أنقذووووني انا في تدهور اقتصادي مستمر

[حنان الحب]

السلام عليكم ورحمة الله وبركات

شخباااركم
انقذوووني والله انا في تدهور مستمر والله مب عارفه شو اسوي تعبت
انا راتبي 19000 ما شاء الله لكن والله ما احس به ابدا
الجدول الشهري
5100 قسط شهري للسياره
5000 اعطيه زوجي بحكم انه ما يستلم شي من راتبه راتبه 3000 درهم وكله يروح للاقساط العرس و2000 درهم هو مشترك في جمعيه ف ما يبقاله شي
2000 درهم انا بعد مشتركه في جمعيه
800 راتب الخدامه
200 درهم تروج للجمعيات الخيريه
يكون البااقي 5900
1000 تروح لاغراض بنتي
4900 هذا الصافي لي يعني حسبو بترول وكماليات مالها داااعي ما يبدا نص الشهر الا انا مفلسه كل شهر تطلعلي عله وتخليني ادفع
مرات اهلي يطلبون اني ادفع شي لهم والاغلبيه السعر يكوون 2000 درهم مرات حد يطلبني والله اني استحي اقوول ما عندي واعطي دايما تكوون مبالغ كبيره ما اعرف شو اسوي تعبت وانا مستحيييل اتسلف من احد
سااااعدوووني فانا اغرق

 

[دونات666]

عزيزتي حتى لاأكتب لك رد طويل قد تقتنعين به وقد لا تقتنعين به!!!


علاجك في دورة العمر الجديد التي تقدمها أ ناعمه الهاشمي هديه منها لكن ..بمناسبة شفاء والدها أطال الله في عمره ومتعه بالصحه والعافيه في طاعة الله.


تحيتي

 

[حنان الحب]

هلا اختي دونات

انا قريت نبذه عن دوره العمر الجديد بس حسيت انها للناس الي يبوون ينسون جراحهم من الماااضي ويبدؤون عمر جديد بس اذا ممكن تعطيني استراتيجيات اقدر اطبقها واستفيد منها لاني والله تعبت دااايما احس ان حقي مهضووم حتى في مااالي تعبت والله نفسيتي في تدهور مستمر وسبب هالشي الحاله الاقتصاديه لاني وااايد حارمه عمري من اشياء كثيره لاني ما احب اتسلف من احد او اطلعلي كردت كارد احس ان هالشي بزيد الامووور للأسوأ والله اني اغرق وودي اسوي شي لنفسي والناس الي دووم اسلفهم مشكلتهم مايردوون لي شي وانا طبعي وايد استحي اني اطلبهم احس اني اشحت

 

[دونات666]

اهلين

عزيزتي

1-أقرأي موضوع المشرفه ظل القمر
http://www.niswh.com/vb/showthread.php?t=125810

2- حتى تقدري تطبقينه وانت مفتوحه نفسك تابعي دورة العمر الجديد .

أو أقل شئ اقرأي عن حب الذات وأحبي الأخرين ولكن بعد ان تقدمي لنفسك كل ماتحتاجه وليس بعد!!

لأنك إذا قدمتي حقوقهم ع حقك لن يكون لديك وقت ولا مال أبدا .....وفي النهاية تجدي نفسك تايهه وندمانه!


والله يوفقك

 

[دونات666]

تقولين :لاني والله تعبت دااايما احس ان حقي مهضووم حتى في مااالي تعبت والله نفسيتي في تدهور مستمر
و

وسبب هالشي الحاله الاقتصاديه لاني وااايد حارمه عمري من اشياء كثيره لاني ما احب اتسلف من احد او اطلعلي كردت كارد احس ان هالشي بزيد الامووور للأسوأ والله اني اغرق وودي اسوي شي لنفسي .

قلت لك تابعي دورة العمر الجديد ( صدقيني ستنفعك بأذن الله )

تشكين وتقولين :
والناس الي دووم اسلفهم مشكلتهم مايردوون لي .

ماجبتي شئ جديد !!!!!!!!

ولكن بعد هذا كله هل ستغيرين من سياستك القديمه ؟؟

هل ستراجعين حساباتك ؟؟

هل قدمتي لهم اكثر ؟؟ ام قدموا لك اكثر ؟


اقصد هل نفعوك بشئ يستحق صبرك عليهم ؟؟


تحيتي

 

[حنان الحب]

هلا دووونااات

مشكوووره على ردوودج وانا بقرأ ان شالله عن حب الذات بس ما حصلت الراابط اذا ممكن تحطيلي ايااه ادري اني تعبتج معااااي

 

[دونات666]

تفضلي

http://www.niswh.com/vb/showthread.php?t=125810



انتظر اخبارك.

بالتوفيق مع رحلتك لأستعادة حبك لذاتك

 

[بقعة ضوء]

الحل : حاولي ما تعطي أحد من فلوسك لأنك أولى فيها وثانيا لأنهم مايردوها لك

يعني كم شهر قولي ماعندي مبلغ كافي ..

او غيري اسلوبك معهم لم يجي احد يطلبك سجلي المبلغ بورقة عشان تبيني له انك تنتظريه يردهم لك وهالورقة فيها توقيعك وتوقيعه وبهذي الطريقة راح يقولك خلاص ما ابقى المبلغ ..

 

[سيما 9]

هههههههههههه.... سبحان الله وما شاء الله ...19 الف درهم وتقولي انك وفي تدهوووور!!!!!!!!!!
تصدقي بالله ان زوجي هو اللي يصرف وياخذ راتب وراتبه لا يتعدى ال 3 الاف درهم ههههههههه
وجزء من راتبه (700) يروح قسط شهري ل البنك..لمده ثلاث سنوات
وجزء تقريبااا(900) التزامات يوميه ك المواصلات ومصروف الاولاد....
وجزء(400) كهربا ونت وماء...
وما يتبقى نعيش فيه الشهر...
ويصرف عل عائله مكونه من 8 افراد فكيف بالله عليكي تقولي انك في تدهووور مستمر...
شنو ايش نقول احنااااا!! اللي عايشيين ب اقل 3000 وعليها ديون والتزامات ..
والله حال الدنيا عجيب!!!!!!!!!!!!!!!!!!!!!!!!!!!!!!
والله يكون بعون كل واحد
والحمد لله على كل حااااااااااااااااااااااال

 

[The Leader]

ليش تعطين ريلج 5000!!

لو مايبقاله شي انتي مب ملزومة

محد قاله يدخل جمعية

و5000 وااااااااااااااااااااااااااااااااااااااايد

مب من زود مايصرفون الرياييل

 

[Step For Change]

صح اختي ليش يعني 5000 انا احس انها واااااااااااااايد

وبعدين بيزات الجمعية شو بيسوي بها

يعني بيسدد ديونه فيها ؟؟؟

انتي تراج تشتغلين وتتعبين يعني لازم تدلعين عمرج شوي

 

[احاسيس*]

تخيلي راتبك 5الاف وتقدرين تعيشين لكن ابن ادم طماع كل مازادت قروشه زادت طلباته

زوجي راتبه 5الاف وكله تسديد فواتير وديون ومايعطيني الا500 شهريا وعادي عايشه ومقسمه هالـ500 على طلباتي هههههههههههههه من كثرها عشان تقسم بس غصب ارضى لين ربي يرزقني بالوظيفه

ياقلبي لازم تعرفين تصرفين صح اول شي زوجك موملزومه فيه اذا احتاج عطيه لكن تعطينه مبلغ شهري لاااااا غلط وبعدين وش يسوي فيه صدق وسيع وجه..
ثاني حاجه ليش تستحين من الناس اذا طلبو منك عادي قولي مامعي عندي التزامات كثيره ومرتبطه مع ناس لازم اعطيهم واهلك مع احترامي لهم لاتعطين الا امك وابوك واخوانك اذا محتاجين عطيهم اذا لا ماله داعي وترى كل ريال انتي مسؤله عنه وراح تحاسبين عليه فلاتساعدين الناس على انهم يشترون اشياء ماهي ضروريه ومن فلوسك بعد

وقسط السياره ليش هالكثر اشتري سياره بسعر معقول ترى المظاهر مراح تفيدك والدليل معاناتك الحين وش نفعك فيه الغالي اهم شي ترتاحين نفسيآ موالناس تشوف وش نوع سيارتك

وراتب الخدامه ليش زوجك مايدفعه مدامه ماشاءالله يستلم منك 5000 شهريا>>>هذا راتب شاب سعودي له بالوظيفه 5سنوات هههههههه والله جد ماامزح
وبعدين زوجك لو انه متزوج وحده ماهي مومظفه كيف بيصرف عليها>>اكيد بيدبرعمره >> انتي موملزومه بديون العرس



وربي يوفقك

 

[دلع وغنج]

يا عزيزتي
مثل ماقالوا الأخوات خمسة الاف لزوجك كثييير حاولي تقللينها شوي يعني لو تعطينه أكثر شي ثلاثة الاف بتكفيه وتزيد

ثانيا بنتك كل شهر تصرف ألف ليه؟؟
ماتحسينها كثيره
بالنسبة لي عندي أربعة شهر اشتري لهم ملابس وجزم الله يكرمكم وشهر لا ومصرفي أنا واياهم مع بعض 1800 ريال
اللي اشتريه في شهر يكفيهم شهرين مع ملابسهم الأولى
قللي مصرف زوجك ومصرف بنتك ووقفي عن تسليف الناس وشوفي كيف بتستفيدين

 

[sweet_2010]

الي مثلج الحين المفروض عندها ارض ولا بيت ملك وانت تصرفين على ريلج... المفروض هو يدور وظيفة مايتم عالة وانت تشجعينه حبيبتي هذااااااااااااااا غلط انت تضحين لمنو... 300 لبنتج ومعاش الخدامة ريال المفروض هو يدفعه4900 كماليات وبتروووول وايد حاولي تشوفين الاشيا الاساسية وزوجت لاتصرفين عليه ... لازم تفكرين فبي المستقبل وتامنين عمرج

 

[sweet_2010]

فكري بعمرج ترا مصيرت اذا تميتي على حالت هذي بعد 10 سنين تلقين عمرج مفلسة ولاعندج شي يغنيج عن حاجة الناس... اشتري بيت اجريه وسوي حساب خاص ينزل عليه ولا تسحبين درهم واذا صار مبلغ وايد اشتري ارض خلت ذكية ترا الريال مايحب الحرمة الي تصرف عليه فكري بنفسج فكري في المستقبل خلت انانية شوي

 

[لما أنزلت فقير]

أختي أنصحك بل أرجوك تفكري بنفسك شوي ترا انت الحين ممكن شابة جاعدة تصرفين عالريال بالالاف
ترا عودتيه ولو جيتي تمنعين عنه يسير يتفاجأ ويمكن يكرهك ليش انك عودتيه
أنصح كل وحدة من الأول انها ماتدخل المال في الحياة الزوجية لأن الزوج غصب بتسير فلوسك مقياس لمعاملته وياج طبيعة النفس البشرية
وقللي من مصاريفك هذي وسوي حساب ثانوي
ترا أبوك وأمك اذا أرادو شي عطيهم لأنهم يتصورون انك ماشاء الله ويحز فخاطرهم لو ماعطيتيهم
أما ان زوجك عودتيه الكسل وترا بيشوفك أمه مو زوجته ومع العمر بيميل للأنثى اللي تطلب وتتدلل
قوليله انك تورطتي مع أخوك أو أبوك في أقساط أرض أو شقة وما تقدرين تنسحبين وكله لأولادنا من بعدي يا قلبي ما قدرت أقول لابوي لا هو مايعرف اني أعطيك لأني قاعدة احافظ على صورة ريلي الغالي
وكذا
اصحي قبل ماينفعك ندم أو تتسولين المال حتى لو من أولادك
اعذريني بس وايد حسيتك أختي لأنك واضح طيبة جدا

 

[اصايل الفارس]

اللهم بارك لها في مارزقتها
عزيزتي
اكثري من الدعاء بالبركه ولا تنسي الصدقه فيها سر عجيب عليك بها.

 

[الجروح]

أختي

أنت توزيعك للراتب فيه غلط

لازم تقللي من الأشياء اللي مالها داعي

مثل الكماليات ومصروف البنت وحتى مصروف الزوج

اللي من المفروض هو اللي يصرف عليك مو أنتِ

وتقللي خرجاتك للسوق

وتعتذري من اللي يمتصون تعبك بالراحة

وتصدقي لو بالقليل والأفضل تكون صدقتك بالسر


ودعواتك لنا بالرزق وقضاء الديون وشفاء الأبناء​