طيب انا زوجي مرتبه قليل جدا وعلينا قسط 5سنوات راح منه سنتين وهو مش طماع وبيصرف علينا وغالبا تلقاه بجهاز جديد له او يشتغل بسيارته او يبدلها ويزود عليها حتى ان غراض البيت قليل نشتريها دايم مضغوطين ماديا..بس لما يطلع الراتب مايرفض اي شي اطلبه انا والاولاد..بس هو يصرف مايحسب حساب الغد..وانا مرتبي الف ريال فقط وما اتهنا فيها دايم مقصره على نفسي باللبس ..الالف هذي يادوبها مصروف من اكل وطلعات وكماليات..وامي تزعل بعد تبي منها وبس دايم تحطمني فلانه تعطيني من مصروفها وفلانه ايضا تعطيني..وحتى بيتي مافيه اثاث مانقدر بس نشتري الشي الاساسي..وهالحين اذا انتصف الشهر خلص راتبه واحيانا اعطيه راتبي واحيانا اقول صرفته وانا ماابغاه يعتمد علي انا..واحنا ننتظر بس يطلع قرض البنك بعد 3سنوات او 4 نبني بيت لنا وهو يقول متى ترقين بوظيفتك عشان نبني بيت لنا..وانا صراحه لا امانع من مساعدته لكن اللي محيرني بيسكن امه معانا ..هل اكتب حقوقي اللي ادفعها معها بورق ام اثق فيه..لانه فيه مشكله بيننا لازالت قائمه وهي امه يريد ان تسكن معانا وانا من شروطي بيت مستقل ولو سكنت معانا راح يهمشني كما هو الان..ويريد استشارتها بكل صغيره وكبيره لارضائها وانا اريد ان اكون ملكه حرة في بيتي ومع اولادي ولو برفضها يقول لي بسرعه انا راح اتزوج غيرك وانتي ماتبغين تضحين معاي ومن هالكلام..وهذا الشي محيرني اني اساعده بالبناء او لا..