يعني بس بدون ما يحس فيج كانه حط المفتاح في مكان وضاع المفتاح وقعدي دوريه معاه وكانه شيء لم يكن لحد ما ينسخ لج احد اخوانج المفتاح ورجعيه
بعد ما تاخذين المفتاح فتحي التجوري وخذي لج نسخه من كل ورقه رسميه وخاصه ورقة الزواج والرجوع والطلاق
وراق عيالج الرسميه يعني لا تخلين شيء ما تكون عندج نسخه منه
واحتفظي فيهن
و ابدئي دوري لج على شغل بعيد عن شغله لانه الريال مسترهنج عشان كذا ما يعطيج معاج في وايد ناس مثل اطباع زوجك خيرهم لغيرهم مو لاهلهم ويمكن كرمه مع زوجته الاولى مش عشان زوجته لانه من خياناته وزواجاته باين انه ما فيه حب بس فيه خوف اما منها او من اهلها ونفوذهم والله اعلم
بعدين انتي لما بذكرج بدين اهلج قول له ما عليك على اهلي حق خلاص دينك وصلج من فلوس ذهبي كوني قوية وواثقه
زوجك فيه نفاق ورياء وانتي لازم تستغلين هذي النقطه جيدااااااااااااا
تعرفين كلامه ما اريد اطفال معناته زواجه منج كان للمتعه يعني لوقت معين وبعدين بفل ربطيه باليهال وجودهم امام عينه يمثل القيد بالنسبة له بس هذا قدر رب العالمين ورزق من رب العالمين لج والحمدلله راح يكونون عون لج انشاء الله والله يطرح فيهم البركه
لو كان في قلبه ذرة ايمان كان رضى بالقضاء والقدر وما عامل اعياله مثل ما يعاملهم بس لانه فيه نفاق والله اعلم يسوي اللي يسويه يعني يهمه الفشره والمظاهر
بس خبريني لو حرمته الاولى عرفت بزواجه منج راح تطلب يطلقج ؟؟؟؟
لانج لو مررتي سالفة الخيانه للزوجه الثانيه يمكن تعرف بوجودج و تهدم بيتج لانه باين لها سلطه وقوه عليه بس ما فيه حب
لو تقدرين تعرفين من المراه الاخرى ؟؟؟؟وتعرفين حركاته وسكناتها
واذا كان زوجك يروح عندها ولا لا ؟؟؟
وهي حبيبتي مستقويه وتعرف انج ضعيفه وما راح تسوين شيء وباين زوجك مخبرنها عنج وتعرف عنج كل شيء وهي ما حابة زوجك حابة بيزاته
واتبعي سياسة اعرف عدوك قبل كل شيء
واريد اعرف شو دور الهيئة عندك في السعوديه يعني تستر على الواحد ولا تطبق الحد يعني رجل متزوج زنا تطبق عليه الحد ؟؟؟وافيني بكل هذا
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

ما اقول إلا ما شاء الله لا قوة إلا بالله اختي حكاوينا تحليلك واستنتاجاتك صحيحة100%100 بس للاسف التجوري مو عندي بالبيت في بيته الثاني أو في شركته ماأدري والله!!!
بالنسبة لحرمته الأولى هي تشك اني على ذمته بس ما أظن تقدر تسوي شي غير شويت مشاكل بس راح أحاول أتأكد أما بالنسبة لعشيقته اللي يكلمها هي في بلدها خارج السعودية( ال م غ ر ب ) يعني سوالفهم هذه كلها حكي بالتليفون وتبادل صور ورسائل والشي اللي خلا الدنيا تدور فيني اليوم انه معرف عشيقته على خواته ويخليها تكلمهم ويكلمونها على أساس واعدها بالزواج ويبيها تتعرف عليهم وأنا محرم علي وقال لي اليوم بالحرف الواحد لو بتعلمين أهلي انك على ذمتي راح اطلقك بالله عليك مو شيئ يقهر بنت الشوارع اللي متعرف عليها بطريقة غير مشروعة وما يدري أصلها من فصلها وما يدري عن أخلاقها يخليها تكلم خواته وانا زوجته حلاله يهددني. واليوم تهاوشنا هوشه كبيرة علشان هذه السالفه راح قال لي أنتي لو اتزوج عليك عشر مرات المفروض انك ما تفتحين فمك بكلمة انتي ناسية أهلك الحرامية النصابين ما كملولي باقي فلوسي للحين!!!وفي هذه اللحظة التافه اللي يكلمها تتصل ويصكها بوجهها قلت له عادي كلمها ما تفرق معي هذا كله وانا ماسكه أعصابي ما ابي اضعف وابكي قدامه احس انه دموعي اعز من انها تنزل علشان واحد نذل زي هذا.. بعدين جلس يحاول يقنعني انه عادي لو تزوجها ما فيها شي المهم طفشت منه وقلت له طلقني وروح سوي اللي تبيه وسكت وما عاد كلمته جلس شوي وبعدين قام ضمني وقال انا احبك ويشهد علي ربي وانا صايم اني احبك ما رديت عليه ولا تحركت من مكاني باسني على راسي وطلع. اتصلت على أمي من القهر وخليتها تجي عندي وعلمتها بالسالفة قالت احسن حل انك تتركين له البيت واذا ما تعدل اطلبي الطلاق.. والله تعبت احس انه مريض نفسي مليت منه ومن مشاكله اشلون يقول يحبني ويعذبني كل هذا العذاب!!!!!! رحماك يا رب./I]
 

مرحة : )

New member
معلومات مرحة : )
إنضم
3 أكتوبر 2006
المشاركات
151
مستوى التفاعل
0
النقاط
0
رد : أ. ناعمة.... زوجني كافأني خووووش مكافأة

يا حياتي مالي الا ادعولك
:no:

الله ياجرك يارب ويعوظك خير
وان كان منه رجا يوفقك معه ويصلح حاله
وان كان غير ذلك يعوظك ويرزقك باحسن منه
:sadwalk:
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

مشكوره اختي noori على مرورك واهتمامك ... والله يبعد عنك الهم والكدر ويوفقك ويسعدك دنيا وآخره.
 

القطة

New member
معلومات القطة
إنضم
18 أكتوبر 2006
المشاركات
85
مستوى التفاعل
0
النقاط
0
اسمحيلي يا اختي

والله حاسة انه ما يحبك ولا شيء بس تركك عنده عشان تديرين مشروعة يمكن لأنه مستأمنك

وهذا النقطة الي لازم تستغليها زين وان شاء الله البنات يساعدوك بافكارهم
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

مشكوره اختي القطه على مرورك جزاك الله خير ..
الله يكتب اللي فيه الخير والحمد لله على كل حال.
 

غدير الحب

Active member
معلومات غدير الحب
إنضم
24 أكتوبر 2006
المشاركات
1,181
مستوى التفاعل
2
النقاط
38
الإقامة
الفجيـــــــــــــرة
هلا الغالية

الله يعينج

بس من قرأتي حسيتانه زوجج ما يخاف منحد ويباله حدي خوفه صح
اذا حقج ماقدرتي تاخذيه منه

في محاكم شرعية اكييدعندكم ..تقدري تستخدميهاااااااا في حالة انه ماعطاك مصروفك واحتياجاتك

لذلك خلج قوية وامتنعي عن العمل معاااه واذا بيأذيج ويمنع عنج المصرووف اتجهي للمحاكم الشرعيةليس للطلاق لا بل انه يتعهد يعطيج حقج

اوكلمي حد عندكم له وزن وعليه انه يسمعه

في رجاااال يقعدون يدلعووون الحرمة عسب تلين وهم مثل ما هم بس مصالحهم تمشي....


نصيحتي تذكرين الله وتفكرين بحل واتكلي ع ربج واي حل وسويه لانه حقج

هذا الزمن يباله قوةقلب

والسموحة
 

احب الله

New member
معلومات احب الله
إنضم
14 أكتوبر 2006
المشاركات
453
مستوى التفاعل
0
النقاط
0
اختي عابرة سبيل الله يعينك ويهدي زوجك ويصلح لك اولادك نصيحتي لك الصبر والدعاء وخصوصا في اوقات الاجابه المعروفة وهي :وقت السحر وبين الاذان والاقامة واخر ساعة من يوم اجمعة ولاتياسي من رحمة الله
وعند ك دكتورتنا الغاليه ان شاء الله ما بتقصر معك وللامانه وعن تجربه ذهبت اليها وانا محتارة ثم خرجت من عندها امرآة آخرى فقد غيرت لي تفكيري تماما واصبحت افكر بطريقة ايجابيه ومختلفة عن السبق ولازلت على الدرب اتعلم منها
انشاء الله تخرجي من هذه المحنه قويه بارك الله فيك واسعدك
 

وهم79

New member
معلومات وهم79
إنضم
31 أكتوبر 2006
المشاركات
1,084
مستوى التفاعل
1
النقاط
0
السلام عليكم
اختي الغاليه هذي اول مشارك لي في المنتدى لكن قصتك غريبه
يالغاليه ما ابي اخرب زواجك لكن وش الي انت مستفيده منه من هذا الزواج
يعني لايصرف على اولادك(قصدي اولاده)
لايهتم فيك بس اهانه وسب عليك وعلى اهلك (يعني موشايل حشيمه لا لك ولا لاهلك)
لابيت مثل الناس ولا اهل زوج تشكيله ولدهم
طيب موب حرام عليك متنازله عن كل حقوقك
شهاده وعندك تقدري تتركيه (ولو اوراقك عنده اي محكمه تقدر تجيبها او تقدري تطلعي بدل فاقد)
تقدري تاخذي مصروفك ومصروف عيالك من المركز الي انت ديريه ولك الحق شرعا
اختي ليش انت متهاونه في حقوقك
وش بسويك لودروا اهله ولا زوجته يعني الي كلمها احسن منك في اش
انتي بعد مرته وام عياله ومثل ماهو مراعيها لازم يراعيك ولو كانت بنت عمه ماحد جبره يتزوجك
بعدين ليه تسمحيله يقولك (انت لو اتزوج عليك عشره000000000)ليه وش فيهم العشر احسن منك
((اسفه اختي كلامي قاسي لكن والله حرام عليك عندك عيال تبي تربيهم فكري لعشر سنين قدام وش صير لعيالك ما يعرفون اهلهم ولا اب سائل فيهم ))
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

خواتي :غدير الحب،احب الله،وهم79،، مشكورين حبايبي على مروركم وجزاكم الله خير .. انا في قرارت نفسي قررت اني اتركه بس ماراح اتركه حتى اطلع الجديد والقديم مثل ما يقولون لأني اكتشفت أشياء كثيرة عنه تشيب الرأس وعلى فكرة استخرت في يوم من أيام في العشرة الأواخر المباركة من رمضان ومره وانا نايمةربعد صلاة التراويح ما حسيت وإلا تلفون بيتي يرن تخيلوا من طلع على الخط ؟؟؟ طلعت وحده من اخواته ما ادري اشلون عرفت واخذت تناقشني في موضوع زواجي من أخوها بكل أدب واحترام وطارت من الفرحة يوم عرفت انه عندي عيال منه .. وصارت تكلمني بشكل شبه يومي تتصل وتسلم علي وتحاول تصبرني على ظلم أخواها وعلمت اختها الثانية ووعدتني انها راح تعلم بقية الأسرة وأمها وأبوها في الوقت المناسب. طبعاً هو ما يدري انه اخته عرفت . ولله ما عاد يهمني الحين عرفوا ولا لأ المهم عندي كيف اعطي زوجي والتافهة الحقيرة بنت الشوارع اللي يكلمها درس ما ينسونه لأنه جاني أمس بكل وقاحه يقول انا كنت أكلمها وراح اكلمها واتزوجها واللي عندك سويه الشرع حلل أربع وانا حر (( ما ادري اي شرع هذا اللي يحلل له يغازل وحده تعرف عليها عن طريق النت علشان يتزوجها ؟؟!!!)) اللي قاهرني لو تشفون شكله تقولون هذا من عباد الله الصالحين الزاهدين ...سبحان الله :icon28: المهم انا راح استشير أ. ناعمة علشان ما اتسرع في شي اندم عليه ومثل ما يقولون (ما ندم من استخار و ما خاب من استشار) وبعدين لكل حادث حديث.آسفه طولت عليكم.
 

وهم79

New member
معلومات وهم79
إنضم
31 أكتوبر 2006
المشاركات
1,084
مستوى التفاعل
1
النقاط
0
اختي الغاليه الله معك في كل خطوه تخطيها
ونشاء الله ربي يدلك على كل شي فيه خير لك ولاولادك :a194:
 

عابرة سبيل

New member
معلومات عابرة سبيل
إنضم
1 أكتوبر 2006
المشاركات
104
مستوى التفاعل
2
النقاط
0
رد : أ. ناعمة.... زوجني كافأني خووووش مكافأة

وهم79 مشكورة حبيبتي ... الله يسعدك دنيا واخره ويحفظ لك عيالك وزوجك ويصلحهم لك يااااااااااااااااارب.
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه