بالعكس اخالفك الرأي احلى من الجنوبي مافيه!!
وبعدين اصابع يدينك مو سوى
لكن تاكدي ان الحياة هذي جهاد
كانت مع جنوبي ولا شمالي ولا حتى مع واحد ماله شخصية
البنت لما تتزوج لازم تفهم انها بتعيش مع ذكر !!
والذكر هذا لاهو ابوها ولا اخوها ولا عمها ولا خالها!!
انسان عاش في بيئة تختلف عن بيئتها مهما كانت بيئاتهم متقاربه الاختلاف امر اكيد!!
فلازم اللي تقدم على الزواج تكون قد تحمل المسؤولية وعندها الصبر وطولة البال
اللي تقدر عن طريقها تغيير في طبائع زوجها السيئه وتتغير هي بعد بما يتناسب مع حياتها الجديده
ولازم تفهم ان التغيير ماراح يكون اليوم ولا بكره وممكن ماتتعدل الحياة بينهم وتكون مضبوطه الا بعد مايزوجون عيالهم
يعني وقت الحاجه الحقيقي للمراة وقت ماتكبر وتتعب وتصير فعلا محتاجه سند وعضد في الحياة
لان وقت شبابها الحمدلله بصحتها فتقدر تقوم بنفسها
قريبتي احكي لك قصتها بإختصار
(تقول تزوجت قبل 25 سنه من زوج عصبي عصبي عصبي حد اللي ممكن يقتل من عصبيته
وتحملت اشياء لايمكن تتخيلونها تقول يجي وقت اطفش وامل واتعب لكن في النهاية الصبر هو الحل
زوجي له حسنات مثل ما له عيوب فااذكر نفسي بحسناته كل ماطفشت منه
وبعد 25 سنه بعد القوة والشباب ولما صرت فعلا محتاجه احد يهتم ويعتني فيني ويداري نفسيتي
لقيته احلى رجل في الدنيا عصبيته طوعتها وصار معاي هادي ورايق والناس حتى لاحظو تغيره مع مرور السنين
تقول انا صرت عصبيه ومااتحمل شي وصار هو يتحمل ويسمع مني اشد واقسى العبارات
ومع هذا ماتأفف ولا يضجر بالعكس يطبطب ويحن وكل سنه اتقدم فيها من عمري هو يزيد
حنيه وحب وكل مره اجلس معاه يقول ماشاء الله عليك مثلك في الدنيا ماالقى
صبرتي علي رغم انه ماينصبر على اطباعي وعصبيتي!!
سبحان الله وقت الحاجه الحقيقي لقته عندها
والحياة مثل ماقلت جهاد
خلق الانسان في كبد
لا راحه في الدنيا لذلك نعمل من اجل الجنه!!
صحيح اوقات كثيره نطفش ونمل ونتعب وحتاج شحن
وهذا امر طبيعي في اي انسان
لكن الحمدلله اننا مسلمين ونعرف من وين مصدر قوتنا
ركعتين نطلب الله العون والصبر والقوة
ومايضيعنا سبحانه..
