أنصدمت منه ومو قادرة انسى

[سر الأنوثة]

السلام عليكم ورحمة الله وبركاته
كيفكم بنات ؟؟ أخباركم انشا الله تمام
بنات أنا ترددت كثير قبل اكتب مشكلتي
اللي أتمنى انكم تساعدوني فيها بالمشورة والراي الحكيم اللي تميزتم فيها بهالمنتدى الطيب..
أنا متزوجة صار لي تقريبا 9شهور
بعد فترة ملكة دامت تقريبا 7شهور خلال ها الفترة تقاربنا انا وزوجي كثير
وصرت احبه بدرجة الجنون خصوصا انه هو ماجا وخطبني الا لانه يحبني واختارني من بين بنات جماعتنا.. هاالشي اللي خلاني اثق بحبه لي وباخلاصه معي
المهم انا حملت بعد شهر واحد من زواجنا وتعبت نفسيتي مرة وكانت فترة الوحم مرررة صعبة علينا وكثرت الخلافات بينا بس كلها كانت خلافات بسيطة بسرعة نرجع نتصالح بعدها
الى قبل شهردخلت على محفوظات اللاب توب حقه وشفت المواقع اللي كان يدخلها لقيت انه يدخل مواقع كثيرة منها الشات ومنها مواقع افلام اباحية أنا بصراحة انصدمت منه لاني جميلة ومو ناقصني شي ليش يطالع غيري هالشي هز ثقتي بنفسي خصوصا انه دايم يقول انه مو مال هاالسوالف قلت يمكن اني قصرت معه بسبب تعب الحمل خصوصا اني من دخلت السابع تعبت مرة بس مافاتحته بالموضوع ولاكأني شفت شي
قبل اسبوعين اضطريت اقضي 4 أيام عند اهلي بسبب ظروف مرت عليهم وطول ماكنت عندهم كان كل شوي يتصل علي ويقولي مشتاق لي ومو متحمل البيت بدوني
بعد مارجعت بيومين فتحت محفوظات اللاب وشفت صدمة عمري يابنات زوجي مسجل في موقع زواج!!!!!!!
ولاني اعرف تفكيره عدل قدرت ادخل الرقم السري وادخل عل البيانات والرسايل ولقيت طبعا انه حاط بيانات كلها وهمية ومتعرف على بنات ورسايل مرة بايخة بينهم ومتبادلين الايميلات بعد (الايميل اللي معطيهم اياه غير الايميل اللي اعرفه ودايم يقولي انه ايميل صديقه) ومن البينات عرفت انه مسجل من شهر 12!!!!!!!! لما رجع من الدوام ماتكلمت معه بشي واتصرفت طبيعي وسكت الى اليوم الثاني
واحنا جالسين بعد العصر سألته حبيبي ممكن أسألك سؤال ؟؟
قال تفضلي ... قلت له ممكن تقولي لي ليش انت مسجل بموقع زواج ارتبك وقال انا يوم سجلت فيه كنا متزاعلين انا وانتي انا قعدت اصيح من القهر قلت بس هذا مايبرر اللي انت سويته ولا الرسايل البايخة اللي كاتبها .. يوم درا اني شفت الرسايل عصب بشكل اول مرة اشوفه رمى الاب توب ع الأرض وصرخ علي ويمكن لو ماطلعت من الغرفة كان ضربني بعد .
وقلب الحق له .. يقول ليش تتجسسين علي ضلينا متخاصمين اسبوع وطول ها الاسبوع كل ما تناقشت معه ابي افهم ليش سوا كذا يقفل الموضوع او يطلع من البيت
في الاخير تناقشنا وقالي انه هو غلط بس كان ندمان لكن بعد ماتجسست عليه يحس انه ماغلط وقالي انتي مو مقصرة بشي ولا ناقصك شي بس هذي خرابيط نت مو مهمة ومالها اي قيمة والمفروض اني ما افكر فيها
الحي صار ع السالفة اسبوعين رجعت الامور بينا مثل اول (وهو للأمانه يعاملني احسن معاملة) بس وانا احاول ابين له اني طبيعيه وانه ماصار شي بس بصراحة احس اني فقدت ثقتي فيه حتى في العلاقة الخاصة فقدت المتعة معه صرت امثل واجامل احس اعصابي تعبت وتفكيري تعب شلون انسى اللي صار خصوصا انه ماصار يدخل ها المواقع وجواله دايم قدامي ولا يكلم احد بس الشك دخل بقلبي منه .. شوروا علي يابنات وش الحل ... آسفة طولت عليكم بس والله مالي بعد الله الا انتم اثق فيه وبرايه ومشورته ..أختكم سر الأنوثة​

 

[sareta]

يا اختي انو انت حامل مو معناه تطنشي زوجك يعني بعرف انو تعبانه بس لازم تضلي تحسسيه انو انت معو بكرا بيجيك بيبي كمان رح تتركيه وتقولي نفسيه وتعب لالالا هاد الكلام غلط وانت الي دفعتيه يسوي هيك لانو صار عندو فراغ حتى لو تعبانه ضلي جنبو و اتدلعي انك تعبانه وبتقدري تعطيه حقو بميت طريقه ما تتعبك يعني والله لو بدنا نروح عل جمعة نسوان او حفله لو كنا ميتين من التعب بنصير عال العال فانت حببيه فيك و اشتركو باهتماماتكم سوا و لما يقعد عالنت قعدي جنبو و شاركيه اهتمامو وشو بيقرا وبيعمل لحتى ما يحسك بعيده ويمل
بعدين حتى فترة النفاس مابعرف ليش الكل بيقضيها عند اهلو لالالا خليكم عند ازواجكم و خليه يشوف تعبك و يهتم بابنو متلك
المهم يا اختي هو واضح ما كان في شي جدي انت هلا اتدلعي حتى لو حامل و خليه يحي كل شي بفترة حملك ودايما كوني مرتبه وحلوه و اقعدي اضحكي والعبي معو وشيلي عنك الوسواس و انسي ما ضروي تكبري المواضيع وتعطيها اكبر من حجمها بتتعبي

 

[{نوتيلا}]

لا تخلي الشك يدمرك
و سواء وااثقه ولا مو واثقه الرجال ما تعطيه الامان لكن ما تحسسيه بدا الشي

استودعيه عند الله
و ادعي انه ربنا يريحك من الشك و التفكير
والله يعينك

 

[al.3noud]

الله يصلح بينكم ويوفقك
ويسرلك كل عسير

 

[غرام السنين]

حبيبتي سر الأنوثه الله يعينك بس ترا هالشي صار بدم الشباااب تلاقينه يحب زوجته بس يحب يشوووف هالمواقع يعني فضووول لاأكثر ولا أقل ومادام إنه تاب ورجع يعني خلاص كل شي راااح بس باقي إنتي تنسين أدري موبالسهوووله إن البنت تنسى بس حاولي وأنصحك تكلمينه وتقولين له إنك للحين مانسيتي ولإنك حسيتي بأن ثقتك إنهزت فيه وإنك ماتستمتعين بعلاقتكم الحميميه صارحيه ترا هالحوااار راح يغير أشياااء كثير بحياتكم ويذكره إن هالأشياء تضااايقك وإن شاء الله يهديكم لبعض ويمتعكم بحياااتكم الزوجيه

 

[جامعيه سعوديه]

الله يصلح بينكم ويوفقك
ويسرلك كل عسير

 

[محبة مكة]

دائما انو الله يسخر لك زوجك ويصرف عن جميع النساء

 

[عنأقيدالوفا]

انافاهمتك وزوجي مومقصرمعي متفاهمين بس مثل ماتقولين

بعض مشاكلنااللي هزت ثقتي فيه كانت خرابيط نت

ومع كذاصرت احس بانعدام بثقه من ناحيتي

بس مع الايام عودت نفسي اني اترك الحشريه والتجسس بلاول

وثانياماعاااداسمح للفضول يدخل حياتي من ناحيته يعني ماابي اعرف وين راااح وومن يكلم ومن اتصل فيعه

واشياء كثيره

وصدقيني حياااتي صارت احسن بكثيرلان الباب اللي يجيي منه ريح سديته واسترحت وانااعرف انه مارح يسوي شي

يضرحياتنا ويضرني

لذلك اتكلت على الله وقلت كييييييييفه يخرب اللي يبيه بحررررريقه اهمك شي ماادور على شي يعور راسي

يعني انسي وعزز ثقتك فيه هويخربط وبس

 

[رشا حسن]

الله يصلح حالك و يهدى زوجك اللهم اميييييييييييييييييييين

 

[سر الأنوثة]

اشكر لكم مروركم يا اغلى خوات

 

[سرآب الضامي]

؛
؛
؛
.

انا معى زوجك ومتأكده انها خرابيط نت وفضااااوة فارجو ان لاتجعلى هذا الشي ياثر على حياتك

وياثر على حبكم فلاتجعلى الشيطان يوسوس في راسك وتعوذي منه واسعدي زوجك

ثاني شي مو حلو المراة تفتش في اغراض زوجها بقصد التجسس عليه


اتمني اني اكون قدمت لك نصحيه

دمتي بخير وسعاده
؛
؛
؛
.​

 

[سر الأنوثة]

حبيبتي أنا ما أهملته يوم حملت لا بالعكس الا زاد تعلقي فيه
بس الحكاية اني صرت عصبية شوي وحساسة يعني دمعتي على طرف عيني مثل ما يقولون
حتى هو بنفسه قال اني ماقصرت معه .... وكل خلافاتنا كانت تافهة وبسيطة بسبب حساسيتي وصدقيني ولا يوم خليته يعدي عليما واحنا متخاصمين وحتى لو ماكنت غلطانة اطيب خاطرة وادلعة ولا اخليه يحس اني مهملته عشان كذا انا مصدومة منه ماقصرت بشي حتى الكلام الحلو والله ما اقصر معه فيه ... طيب ليش راح يدوره عند غيري هذا اللي قهرني ... مارح تصدقين لو قلت لك انه مايطلع من البيت حتى لو كلموه اصحابه يعتذر لهم مع انه كان راعي طلعات وسهرات برا الحين يقول انا مرتاح ومستانس ليش اطلع ..الحمد لله احنا حلينا ها المشكلة بس اللي متعبني اني مو قادرة اتخطاها.. ومشكورة اختي على ردك الطيب

 

[تباشير المطر]

عزيزتي انتي صارحتي زوجك وهو اعتذرلك والحمدلله باقي انك عشان تحافظي على حياتكم مع بعض تجنبي طاري غلطته وتذكيره باللي صار كل وقت لان هالشي بيخليه ما عاد يضرب لك حساب وينتقم منك باي شكل من الاشكال
تمنياتي لك بالسعاده