أميرات زمانهم بس يدخلون !! واللي تبي تصير مثلهم

[أمل أمه]

السلام عليكم ورحمة الله وبركاته


يااميرات وياملكات زمانكم .. والله يجعلكم ملكات في قصوركم بالجنه يارب


واحلى من الحور العين :sly:



ابي اسالكم عن


عطور الجسم ..


وعن زبدة الككاو مالت الجسم


والشموع المعطره


والفواحات


والزيوت العطريه مالت البانيو ابي شي يريح الاعصاب


من وين اشتريها ابي احلى روائح .. لاني مليت من خلطات المفارش والبخور ..


وبنتي صادها الربو من كثر البخور

ودايم هواش انا وزوجي عشان الدخون ..


ابي اسماء محلات معروفه واسم العطر ..

انا لقيت بلايف ستايل انواع كثيره ولقيت زبدة اللوز ووحده ثانيه عنابيه مااعرفت شنو


قلت اسالكم ياملكاتي انتو عندكم خبره بالهلأمور


وان شاء الله اللي ترد علي زوجها بعمره مايطالع غيرها


ويغنيه بها عن نساء العالمين الحلال والحرام ...



ابي ادلع عمري نفسكم والا مايصلح لي :bleh:

 

[درة الأكوان]

[grade="00008B FF6347 008000 4B0082"]نصيحة أختي
حتى العطورات التي تدخل في كل من الصابون والشموع وأي نوع فيه عطر يؤثر تأثير سلبي على الأطفال اللي عندهم ربو
إسألي مجرب يعني إسأليني أنا
كان ابني الأول يشكو من الربو دائما ولا أحس يوم أنه بدون أزمة ولو بسيطة
ولكن بعد ما عرفت أن هذه الأشياء تؤذيه ابتعدت عنها ..ولله الحمد تحسنت حالته الصحية كثيرا
وكنت قد أخذت درسا وحفظته جيدا وعند مجيئ إخوته اللي أصغر منه نعم عندهم حساسية الربو ولكن ولله الحمد ولا مرة احتجت أدخل واحد منهم المستشفى بسبب أزمة ربو
والله يصبرك على ما ابتليت به ابنتك ادعي لها وتصدقي عنها كي تعود لها عافيتها وصحتها (مجرب)
ولا تعرضيها لذلك فوالله عندما تأتيني أزمة الربو أحس وكأن روحي تخرج نفسا نفسا
وأسأل الله العظيم رب العرش العظيم أن يشفي ابنتك.
معليش اعذرينيأنا جاوبت على شئ آخر غير الذي تتمنيه ولكن هذا من حرصي الشديد لمصلحة ابنتك أولا وأخيرا[/grade]

 

[أمل أمه]

يابعد عمري يادرة الاكوان

هذا دليل على حرصج على صحة بنتي وهو من باب التناصح والحب في الله

يااختي بنتي فيها ربو وراثه من ابوها وهو دايم الفانتولين بجيبه

والبخور احيانا يزيد الازمه

بس ماكان سببها ..

جزاك الله خيراا .. والعطور اللي ابيها باستخدمها فتره بسيطه

لان البيت عندي سيراميك وقطع السجاد بسيطه وماراح تمسك ريحه البخور

انفخ بقربه مقطوعه .. والله يعين

 

[رمزالعطاء***]

حبيبتي امل امه
روحي محلات (ذي بودي شوب ) وخذي فواحه وخذي عطر فواحه وعندهم روائح ممررررررررررررره جنان جربيها ويحتها خفيفه وحلوة

 

[أمل أمه]

رمز العطاء

مشكورة حبيبتي يسعدني انه تكون ثاني مشاركة لج تكون في موضوعي

اذا اتعرفين غير بودي شوب

 

[النوري]

ياقلبي أحلى شي البودي شوب وزهور الريف.. وبالنسبه للمرشات ممكن تخففينها بماء الورد بدل الكلونيا

 

[دمعة حزن]

زهور الريف ونكتار عندهم زيوت عطرية حلوة متل التوت وسويت كاملا من زهور الريف رائعة

 

[جـود]

حبيبتي00بدل اللف والدوران روحي محلات (بودي شوب) لانه متخصص بهالشغلات ويعطيك

الزيوت والمواد اصليه 100%

او روحي سيتي بلازا عندهم زيوت وشموع عطريه00

 

[المسك]

تبين تدلعين عمرج مضبوط
جربي البودي شوب في ست كامل يكون بعطر الفانيليا اوالافندر أو الفراوله حسب ذوقج شتحبين
في عطر التفاح بعد حلو وهم يريح أعصابي انا آخذ عندنا من محلات الشايع يمكن يكون متوفر في البودي شوب
بس اللافندر أكثر شي يريح الأعصاب ويهدي حطيه بالعطاره واخذي الشاور جيل بس خليه حق الليل او بعد الدوام فعلا مفعوله عجيب

 

[بنت عز وما تنهز]

ومنكم نستفيد

 

[دلوعة وحبوبة]

حياتي من قالك البخور يزيد الازمة مو يسببها لا والله هو بعض الاوقات يكون سبب في الازمة
نصيحة مني لك حافظي على صحة زوجك وابنتك فهم امانة عندك ترى زوجك إذا جات له ازمة ربو مابتفيديه بكشختك وريحتك اللي كلها عطور وبذات البخور ترى والله ممكن تسببين له سرطان الرئة خصوصا انه عنده ربو تحملي اختي مو ضروري عطور اهم شي النظافة استحمي اول باول من شان ريحتك واستخدمي مزيلات عرق هادية وإذا ودك تتعطري تعطري بفترة قبل لاتقابلي زوجك من شان يهدى العطر وبنتك لاتقربينها وانت متعطرة لان الطفل يتأثر كثير والبخور إذا ودك مرة تبخري اختاري وقت مايكون زوجك وبنتك موجودين وبخري
وقبل لايجون هوي البيت من شان تهدى الروائح
والله يااختي صحة عائلتك اهم والربو شي صعب جدا جدا الله يصبرنا عليه
تخيلي انك ماتقدري تتنفسي طول الوقت مكتومة هذا هو الربو
تحياتي

 

[طبعي الطيبه]

بودي شوب وزهور الريف