أنا قدها................ رغم الألم.......... الله نصرني في النهايه

  • بادئ الموضوع بادئ الموضوع أم مسرة
  • تاريخ البدء تاريخ البدء
كملي يالغلا معك نحن والله انها مثال للصبر والتحدي.
 
قال هاتي من الاخر
قالت من الاخر هذولا مو عيالك ما دري كيف وقف
انا شفته طب واقف وسكر الباب بقوه وسحبني من يدي لعنده شو تقولين
فكيت يده منه بقوه
قلت الي سمعته
وقال تقولينها بكل وقاحه
قلت ايوه اقولها بكل وقاحه هالعيال عيال امك مو عيالك لاني يوم تزوجة الظاهر والله اعلم انه امك كانت داخله علي مو انت
سكت تجمد وجهه من قوة الفشيله
قلت الظاهر انك يا اهبل ولا تستهبل انت ماخذ ثنتين مو وحده لو ما كنت انا العذراء فاكيد الثانيه كانت العذراء الشريفه واكيد كنت بتعرف من فينا الطاهر يا طاهر
عموما الكلام واقف ولنا وقفه عند ابوي وللاسف راح ابوي قبل لا اخبره هالموضوع
مات الله يرحمه في نفس اليوم المساء الله يغفر له ويرحمه ورحت لبيت اهلي جلست مع امي فترة الحداد كامله وما كان بيننا اي نوع من انواع الاتصال كان يجي يزور امي وكنت اطلع لما يجي يزورها ...
طيلة هذيك الفتره كنت افكر ارجع له ولا اطلب الطلاق واريح نفسي
جيت جلست عند امي خبرتها بالموضوع بعد ما خلصت عدتها
قالت امي ما عليك منها يا بنتي بيتك عيالك لا تنسين عنك خمس عيال ومحتاجينك
قلت وانا والاهانه والجرح
قالت ربي بيعوض صبرك خير صدقيني
قلت امي تعبت صدقيني من كل يوم يبي حرمه وانا لليوم ادور معنى كلمة حرمه وما فهمتها
قالت وانتي شو مو حرمه وهي تضحك
قلت والله هذا الي اعرفه
قالت انتي من قال لك انه زوجك يبي حرمه
قلت ابوي الله يرحمه
وجهه امي صار بهذا الشكل
وقالت وانتي جلستي تدورين المعنى
 
قلت ايوه
قالت المعنى الرجال يبي يحس بوجود زوجته بفراشه يبي يحس انه الي عنده حرمه
قلت اهاااا
قلت زين الحين فهمت ورحت لغرفة اخواتي لقيت اخواتي المتزوجات
وقلت لها ممكن سؤال؟ كيف الرجال يبي يحس بزوجته انها عنده بالفراش
جلسن يضحكن علي وقالوا اني لليوم ما عرفتي
قلت لو كنت اعرف ما كان زوجي كل يوم يركض يبي زواج ...
واخذت درس محترم من اخواتي وفهمت المطلوب ...
وجا زوجي وقال يلا بنروح للبيت
قلت زين ركبت انا وعيالي للسياره وانا اشوف الطريق مو هو طريق بيت اهله
قلت لوين رايحين
قال للبيت
قلت اي بيت
قال البيت
سكتت عنه قال هذا للحين يستهبل ...
وقفت سيارتنا قدام بيت غير بيت اهله
قلت بيت من هذا
قال بيتك الي ابوك الله يرحمه شرطه علي وهذا انا جبته لك
وهنيه اكتفي بهذا القدر عن حياتي واقولكم انا الحمد لله سعيده ومرتاحه اللهم لك الحمد ...
 
بنات بامانه أنا ناقله لكم القصه نقل يعني كل شي يخص صاحبة القصة وهذي وصية من عندها:


اخواتي
الزوج لما يتزوج ما كان يبي ديكور اضافي لبيته ولا شغاله ولا غساله كان يبي انثى بكل ما تحمله هذه الكلمه من معان ...
انا ما كنت اعرف امور كثيره وتعلمتها لانه لازم اتعلمها ما اقول امي قصرت لكن امي جعلها مع خوفي كمل الموضوع زين ...
تعلمت فنون كثيره نفعتي بحياتي الزوجيه صح جات متاخره لكن لعل هذه حكمة من ربي علشان نعيش حياتنا اكثر سعاده ...
الحياه الزوجيه بتشوفين فيها كثير واول نصيحه واهم نصيحه
لا تتركين بيتك لاي سبب اجلسي واصبري وتحملي
ما دام زوجك مو مسبب لك اذيه باليد اوشرب المنكرات ...
الثانيه اهتمي بصحتك بتنفعك ... بصحتك بتكونين حرمه بكل قوتها بصحتك بتنفعين عيالك وبصحتك بتقومين لعبادتك...
الثالثه اقري وتثقفي بامور الحياه الزوجيه ولا تتوانين تستشيرين احد من المختصين لانه هذا زواج ويبي ناس فاهمه تساعد لا تتخبطين يمين يسار...
الرابعه الزوج انسان له احساسه ومشاعره مو تقومين تجيبين لك درزن عيال ولا نص درزن وبعدين تقولين يالله اقوم اربي عيالي الحين وهو براحته انا بفضى له ولا لعياله ...العيال بيكبرون وبيتزوجون وبينسونك مثل ما نسينا اهلنا وعشنا ببيوتنا وما نذكرهم الا بالاتصال او الزياره ... اما هو رفيق الدرب وانيس الوحده تقربي منه بالاسلوب اللطيف والكلمات الرائعه لا تدخري اي كلمه تعرفينها اغرقيه بحنان وحبه وبتشوفين كيف بيذوب بين يدينك وان حسيت في احد يبي يخطفه منك كثفي الحنان جرعه زياده وشغلي مكر النساء لا تنسين تفكرين بعقل ولا تخطين اي خطوه الا وانتي دارسه نتائجها...
الخامسه سامحيه سامحيه سامحيه على كل زلاته ولا اتركيه وروحي لبيت اهلك ما دام قلبك مملوء بالبغضاء عليه ...
السادسه حبي زوجك بشكله وطباعه ولونه هذا نصيبك وارضي به ما دام هو قايم بما يرضي الله ما عليك من الباقي واعتبري الباقي ابتلاء من ربك واصبري...

السابعه وهذي سر قربن بقولها لكن تدرين انه ملامح وجهك تبين له اذا كنتي تحبينه ولا لا من نظرت عيونك واشراقة ابتسامتك وصوتك وحتى بضحكتك
 
بنات هي بعد منزله نصايح لكم ولك بنت مرة في نفس المحنه بس بنزلها لكم بااااااااااااااكر

لأني ألحين بطلع وتصبحون على خييييييييييييير:21:
 
الله يجزيهااا الف خير .....وجزاج الله الف خير اختي ام مسرة على النقل المفيد وان شاء الله راااح نهتم اكثر والحمدلله اني انا بعد ما ستسلمت وراااح احاول اكثرواكثر ان شاءالله في انجاح حياتي الزوجيه والله يوفق الجميع...وترجعين بالسلامه ان شاءالله.
 
الف شكر لك يا ام مسره على القصه الاكثر من رائعه
والله يسعدها ويألف بين قلبها وقلب زوجها
اما انتي
الله يسعدك دنيا واخره
وسفره سعيده ان شاء الله
وترجعين بالسلامه
وتقبلي تحياتي
 
قصة في منتهى الروعة والفائدة جزاك الله الف الف الف خييييييييييييييييييييييييييييييييييييييييييير
 
اااااامتعتني القصه جداااااااااااااا واستفدت منها الشي الكثيييرر شكرااا لكي اختي
 
جزاك الله كل خيييييييييييييير على النقل والقصه مرررررررررررررررره ومفيده الله يجعلها في ميزان حسناتها بس بصراحه...مستحيه اسال بس مضطره..
وش قصد ابوها (بحرمه؟) كيف خواتها شرحولها المعنى لاني بصراحه ما فهمت.....بصدق ما فهمت البنت مو ناقصها شي....اذا حد يفهمني اكون شاكره..
 
الله يجزاها خير وييسر أمورها ويسدد خطاها ويعطيها على قد نياتها
وجزاها الله كل خير والله اني في محنة مثلها وازود والله يفرج هم الاخوات جميعا
ويجعل نصائحك في ميزان حسناتك
 
قصة حلوة وايد وايد هل هى حقيقة ام خيالية مفهوم من قصة كانت بطلة قصة جماد فقط مع زوج جسم بلا روح وتجيب عيال بس ريال يبى حرمة حرمة بلفراش عشيقة صديقة تكون لة ام واخت وحبيبة وطبيبة وسستر وكل شى ترى العيال الى نذبح عمرنة عليهم اهما باجر يكبرون ويشوفون حياتهم ويمكن يزورونة ويمكن لاء الى دايم هو زوج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل