أنا في ورطه ومن منكم تقدر تساعدني ارجووووووووكم

[روح القلوب]

السلام عليكم

بنات أرجوكم

أنا تعبانه حيل ونفسيتي داون أبغى منكن تساعديني

.....................................................

كان المفروض بتاريخ 15\1 تجيني الدورة وحتى الحين ماجات قدني فرحانة في نفسي ع أساس إني حامل
وانه برزق بطفل يهون علي همي وتعبي

رحت أمس العيادة سويت تحليل دم وتحليل بولي أعزكم الله وطلعت النتيجة سلبيه
قالت لي الدكتورة عندج التهابات ولازم تسوين جهاز للرحم بس أنا ماكان عندي مبلغ كفاية فقلت بنتظر لنهاية الشهر عشان الجهاز
اعطاتني حبوب ومحلول اشربه

بس أنا مستغربه بطني منتفخه ومعورتني واجد وظهري نفس الشي وحاسة بتعب ووجهي شاحب والأكثر الدورة ماجات إذا عن الالتهابات ما اعتقد أنها بتمتنع يعني باتجي مع الآلام ووجع

أرجوكم أرجوكم أي وحده حصل لها نفس الشي وتعرف شي عن الموضوع تخبرني أش أساوي
أرجوكم أفيدوني ترى ايش تعبانه وبطني معورتني

للعلم أنا ما كليت الدوا حتى الحين لأني خافيه قلت يمكن يكون حمل بس ما بين واكل الدوا وبعدها أتورط


أرجوكم بنات أفيدوني وادعولي
:sadwalk::sad_1:

 

[اساس الغلا]

والله ماعندي خلفيه عن الموضوع بس حبيت ادعي لج
الله يعطيج الي تتمنين ويرزقج بالذريه الصالحه

 

[حبي هلي]

الله يعينك ويفرجها عليك اذا كان عندك شك انتظري اسبوع وبعدها روحي سوي تحاليل مره ثانيه
وانشاء الله ربي يرزقك ويرزق خواتي وكل محرومه بالذريه الصالحه عاجلا غير اجل

 

[روح القلوب]

اساس الغلا
حبي هلي

يسلموا ع المرور
والله ايش تعبانه ومعوره بطني بنتظر عاده كم من يوم

 

[ام عائش]

السلام عليكم لما نتيجة التحليل تبقى سالب المفروض تعيديها بعد اسبوع انتطرى ربنا يرزقك الذرية الصالحة

 

[روح القلوب]

طيب بنتظر ربي يسلمك

انا خايفه ليكون عندي سقوط الرحم

 

[الشوق وبس]

انتظري أسبوع..وعيدي الفحص..لأنه نتيجة الحمل ما تبين عند البعض إلا بعض أسبوع أو 10 أيام من تأخر الدورة..

 

[بسمه حلوه]

من رأيي أنتظري لأتأكلين علاج لأني صارلي مثل الحاله جلست الدوره شهرين ونص ماجت وإذا حللت مافيه شيء وأخر شيء صرت حامل

 

[حلاوغلا]

اهلين اختى وانابعدراى من راى خواتى انتظرى يمكن يكون حمل الله يرزقج انشالله ويرزق كل محرومه

 

[!!اميره الورد!!]

سلامات وماتشوفين شر واسال الله ان يشفيك وانتظري يمكن خيره لك

 

[الأمل المفقووود]

اخيتي غيري وروحي لطبيه ثانيه
والله يفرح قلبك بنونو صغنون

 

[قمه الروعه]

هلا اختي

اصبري يمكن الحين يتكون الحمل وانتي ماتدرين خلي تمر بعد دورتك شهرا كاملا هذا الافضل

وبعدين روحي حللي وان شاء الله انك حامل كلي امل بالله انه يرزقك

بس امانه بعدين طمنينا عليك

 

[د.ام سامر]

لا ازيد على اخواتي فقد قالوا كل ما كنت اريد قوله
يا رب يا ذا الجلال والاكرام اتكون اختي حامل وكل من تتمنى ورددي معي
استغفر الله عدد ما كان
استغفر الله عدد ما يكون
استغفر الله عدد السكون
استغفر الله عدد الحركات

 

[روح القلوب]

بنات ربي يرزقكم خير
د. ام سامر
الامل المفقود
قمة الروعه
امس واليوم تعبت واجد ورحت مستشفى حكومي وعطوني 2 ابر و سقايه وسوا لي اشعه قالوا ما فيج شي وخذيت حبوب وشراب قد شربتهم مريتين بس تو خفت ماراح اشربهم وراح انتظر لنهاية الاسبوع واكشف واخبركم
ربي يرزقكم كل وحده ع قيد نيتها