أنا عندي مشكله ؟

[كرزه]

[frame="1 80"]السلام عليكم اخواتي
انا عندي مشكله ويا زوجي ؟
هو يحبني وحبه ويغار علي و غار عليه وحياتنه سعيده
مشكلت زوجي ان عصبي وعصبيته تسبب مشاكل بينه :icon28: على اتفه الأسباب يعصب
ويصرخ
وانا اتعب من اسلوبه صدق زعلنه مايطول ابادرة دايماً بالصلح وهو بعد يراضيني بعد مانزعل
بس ا لمشكلة عصبيته متعبتني مادري شلون اخليه يتخلص منها لأنها منغصه حياتنه
ارجوكم ساعدوني :icon1366: [/frame]

 

[aldana]

عزيزتي ... هل زوجك كان عصبي من بداية الزواج ؟ يعني بشهر العسل كان يعصب عليك ؟

بعدين خبرينا أنت كيف تتصرفين لما يعصب ... يعني وشو ردة فعلك مع تعصيبه ؟

بعد الإجابه نحاول نساعدك إن شاءالله على قد ما نقدر ..
وبعدين أحب أنبهك لإختبار أنماط الشخصيات ..للأخت القلب الكبير .... بالفعل رااائع ويساعدك كثيييير في معرفة شخصية زوجك بالتفصيل

تفضلي سوي الإختبار وبلغينا بالنتيجه وصدقيني بتكون المساعده مضاااعفه وفوق ما تتصوري .

http://www.uaebalqees.com/vb/showthread.php?t=1324

بعدين إلقي نظره على تجارب الأخوات في تحليل شخصياتهم يمكن تلقين نمط زوجك مفسر في هذا الرابط ..

http://www.uaebalqees.com/vb/showthread.php?t=3362

 

[أمل أمه]

والله يااختي انا كنت اعاني من نفس مشكلتج

زوجي عصبي وهو معروف عند اهله بعصبيته حتى من يوم الخطوبه علمني بهذي الصفه

وانا الاخت عصبيه وحساسه لدرجه كبيره .. لا وازيدج هو فيه شوي دفاشه يعني يقط الكلمه بدون لايحسب لها حساب

فمرات واحنا نتنناقش الاقيه يعلق على راايي بدفاشه مااقدر اتحملها بعدها نتهاوش ولازم اصيح

ومرات على اشياء تافهه يعصب علي وانا بعد عصبيه وازيد الطين بله وتصير هواش

كنا اربع وعشرين ساعه باليوم نتهاوش ..

مع الوقت قلت ليش لما يعصب ماارد عليه واطنش واذا تراضينا اطلع اللي في خاطري

وجربت هالشي ولقيت مع الوقت هوشاتنا قلت لدرجه معقوله .. وعصبيتي بعد قلت لانه احسه يمتص غضبي

ويمكن الحين وصلت لدرجه مو اي موضوع يستفزني ويمكن اني تخلصت من عصبيتي

حتى زوجي شوي شوي احسه بدت تخف عصبيته .. ولما اساله ليش تعصب ومرات اتصارخ يقولي بكل هدوء وحنيه هذا

بيتي وابي اتصرف فيه بحريه وانتي اكيد بتتحمليني وخلاص ماعاد لي مكان في بيت هلي

نصيحتي لج ..

في وقت الهوشات التزمي الصمت حتى لو الحق معاج.. وعقبها تحاوري معاه بهدوء

وابعدي عن الاشياء اللي تثير عصبيته ..

 

[ساندرا]

الله يعيينك حبيبتي بس ما دام بتحبيه تستحمليه ولما يعصب تلتزمي الصمت لحد ما يخلص وهيك بتكوني تجاوزتي المشكله
اعرف وحده لما زوجها يعصب تروح تقرا قران وازا دخل عليها الغرفه عشاهن يصرخ يلقاها تقرا قران ويضطر يسكت

 

[نسائيات]

مثل ما قلن الخوات لما راح يعصب التزومي الصمت واخرجي من الغرفه اللتي يتواجد فيها لغرفه اخرى
او انظري اليه باستغراب نظره سريعه لكن ايضا لا تتكلمي ابداااا
بعد ان يهدا سياتي ويمر الموقف

 

[ام البنية]

مافي عصبية بدون سبب اعرفي اللي يخليه يعصب وابتعدي عنه ولا تسوينه وترى الحال من بعضه انا لي على هذي الحاله 11 سنة ​

 

[البسمه]

عزيزتي
اغلب الرياييل عصبيين وياد غلط الريال يعصب على اتفه شي هذا يتعب النفس عليح بالصبر والصبرمفتاااااااااااح الفرج