أشكركم أخواتي الحبيبات..
بس أنا جربت كل شي قبل ما أنهار..
يعني حاولت أتغير وأتأقلم مع الوضع الجديد.. ما نفع..
حاولت أسوي اللي هو يبيه.. بس ما قدرت لأني أحس أن لي شخصيتي المستقلة وهو مو المفروض يفرض علي اغيرها علشانه..! يعني أنا مو طفلة علشان يحدد لي وقت نومي وأكلي وووو..
وقلت هالكلام أكثر من مرة.. أنا صرت أم.. وصلت مرحلة أني أربي.. مو أحد يربيني..!
وكم مرة حاولنا نتكلم بالموضوع.. طلبت منه أكثر من مرة نقعد ونتكلم بهدوء..
وفعلا تكلمنا وينتهي الموضوع بأن اتفق العرب على الا يتفقوا..!!
ننتهي بأننا نبي نحل مشاكلنا وبتتحسن حياتنا وترجع مثل أول.. وبسسسس.. بدون ما نلقى الحل..!
علشان كذا ننسى يومين ونكون مبسوطين.. ونرجع نتنكد أكثر من أول..
لحد أني خلااااااااااااص فقدت الأمل أن حالنا ينصلح..!
يا أخواتي.. لو كان هذا حال زوجي من زمان صدقوني ما كنت راح أصر على الحمل منه!
عشت معاه 4 سنوات كانت أحلى من العسل.. كنا عصافير الحب..
بس بعد ولادتي انقلب زوجي وتغير كثييييييييييير.. وأنا قاعدة أدفع الثمن..!
قولولي وش أسوي.. دلوني لو فيه طريقة غيرالتفاهم..!
أكيد اللجوء الى الله.. وأكيد ان شاء الله أني ما نسيت هالشي..
أحس أني محتاجة مشورة حكيمة.. فكرت أروح طبيبة نفسية.. لكن مستثقلة فكرة أني أنشر غسيلي عند أي أحد..!
وش أسووووي أنا بمووووووووت من كثر التفكير..
حتى أحلامي صارت كلها عنه وعني وعن علاقتنا..
يعني حتى بنومي مو مرتاااحة..
وأنا في وضع نفسي ما يأهلني أني أتخذ أي قرار.. لأن لو علي كان تركته من زماااان
من كثر مو تعبانة معاه... بس عارفة أن هالشي له عواقب أنا في وضعي الحالي ونفسيتي هذي ما راح أقدر اتخيلها..!
أرجوووكم ساعدوني ولو بدعوة..
