أول مشاركة لي لا تردوني

[أم الحلوين@]

السلام عليكم ورحمة الله وبركاته

بنات أنا قبل فترة تطلقت ومحد كان عند خبر غير أهلي وأهل زوجي لأنه بعدها بثلاث أيام رجعني

بس اليوم تفاجأت أن أم زوجي ما هي مخليه أحد إلا مخبرته مع أنه ما كان بيني وبينها أي سوء على العكس كانت تحترمني جداً وأنا احترمها وما عمري جيت إلا هديتها جاهزة

ساعدوني بنات أحس راسي بينفجر تكفون لا تتطنشوني سجلت في المنتدى لعلي أرتاح لما أفضفض لكم

ساعدوني وش أسوي ( أنا عاهدت نفسي أني ما عاد أروح لها ) لكن أواجهها بالموقف البايخ وإلا أسكت ؟؟؟

 

[أم الحلوين@]

بنات تكفون ردوا أحس أني بحترق

 

[أم الحلوين@]

بنات تكفون ردوا أحس أني بحترق

 

[فخامتي بكبريائي]

اختي ام الحلوين معك حق تزعلي لانه مافي وحده بتحب تطلع اسرارها لبره كيف لو كان سر متل هاد مش غلط تعاتبيها بس بادب حتى ماتكبر مشكله بينك وبين زوجك

 

[نحمدة ونشكره]

يا اختي لو احد قالك سمعنا فيكي تطلقتي وردك زوجك قولي من قاللكم هالكلام مافي هيكي شي ولما تروحي عندها قولي واله اني متعجبه ياخالتي ماعرف مين الي قال للناس بس انا هيك رديت عليهم واتركيها لا تنتظرين منها كلام وبعدها خلي علاقتك فيها رسميه وهيه من نفسها راح تحس اما انك تواجهيها راح تسوي لنفسك مشاكل انتي في غنى عنها يعني راح تقولك انا ماقلت والناس كذابين وانتي ليش تصدقيهم وتدخلك في مشاكل.
بعدين بحكم انها امراءة كبيرة بالسن يعني اكيد ماتقدر تمسك حالها ولسانها وماتحكي لاحد بعدين مين قالك انه هيه الي مخبرة الناس يجوز اخواته او ابو؟

 

[فخامتي بكبريائي]

اختي ام الحلوين معك حق تزعلي لانه مافي وحده بتحب تطلع اسرارها لبره كيف لو كان سر متل هاد مش غلط تعاتبيها بس بادب حتى ماتكبر مشكله بينك وبين زوجك

 

[دموعي قريبه]

والله مدري شقولك

خلاص اللي صار صاااار لاتنضرين للماااضي والنااس طنشيهم مو اول وحده تتطلق وترجع لزوجهاا


والناس ان تطلقتي الالا كلامهم واجد

تعوذي من ابليس ادحري الشيطااان

 

[نونه 1426]

الله يفرج همك

 

[أم الحلوين@]

أنا عرفت أن أمه اللي قالت لأنه لما رجعت له قلت مين يعرف بطلاقنا قال قلت لأمي بس وحتى لو خواته هم اللي قالوا بتكون هي اللي وصلت لهم هالخبر أنا خلاص كرهتها رغم أني كنت أدافه عنها وعن بناتها عند الناس وكل ما أحد قال نبغى نخطب قلت حمواتيي مؤدبات ومحترمات لكن فعلاً اتقي شر من احسنت إليه
أنا عاهدت نفسي أني ما عاد أروح لها مررررره

 

[ايمومي]

طنشي وعيشي

أو خلي زوجك هو اللي يقول لها

 

[بنوتة بلادي]

حبيبتي المواجهه معاها ما راح تعطيج أي نتيجه... بالعكس ممكن تضرج أكثر....زوجج ما راح يرضى على امه... حتى لو كانت غلطانه.... ما راح يعترف...

سوي اللي قالت عليه اختي "نحمده و نشكره"... و بعدين طنشي... و من رايي لا تخلين علاقتج معاها رسميه... خليها مثل قبل عاديه... و لا كأنج تأثرتي من الموضوع... مب علشانها... علشان ريلج ما يزعل عليج...

 

[غااااااايه]

لاحبيبتي لاتشلين فخاطرك عليها ، لدرجه تكرهينها . لا لاتخلي المسأله توصل لهالدرجه. الله يهديك.انتي سوي اللي قالته لك ،، نحمده ونشكره،،، او ممكن تقوليلها : .... أتصدقين عمتي اني اكتشفت ان سالفة طلاقنا تعرفها ،فلانه،، وأشك مثلا انه الشغاله هي اللي خبرت شغالتهم .. الله لايعطيهم عافيه هالشغالات ، الله لايسامح اللي كان السبب.. أنا أكره شي عندي ان حد يطلع اسرار بيتنا...............او اذا ماعندك شغاله ، ممكن تقولين صديقتي ، ماحفظت السر ، وخانت الامانه.........آخر مره أأمنها على شي من سري......... لأنها مب كفوو حفظ أمانه .، وهاذي من من أسوأ الأخلاقيات اللي لازم يبتعد عنها النسان المؤمن التقي اللي يخاف الله، ليتفادى غضب الله، وسخطه................................. خليها تحس عدمها ، وشوفيها شو بترد عليك .......بالطريقه هاذي بتكوني بالكلمه هاذي تجنبتي شرها ، ومشاكلها ، وفي نفس الوقت عطيتيها كلمه فالعظم.

 

[غااااااايه]

لاحبيبتي لاتشلين فخاطرك عليها ، لدرجه تكرهينها . لا لاتخلي المسأله توصل لهالدرجه. الله يهديك.

انتي سوي اللي قالته لك ،، نحمده ونشكره،،، او ممكن تقوليلها : .... أتصدقين عمتي اني اكتشفت ان سالفة طلاقنا تعرفها، ،فلانه،، وأشك انه الشغاله هي اللي خبرت شغالتهم .. الله لايعطيهم عافيه هالشغالات ، الله لايسامح اللي كانت السبب.اللي هي الشغاله (أونه). أنا أكره شي عندي ان حد يطلع اسرار بيتنا-------.او اذا ماعندك شغاله ، ممكن تقولين وحده من صديقاتي (طبعا بدون ذكر اسم)، ماحفظت السر ، وخانت الامانه،،أنا غلطت اني فضفضتلها ذاك اليوم....آخر مره أأمنها على شي من سري......... لأنها مب كفوو حفظ أمانه .، وهاذي من من أسوأ الأخلاقيات اللي لازم يبتعد عنها الانسان المؤمن التقي اللي يخاف الله، ليتفادى غضب الله، وسخطه................................. خليها تحس عدمها ، وشوفيها شو بترد عليك .......بالطريقه هاذي بتكوني بالكلمه هاذي تجنبتي شرها ، ومشاكلها ، وفي نفس الوقت عطيتيها كلمه فالعظم.


انتي قولي ان هذا مجرد شك والله أعلم ............ يعني استهبلي عليها،، كأنك على نياتك.

 

[أم الحلوين@]

مشكورة حبيباتي الجمد لله أني سجلت في هالتجمع المبارك

 

[مييسو]

حبيبتي لاتزعلين نفسك ولا تتضايقين وين المشكلة اذا زوجك طلقك ورجعك اهم شيء انك مبسوطة ومرتاحة مع زوجك
اعرفي ان السر اذا طلع من بين الزوجين ماصار سر كل الناس بتعرف
الغلط مو على ام زوجك الغلط على زوجك ليه خبرها

 

[الجواااان]

يااااااااقلبي ولايهمك الناس قولي سؤ تفاهم والحمدلله انحلت المشكله ...ومن ناحية ام زوجك كل الكبار في السن كذا ماينعطون كلمه يعني اعرفي ان كلامك بيطلع لاتلومينهم بعضهم كذا الله يهديهم ...فما أنصحك ياقلبي تخربين علاقتك باهل زوجك عشان زلة لسان انتي فقط وضحي لزوجك ان الشي ضايقك وهو راح يخبر اهله ماعاد يطلعون اسرار خاصه بينكم ​

 

[ايفوريا]

حبيبتي واجهيها بس باسلوب واذا احد سالك انكري