أهل زوجي والسكن الجديد ....... بليز ريحوني ياملكات ..

[وردة الحنون]

استخيري ان شاءالله يكون لك خيــــــــر

 

[نايس هواوي]

ابعدي عنهم احسن لك ولزوجك

 

[تفاؤل11]

انا عني اقول روحي لهم مرة في الاسبوع زي عادتك الاوله وخلي عمتك هي اللي تطبخ لها ولزوجها انتي ما تعرفين وش يحبون وش يكلون الكبار لهم اكلهم الخاص ونفسيتهم ما تتقبل اي شي واذا حبيتي كل شهر او شهرين تسوين غدا او عشاء وتنزلين تاكلين معاهم انتي و زوجك ا قهوة مغربيه يعني ترضينهم وتضلين معززه مكرمه . و الافضل تسكنين ببيت الحكومه وعدلوا فيه شوي شوي , وبعدين لا تحكمين عليهم وانتي ما عشتي معهم اختي تزوجت واحد من اقاربنا نعرفهم من يوم احنا صغار ونعرف بناتهم و اولادهم وحا فظينهم وعارفين كل طباعهم وفرحنا يوم جا نصيب اختي عندهم الحين تعاني الويل عندهم قوانين و مجاملات ومشاكل لا يعلم فيها الا الله بس بينهم ما يطلع منها شي ابد يعنى لنا اكثر من23 سنه واحنا تقريبا زي الاهل وما نعرف عنهم كل هالاشياء غير الحرب النفسيه اللي بينهم وماثره على كل اللي في البيت . صح ما يدخلون فيها وفي حياتها بس المشاكل تجيها من كل مكان وزوجها محملينه المسؤليه حقت البيت والله المستعان .

 

[سحاب الملح]

انا ساكنه معهم.....بس لي شقتي الخاصه ومطبخي الخاص......
انا اصلح لهم الغدا........(امنيتي افتك منهم واستقل ببيت بروحي).......هم يصيرون عيال عمي لزم
بس مهما كان لابد مايصير فيه حزازات.........

انا عن نفسي........حاطه حدود لحياتي......يعني مايدخلون الشقه الا لما يطقون الباب........وعشان كذا بابي دايم مقفل..........وماأطق الميانه معهم ابد مع انهم بنات عمي........بس ضحك وسوالف بشكل عام........

لما اصلح الغدا احطه عند باب شقتي وانادي الشغاله تجي تاخذه.......طبعا بعد مااغرفلي منه........

وماانزل لهم الا حسب مزاجي او اذا جاهم ناس........احيانا اقعد اسبوعين مانزلت.......
لما كان ولدي صغير.......ضروري انزل عشان جدته تشوفه.....كل يوم او كل يومين........واحيانا يجون البنات ياخذونه.............بس اللحين كبر الولد وصار ينزل لهم بلحاله.........

اهم شي خليك متحفظه بكلامك.......بس هالشي لايأثر على شخصيتك........خلي هيبتك موجوده....وحسسيهم انك قويه
الكلام اللي مايعجبك لاتردين عليه..........وبس

بس نصيحه حاااااااااااااااولي قدر الإمكان انك ماتسكنين معهم لأنك بتلاحظين الفرق خصوصا لما تنعدم الحريه!!

 

[! غدير !]

والله ماعندي خبره توني ..

بس انشالله ماتشوفين من اهله الا كل اللي يرضيك والله يسعدك ويوفقك ياارب ..

 

[حليمه السعديه]

حبيبتي انا اول ماتزوجت سكنت3سنين في شقه لوحدي واهل زوجي في نفس العماره بس فوق بعدها نقلت معاهم في نفس الشقه لي غرفه وحمام بس الصراحه جلسنا في مشاكل وماارتحت ابدا يحاسبوني على الخرجه يقولو ليش كل يوم تخرجي ومن هذي الحركات والطبخ اذا يوم ماقمت الكل يزعلو ليش وليش واخوات زوجي الثنتين كل وحده لاهيه بدراستها ومايسوو اي شي يعني كله على راسي المهم ابغى اقول لك احسن شي خليكي بعيده واذا سكنتي معاهم كل واحد يطبخ لحاله احسن علشان تتجنبي المشاكل والحمد لله انادحين سكنت في شقه لوحدي بس لاصقه في شقتهم وحاسه بحريه اكثر والله يوفقك ويقدم لك اللي فيه الخير

 

[vIH.]

اهم شي الاستخاره بعدين خلك رسميه ولاتغيرين نظامك في الزياره والطبخ خلي طبخك لوحدك وبنتك لالالالاتنزل ابدا لوحدها انا لقيت لك اللي تزور كثير وتطبخ لهم وتخدمهم يمونون عليها وعلى عيالها والرسميه واللي تاخذ حقها يحسبون لها الف حساب الله يعينك

 

[بيرلا ليتشي]

انا عايشه مع اهل زوجي لكن لي خصوصياتي
عادي بينيلها انج شويه تضايقين بس بدون تجريح

 

[زعتر ابيض]

شوفي حبيبتي والله مافيها شي الا سكنتي فوقهم عادي خاصه الى كانو حبابين@بس الاكل لاتسوينه مادام ماحد طلب منك عشان ماتلتزمين فيه بس انتي ارسلي لهم من طبخك موشرط كل يوم @وانزلي لهم يوم ورا يوم مافيه شي حسبت اهللك

 

[جوجو فني]

انا بصراحة انصحج تحطين الف والف حد وماتشوفينهم الى في الشهر مره وخلاص والله ابرك لج صج الناس يختلفون وايد عن بعض بس البعد احسن وايد تجنبا للمشاكل

 

[أخت سلمان]

الله يجزاكم خير يابنات وحدة وحدة ويريح بالكم ويحقق أمانيكم ..... أناوالله خايفة جدا لأن الكل يقول بتتغير حياتك وبينحسب عليك كل شي وقليل اللي يقولون كويس بتسكنين مع حمولتك الطيبين هذولا زي أهلك ....... وأنا أستغرب من الناس وكلامهم بس أكيد مجربين وذايقين الويل ...... زوجة خالي ساكنه مع جدتي وخوالي ومالها الا جناح فوق لأن بيتهم صالته داخلية لها غرفتين وصالة وحمام ومطبخ تحضيري بس ... وطول اليوم وهي تحت عند خالاتي ثنتين ماتزوجوا وكأنها أختهم حتى صارت أقرب لهم من أمي وخالاتي المتزوجات ويموتون في بعض ماشاء الله بس مشكلتها جدي الله يهدية مايخليها تفتح فمها لعيالها وأذا جت بتاخذهم ولا بتنومهم قعد يهزئها ويهاوشها بصوت عالي وهي ياعمري ساكتة ولا حرف ...... ودي يصيرون كل الحموات زيهم ماشاء الله .... يمكن لأن خالاتي وجدتي هاديات جدا ودينات وهي حبيبة وذوق وقلبها طيب ....

حبيبتي ( زوجة بحلاها ) ..... الله يوفقك ويسعدك ويخلي لك زوجك وعيالك أحس أنك ريحتيني من ناحية معاملتهم لك لأني أبيهم زيك ماشاء الله مايتغيرون علي أذا سكنت معاهم ..

 

[ميوسه]

لاتسكنين نصيحتي لك لاتسكنين​

هذي اختي ذايقه المر وهي لها مطبخ الحالها​

يكفي الدخله والطلعه بحساااااااااااااب​

يابنت الحلال اختصريها من هالحين ولا تسكنين معهم وخليك محبوبه وبعيده احسن لك​

.
.​

لو سكنتي خلي مطبخك بروحك ولا تتقيدين فيهم يطبخون هم لوحدهم​

ومادام عندها بنات خلاص هم يكفووووووون​

والله ان طبختي بتنربطين فيهم ربطه لاخر عمرك​

.
.​

بيت الحكومه ازين لك وابعد لك عن المشاكل​

وعلشان تفضل القلوب تحب بعض​

:icon30::icon30::icon30:

 

[ربيع الورد]

انا انصحك لاتسكني معااهم لانك بتذوووقي الووووويل

راااح تصير السؤلياات عليك

انا اعرف وحده كذا نقلت بيت زوجها سكن مستقل بس مو مخلينهااا في حااالهاااا

كل المسؤليااات عليهااااا

زوجهااا تغير عليها 000صااااار مايجلس معااها مثل اول دايم تحت عند اهله ويخليهاا فوق لحالها تقول اطفش

وهي عندهاا ولد عمره سنه و3 شهور ينزل مع ابوه وابوه مو دااري عنه يلها في البلستيشن ولا لاب توب ولا مع السوااالف

وغير المشااااكل والقيل والقااال

احسن لك ما تسكني معااهم


والله يوفقك

ولاتنسي الاستخااره