أنا اتوحم.....بس هل حالتي طبيعيه؟؟؟؟؟؟

[oOosaronaoOo]

مرحبا ​

ما اعرف وش اقول لكم​

باختصار انا حامل ولي تقريبا شهر وثلاث اسابيع​

وانا طالبه بالجامعه دوامي يكون من الساعه 9 الى الساعه 4 او 5​

تصوروا طول يومي احس بغثيان ​

الصباح اول ما اجلس من النوم ما أقدر اجبر نفسي على الفطور​

اذا رحت الجامعه اكتفي بشرب علبه صغيره حليب​

واكتفي بالحليب الى رجعتي للبيت​

اول ما انزل من الباص وادخل البيت استفرغ اللي ببطني(أتقيأ) بالرغم من ان معدتي فاضيه ​

اذا رجعت المنزل الساعه 5 اجبر نفسي على تناول لقمتين من الغدا واحس بلوعة كبد هذا اذا ما اتقيأت​

وبعدين أظل على هالحال من لوعة كبد وكآبه الى وقت العشا​

طبعا يجي وقت العشا وانا مو حاسه بجووع ابدا ...اجبر نفسي على العشا واشرب كاس حليب​

واذا جيت انام ارجع كل الي ببطني​

باختصار :​

انا احساس بالجوع فقدته من دون مبالغه...فقدت الشهيه للأكل..لوعة كبد 24 ساعه من دون انقطاع​

وشي ثاني احس من حملت ونفسيتي زفت ودايما كئيبه​

مو المفروض اني اكون سغيده بالحمل؟؟؟​

علما بأني اتناول حبوب مثبته للحمل​

الله يخليكم هل حالتي طبيعيه والله اني خايفه على الجنين اللي ببطني انه ما ينمو​

تكفوووون ردوا علي​

 

[الصمت المتكلم]

السلام عليكم عزيزتي ...

الله يشفيج ان شاء الله .. وليش ما خبرتي دكتورتج ..
لانه في حبووب بخصوص الغثياان ... والدوخه ...

وبخصوص حبوب التثبيت انا اخذهم .. ومالها خص في
الغثيان واللوعه ...

وحوالي تاكلين تمر ... لانه يقولون وايد زين ...

 

[شفافة الروح]

جدا عادي انا والله اخس منك صرت اكره حتى اولادي وزوجي وابكي بدون سبب ويصير فيني خوف ورجفات لااراديه ونومي كوابيس وفيني وسواس وكئابه شديده لكن صدق القائل وهن على وهن

 

[بنت حواء]

أختي سارونة ..

على فكرة من تجربتي الخاصة ومن خلال قراءاتي من بعض المقالات .. المعدة الفاضية هي اللي تسبب لج الغثيان وعدم الرغبة بالأكل والترجيع ..

لذلك من الأفضل أكل شيء قبل النهوض من السرير أو مباشرة حتى تقضين على الغثيان .. وينصح الأطباء بالكراكرز أو بسكويت الزنجبيل .. بصراحة جربت الأثنين وحسيت الكراكرز أفضل ..

وشيئاً فـ شيئاً بدأ يخف الوحام وصار أفضل ..

وفي البداية كنت استخدم حبوب منع الغثيان وساعدني وايد بس استخدمته شهر أو شهر ونص وحاولت أوقف عقبها ..

والحمدلله صار الوضع أفضل بكثير ..

وبخصوص الحالة النفسية الزفتة هذي بسبب خلل الهرمونات مع ضغط الدراسة .. اكثري من ذكر الله في هذه الفترة وإن شاء الله بتخف عنج هالحالة ..

 

[oOosaronaoOo]

حبايبي الله يعطيكم العافيه على الافاده

بس انا خوفي ان قلة اكلي تأثر على الجنين

وحتى اذا اكلت مباشره ارجع كل الي اكلته

عشان كذا انا خايفع على البيبي

الله يعطيكم العافيه على الافاده

 

[aak_700]

ترا الغثيان نعمه وشي طيب للحامل ..بالعكس حلو ان معك غثيان صحيح انه متعب ولاينطاق بس برضو نعمه ..اكيد بتقولين ليش ؟ لانه اذا ماصار معك وحم هذا معناه ان الجنين مو كويس اقولها لك من خلال تجربه ..حملت وماحسيت في اي وحم الاخفيييييف جدا يكاد لايذكر صار الجنين ضعيف ومات في بطني..

بالنسبه للغثيان اول ماتصحين خذي بسكوت مالح وانتظري شوي بفراشك بعدين قومي ..

خلي البسكوت دائما في شنطتك وين ماتروحين

حاولي تاكلين تفاحه او خيار او اي شي يخفف الغثيان ولايخلي معدتك فارغه لان الفراغ هو سبب الغثيان ..

اشربي زنجبيل ونعناع تراهم يخففو الغثيان ..

الله يتمم عليك ويخفف عنك .

 

[أم حمد]

الغالية أول فترة الحمل تكون صعبة عادة على جميع الحوامل من الناحية الجسدية والنفسية بسبب لخبطة الهرمونات فإذا حسيتي بكآبة وحزن فهو شعور طبيعي ولكن من ناحية اللوعة استشيري طبيبتك لإعطائك حبوب أو ابرة للغثيان ولااااااااااااااااااازم تاكلين حتى لو تاكلين وترجعين أفضل مليون مرة من الترجيع بمعدة فاضية وأنا أكلمج من خبرة هذا ثاني حمل لي وأعاني من الغثيان بس أجبر نفسي عالأكل عشان ما أصاب بالجفاف وهذه المرحلة خطرة لو وصلتي لها........مثل ما قالوا البنات قبل لا تقومين من الفراش كلي بسكويت مالح إن شاءالله بيفيدج وابتعدي عن الحليب حاليا فقط لأنه يزيد الغثيان واشربي اللبن الرائب وهذا باستشارة من طبيبتي النسائية.....كلي فواكه كالموز فهو يخفف الغثيان....اشرب الزنجبيل فهو مفيد جدا.....وحاولي الاستلقاء بين فترة والأخرى للراحة وحاولي التنزه لأن غالبا الترجيع والغثيان ثلاث أرباعه شغلة نفسية........والله يقومج بالسلامة يارب ويعينج.