............... أنا .. وقانون الجـــــــــــــــذب ................

[فطيم..]

السلام عليكم ورحمة الله وبركاته

بنات بخبركم بأشياء تصيرلي مع قانون الجذب

انا هالقانون شغال عندي بدرجة ماتتصوروونها

لكن بطريقه معكووووووسه !!!

دايما افكر واتخيل يصيرلي كذا وكذا او يصير لفان كذا

وفي الواقع يصير ... لكن مب لي .. ولا لفلان !!!

مثل مره كنت اكره وحده حرمه كره شدييييييييييد وكنت اتمنى ان يصيرلها حادث بالطائره وتموت من كثر كرهي لها ... ادري ان هذا حرام لكن صدق مسودتلي عيشتي واريد اخلص منها باي طريقه

سبحان الله بعد هالتفكير بكذا اسبوع اخوها يصيرله حادث طياره ويموت !!!!!!!!!!

******************
مره كنت افكر ان ناس من العايله الفلانيه تتقدم لخطووبتي

وهاي العايله لاتقربلنا ولا شي ولا نفكر فيها ابدا بس انا كيف يت فجأه على بالي ماعرف !!!!

يومين بس ونفس هالعايله ترسللنا بطايق دعوه لعرس ولدها والبنت بنت جيرانا !!!!!!

*****************

مره كنت افكر في وحده واقول ياريت تيجي تزورنا ... واختها هي اللي يت وزارتنا مع انه مافي تواصل بينا وبينهم بس فجأه شفتها عندنا !!!!

****************

الحين انا اريد اعرف ليش قانون الجذب يشتغل عندي بطريقه معاكسه ليش !!!!!

مع اني ابدااا ما افكر في الطريقه المعاكسه لكن مايضبط معاي ماعرف ليش

اللي تعرف ياريت تجاوبني :surrender:​

 

[أنفاس الأمل]

يمكن انتي مامتي بالتمارين بالشكل الصحيح
سبحان الله وانعكست الامور تماما

وظفي طاقتج بشكل صحيح

عندج كتاب السر للدكتور صلاح الراشد
او ادخلي يوتيوب ودوري عن برنامج رساله الى الكون

للدكتور نفسه بعد

والله بتستفيدين
عن نفسي استفدت من البرنامج ووظفته لنفسي

وانا الحين ببالي شي يالسه اجذبه لي بصوره علنيه افكر فيه واتخيله وااااااايد وان شاء الله يتحقق لي
دعواااتكم

 

[ذاكرة الجسد]

قانون الجذب عشان يشتغل في صالحك (لأنه ممكن يشتغل ضدك)

لازم تشتغلين على نفسك اول:idea:​

1- Gratitude ، اذكري جميع الايجابيات والمنح اللي ربي اعطاكي اياها واشكري الله عليها ، لاتركزين على عيوبك او النواقص في حياتك. ( وهذه يبي لها فتره من الزمن حتى تتعودين على الامتنان ومخك يتبرمج على التفكير الايجابي والسكون الداخلي) وهي الاساس قبل ما تشتغلين على الجذب

2-Visualization، اقضي فترة من الزمن 15 الى 20 دقيقه يوميا في تخيل الاشياء الايجابيه
مثلا مقابلة ناجحه او خطبه او زواج. بالتفاصيل الدقيقه ، اكتبي رغباتك على ورق وراجعيها

3-Action وهنا الكثير من الناس اللي معرفتهم بقانون الجذب سطحيه، يدعون ان القانون يغفل الجانب العملي!!!! وهذا خطأ والدليل اغلب المؤلفات الاجنبيه تكلمت عن اهمية العمل
هنا ضعي لنفسك خطه بالامور اللي ممكن تساعدك لتحقيق رغباتك Desires ، وفي الغالب جربي خطوات عمليه جديده لم تستخدميها من قبل.

بعد ماتسوين الامور السابقه بصوره صحيحه راح تتفاجأين بأن امورك بدأت تمشي بالطريقه اللي تتمنينها.​

المتخصصين في قانون الجذب في العالم يؤكدون وجوب التحرر من المشاعر السلبيه مثل الغضب:icon28: ، الحزن والكره وعدم تقدير الذات :dunno:
قبل البدء بالتخيل والعمل ،
والا كانت النتائج وخيمه

والتحرر من المشاعر السلبيه مايكون في يوم وليله!!!!!!!

لا طبعا

يحتاج وقت طويل (شهور) وممكن تحتاجين متخصص في السلوك النفسي اذا كانت مشاعرك دفينه وقويه
وهنا يظهر اهمية قراءة القرأن واستخدام السدر والملح كغسول للجسم لأنه يقوي Aura ،ويحمي الجسم من المشاعر السلبيه مثل الحقد والكره من الاخرين تجاهك ( وهنا ما اقدر افصل في الكلام لأن موجود عندنا في الاسلام باسم التحصين بالقرآن)

اعطيك مثال
وحده تعاني من استغلال المقربين لها من اخوه وصديقات وزوج والكل مو مقدرها ومو معطيها اعتبار ، السبب واضح وهو عدم تقديرها لذاتها
اذا بدأت بالتخيل والعمل ، راح تجذب اشخاص جدد
ولكن سيستغلونها .
فضروري تشتغل على مشاعرها الداخليه ثم تبدأ بالتخيل والعمل.

---------------------------------------------------------------------------------------------
حالتك ما اعتقد انها جذب ، هي استقبال خواطر
تجيك خاطره ولكن ناقصه او غير واضحه وبعد فتره تظهر على الواقع بصورتها الصحيحه

تحياتي:bye1:

 

[لينه]

مشكورين يسلمو وذاكرة الجسد الله يحفظك عيني عليك بارده

 

[@روح الورد@]

ماشا الله عليج يا ذاكرة الجسد

كلامج ولا أحلى

يحفظج ربي من كل عين حاسد ويرزقج بولد الحلال والذرية الصالحة

 

[ذاكرة الجسد]

اخت لينه وروح الورد

مشكورين على دعواتكم لي ماتدرون وشكثر محتاجه الدعاء

ياجعل ربي يسلمكم:icon26:​

 

[mazyo0ona]

مثل مره كنت اكره وحده حرمه كره شدييييييييييد وكنت اتمنى ان يصيرلها حادث بالطائره وتموت من كثر كرهي لها ... ادري ان هذا حرام لكن صدق مسودتلي عيشتي واريد اخلص منها باي طريقه

حبيبتي الكره تفكير سلبي
وبعدين حرام عليج تتمنين الشر لأي احد
حتى لو كرهتيها

دائما حطي ببالج إن لو ماخذيتي حقج
الله اللي بياخذه لج ولو مب في الدنيا بتاخذينه بالأخره

وصدق مجرد ماتحطين هالفكره ببالج بترتاحين نفسيا
وماراح تكهرهين احد

وعجبني كلام ذاكره الجسد
وضحت لي اشياء ماكنت فاهمتها
الله يجزاها ألف خير