بادئ الموضوع تاريخ البدء
  • المشاهدات 4,790
  • الردود 27

CUTE ANGEL

New member
إنضم
20 يونيو 2008
المشاركات
67
مستوى التفاعل
0
النقاط
0
العمر
33
والله اني خلااااااص تعبت و بتجنن و مب قادره اتحمل
أم زوجي الله يهديها تغاااااااار بطريقه جنونيه مني على ولدها
تخيلو لدرجة انه لو طلب زوجي مني اسويله أكله خاطره فيها تروح هي و تسويها له و تقوله ها شو رايك اكيد طباخ امك عجبك اكثر من زوجتك و هو ما يقدر يزعل امه طبعا يقولها ايه
طول الوقت و احنا قاعدين بس تقوللي ليش ما تلبسين و تتعدلين لريلج و ليش ما تروحين الصالون و تتحني و تحسسني اني ولا شي مع اني واااااايد اهتم بنفسي لزوجي سواء بينا في الغرفه او جدام أهله مع العلم اني ساكنه مع اهل زوجي بس في ملحق منفصل عن البيت و دايما البس جلابيات كشخه و اتمكيج مكياج خفيف للبيت و البس اكسسوارات و بين فتره و الثانيه اروح الصالون اقص شعري و اغير صبغته و أتحنه و دايما ماشيه عالموضه و كل هذا الحمدلله الحمدلله وااااااايد عاجب زوجي و هو مستانس حده مني و ذوقي وايد يعجبه و هو دايما يقوللي انه كل يوم يشوفني بشكل جديد و مستانس علي وايد بس عمتي ام زوجي وايد تقهرني دايما تتكلم عني على اني ما عندي ذوق ولا اعرف البس ولا اعرف اكشخ مع اني بالنسبه لبناتها و لزوجات عيالها الثانيين وااااايد ستايل و هم دايما جي يقولولي بس ماعرف ليش عمتي تعاملني جي والله بتجنن منها مع اني اعاملها احسن عن بناتها و حاطتها فوق راسي و اساعدها في كل شي و دايما اشتريلها هدايا و طبعا ما اقدر اقول لزوجي شي لأن في الأخير هاذي امه و لازم ترضى عليه
تصورو انها تتخبل لما تعرف اني انا و زوجي بنروح نتعشا بره او بنطلع نتمشا تتجنن و اتم تتصلبه كل شوي و تقولله انا تعبانه و انت مخلني و رايح تمشيها هي تعال الحين البيت و احيانا تقوم تلبس و تطلع معانا بس عشان تخرب علي و ما تسويلي سالفه

بلييييييييز شوفولي حل انا خلاااااص بتخبل منها
 

باربيه

New member
إنضم
17 أغسطس 2007
المشاركات
108
مستوى التفاعل
0
النقاط
0
الله يعينك
وش تسوين هذى امة مالك الا الصبر والدعاء لها بالهداية وعليك بمسيستها قدر الامكان
 

الوفيرا

New member
إنضم
12 مايو 2008
المشاركات
85
مستوى التفاعل
0
النقاط
0
الإقامة
دبي
نصيحة اتحملي اتكلمين زوجك في هذا الموضوع,,,
عزيزتي أم زوجك صحيح حاسة بغيرة منك ولكنها تحبك جدا ,,لازم تهدين غيرتها ولا تنسين لو مال زوجك لأمه ماراح تخسرينه.الزوجة ماتخسر زوجها لأمه بل تخسرة لإمرأة ثانية,,,تبين تكسبينها وتكسبين زوجك للأبد؟؟؟؟؟؟
راح أقولك,,,,,,,,​
 
إنضم
26 ديسمبر 2007
المشاركات
170
مستوى التفاعل
0
النقاط
0
الإقامة
قلب احباتي
غاليتي

من كلامك يبين ان حماتك تحب ولدها وايد ....ومهما تسوين وتتعدلين تبي اكثر واكثر
لان اغلب الامهات يغارون من زوجات عيالهم ..فانتي بادري بنفسج يوم تطلعون خبريها عمتي انا طالعة تحبي تيجي معانا :no:.. ما بتخسري شىء بالعكس بتكسبي زوجك اكثر الله يخليكم لبعض

فانتي ما عليكي من كلامها ..ما دام الكل يمدحونج ...وعامليها احسن ما يكون وعامليها مثل امج

لان رضى الام مهم جدا في نجاح حياتج الزوجية .. لانها بتدعيلج كل خير مهما سوت لج او زعلتج:blow: لاتاخذين في خاطرج .. طنش تنتعش:harhar1:

لان في نهاية بتحبج وتقول ....يحليلها حرمة ولدي ما تزعل ..:blushing:
موفقة حبيبتي ان شاء الله اكون افدتج
 

الوفيرا

New member
إنضم
12 مايو 2008
المشاركات
85
مستوى التفاعل
0
النقاط
0
الإقامة
دبي
نصيحتي,,إنك تتركين أمه تدلعه غلى راحتها وانتي خليج بعيد,,يكفي يوم تسكرون عليكم الباب يكون ملكج,,لاتشاركينها في حبه,,المسكينة تبي تتأكد إنها رقم واحد في حياته ,,وهذا من حق أي أم,,دايما قوليله أمك في الأول وبعدين أنا ,,دزيه عليها بترجعلك إياه على طبق من ذهب,ولو مسكتي فيه,,راح تمسك فيه أكثر ,,,وللحديث بقية,,,
 

CUTE ANGEL

New member
إنضم
20 يونيو 2008
المشاركات
67
مستوى التفاعل
0
النقاط
0
العمر
33
مشكورين خواتين الغاليات على نصائحكم و انشالله الله يقدرني أنفذ هالنصايح الحلوه
و تسلمون عالمرور

أختكم الصغيرونه CUTE ANGEL
 
إنضم
28 فبراير 2007
المشاركات
500
مستوى التفاعل
0
النقاط
0
اسمعى وقولى حاضر وطيب وابتسمي واعملى اللى في راسك طالما زوجك مبسوط بستايلك خلاص هى لازم تلاقي شئ تقوله
 
إنضم
29 أبريل 2008
المشاركات
63
مستوى التفاعل
0
النقاط
0
الله يوفقك ويسخر لك ام زوجك وانا مع الاخت ترانيم كلامها وايد حلو واسمعى نصيحتها
 
إنضم
18 يونيو 2008
المشاركات
51
مستوى التفاعل
0
النقاط
0
اصبري اعتبريها زي امك ؤالله يسخرها لكي احتسبي الاجر هذه ام زوجك اصبري وتحملي عشان زوجك
والله يوفق ويكتب لكي مافيه الخير والله هاذو ام ازواجنا تاج فوق رؤوسنا
نصبر ونتحمل والله يجزينا الجنه؟؟؟؟؟؟؟؟؟
اذا كانت لكي :icon28:

فكوني لها:shiny:

يمدحوووووووووووووووووووووووووووووووووووووووووووووووووووووووووون
أبتســـــــــــــــــــــــــــــــــــــــــــــــــــــــــــــــــــ:shiny:ــــــــــــــــــــــــــــــــــــــــــــــــامة
 
إنضم
3 مايو 2008
المشاركات
7,275
مستوى التفاعل
2
النقاط
0
الإقامة
قلب حبيبي
الله يعينج صراااحة بس من كلامك يبين انها تغااار منك كثر وترا لي انتقدت لبسك معناته غيرانه انج اكشخ من بناتها بس انتي عامليها زيين ودوسي على نفسج عشان خاطر زوجج واذا اساءت اليج احسني اليها بنفس الموقف وصدقيني مع الوقت بتكسبينها ... واذا تضايقتي او تنرفزتي قومي وروحي غرفتج وصلي ركعتين واستغفري ربج وادعي ربج ان الله يهديها
 
إنضم
17 فبراير 2008
المشاركات
1,059
مستوى التفاعل
0
النقاط
0
العمر
28
معليش حبيبتي لزم تسايسينها الان بيجي يوم بتصرفين زية من كثر حبك الى ولدش
 

الرميصاء

New member
إنضم
11 مايو 2008
المشاركات
1,436
مستوى التفاعل
0
النقاط
0
لاتزوديها اعرف حموات مثل العقرب احمدي الله على النعمة اللي انتي فيها وانو زوجك معك ربنا يوفقك
 

CUTE ANGEL

New member
إنضم
20 يونيو 2008
المشاركات
67
مستوى التفاعل
0
النقاط
0
العمر
33
تصوروا اليوم شو سوت فيني ,,:tears:
و احنا قاعدين نتغدا انا و ريلي قاعده تنغز بالكلام و تفر رمسه كالعاده و انا مطنشه قاعده اطالع التلفزيون و لاااااابستنها بس قالت كلمه والله رفعتلي ضغطي للمليون:busted_red::busted_red::busted_red: ,,
قالت: والله خسارة الحين في بنات اليوم ندفع بالآلاف عشان نزوجهم أولادنا ,, و أكبر مثال زوجتك>>تقصدني أنا:sadwalk: ,, خسارة دفعنا فيها كل هالآلاف و آخر شي يايتنا ما تعرف تسوي شي و24 ساعه قافله على عمرها الغرفه و قاعده,,
و ما خلت علي كلمه ما قالتها والله قطعتني:tears: و حضرة جنابه ما تكلم ولا قال كلمه وحده لأمه طبعا كلام أمه مثل الدستور في حياته كل كلمه تقولها صح ما تغلط ابدا
مع إنه عارف انها خرييييطه و شايف اني ما اقعد في غرفتي و اقفل على عمري 24 ساعه مثل ما تقول هاليومين بس ما اقدر اطلع في الحر لأني صايرة عندي حساسيه و جسمي ملتهب من الحر و حتى هذا بسبتها هي تعرف اني ما اتحمل الحر و بسرعه جسمي يتحسس و خصوصا الحين مع الحمل بزياده و هي بالعماد فيني كل ما تشوفني قعدت في الصاله لو في عز الظهر تقول انا بردانه بندي المكيف الين جسمي التهب و جلدي تقطع و تشوه من الحساسيه من الحر ,, قالت اني ما اعرف اطبخ مع ان كل اهل زوجي و زوجي و كل أحد ياكل من طباخي يقعد يتمدحه و يطلبون مني الطريقه :essen:

والله اني اتحملت كل اللي قالته بس عشان زوجي و سكتت و ما قلت شي و طوفت السالفه :sad_1:

فوق كل هذا بعد ما رجعنا لغرفتنا انا و زوجي اشوفه زعلان و مبوز:santa_1: قلتله حبيبي شو فيك ليش مضايج قاللي مافيني شي بس اسكتي عني:schmoll: قلتله ليش حبيبي انا شو سويت ليش تكلمني جي:sadwalk:قاللي انتي ليش ما تطبخين لي و لا تقومين من صباح الله خير و تدخلين المطبخ و قعد يتنااااااازع علي و ما خله كلمه ما قالها :busted_red: قلتله الحين انا ما اسوي هالشي!! ما اطبخلك !! حرام عليك لا تظلمني لاني والله تعبت من هالعيشه انا باخذها من منو والا منو كفايه عليا اهلك اللي كل يوم و كل دقيقه يسموني يالكلام و يفرون عليا رمسه تحرق القلب و انت ما تحرك ساكن ولا تدافع عني و الحين انت بعد بتوقف معاهم ضدي حرام عليك والله تعبت و صرت ما اعرف كيف ارضيكم انت و اهلك:tears::tears::tears::tears::tears::tears:

بسبتها ريلي زعل مني و صارت مشكله بيني و بينه و قام و لبس و طلع من الغرفه قاللي انا بطلع و بخليلج الدنيا كلها اشبعي فيها ,,
والله اني قعدت اصيح و بموووووت من القهر :sadwalk::tears::sadwalk::tears::sadwalk::tears:
شوي و رجعلي و هو مضايج قعد يبوسني و قاللي انا آسف حبيبتي لا تزعلين مني انا بروح اقعد في المقهى مع ربيعي شوي و اذا بغيتي شي عندج بطاقة البنك و اسحبي و عندج مفتاح السيارة اطلعي و شمي هوا شوي و اذا بغيتي شي اتصليلي والله اني احبج حبيبتي و طلع عني,,

ادري والله ان ريلي فديته فاهمني و عارف كل شي يعني هو مش اهبل بس ما يبي يزعل امه على حسابي انا ,, انزين اوكى انا ما قلتلك زعلها هاذي امك جنتك و نارك بس عالأقل كلمها قولها تسكت عني و تبطل تضايقني ,, والله نفسيتي تعبت و انا تعبت و هالشي مأثر على الحمل و عالبيبي ,,

شو الحل معاها ما ادري والله اني وايد تعبت منها خلاص مب طايقه اشوفها:tears::tears::tears::tears::tears::tears:
 

dainty333

New member
إنضم
9 أبريل 2008
المشاركات
210
مستوى التفاعل
0
النقاط
0
كيوت انجل....بقولك عن صديقتي...عندها امها تغاااار كثيررر من زوجه...اخوها....مثل حالتك....وهم بعد ساكنين بجناح بروحهم بس يتغدون...مع امه..وابوه والبنات....ودوم تحكي لي عن...زوجه اخوها وامها....وكيف تغار منها...وتقط عليها كلام...بس بعد فتره...قالت لي صاحبتي....ان زوجه اخوها...تجي تتغدى مع اهله...من غير ما تشاركهم بشيء لا اعداد ولا طبخ..وهم تاكل وتقوم تغسل يدها وتروح لجناحهااااا....وملابسه تغسلهم..له امه...وتكويها وتجيبها له....وهي بس جالسه...مع انها تعرف تطبخ بس...ماتبغى تعب روحها...ودووووووووم تتخانق مع زوجها..انو امه قالت وامه فعلت حتى طفش منهاااااااااااااااا
انا ما اقولك القصه...اني اشبهك فيها..انا حكيتها عشان....تاخذين الحيطه والحذر....واذا عندك شيء مو منتبه له انتبهي له...والله يوووفقك مع زوجك....
 

جيادا

New member
إنضم
21 أغسطس 2007
المشاركات
5
مستوى التفاعل
0
النقاط
0
حبوبه حاولي تردين على كلامها بس من دون ماتوترين الموقف وياليت بعد يكون قدام زوج ,,, حبيبتي لان الزوج اذا شاف زوجته ماتقول شي ولا ادافع عن نفسها الريال بعاافها يعني ينفر منها ,,, أنا عانيت بدايه زواجي من عمتي الله يهديها ومن غيرتها على ولدها ,, تصوري سفر مثل الناس مانقدر تقول ريلي ورا رجل ولدي ,,, اخاف يصير فيه شي !!! وانتي مابتسوين شي ,,, جان ابقق عيوني واقولها ,,, شوفي حبيتي نحن بنسافر واذا بتين حيااج الله واذا ماتبين بكيفج وخلاص نحن قصينا التذاكر والموت بيد رب العالمين والموت حق علينا ومكتوب واذا الله كاتبنا الموت بنموت على فراشنا .... جان تقاطعني وتقولي خلاص لاتطريين الموت برايكم سيروا الله يحفظكم ...
حبوبه انا مااهاوش او اصارخ او اعلي صوتي عليها ... لا... كل شي بهداوه مثل الكلام انا احاول افهما مو اصااارخ
والله يهدي عمتج
 

CUTE ANGEL

New member
إنضم
20 يونيو 2008
المشاركات
67
مستوى التفاعل
0
النقاط
0
العمر
33
لا و هالأيام الحلوه بعد طالعتلي بقصه جديده
هههههههههههههههههههههههههههههه
بقولكم بس لا تضحكون
الحبيبه الحلوه العسل عمتي ما تبيني ادلع ريلي >>>> تخيلو
لو شافتني دلعته او قلتله حبيبي او اي شي من طرف التدليل تتخبل
والله هاذي بتموتني من القهر
 

prnsesحلا

New member
إنضم
13 يوليو 2008
المشاركات
428
مستوى التفاعل
0
النقاط
0
احسن حل انك تخلين علاقتك بزوجك قدامها رسميه لاتدلعينه ولا يدلعك قدامها وسوي نفسك قدامها ان زوجك موريك نجوم الظهر وانتي مسكينه صابره ومتحمله وتتمنين بس رضاه وانك ماتقصرين معاه وتنفذين له طلباته طبعا هذا كله تمثيل قدامها بس علشان لاتغار والله يعينك على البلوه الي انتي فيها انامجربه معاناتك والله ماراح ترتاحين الا اذا سكنتي بيت بروحج والمثل يقول ابعد عن الشر وغني له والله يكون بعونج وترى بعدج ماشفتي شي والقادم اسوء بعد ماتولدين حتى طفلج بتحاول تاخذه منج وبتدخل بكل صغيره وكبيره حتى بتربيتك لعيالك بتدخل فيهاالله ي والله ما ودي احطمج بس هذا الواقع الله يصبر قلبك بس
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى