أنا أثق في رأيكم أخواتي فلا تبخلو علي

أم فطومي

أم فطومي

New member
إنضم
2010/02/05
المشاركات
314
السلام عليكم ورحمة الله وبركاته ​

أخواتي يمكن تتذكروني أنا أم فطومي اللي كتبت لكم من قبل نصايحكم وردودكم جزاكم الله خير أعجبتني وفادتني في حياتي على شان كذا طمعت في كرمكم أكثر وحبيت أشاوركم في هالمشكله البسيطه اللي تواجهني مع زوجي حبيبي .​

المشكله بإختصار إنشاء الله اهي إذا أنتو تتذكرون أني قلت لكم إن زوجي متزوج علي وحده أكبر مني ومنه في السن لأسباب طبعاً خاصه مولحب أبدا ً طبعا بعد زواجه سبحان الله حبه زاد لي أكثر وقربه لي أكثر وأكثر وصار يحس بجمالي أكثر من قبل صدقوني أخواتي لبسي الحمد لله هو مثل ماكان قبل زواجه أنيق وأهتم بجمالي وبنفسي كثيرحتى قبل لايتزوج علي لكنه ماكان ينتبه لي لكن العجيب والغريب أنه الان وبعد زواجه علي اصبح يحس بكل شي أصبح يناظر في شعري ويتغزل في جماله ويمدح في جسمي وتناسقه وعيوني ولبسي والله يابنات كل شي كأننا تونا متزوجين وفي شهورنا الاولى وهو يشوفني توه وماكأن مضت علينا سنوات زواج وأحنا الحين في قمة الرومانسيه والحب والحمد لله ..لكن المشكله ياأخواتي زوجته الثانيه اللي تزوجها علي شافتني مره في مناسبه وصارت تتكلم لزوجي ان زوجتك جميله كثير ماتوقعتها كذا اكيد تحبها وليش تزوجت عليها وألخ من الاسأله لكن مع مرور الأيام والأسابيع والأشهر صارت تغار مني كثير وأي تصرف من زوجي يسبب مشكله بينها وبينه ياويله لو غلط وذكر أسمي يمها بالغلط بتحاسبه حتى لوأخذنا أنا والأولاد في نزهه ولا حتى للمستوصف معناها مشكله تحاسبه لو تأخر دقيقه وحده عنها ماعنه رجل مؤمن ويحرص على العدل ويخاف الله لكنها تغار بشكل جنوني وهو محتار المسكين أحسه تعبان ومرهق بسبب هذا الشي أناماسكه أعصابي و ملتزمه الهدوء حالياً لكن المشكله أن زوجي على شان يرضيها صار يتأخر علي في وقتي ويبكر في الروحه لها يعني ياخذ من وقتي لصالحها على شان يتجنب المشاكل معاها شالعمل أسكت رايكم وأضل على حالي ملتزمه الهدوء والصمت ولا أعلنها حرررب معها راااايكم أ خواتي ترى مالي إلا الله ثم أنتو وجزاها الله خير مقدما وينولها اللي في بالها كل من ترد علي ولوبدعوة وآسفه على الإطاله​
 
لا تخربي على حالك خليك مثل ما انت
ولا تزعلي ولا تتضايقي انت الاولى وانت العزيزة وانت الغالية وانت الحبيبة
وبعدين ما ادري شو سبب زواج زوجك من وحده كبيرة في العمر لانك قلتي انها اكبر من زوجك هل لانها غنية مثلا او شو السبب بالظبط
عموما انت اصري على انه يعدل بينكم ونفس ما يعمل للثانية يعمل لك وانصحك امسكي يوميا
سورة البقرة وصدقيني راح تتغير حياتك
وفهمي زوجك انه يقولها انك الاولى وام العيال ومثل ما لك وقت معين لها وقت محدد يعني ما يطغى شي على شي
وادعي الله يكفيكي شرها شكلها غيرانه منك الله يلطف فيك ولا تنسي التحصينات
والاذكار يوميا الصباح والمساء
 
بصراحه اكيد سبب زواجه منها انتي مقتنعه فيه ويبدو انها المتحكمه بحياتكم وبمصيركم ايضا
وفي مثل هالشروط يجب ان تقبلي بكل شي لجل الاسباب الخاصه اللي جعلت زوجك يتزوج عليج وبموافقتك
طبعا في مثل هالحاله لامجال للشكوى من قبلك
ولا املك الا الدعاء لك براحه البال
وعلى فكره الشريكه,
"الضره تحر لو بالقبر"
 
امممم

امرج عجيب


وامره اعجب



الرجل لو حب بيحاول يرضي

معناته يحبها ؟


المهم من هذا كله رب ضارة نافعه

وخليها تنعفس وتاكل نفسها بغيرتها


وحقوووقج اخذيها ياعمري لاتكونين الضحيه بمحض ارادتج



وهو يلعب دور المسكين قدامج لا


العدل ثم العدل غير جذي خرعيه انج صغيرة ومزيونة وبيرغبون فيج


وانا اؤكد ياخواتي ان هالكلام صحيح يثير غيرة الرجال بس الاحمق مايفهم غير بجذي



والله المموفق
 
انا رايي انك تاخذي حقك زيها بالتمام
مو على حساب وقتك ونفسك
حتي لو تنكد عليه وتزعل قوليلي مشكلتك حلها معاها انا ليه بوقتي
اذا طاوعه فهاالشي كل يوم بتطلعله هرجه عشان تخلييه عندها
وانتي ادري اختي وربي يوفقك يارررررررررررررب
 
اذا عادل في باقي الأمور وكلها مثلا ساعه يعني مو ساعات طويله كبري عقلك ومشي الموضوع لا تدخلين في مشاكل ومتاهات تخليه يتشتت الرجال ويتغير عليك خليك الحليمه واحتويه طالما طيب ويشوف طلباتك ومو مقصر معاك لا تدققين كثير ريحي باله كل ماتريحينه يحبك اكثر خلي المشاكل لها والراحه عندك لكن لو كانت ساعات طويله تفرق اجلسي معاه في وقت يكون رايق وصارحيه قولي له انا ماطلبت غير حقي مااطلبت زياده ولا طلبت إنك تظلمها ياليت تراجع حساباتك اذا تبي رضى الله والراحه لاتنسى الله امر بالعدل وانت ماشفت ولا بشوف اعدل منك لا تخليها بتصرفها وانانيتها تحرمك الاجر والرضا من رب العباد
 
انا مع معاك في اللي تسويه وخلي نفسك منقذته من المشاكل وحتى مرات قوليله روح بدري شوية عشان ما يتعكر مزاجك من الثانية واكيد راح يبين في عينه بس اشرطي عليه ان اليوم الثاني يجي بدري شوية صدقيني بالعقل بيجي اللي تغث ولا اللي تحتويه انتي وشطارتك والله يعينك
واذا مافيها غلاضة ايشششششششش سبب زواجه تعرفينا الحريم ما نقدر نخلي التفاصيل الكبيرة تروح علينا التفاصيل الصغيرة هاهاهاها
 
للرفع
 
لا طبعا لاتسكتين عن حقك ..الرجال يحب المرأه القويه ولولا قوتها ماطاوعها وسمع كلامها وظلمك فوق هذا ..لكن اتخذي الاسلوب المناسب واللبق لتطالبي بحقك ونبهيه لخطأه وادعي الله سبحانه انه يسخره لك ويرضيه عنك ..موفقه
 
ابدا لا تتخلي عن حقوقك هو يمكن فعلا ما يحبها بس لانها قويه بيحبها فلا تتنازلي عن حقك مهما كان لان الرجال يحون الحرمة اللي تاخذ حقها باسنانها
بس خليكي انتي الدبلوماسيه الرقيقه الناعمة البعيده عن المشاكل الحنونه وجيبي حقك ... لااا تتنازلي
 
اقول ايش سببببببببببببببببببببببب الزواج؟؟؟؟؟؟؟؟؟؟؟؟؟؟؟ اختكم لصقة
بعدين يمكن تأثيرها عليه لانها اكبر منه ويشوف لابد من احترامها يعني ترسبات طفولة
 
أختي رازيا

لأ والله الظلم خيبه ماتزوجها لأنها غنيه لا موغنيه ...مشكوره أختي الله يجزاك خير ويعطيك ألف عافيه والله كلامك مثل البلسم اللي يبري الجروح أي والله يااختي هو يقول إنها تغار مني كثير أدعولي ان الله يكفيني شرها أنا وأطفالي​
 
لأ زعلتيني عليك والله أختي الكناري يبدو إنك مامر عليك موضوعي السابق اللي كتبته وقلبي يعتصر ألم ودموعي على خدي يا أختي مافيه مرأة في الدنيا ترضى زوجها يتزوج عليها مهما كانت الظروف وهي مثل ماقلت لكم ماهي غنيه لايروح ظنكم بعيد المراءة لما يتزوج زوجها عليها تخير نفسها بين أمرين أما إنها تطلب الطلاق وتشرد أطفالها وهذا اللي أنا فكرت فيه بداية الموضوع أو انها تعتبر هذا الشي مثل المرض وتحاول تتعايش معه وهذا اللي حاولت اقنع نفسي فيه وهذا انسب لوضعي ولأطفالي وصدقيني مافيه أي مصلحه لي من زواجه وهذا الزواج ماحصل بموافقتي أبداً أبداً ولا يروح تفكيركم لبعيد أخواتي ترى والله زعلتوني منكم وأنا اللي وجدت لي أخوات لم تلدهن أمي على العموم مشكوره اختي ​
 
شوفي حبيبي صلي على الحبيب القلب يطيب انتي ايش عرفك انو كلامو صح وانو منجد هيا تغار منك يمكن يام فطوم هادي كدبه بيضا زي مايقولو عشان يراضيكي ويروحلها بدري انا ماقول انو كداب مررره في كل حاجه بس صدقيني واللله ورب محمد الرجال عمرهم ماعملو حساب لحريمهم اهم حاجه بالهم يكون رايق والله لو لقى سعادته معاكي وربي لو تنطنط التانيه مو رايحلها اللا في موعدها لا ويكون رايح من دون نفس اما قبل بساعه يروح ويتأخر عليكي عشانها وتقوليلي مغصوب ليه اشبها حاتقتلو لو سار شي انتي راقبيه شوفي هو لمن يروحلها كيف تكون نفسيتو كيف يكون لبسو متحمس واللا عادي كيف لمن يجي خارج من عندك تشوفي في عيونه اللهفه لكي واللا لا خلي بالك من التفاصيل دي ورديلنا
 
هلا اختي مملكة الاحاسيس انا معاك اتسائل أقول ممكن يحبها العشره لها دور وأحيانا أقول يمكن احترام لكبر سنها ماادري والله وكلامك صحيح وانا لاحضت هذا الشي انه لما انا طلبت الطلاق بداية زواجه حسيت انه انجن مشكوره حبيبتي​
 
نضوج انثى مشكوره حبيبتي وكلامك عين العقل اختي اشكرك كثير​
 
دره من دره اكيد انا معاك بيفضل اللي يجد عندها الراحه والهدوء لكن ليش هذي الغلاضه ههههههه مشكوره حياتي​
 
الشتاء الدافيء -سلفاردو - ناصرة المظلوم دره من دره مشكورين جميعا وماقصرتو كنتو نعم الاخوات اللي الاقيهم وقت الشده بجنبي دائما....مشكوره اختي رازيا للرفع​
 
تبين الصراحه اختي لالالالالا تتنازلي عن حقوقك
لان الرجال يحب المره الي تبيه وتدوره واذا شافك ما اهتميتي وهي بس تركض وراه بقول هذي تحبني والاولى مااهتمت بي بعدين مع الوقت راح يحبها لانه بيشوفها تتمسك فيه
خليكي ذكيه وقولي له انك انتي تبينه بعد وانتي ما طلبتي غير حقوقك والعدل واجب مو على حسابك انتي تنظلمين طبعاا خليكي ذكيه وبيني له الدلع والحب وانه غالي عندك ومو رخيص علشان تتركينه لغيرك بس خليكي ذكيه باسلوبك ولا تتنازلي ابداا لانك اذا تنازلتي الحين راح تستمرين بالتنازل الين تاخذه كله حتى لو انتي حلوه ويحبك .... اتمنى فهمتي قصدي .... والله يكفيك شرها ويسخر لك زوووجك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل