أنا والفلبينيه وعيالي شنو الحل؟؟؟؟

[ريفال22]

السلام عليكم كل الملكات :مشكلتي إني عندي خادمه فلبينيه وكانت في البدايه زينه سوى بعض التغيرات التي تطرأ عليها احيانا في المزاج ....أحيانا طييييييبه واحيانا شكلها مو طايقه احد ...المهم مو هنا المشكله ....الزين فيها صارت عارفه نظامي وحبوها عيالي وصارت تعرف الكثير من الطبخات وبصراحه صارت مريحتني خصوصا اني موظفه... الشي اللي يعكر المزاج وبصراحه خلاني في حيره انه وبعد زيارتي لاهلي العطلة اللي فاتت أهلي طبعا في منطقه بعيدة عني أشوفهم بس كل فتره أو مناسبه أروح لهم ::::: المهم لاحظت على شغالتي فرحتها الكبيره لما نروح لأهلي وصارت خدامة أهلي تفتن عليها لخلاف بينهما :::ولما راقبت شغالتي لقيتها طالعه من غرفة أخوي اللي في الثانويه والأدهى إن على علاقه بلبدال القريب من بيت أهلي ،،وواجهتها خافت وظلت تبكي وماخبرت زوجي بها لشي بس هددتها واكتفيت بكذا وهددت أخوي ومالاحظت شي بعدها بس لما جات تسافر خدامة أهلي هاليومين قالت ان خدامتش ماتابت وانها على علاقه بأخوي الثاني الأصغر من الأول بشوي ،،،بصراحه لما واجهتها انكرت وهذا شي متوقع ،،الحيرة أنا مرتاحه لها مع عيالي تحبهم ويحبونها وعيالي من الصعوبه يتأقلمون مع اي شخص بسرعة وهذا ماعانيته لما جات في البدايه :::اللي ابيكم تعرفونه انها خلصت مدتها وتقول انها ودها ترجع ،،،،وزوجي لما لمحت له وفهم بعض خرابيطها عموما قال بكيفش بس انا المهم عندي عيالي اشوفها زينه معاهم وماشاء الله عليها من هلناحية ماتنظلم وهي محتاجه مثل ماتقول فلوس وناويه ترجع لي اذا بغيت ،،،،عارفه اني طولت عليكم بس ماأبغى تشوفوني أنانيه وابغى راحتي لأني وبصراحه عيالي عيالي أطفال وهم عندي فوق كل شي ويهمني رايكم :::وش رايكم يلملكات أرجعها أو اسفرها وأجيب وحده ثانيه وارتاح من همها بس ابشيل هم عيالي لأنهم من النوع الخواف والكتوم ولو ينضربون مايقولون إلا بعد فتره تكفوووووووووون طلبتكم لا تتركوني لأن قدامي أسبوع واحد ولازم أقرر بالله عليكم شنو الحل انتظركم بفارغ الصبر ::::الأم المحتاره:tears:

 

[إنطلاقة]

طبعا سفريها لأنها خطر على زوجك وعلى عيالك....


عايزة واحدة زانية تربيلك عيالك؟؟!!!!


لا حول ولا قوة إلا بالله العلى العظيم

.
\

 

[aziza]

الله يهديج اختي الموضوع ما يبيله سؤال اشلون تأمنين عيالج عند وحده زانيه وما تخاف الله شدراج ما تحول على زوجج وتحاول تغويه مثل ما سوت مع خوانج من ترك شيئا لله عوضه الله خيرا منه وانت خليها تولي والله راح يعوضج باللي احسن منها .

 

[أ ب ت ث]

طيب ولو عيالج كبروا وسوت معاهم نفس الشـي ؟!!

بدون تفكير سفريييييييها عالطــووول !!

 

[some1]

لن ازيد على ما سطرته الاخوات
حسبي الله عليها

 

[ام نونو]

سفريها وجيبي غيرها احسن

 

[لبلوشيه]

حسبي الله ونعم الوكيل فبها هذا ما يباله أخذ وعطا سفريها الله لا يرجعها

 

[lenh]

الله يهديج اختي الموضوع ما يبيله سؤال اشلون تأمنين عيالج عند وحده زانيه وما تخاف الله شدراج ما تحول على زوجج وتحاول تغويه مثل ما سوت مع خوانج من ترك شيئا لله عوضه الله خيرا منه وانت خليها تولي والله راح يعوضج باللي احسن منها .

خصوصا رغبة الجنس الواضحه عندها ومااتدرين بكرا تغري زوجك ويكون الوقت فات :dunno:

 

[الام الحنونه]

طيب كيف ترضين فيه وانتي تعرفين سالفته مع اخوانك
مايحتاج تبي رجال
المفروض بعد سالفة اخوكي الاول انك ماخذته لاهلك
واذا كانت عندك راح تدور رجال يمكن تبد باولادك
لاتقولين حنونه ومادري ايش

الله يعوضك شغاله احسن منه
ويهدي الجميع
تقبلي فائق تحياتي

 

[مدي الحب]

سفريها قبل متلف علي زوجك وولدك هذي تخوف يمكن لعبه بالطفال الله يستر

 

[mo00on14]

واضحه وضوح الشمس
سفررررررريهاااااااا

 

[حنين الامل]

لا تكونين مغفله ولاماعندك عقل تشفين وش سوت بااخوك تبغينها تروح لزوجك اذا كانت تجرات على اخوك اكيد راح تتجراءعلى زوجك سفريها ورتاحي

 

[ربي ارحمنا]

????????????
الحل بيدك...

 

[احبه موووووت]

مايبيلها تفكير علي طوووووووووووول سفريها هاذي مامنها امان اشلون تأمنين علي عيالج معاها ماتدرين بغيابج وش تسوي فى بيتج تيب احد ولا تغوي احد ولا شيء هاذي مو اوكي اهم شيء بيتج لايخترب سفريها وبتلاقين الي احسن منها ولاتسكتين لها وتقعديها عندج .

 

[سنديان]

وش لون بس فكرتي لحظه انك تخلينها؟؟
يعني مصلحتك اهم من شرف اخوانك؟
ماعندك غيره على محارم الله؟
استغفر الله .الله لا يؤاخذك

 

[أنت عضو سابق فقط]

طبعا لا يفترض بك الاحتفاظ بمثل هذه الخادمة في بيتك ،،،، ان احتفظت بها ستفسد لك بيتك ،،، لو كنت مكانك لسفرتها فورا

 

[إطلالة ربيع]

ترى الاخوان غالين غلات العيال،،
و اللي نحبه لعيالنا لزوم نحبه للناس البعاد فما بالك باخوانك
لازم تكونين حريصه على اخوانك و تحمينهم و هم الحين صغار
بخلون اللوم عليك بعدين اذا كبروا..
بقولك القاعدة الذهبية بين كل الاديان "حب لاخيك ما تحبه لنفسك"

 

[عنقود عنب]

اعذريني على صراحتي

لكن انت في قمة الانانية

انت فكرتي في عيالك ...لكن للاسف ما فكرتي في اخوانك

اخوانك يفعلون الحرام وانت ساااااااااااااااااااااااكته ؟؟؟؟؟؟؟؟؟؟؟؟؟؟؟

شي مفجع صراحة

وين قلبك وين ضميرك وين خوفك من الله

وين خوفك على اخوانك ...يزنون وانت ساكته عشان مصلحتك و مصلحة عيالك ؟؟؟

اختي ...الدنيا دوارة ...اليوم اخوانك بكرة اولادك

الجزاء من جنس العمل يا اختي ...اتقي الله

شغاله بدالها مليون

واذا ما لقيتي اجلسي في بيتك و قابلي عيالك

مو تخلي وحده زانية تربي لك عيالك ...واي تربية هذه ؟؟؟؟

لا حول ولا قوة الا بالله العلي العظيم

صحيح احنا في اخر الزمان

 

[خيالة الشرق]

اعذريني على صراحتي

لكن انت في قمة الانانية

انت فكرتي في عيالك ...لكن للاسف ما فكرتي في اخوانك

اخوانك يفعلون الحرام وانت ساااااااااااااااااااااااكته ؟؟؟؟؟؟؟؟؟؟؟؟؟؟؟

شي مفجع صراحة

وين قلبك وين ضميرك وين خوفك من الله

وين خوفك على اخوانك ...يزنون وانت ساكته عشان مصلحتك و مصلحة عيالك ؟؟؟

اختي ...الدنيا دوارة ...اليوم اخوانك بكرة اولادك

الجزاء من جنس العمل يا اختي ...اتقي الله

شغاله بدالها مليون

واذا ما لقيتي اجلسي في بيتك و قابلي عيالك

مو تخلي وحده زانية تربي لك عيالك ...واي تربية هذه ؟؟؟؟

لا حول ولا قوة الا بالله العلي العظيم

صحيح احنا في اخر الزمان

وازيد انا اذا ما خفتى من الله بانك رضيتى بها الزانيه تربى عيالك ما خفتى عليهم منها خاصه من الامراض يعنى اهى عاشرت كم واحد لو لاقدر الله اصيبت بالايدز ولعلمك ترى ها المرض الله يحفظنا ممكن يصاب الانسان فيه ويكون حامل للمرض بس الاعراض ما تكتشف الابعد سنين ممكن توصل للعشر
الله يهديك

 

[أسماء زكي الدين]

أختي الله يهديك حاطة وظيفتك أولا ...

الشغالة مريحة أولادك مثلما تقولين لكن ...

هل تحسبين أنها تظل بلا ... حتى سفرك لبيت أهلك ... لتلتقي بهذا وذاك!!

من الممكن أنها تدخل أحدا لبيتك وأنت وزوجك في أعمالكم

ولازم وقتها تحن على الأطفال وتراضيهم وتدلعهم حتى لا يزعجونها أو يفتنوا عليها !!!

وما نسمعه عن بلاوي الشغالات اليوم .... وبعدما شاهدتيه عليها المفوض كان تشكي فيها إنها تؤذي أطفالك بشكل أو بآأخر


والأطفال لا يفهمون كل شيء ... ربنا يحفظهم لك ويهديك ... وعوضك خيرا