السلام عليكم
شخباركم ياااااااااااااااااااااا صبايا 
بشرح لكم القصةمن طقطق للسلام عليكم وقولوا لي شو رايكم !!!!!!
اول شيء عائلة زوجي جدا متفككه كل واحد في صوب ونادرا ما يتجمعون مع بعض وإذا عاد تجمعوا على قولتهم !! يمكن واحد أو ثنين بس والباقين مشغولين؟؟
المهم نحن 3 حريم خوات !!!
أنا وحرمت أخوهم في إمارة ثانية والثالثة أجنبية
والأجنبية ما لها حس لا تهش ولا تنش مشغولة بشغلها
المهم أما حرمت أخوهم الثانية تحب المظاهر والماركات جدا
بس همها شو لبسوا وشو سووا !!!!!!
أما أنا عادي عندي ماركة أو لا !! حتى لو الشيء رخيص عادي أقول ما يهمني ؟؟؟
وحاطه دوبها في دوب أخوات ريلها يوم ما يعرفون يلبسون .. ويوم ما عندهم ذوق ويوم ويوم ,,, وايد كلام تقولة لي !!
في البداية كنت أنا وياها ما بينا إتصالات
في البداية بديت أنا أتصل فيها أقول لها أنه عمتى تسأل عن ولدها
إلى هو زوجها !!
قلت لها من كم شهر ما جا ولا سلم ولا إتصل وهي زعلانه وايد منه
أنا على نيتي كنت أريد أرجع الأمور لمجاريها كسرت خاطري عمتي
وهي تحاتي على ولدها
وزوجته تقول اهوة ما يريد أيي شو أسوي له أهوه كبير مش صغير أقعد أعلمه
المهم بعد فترة كم أسبوع جا عند أمه وسلم عليها الحمد الله ردة المياه لمجاريها
المهم من بعد هذي السالفة تمت حرمت أخوهم تتصل على وااااااااااااااايد تتكلم وتحش في أخوات ريلها
يوم قالوا يوم راحوا وأنا من طبعي ما أحب جذي حتى أني أحيانا ما أرد على مكالماتها
وفي يوم من الأيام تكلمت عنهم وقالت كل وحدة تسألني من وين شريتي هذا العطر او تسألها عن ملابس معينه
خوات ريلي على نياتهم يعني عجبهم الشيء وسألوها !!!!
وهي كانت ردت فعلها تقول لهم أنا ما أعرف أشتري رخيص كلة من الغالي والماركات ؟؟؟؟
وخبرتني السالفة وهيه ميتة عليهم من الضحك!!
أنا ما عجبني كلامها ؟؟
رحت وكلمت أختهم الكبيرة ؟؟؟ عن السالفة !! قلت لها خليكم منها لا تسألونها ولا شيء ترها تتكلم من وراكم ؟؟؟
راحت أختهم الكبيرة زعلت مني وقالت وإنتي عاجبنج الكلام !!!
قلت لها لا ؟؟؟؟
قالت ليش سكتي كنتي هزأتيها ؟؟؟؟
قلت لها أنا ماأحب المشاكل !!!
وبعدين أنا خبرتج علشان ما ما تكونين أنتي وخواتج مسخرة جدام أهلها ويتكلمون عنكم!!!
المهم ردت فعل الأخت الكبيرة انها أتصلت و هاوشت حرمت أخوهم بس انا ما هاوشتني
ويوم أتصل أكلم أخت زوجي تكلمني من دون نفس وتقول أنا طفرانه قلت لها من باب المزح لا يكون
طفرانه من رديت وقالت لي أنا طفرانة من كل شيء
وعرفت من كلامها أنها ما تريد تكلمني !!!!!!!!!
اما حرمت أخوهم رسلت لي مسج تقول مشكورة على الكلام إلى قلتيه لهم ؟؟؟؟؟
انا ما رديت عليها ؟؟؟ علشان ما ننشد بالكلام والهواشة
وبعد ما صارت هذي السالفة ؟؟؟
خبرت زوجي قلت لها كذا وكذا السالفه
قالي هذي سوالف وحركات حريم وما عنهم سالفة
قلت له المهم إني خبرتك علشان ما يجي اخوك ويتهاوش أو يقول شيء
وتصير مشاكل ؟؟؟
مع العلم إنه بنتي تعبت ونامت في المستشفى وعرفت أخت زوجي بس للأسف ما أتصلت ولا سألت ولا شيء ؟؟؟؟
وأنتوا يا عضوات شو رايكم في الموضوع !!!!!!!!!
