أهل زوجي بيطلعون لي قرووون

[ذكريات الطفوله]

السلام عليكم ورحمة الله وبركاته
مرحبا يابنات يعطيكم العافيه
ابي اعرض عليكم مشكلتي وياليت تتفاعلون معي لو شوي
اولا احب اوضح لكم اني انسانه مسالمه واحب اهل زوجي وهم بعد يحبوني ومابيننا اي مشاكل ولله الحمد بس عليهم افكار ترفع الضغط حاولت اعدل فيها ماقدرت وحاولت اتأقلم معهم بعد ماقدرت


من اهم افكارهم (الله يصلحهم) ان كل شي يصير لهم سببه عين اوحسد يعني لوتنكسر بياله قالو عين اقسم بالله ماابالغ



وبعد يحبوووون يمدحون انفسهم كل ماراحوا مكان انخطبو وانجنو الناس عليهم والشباب رقموهم وحتى الصغار ماسلمو منهم

ودائما محد يلبس حلو الاهم ولااحد يشتري غالي الاهم ولااحد عنده سواق الاهم واذا شافو وحده مسويه حركه حلوه بشعرها او لبسها غريب وحلو قالو تقلدنا احنا سويناه قبلها واهم وييين وهالحركات وين؟

ودائما يحرجوني بالأسئله احنا حلوين صح؟لبسنا روعه صح؟؟ بيتنا يجنن صح؟؟يعني اكيد بجامل ماراح اقول لا


والله اني حاولت المح لهم مافهمو اقول الوحده الواثقه من نفسها ماعليها من احد بس مايبون يفهمون

ماابي الناس يضحكون عليهم وش الحل معاهم انصحوني

 

[كلي هموم]

هذولا ء مريضين وفيهم نقص استحاله بتعدلين منهم لاني انا عانيت من ناس كذا والله مايتعدلووووووون

والله يعينك

 

[الفراشه الورديه]

يااااااااحياتي رحمتهم والله اكيد حااااسين بالنقص بس عساهم صدق زيون وبيتهم زين ؟

 

[ذكريات الطفوله]

هلا حبيباتي حياكم ومشكورين على المرور
الله يعيني ويعينك اختي الغاليه كلي هموم
وبصراحه اختي الفراشه الورديه هم زيون وبيتهم ماعليه بس مو لدرجة ان الناس ينجنون عليه يعتبر عادي الله يستر عليهم وربي ماودي اغتاب بس ابي اساعدهم
جزاكم الله خير ماقصرتو على المرور (المرور ولا الشرطه؟؟)هههههههههه قلت لكم بيطلعون لي قروووون:harhar1::harhar1::harhar1:

 

[ننوسة*]

ذكرتيني بالي عندي واااي

انا احبهم وهم يحبوني بس دايما يمدحون نفسهم لدرجة انهم يقولون لي احنا اجمل منكم يعني احنا وعيالنا اجمل منكم في الشكل صح وانا اجاملهم غصب عني واقول اي اي

مع العلم وبشهادة الناس والله ان عايلتنا اجمل منهم بكثيييييييير وانا تنبط جبدي اففف


الله يعينج عليهم

اذا لقيتوا حل علموني

 

[m2008]

هههههههههههههههههههههههههه مشكله

 

[سمر ليل]

ما فيه مشكلة طنشيهم وش عليك منهم مع الأيام بيعرفون ان اسلوبهم هذا خطأ. أهم شئ علاقتك بزوجك .....

 

[احلي الحلي]

الله المستعان

انا عانيت مثلك بس ما فيه امل يتغيرون لانه مرض اعاذنا الله اذا ماوفقتيهم الله يعنك يتهمونك انك رازه وجهك فعليك بالمجامله فقط

 

[ضياء القمر]

غاليتي الله يعينك

بس تدرين ان عئلة زوجي نفس زوجك في مسالة الحسد

لو اقول لك بعض المواقف تضعين يدك على راسك وستقولين هل هذا معقول

لو احترق غذاهم بسبب الاهمال يقولون ان بيت الجيران شمو الغذا واحترق يعني حسدوهم

لو اتسخ شيئ من ثيابهم قالو حسدوهم

يعني الشئ مو طبيعي بلمرة
فوق كل هذا وذاك دائما هم المظلومين والمساكين


والناس دائما هي الغلطانة عليهم

ودائما عيالهم الصغار ما ياكلون ولا شئ وبينما اعيال الناس تاكل الاخضرو اليابس

اشياء تجيب الهم والغم ما اقدر اكملها علشان ما تضاييقين زيادة

ما ادعو الا الله يهديهم بس

 

[ضياء القمر]

عفوا اقصد عائلة زوجك ....في السطر الثاني

 

[سنديان]

خلهم يوسعون صدرهم.ذلك فضل الله يؤتيه من يشاء وتراهم اهم من اهلك الحين هذولاصاروا اهل الغالين "ان كان عندك عيال " واهل الغلي اللي هو زوجك
انا اهل زوجي احبهم واداري غلطهم واتحملهم الله لا يفرقنا

 

[مجنونه السمسم]

اختي العزيزه
الا اشوفه في الهزمن الا عندهم نقص وعدم ثقه في نفسهم يسون جذي
والا شايفين خير بنهايه عمرهم الا اقصده ان حياتهم الان تحسنت عن قبل وارتفعوا فوق اكثر فمن جذي يحبون انهم يتظاهرون
وفي ناس وايد بهالطريقه
بس الا اتمناه لما يتكلمون لج بفشارهم لا تعطينهم اهتمام كلي عشان ما يعيدونها وبيني لهم انج ما يهمج المظاهر
والله يعينج على هالمرض
بس اتمنى ما يكون معدي هههههههههههههههه

 

[أميره]

اختي العيله كلها تعاني من هذه المشكله ..

لو شخص واحد يمكن تقدرين تساعدينه لكن العيله كلها صعبه انك تقنعينهم ..

خليهم براحتهم و لاتشيلين هم ..

 

[فراوله حمراء]

عاااااااااااااااااادي يااااااختي خلل ايتزززبووون سمعي وطلعي
ممممشكلتج ولا شيء
الحمدالله انهم يحبووونج مووووووو الي عندي مللل وقررف وووويكرهوووني بعد محترين مني يقووولون عني كله رااايحه ماااتغر في البيت ومن هلكلام الزززين ووولا يعبرووون احد حتى غداء مااايدززززون لي تخيلوووو !!!!
كل يوووم نشتري من برى

 

[أم فهودي]

ياحبيبتي هوني عليك وماعليكي فيهم أكتفي بالإبتسامه والكلمه الطيبة وعادي ويش فيها خليهم يقولون اللي يقولونه ويش ضرك إنتي أهم حاجة إنهم طيبيين معاك الله يسعد قلبك ياااااااااااااااااارب

 

[أم نهيان*]

هههههههههه سبحان اللهـ ... بس صدق فشله ، عدنا مثلهم بالضبط و صدقيني ماراح يتغيرون
اللي عدنا يقارنون نفسهم وايد باهلي مع انه نحن احسن منهم في اشياااااا وايد ...
بس الله يعينج ،، خصوصا اذا يقولون هالكلام قدام الناس او حد من صديقاتج او قرايبج!!

 

[بنت الشيوخ]

طنش تعش تنتعش
الحمد لله مابينكم خلاف وهذا اهم شي

 

[ذكريات الطفوله]

اختي ننوسه:ضحكتيني والله يعني عندنا وعندكم خير الله يعين بس
اختي النصوحه:وربي انك صادقه لازم اجامل ولايقولون شايفه نفسها
اختي ضياء القمر:ضحكتيني يوم قلتي ياكلون الاخضر واليابس (وصف في محله)
اختي مجنونة السمسم:لالاتخافين ان شاء الله مو معدي ههههههه
اخواتي الغاليات:اميره وفراوله حمراء وام نهيان وبنت شيوخ:ماقصرتو الله يجزاكم خير ومشكورين على مروركم الكريم
اما الاخوات الكريمات سمر ليل وسنديان وام فهودي شكلكم ماقريتو الموضوع كله لان وحده تقول وش عليك منهم ووحده تقول وش يضرك والثالثه تقول خليهم يوسعون صدورهم طيب هم اهلي بعد ومابي الناس يضحكون عليهم واذا انا قاعده اعرض مشكلتي مو كره فيهم وربي بس مقهووووووووره من اللي قاعدين يتمسخرون عليهم ويقلدونهم ارجوكم افهموني قبل تتكلمون
والف شكر على النصايح ماقصرتوا والله الله يجعله في ميزان حسناتكم

 

[* نفس تواقه *]

حبيبتى

ممكن تكونى متفوقة عليهم فى اشيااااااااااء كثيرة (ما شاء الله )..

ولذلك يحبوا ان يظهروا امامك انهم افضل منك ...

خليكى عااااااااااااااااادى

 

[nonoura]

طنشيهم ولما الناس بدهم يضحكوا راح يضحكوا عليهم وعل طبعهم مو عليك كل شىء بيسالوك فيه قولى لهم كما يحبوا ان يسمعوا خليهم مبسوطين بحالهم انت شو خسرانة الحكى ببلاش