أهل زوجي

غ

غلا دنيتي

New member
إنضم
2008/07/13
المشاركات
6
السلام عليكم ورحمة الله وبركاته

بصراحة ابغى استشيركم في موضوع يتعلق باهل زوجي

الموضوع هذا تكرر معاي اكثر من مرررة وبصراحه أنا متضايقة منه بدرجه كبيرة
حتى إني اليوم جلست ابكي بصوت عالي من شدة القهر:icon1366:

أحاول قدر المستطاع اني احشمهم واعاملهم باحترام واذا قالوا اي شي ماعجبني مااحاول اني اتصادم معهم او اناقشهم لانهم باختصار مايزيدون الا اصرار:sad_1:

الموضوع هو ان ام زوجي واخواته ماعندهم اي مانع يتكلمون عن النساء واوصافهم في حضرته:icon28:

وحدة من اخواته دائما تحاول تتكلم عن الحريم ولبسهم وشعورهم ( الطوييييله) ومكياجهم وبياضهم وشقارهم......الخ

وماتوقف قصه ورى الثانيه وانا كل شوي احقد عليها اكثر
المشكله اني احس ان المسأله صارت استفزازيه ( لاني مااعتقد ان فيه حرمه تحب ينقال هالكلام قدام زوجها )

وبصراحه اكثر احس اني اغلي من الداخل واحس انها شينه بحقي يذكر هالكلام عندي ( يعني مو عيب؟؟؟)

وقبل كم سنه نفس الاخت اللي خلتني هالمرة ابكي ذكرت قصه فيها وصف وباسهاب عن وحده من الحريم ولما كان فيه فرصه وجلست لحالي معها سالتها ( انتي قصيتي هالقصه لزوجك؟؟ ):idea:

قالت وبكل استنكار ( :sly: طبعا لاااا)

رديت ( ليش اجل تذكرينها عند اخوك ؟؟ ) قالت ( يووووه تصدقين ماانتبهت انه موجود )

وبعدها صارت في كل لقاء مايكون حاضر زوجي تقول لي ( انتي تغارين؟؟ ) ( ايه هالقصه تصلح لفلانه لانها غيور) ( يوووه نسيت انك فيه... مايصلح اقول هالقصه لانها عن الزواج من ثانيه !! ) وهكذا..

بعدها عرفت ان اسلوب التفاهم معها ماينفع....

قولوا لي كيف اتصرف:dunno:

المشكلة حتى زوجي ناقد عليها ولافي يدي حيلة ..

احيانا ودي اتصل بزوجها واقول له قصصها وبنفس الاسلوب... طبعا مستحيييل اسويها بس والله غصب علي من شدة قهري:icon1366:
 
أحسن حل برايي
أول ماتبدي تسولف سوالفها البايخة اللي تستقزج فيهم

قومي ( أسفهيها ) وروحي لغرفتج أو المطبخ أو أي مكان بحيث ماتسمعين سالفتها

الظاهر أنها تتعمد تستفزج ... و الحل بحقرانها و لاتبينين أنج متضايقة
ارحلي بصمت و هدوء بس تبدي تخبص بسوالفها البطالية​
 
انا اعرف وحدة يصير لها نفس الشئ بس صارت تشارك في الموضوع وتعلق حتى صارت الأخت تنقهر وتسكت ومع الأيام ماعادت تجيب لأخوها أي سالفة ...سوي زيها يمكن ينفع وخليها تكون بشكل استفزازي يعني كانت تقول تصدقين انها احلى منك وكشخة اقلبي الموضوع عليها ....
 

حاولي انك ماتتناقشين معاها
لان بعض الناس كل ماتتناقش معهم يزيدون سفاهه
عليك اختي بالدعاء
قولي اللهم اشغلها بنفسها عنا
اللهم اكفنيها بماشئت وكيفما شئت
​
 
الله يعينك يا اختي ويصبرك اسفهيها واذا بدت تتكلم طنشيها وروحي لمكاان ثااني لان مليوون بالميه انها تبي تستفزك وماعليك الا زوجك اهتمي فيه ولاتحقرين اخته قداامه لأنه بيتضاايق الله يسعدكم بالداارين ويجعلك الوحيد بنظره
انا بعد خواات زوجي نفس المشكله لكن مالنا الا الدعااء والصبر
 
حبيبتي اذا شفتيها تقول هالكلام روحي جلسي جنب زوجك وحاولي تشغلينه بسولف وطنشيها
 
اولا اذا بدات اطلعى برا انتظرى دقيقه او اثنين ونادى زوجك .....بسرعه وبقوة وحزم ....
اذا جاك قولى له تعال ابغاك بشغله مرة حلوة واضحك عليه بكلام حلو ولعب ومسخرة ههههههههههههه
يعنى اشغلى عقله عن الكلام اللى كان داخل .....

واذا قال لك ايش فيك اختى تكلمنى قولى له سوالف حريم كلها كلام فاضى وانت رجال ما احب الرجل يسمع كلام الحريم اللى ما يسوا لو كلامها عدل خليتك تسمعه بس كلامها تافه


واضحكى عليه بكيد الحريم وذكائهم .....
وانتى طالعه انظرى لاخته نظره كلها حقد وغل وتفاهه وتقليل من شانها واطلعى يعنى خليها تشعر انها صغيره بنفسها وقدام الناس .....ولا تسوى مشاكل ولا شى ...













احيانا النظرة تجيب مفعول كبير ....ولاعاد تفتحى معها موضوع ولا تكلميها ابدا ابدا الين تجيك وتعتذر
 
طنشيهم من كلامها يبين انها تريد تقهرج !!

ومثل ماقالوا البلقيسيات حاولي تكلمي ريلج ف نفس الوقت لما تتكلم

وأصــــــلا شرعا لا يجوز وصف المرأة أمام رجل غير محرمها
 
انا اشوف إنك تكلميها بصراحة وإنت لوحدكم (لوسمحتي ماابغاكي تتكلمي عن الحريم قدام زوجي وانا بحذرك هذه المرة والله المره الجاية باخذ زوجي وبمشي ومايصير خير وماني بداخلة بيتك تاني ولاتدخلي بيتي تاني لانك بدأتي تزويديها )وياعزيزتي وإنتي بتكلميها انظري نظرات إحتقار لها وتكلمي بثقة
 
الحال من بعضه دائما امي زوجي ما تخلي وحده حتى وتوصفها لزوجي اخر مرة بغيت امووت من القهر راحت لعزيمه عند بنتها هي وجميع العايله انا كنت مرتبطه وما رحت معهم وكانت اول مرة تشوف حمات بنتها من يوم تزوجت سعت الناس يقولون انها مو بيضاء ولا حلوه زي زوجها وطبعا راحت العزيمه مخصوص عشان تشوفها والمهم بعد ما رجعت جلست توصف لي العزيمه والناس وابدات تمدح حماة بنتها وتقول والله ان فمها يسوى حرمه وضحكتها تهبل وسمارها جنن وخفة دمها وانها احسن وحده جات العزيمه هي طبعا انا بغيت اموووووت من القهر واللي زاد قهري ان زوجي قال هي بنت مين رديت عليه انا وعلمته اسم العايله وقلت له ليه تبغى تتزوج اختها فال يمكن كان ردي بزعل وقهر وبعدها سكتت ام زوجي والله اني لحدالحين ماني مسامحته وكل ما مدحت احد لزوجي احقد عليها مع ان الحقد مو من طبعي بس الوحده ما تحاول انها تراعي اللي حولينها اهم شي نفسها وبناتها وانا عن نفسي قررت اذا مدحت احد قدام زوجي بانتظر زوجي حتى يروح واقلها لا عاد تمدح احد قدامه لان الرسول نهى ان الوحده تمدح حرمه ثانيه قدام زوجها وما عندي غير هالحل
 
هذا حراااااااااااااام شرعا
ويوجد فتاوى كثيرة حول هذا الموضوع

اطبعيها وعطيها خوات زوجك
 
بصراحه وحده من قريباتي صار لها نفس السالفه بس كانت من امه نصيحه لا تسكتين لانها بتتمادى قولي لها قولي حق زوجك هالكلام لانه مسكين مظلوم خذاج والاحسن تمسكين زوجك وتسولغين معاه وتطنشيها
 
الف شكر لردودكم وتفاعلكم معاي

فعلا حسيت ان فيه احد اقدر اشكي له همي
لأني فعلا متأزمه من هالموضوع ولما تناقشت أنا وزوجي قال (( هم يغلطون وأنا اللي أنلام؟؟ ))

وأنا مررررررررره ودي افاتحها بالموضوع لو برسالة جوال... بس أخاف تكون ردة فعلها عكسية وبدل ماتمتنع تزيد..

وإذا على تحريم هالفعل أنا متأكدة أنها تدري بالحكم لأنهم من الناس اللي يدّعون الالتزام بس الالتزام اللي على هواهم..

الله يجزاكم كل خير ويجعل نصائحكم في موازين حسناتكم..
والله يفرج همي وهمومكم..

تحيااااااتي
 
انا احس انه هذي وحده مريضه نفسيا وما عندها سالفه؛حبيبتي طنشيها وعطيها طاااف؛؛وخذيها عقد عقلها:icon28::icon28:
 
اختي صراحه الله يعينك .يعني اهي بتستفيد ايش لمن تعطي هالوصف الدقيق .اعتقد انها تبغى تسويلك مشاكل مع زوجك خاصة لمن درت انك تضايقي من حركاتها وهي كل ماله وتزيد .انا لو منك اذا بدأت تعطي الوصف ردي عليها قدام زوجك قليلها حرام توصفيها قدام الرجال واطلبي انها تغير الموضوع .واذا استمرت عاد ما يبغاله شي عالطول هزأيها قلي ادبك معاها .صدقيني ما يجوا الا بالعين الحمرا الله يكفينا ويكفيكي شرهم .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل