أنا في أمس الحاجه لكم بعد الله .. انتظركم

[الآمل بآلله]

السلام عليكم ورحمة الله ..


اخواتي أنا احتاج مساعدتكم جدا

يعلم الله اني في ضيقه شديده


سوف أختصر الموضوع واعذروني فالامر محرج ولكن سأشرح الموضوع بطريقه لاتخدش الحياء


انا عندي مشكله في الـعضو

وهو اني طلعت لي حبه كبيره شوي وتؤلمني جددددا وخاصه وقت الجماع

هذه الحبه سبق وان ظهرت لي قبل 4سنين وكنت وقتها لم أتزوج وذهبت للطبيبه مع أمي

وقالت لي انه كيس دهني حميد وسبب ظهوره التهاب

وووصفت لي غسول ومضاد حيوي ومرهم

والحمدلله اختفت الحبه مع العلاج بعد فتره



الآن ظهرت مره أخرى وهي تسبب لي آلام كثيره واحراج

طبعا انا لم أخبر زوجي ولن أخبره لأن زوجي اعرفه سوف يسخر مني الله يسامحه

وهو دايما يسخر مني ويقول اني ( وسيعه ) مع اني لااعتقد اني توسعت فأنا ليس لدي الا طفلين فقط

ولكنه هو دايما يسخر مني بطريقه غير مباشره

والان لا استطيع ان اذهب للطبيبه لأن زوجي يجب ان يدخل معي عند الطبيبه ولايدعني أذهب لموعدي

لوحدي ابدا واشعر بالاحراج امام الطبيبه منه احيانا اريد ان اسألها اشياء تخص النساء ولا اريده ان يعرفها

ولكنه يكون معي بالعياده فأسكت وهو يسأل كثيرا ويحب ان يعرف كل صغيره وكبيره

واذا ذهبت معه لكي اعالج الحبه أحس انه سوف يتقزز مني ويسخر

الله يسامحه ويهديه بس

ارجوكم هل مرت احدكم بمثل مشكلتي ؟؟

وكيف عالجت نفسها ؟ هل استطيع ان اتعالج بنفسي بإذن الله طبعا

جارتي قالت لي استخدمي المره المنقوعه بماء دافي واتشطف بها وابتعد عن الجماع
مارأيكم؟؟


أنتظركم ؟؟؟؟؟؟؟؟؟؟؟؟؟؟؟؟؟؟؟

من تساعدني والله لأدعي لها في جوف الليل بإذن الله ولن انسااها من دعائي ماحييت​

 

[حلا ماركه]

الله يشفيك ويعافيك ماتقدرين تروحين لاهلك ومن هناك تروحين للدكتوره بدون مايدري زوجك لان هالامور لازم طبيبه نسائيه المره زينه وهي مضادحيوي بس لازم كشف وزوجك ماعليك منه اهم شي عافيتك انتي تتحملين الالم وهومبسوط علي حساب صحتك وخير ان عرف ماعاليك منه قولي طلعتلي بسببك

 

[الجواااان]

الله يشفيني واياك ومرضى المسلمين حبيبتي اذا انتي منحرجه من زوجك ومن تهزئته احجزي موعد في اليوم اللي تروحين فيه لاهلك وطبعا نسقي مع امك بحكم انها عارفه عن الحبه اللي جايتك وان شاء الله ماقدامك الا العافيه

 

[حمدوشكرلله]

هلا حبيبتي بالاول الله يعينك على هالزوج وعلى اسلوبه لان الواجب الوقوف مع الزوجة بهالموقف لانه اذا مرض راح توقفين معه وماراح تقصرين وبخصوص انه يلمح انك وسيعة بالرحم تاكدي لنه ماتجرا الا لانه متاذي ومتضايق وهذاشيء يزعج الرجال بقوة ومايريحه ويبعده عن زوجته وهو ماحب يجرحك بشكل مباشر وفضل انه يلمح لك
وهنا المفروض انك تصرفتي في نفسك على طول لان الزوج اذا ماارتاح مع زوجته بالفراش احتمال كبير انه يهرب منكي الى0000000000000انتي ادرى سواء بالحلال او الحرام والله يكفيكم الشر
واذا حبيتي حبيبتي انا عندي علاج يؤكل يعالج من الداخل وفي اعشاب وطبشور للتضويق المؤقت لمدة يومين عند كل استخدام
وبالنسبة للي فيكي الحبة هذي ياعمري خراج ولازم زيارة الدكتورةلانك بتحتاجين مضاد حيوي وكريم معقم وكذا شغلة
واتمنى انك تطمنينا عليكي
تقدري تتصلي على الدكتورة وتشرحي وضعك قبل ماتروحين لها وتقولين ان زوجك بيجي معك وانك ماتبغيه يعرف واتفقي معاها على مرض ثاني تناقشونه قدام زوجك وهي بتعطيك ادوية والله يشفيكي ياقلبي

 

[كاتياباسل]

يأختي الحبيبه
أول شي ربي يشفيك ويعافيك
ثانيا غللللللط زوجك يروح معاك ويدخل وأنا ما أسمح له أبد وهو أصلا مايحب يدخل
ويشوف أنها خصوصيات يعني طبعه كذا
المهم لو زوجك مايرضى تروحي لوحدك أخذي أمك بدون مايدري
أو أتصلي ع طبيبتك ووصفي لها الحاله بالضبط يمكن مايحتاج حضورك وتطمنك
وبعدين يمكن يكون خراج نظفيه أنتي بالبيت وعقميه بمطهرات
ولازم تحافظي ع نفسك (كثرة الألتهابات وأهمالها تسبب توسع بالمنطقه)
*****************************************
سلااااااااااامتك وماتشوفي شر

 

[الآمل بآلله]

الله يجزاكم خير ياخواتي ولايوريكم مكروه في انفسكم او في من تحبون

اهلي للأسف في منطقه ثانيه ياليتهم عندي كان ماحترت

لكنهم بمنطقه وانا بمنطقه ولا اقدر اروح مع اي شخص غير زوجي

يعني لاتقولون روحي مع جاره ولا مع بنت خال ماااايرضى لو ايش


طيب هالحبه اذا تركتها موب زين ؟؟

يعني لازم أكشف عند طبيبه ؟؟ ماينفع أعالجها بأعشاب او مره او اي شي زي كذا ؟

وشلون جداتنا كانو يعالجون انفسهم اقصد اكيد تجيهم هالحالات صح؟؟​

 

[عذبني الليل]

السلام عليكم يالغاليه مشكلتك سهله ولا تتضايقين اولا عليك بشطف النطقه بالماء والملح الخشن طبعا يكون مذاب 00وشطفهها بالمره وحظري مقدار من منقوع المره ويكون ثقيل شوي مع ملعقه فكس ودهان مره او مرتان في اليوم هذا الحل الاول الحل الثاني انك تقنعيه انك بتروحي مع والدتك للمستشفى لانها تعبانه وتذهبي معها لكي لا يكتشف انكي ذهبتي بدون علمه الامر المهم اهتمي بنظافه ملابسك الداخليه وظهور مثل هذه الاكياس او حبه كبيره زياده دهون فالجسم واهتمي اهتمي في الادويه الشعبيه التي توخذ فتره الدوره لتضويق والامتناع عن المسببات لتوسيع اسال الله ان يزل همك وييسر امرك ويسخرلك يارب

 

[الآمل بآلله]

الله يجزاك خير اختي عذبني الليل والله يجعل كل حياتك سرور وسكينه ويبعد عنك الهم والعذاب يارب

الله يوفقك ويسعدك وبالنسبه للطبيبه انا للأسف اسكن بمنطقه بعيده عن اهلي


الله يعين


انتظر اخواتي اذا فيه علاجات ثانيه او شراب اعشاب يعمل كمضاد حيوي؟

هل ينفع اشرب المره ؟؟​

 

[!!اميره الورد!!]

مافيها شي اذا عرف كلنانمرض ونتعب قوليله انا اشوفه عادي والله يشفيك --

 

[قلبي مملكة بنتي]

أختي الله يكون بعونك ومالك الا انك تعالجي نفسك بنفسك عليك بمنقوع المره مرة حلو بعد وقت الدورة عليك بالرشاد حاولي تاكلينه معا التمر او لوحده وكمان تقداري تتصلين عاي الدكتورة وتقولين لها حالتك وتخلينها تقولك اسم مضاد او تأخذين رقم اي صيدلية ووتصلين وتقولين حالتك وهو يقولك العلاج المناسب والله يسخرلك الطريقة والعلاج المناسب

 

[ياربي انصرني]

نصيحـــــــــــــــــــــــــــــــه ياختي لاتهملين نفسك خاصة هذه المنطقه وتعتمدين على اعشاب اوخلطات

روحي للطبيبه وتحملي تهزيئ زوجك واذا دخلتي عند الدكتوره قولي لها عن الحبه صحتك الزم من اي شئ ثاني

فكري بنفسك يعني تتركين هذا كله علشان زوجك وافرضي تسببت عليك وكبرت المشكله بتندمين وماراح تفتكين من تعليقاته لان هذا حدود عقليته ولكن تهملين نفسك لا 000

واذا خرجتي من المستشفى اتصلي بطبيبتك وكلميها وقولي لها تطلب من زوجك الانتظار برا او كلميها عن الاشياء اللي متحرجه منها امام زوجك000وقولي لها انك ماتبغين زوجك يعرف 000

لكن تسكتين على نفسك بسبب زوجك هذا ضعف خلي عندك ثقه بنفسك وواجهي مرضك بثقه وقولي له واشعريه ان هذا الشئ عادي ربما تصاب المرأه منه من قلة نظافة زوجها قبل الجماع لاتركزين على انك انتي جايبه المرض لنفسك000

والحبه هذي تخرج للكثير من النساء ليش الخوف واين الغرابه000

 

[يارب افرج همي]

انا مره طلعت لي حبه بس مو طبيره مرره لاا

كبر حبه الحلبه بس من فووق و ونقعت لي مره في مااي لين صارت جامده يومين ورات مني بتاتا

 

[دلع قلبه]

الله يشفيك ويعافيك
الافضل الاسرع في العلاج وفحصها
اذهبي لعيادة نسائية ملغقه لاتسمح بدخول الرجال.

 

[مهوره]

اخر ثلااث ايام من الدوره .. خذي معلقه رشااد ثلاث مرات باليوم .. خذيه سفوف مع شااهي داافي

ضروري شااهي داافي .. هذا للتنشيف والتضوويق ..
بس الحبه ماعندي خلفيه عنهااا .. بس ممكن تدقين ع المستشفى قبل تروحين وتخلينهم يحولونك ع الطبيبه
وكلميها وفهميها ع مرضك بس اتفقي انك تقولي مرض ثاني .. ولما تدخلين عليها لمحي لها عشان تذكرك واتفقي معهاا .. وان شاء الله تكون من ا لنوع المتفهم وتسااعدك
مثلا انا عندي التهابات وخايفه تسبب لي خراج او حبوب . عشان تذكرك

 

[اسكادنيا]

بدك نصيحتي :
خذي رقم دكتورة شاطرة عندكم في المنطقة من جارتك او صاحبتك او من هذا المنتدى اكيد لما تطلبي منهم رقم دكتوره شاطرة ما راح يقولوا لأ ...... واكيد راح يساعدوكي وحاولي تلاقي رقم بأي طريقة
المهم.......
بتوخذي الرقم وبتحكي مع الدكتورة وبتفهميها وضعك بالضبط عشان يوم ييجي معاكي عند الدكتوره وبتقولي للدكتوره
ما بدي تكشفي علي قدام زوجي وفهميها انه وضعك خاص يعني محرج شوي
وقبل ماتروحي الدكتورة وحابة تقنعي زوجك قولي له انه معاكي التهابات شديدة مو قادرة تصبري وانك لازم تروحي الدكتورة وبتقدري بالاتهابات صدقيني لانه اغلبية النساء تعاني من هذا الشي وتتعالج عند الدكتورة
بس كوني مدبره كل امورك قبل ما تروحي
وياريت تكون عجبتك الطريقة ولا شو رأيك؟؟
الله يوفقك ويهدي زوجك
اامين

 

[مهره بلاخيال]

السلام عليكم000000انا جاتني هذي الحالة ومن شدة الالم كنت افكر وشلون اجلس اول كانت تالم خفيف وبعدين شدة علي ورحت للطبيبة وقالت تجي بسبب الالتهابات وكشفت علي مالقت التهاب وقالت حالة غريبة يمكن خراج واعطتني موعد عشان تسوي عملية يعني تخدير كامل وفتح التورم واخراج اللي فية وفي الليل رحت لمعالجة شعبية اعطتني تحاميل مقري عليها وقرت علي كمان0000اتوقع تحاميلها كان فيها مرة وحلتيت ومدري وش الباقي بس هذولي عرفتهم من الريحة0000000واستخدمتها في الليل كنت ابكي من شدة الالم وفي الصباح رحت لموعدي عند الدكتورة سوت لي كشف قبل العملية لقت الورمة مفتوحة واللي جواتها بدا ينزل وصارت تضغط عليهاعشان يطاع اللي فيها وتقول تحملي الالم وانا اصرخ على خفيف من وجعها بعدها قالت الحمدلله ارتحتي من العملية والتخدير انفتحت من نفسها واعطتني مضاد وغسول والحمد لله تعافيت والعافية نعمة بعدين عرفت انها بسبب الحسد انتي جربي الحلتيت اعرف كثير جربوها وشافو العجب منها طبعا تاخذين قطعة صغيرة والله يشفيك وجميع مرضى المسلمين​

 

[*ملكة الحب*]

من رايي اذا مصر يروح معاك تكلمين الطبيبه قبل بالتليفون وتقولين لها المشكله ولما تروحين لها تكشف عليك تسوي نفسها تكشف على الرحم لأن معاك الام ولاتجيب طاري وتكتب لك العلاج اللازم
واذا رجعتي منها كلميها بالتليفون واستفسري منها

 

[بنت العربّ]

الله يهدي زوجك ان شاء الله

الغاليه اذا تحسين الامر صعب عليج روحي اصرفي نفس الدوا اللي عطتك اياه الدكتوره
أو تقدرين تتصلين بالدكتوره وتقولين لها انه فيك كذا وكذا وهي راح تقول لج شو المفروض انك تسوينه

و المفروض زوجج ما يدخل وياك عند الدكتوره !!

مهما كان هذي خصوصيات .... لاني ما اتخيل ان زوجي يدخل ويايه عند الدكتوره

 

[راحةالقلوب2]

الطبيبة لابد منها سواء معه او بدونه

 

[بلقيسه صغيره]

حبيبتي روحي لاهلك
وبدون مايدري روحي للدكتوره وشوفي وش تقول لك
وان شاء الله انه جائز لانك في وضع المظطر