أهــانــــــة زوجـــــــك لـك

[أنتظرت أزمان]

السلام عليكم​

عندما تحدث مشكله بينك وبين زوجك​

ويسمعك من الكلام الغير لائق ابدا​

والمهين جداا لك ​

وبلا سبب قوي اشبه مايكون بعدم الاحترام لك​

وعندما يطردك من البيت ويامرك بالتوجهه لبيت​

اهلك والتهديد بالطلاق​

بسبب مناقشه تافهه جدااا​

لاتستدعي هذا الكلام​

هل هو امر عادي يحدث مع الجميع​

وماتنصحوني ان اعمل تجــاه هالموقف​

هل احزم ملابسي واذهب لاهلي لكي يثمن كلامه
مره ثانيه​

ام اتجاهله ولا كأنه قال لي شي وابقى بالبيت​

رغم احساسي ان هذا التصرف ضعف مني​

ارجوا الرد سريعا لابد من اتخاذ القرار بسرعه ​

لان هالموقف حدث لي قبل ساعات واخوي ​

موجود ببيتي واهلي من مدينه ثانيه بعيده
وفرصه اذهب معه لاهلي​

حببت مساعدتكم فانا حديثه تجربه​

وجزاكم الله الف خير​

 

[لتوفي]

اذا تقدرين تكملين كملي . دام هو مايضربك اهون شوي . بس فيه طبع في بعض الرجال الاهانه متعود عليها مو شرط كره لك انتي استخيري قبل كل شي وشوفي وش الي يريحك محد يحس بنار الا الي واطيهاااااا

 

[ترانيم الألم]

لا مو شي عادي انه يهينك وماتحصل في كل البيوت...............لازم تكون لك ردة فعل بس مو لدرجة ترك البيت خليها اخر الحلول............

 

[البدرانية]

انا اشاركك المعاناة ياليت الاستاذات يردون علينا او احدى الاخوات انا لي 14سنة ومازالت المشكلة اكسبوا فينا اجر وعطونا حلول وما اقول غير الله يهديهم لنا وانا اكتب ومن شوي صايرة مشكلة وتافهه وكبرها والفاظ جارحة خليها على ربك

 

[أنتظرت أزمان]

طيب ليه

السبب

ان طيبتنا ظاهره لهم

فستغلوها
​

 

[ابتسامة ملاك]

لا تطلعين من البيت
اسكتي واتحملي ولا تصيحين قدامه
ادخلي الحمام ""اعزكم الله"" و صيحي طلعي كل اللي بخاطرك
بعد مايهدي وتختاري الجو المناسب صارحيه
قولي مااتحمل انك تهيني انا عندي استعداد اطلع من بيتك بدون اهانة
وحاولي انها ماتوصل المشكلة لاهلك لانك باذن الله تتصالحين معاه
لاكن يكون البغض والكره من الاهل حتى لو ماقالولك عن الشي لانهم مايبون يجرحون مشاعرك
دمتـــــــــــــــــــــــــــــــــــــــــــــــــــــــــــي

 

[واثقة]

لاااااااااااااااااا للذهاب لبيت أهلك

بعض الرجال عند الغضب يخرج منه كلام بذئ جدا.. لكنه يندم

ابقي في بيتك واظهري غضبك

قومي بواجباتك من دونما كلام او ابتسامه..

سيشعر بخطئه وسيعتذر..

قد لا يعتذر صراحة

لكنك سترينه يحاول الكلام معك وهو يبتسم

او يقدم لك خدمه

او حتى يطلب منك حقه الشرعي..

هكذا هم الرجال وهذه فلسفتهم للاعتذار


لا تسامحيه من اول بادره للاعتذار ,, حتى لا يظن ان ما عمله بسيط وانك رضيتي بسرعه

لابد ان يحسب حساب لأفعاله..


لكن لا تطيلي عليه الزعل فيملك.. ويتجاهلك..

 

[سمر ليل]

نصيحة لاتطلعين من بيتك ازعلي وانتي في بيتك طنشيه بس لاتطلعين .إلا اذا كنتي ناويه فعلا انك ماترجعين على طول يعني مو من اول مكالمة ترضين وترجعين لا خليه مدة يحاول ويترجى ويكون التفاهم مع الأهل وأظن ان هذا صعب اذا كنتي تحبينه لأنك راح تضعفين وخاصة اذا فيه اولاد .الله يثبت ويلهمك الصواب ..

 

[أنتظرت أزمان]

جزاكم الله كل خير

انا مااقصد اخبر اهلي عن المشكله لا

اقصد اروح كانها زياره عاديه زي مااسويها دائما

لكن انا وياه بس اللي عارفين ليه انا رحت لبيت اهلي بسبب كلامه

هذا اللي اقصد ماراح اخلي الاهل يتدخلون ابدااا​

 

[أميرة الخيال]

السلام عليكم

برأي أنا مثل أخواتي خليكي ببيتك بس تصرفي معاه بجدية وحزم دون أن تقللي من احترامه وقومي بواجباتك فقط دون زيادة حاولي أن تعتبريه غير موجود وحاولي أن تحاوريه بشأن قصده من ذهابك لبيت أهلك هل يقصد كلامه بالفعل أم أنها حالة غضب ولكن حاوريه وأنتي قوية لا تظهري ضعفك له أبداً

هكذا أمور تحدث كثيراً بين الأزواج هي ساعة غضب أكثري من دعاء اللهم اجعل غضبه برداً وسلاماً علي وادعي له بأن يهدأ باله وسيأتني إليك مسرعاً
فرج الله عنك وعنا

 

[روح الوفى]

حبيبتي احنا النسون على اي شي بنروح بيت اهلنا وكلة بنتطلق واذا صار شي بنموت نبي نرد حق ازواجنا الله يهدي الجميع وخلك في بيتك

 

[لحن حياة]

الله يسهلك المرك


دمت بود
ما عندي خبرة

بس عجبتيني انك ما ح تدخلى أهلك

 

[مشتاقه لكـ]

أنل مع باقي الاخوات ...
في الفترة الاخيرة مر زوجي بضغوط عمله ,,,
وعند غضبه لأبسط بسيط يقول لي اذهبي لبيت أهلك ...
ولكني أعقل منه في تلك اللحظة ... واستغفر ربي ..
وأقول الشيطان شاطر يريد ان يفرق بيننا ..

أختي ..

في هذه الدنيا لن ينفعك أحد إذا حذث الطلاق ...
حتى أخوتك لن ينفعوك ...
كل منهم سينشغل بحياته ..

اتخذي موقف وازعلي وأنتي في بيتك ...

الله يذكرها بالخير أمي تقول " اللي تبي تزعل تزعل في بيتها "


الله يحفظك وييسر لك أمرك معه

 

[حميدة]

ياحبيبتي الحياة وايد اشياء فيها
وهذه بدايتك لازم تواجهي موقف اذا ذهبتي الى بيت اهلك هذا هروب من الواقع لحدمتى بتجلسي بيت اهليك يجيلك يوم وترجعي أو تنتهي حياتك بالطلاق وهذا مايصير لازم تناقشي زوجك وتفهمي شو المشكلة يلي خلتة كذي يعاملك
ربي يوفقك تحياتي دموع الورد

 

[المنقبة]

لا تروحين لبيت هلج طالعين بنظرات و حطي عينج في عينه و لا تنزليها و قوليله شكلك نسيت ان هذا صار بيتي مثل ما هو بيتك بصوت هادي بس في نوع من الاستهزاء مدري تنفع مع كل الرياييل و لا لا انا شخصيا سويتها مع ريلي وشوفي ما عاد يقولها لك مرة ثانية

 

[أنتظرت أزمان]

شكرااا لكم

انا احاوره واناقشه لكنه معدوم الحواااااااااااار الهادئ

وجزاكم الله خير

 

[عبير الحزن]

انا بنسبه لي انتي الغلطانه المراه مفروض من اول زواجها تفرض احترامها ولا تخليه يقل ادبه بالكلام بكره يجلس قدام عيالنا او اهله يهيني لا اول مره يقول فيها كلمه تهيني اقطع لسانه ولا اسكت عليها حتى يصير ينتبه لتصرفاته واذا مضايق لا يقعد يحطها فيني خليه يشوف له اي يطريقه يفرغ طاقته فيه مثل نادي رياضي ورجل اذا شاف المراه تسكت من اول مره يقول خلاص هذي متعوده وانت بيدك الحل وشكرا وعلى اي اساس يطردك انتي الي تجلسين في بيتك هو الي يطلع لا تسكتين على نفسك شي يجر شي الحين كلام ويهانات بكره ضرب:essen:​