أمي سبب همي؟

[ياقلب ابتسم]

بنات أنا عمري 28 سنه وبنت ماتزوجت الى الان واعاني كثير من أمي احس انها ماتحبني ما تهتم فيني ولاتراعي مشاعري وتخليي خدامه لاهلها وداي تذلني قدامهم من كنت صغير وتعاملني على اني طفله وداي تشك فيني ماتعطيني ثقه في نفسي وتفرغ فيني كثير وهي دائئما كلامها حزن ودائما تفرقني عن بنات أهلها إذا طحت مريضه ماتسعفني .ماتحاول تنقذني واذا جاوا حريم عيالها تعاملهم احسن معامله وتعاملهم على انهم ضيوف وتقدرهم وتحترهم ولاتخليهم يساعدوني في المطبخ وهي :8:دائما مكتئبه وكله تقولي انت ابوك غير الناس مايتحمل مسئوليتك ولايصرف عليك وتعايرني باللي تشتريه لي ولاتهتم أمي بصحتنا نهائيا ماتحاول تخلي الاكل صحي وسليم الا اذا انا اشرفت عليه وكله تقول انا مره مافي يدي شئ ماتحاول تتحملنا وطلعنا من الظروف الصعبه اللي حنا فيها الا صايره شخصيه ضعيفه حيل ولا لها راي ولاوجود بالبيت نهائيا أحس وجودها وعدما واحد بصراحه احس دائما اني ما أحبها اسغفر الله العظيم.وتخيلوا عمرها مادافعت عني لاقدام أبوي اذا اهانني ولاقدام أهلها بل العكس تجلس تتشمت فيني وتفرح اذا ابوي اهانني ولاتحب إخواني يتعلقون فيني ابعدتهم عني وكله تشتكي لهم عني لمن صاروا يكرهوني ولايردون علي إذا اتصلت عليهم. ليه كذه شالام هذا والله بصراحه قلبي يتقطع اذا شفت ام تعامل بنتها كأنها صديقتها.
وش الحل مع هالام وتخيلوا حياتي تخليها مكشوفه لاهلها ماتخبي عنهم شئ وكله تذم حيل وتعاملني على اني وحده فاجره ولاتخليني اعيش حياتي كله تشك فيني شسوي معهم انا كرهت البيت ودي أموت نفسي اليوم قبل بكره البيت ماينعاش فيه ولادقيقه وحده.
ابي حيل؟:8::8::8::8:

 

[صمت الحنينـ]

عزيزتي
حاولي تتفهمي طبيعه امك
مو معقووله امك تتصرف بهالشكل بدون سبب
ويمكن تكون زعلانه على حالك لانها لسه مافرحت فيكي وشافتك عروسه
وتعبر عن زعلها بهالطريقه
هي تشوف تصرفاتها صح بس طبعا غلط
انصحك تروحي تكلميها تتفاهمي معاها
قولي لها ليش تعصبي عليا دايما ومن هالكلام
الله يصلح الحال...

 

[ياقلب ابتسم]

امي ماتبي تفهمني.ولاتعرف تفهني من اصله.

 

[الح‘ـــوراء]

أدعو الله لك بالسعــآدهـ ...

قوي صلتك بربك ... تتقوى صلتك بغيرهـ ...

اجعلي قلبك مملؤ بالايمااان .. تجدين الخير في كل مكاان ...

أدعو الله لك من كل قلبي بالخير وحياة ملؤها الحب والرضى ..

 

[يااابعدهم كلهم]

طيب صارحيها يمه ليش انتي كذا تعامليني

من اسلوبك بعد انتي مجافيتها

واذا تبين نصيحتي تحملي ولك الاجر .

 

[خط وردي]

الله يعينك
طنش تعش تنتعش​

 

[بنت إب]

الله يعينك
إحتسبي الأجر إنتي في شهر رمضان إدعيلها إن الله يحنن قلبها عليك
والله يرزقك بالزوج إللي يعوضك الحنان
تقبلي مرووري

 

[بنت الجامعة]

قال ربي ( وان جاهداك على أن تشرك بي ماليس لك به علم فلاتطعهما وصاحبهما في الدنيا معروفا)

كثيييييييييييييييييرمن الأمهات من هي مثل أمك أو أكثر بعد .............


لكن لابد ان تعلمي أن هذا بتلاء من الله لك يرى هل تصبرين ام تجزعين ...........

والله ثم والله لن ترتاحي وانت هكذا بهذه النفسية وتلومين امك دائما .....فأنتي لست من اخترتي امك او اباك فهذه قسمة من الله ويجب ان ترضي بها ,,,,,, والحياة صعبة فعليك بالصبر واعتبريها مريضة ...... وعامليها بالحسنى ......... ودائما ذكريها مثلا بقريبة لك وكيف تصنع مع بناتها حتى تنتقد نفسها بنفسها .....

وأننجع وسيلة والله مارستها ورأيت نتائجها بصورة عجيبة هي الدعااااااااااااااااااااااااااء


ادعي الله من قلبك ونحن في شهر فضيل بأن يحنن قلب أمك وابوك عليك ويرزقك زوجا صالحا يعفك ........


دعائي الخالص لك بالتوفيق في حياتك

 

[ياقلب ابتسم]

مشكورين حبايبي على الرد . أنا جلست معها كثير وحاولت أفهمها ماتغير طبعا عقليتها هي والمتحجره واحد بيت كامل منهار .

 

[عزنفسك تجدها]

اعرف وحده مثل حالتك راح اخبرك عن قصتها لتقولي من شاف مصيبة غيره هانت مصيبته والله على مااقول شهيد

هالبنت يمكن عمرها مااعرف بس اهي على سن الزواج المهم تقولي مره
امها ماتحبها دايما ضدها هالبنت شوي شخصيتها قويه بس تخيلي امها وخواتها بيوم من الايام قامو يضربونها ضرب مبرح
اذا جت تتكلم كلام عادي صاحو بوجهها ليه تنافخين علينا وهي تحلف بالله انها تسولف عادي
تقول اهلها كلهم صفدوها على جنب يعني وجودها او عدمه فالبيت مثل بعض صارو اخواتها الصغار اكبر منها عند امها وابوها تقول ماحد يثق فيني رغم اني بنت تنازليه مضحيه لابعد درجه((فعلا البنت طيبه)) ماحد يستشيرها بشي ولاحد ياخذ برايها وطلباتها مقدما مرفوضه بطريقه فيها قهر
تحلف بالله لو اغيب عن البيت سنين ماحد يفقدني ولاحد يسال عني دايما امها مطلعتها غلطانه واذا راحت عند احد تجلس الام تمدح البنت الاصغر للناس حتى صارو الناس فعلا متجنبين البنت الكبيره لان اذا اهلها مصفدينها فكيف العالم الخارجي؟؟؟...
امها ماتعدل بين بناتها ولا حتى ابوها اذا جت تسال امها ليه كذا تصيح امها في وجهها الام تطلع البنت غلطانه
حرمها ابوها شهر كامل من الاكل تخيلي صوم نهار ليل بس كانت تاكل بسكوت شاهي وببسي على طول قسم بالله هذا كلامها وصلت اخر الشهر الى انها تدوخ من الجوع طبعا ابوها حرمها من الاكل بسبب امها
دايما تفسر حركاتها على انها بنت مثل ماقلتي ياأختي (فاجره والعياذ بالله)

قالت لي كلام كثير بس مااعرف كيف اكتبه او انسج لك معاناتها

انا اقول بجد ياامهات اللي ماراح ترحم عيالها لاتخلف ابدا لانها كثيره معاناة البنات مع امهاتهم اتقو الله في اولادكم=(الذكر والانثى)
كم قصص جالسين نقراها بسبب الام الفاشله في تربية بنتها او ولدها لو الله حرم كل متزوجه من الانجاب كانت بكت ليل ونهار تطالب في العيال واذا جاها مااعطتهم حقهم وفرقت بينهم

حسبكم من لاتنام عينه في عيالكم

كلن راعي وكلن مسؤل عن رعيته

اختي وحبيبتي يعجبني في هالبنت قوة صبرها وايمانها بالله صحيح تحلف انو ماقد مر يوم الا وهي تبكي فيه بس شخصيتها قويه تخيلي حتى اخواتها مايحترمونها ولايعبرونها ويعتبرونها ولا شيء رغم انها اكبرهم وهي محتسبه مالها الا الدعاء

لاتقولي عندي هم ولكن قولي ياهم لي رب يكفيني

الله يعينك ويساعدك بالخير

 

[قلب وافي]

الخوات كلامهم طيب وماقصرو

تذلني قدامهم من كنت صغير

وتعاملني على اني طفله وداي تشك فيني ماتعطيني ثقه في نفسي وتفرغ فيني كثير وهي دائئما كلامها حزن

اعتقد تربية أهل أمك فيها لها دور كبير فيما يحدث الآن .

حبيبتي دام الأم ماتتفهم ولاتبي تفهم على قولتك اذا لاتتعبين نفسك بكثرة التفكير بحالك مع امك

وكيف وليه ولمتى .......لأن ماراح يتغير شي (من شب على شيء شاب عليه)


لكن الحل أنك تتأقلميين مع هالوضع وطبيعة تعاملها معك اذا تبين الراحه لنفسك

دام مانقدر نغير الأم لكن تقدرين تغيرين من نفسك بتقبلك وتفهمك وصبرك وحلمك خلك أكبر من هالوضع

خذيها من ناحيه راح اكسب أجر بصبري عليها وبرها مهما حدث .

يظل حالك أفضل لمن هم اسوأ منك ونقول الحمدلله على كل حال

وادعي لها يابنت ترا الدعوات تغير من حال لحال وعجب عُجاب
،

كان الله بعونك وفرج همك ويسرا معيشتك

 

[ابا اعلن جنوني]

الله يعين​