أمهــــــاتـ ـ التــوآئــمـ ـ ـ>> حيـاكمـ

[احاسيس*]

كيفكم حبايبي...

الموضوع واضح من عنوانه وهو خاص للأم اللي عندها توأم ..>>ترى ماعندي توأم :1eye:

وعشان كذا حابه ادردش مع الامهات الي عندهم توأم كيف حياتهم وكيف شعورهم يوم عرفوا انهم حاملين بتوأم ؟؟
وتجهيزاتهم للحلوين؟؟
ومعانات حملهم وولادتهم:crazy:
والنوووم وماادراك ماالنوم؟؟ :icon1366:
وهل لابد من وجود خادمه والاعادي تمشون حالكم!!

انا متعاطفه جدآ معاكم
ودايم افكر فيكم>>احاتيكم >على قولتكم:bleh:
ومتشووووقه اسمع سوالفكم ومواقفكم معاهم لاني خايفه منهم:crazy: ههههههه >
عندي واحد ومجنني>>الحمدلله على كل حال


انتظر تجاربكم وخبراتكم
عشان الكل يستفيد :msn-wink:

 

[~*~وصايف~*~]

جزاك الله خيير احاسيس
يارب اصير من امهات التوم الاولاد وكل وحده تمنى يارب

 

[حبني وحبيته]

يارب يا كريم اصير من امهات التوأم وتصلحهم وترزق كل من يتمناهم

 

[احاسيس*]

وصايف
حبني وحبيته

اسعدني مروركن وان شاء الله ربي يرزقكم:detective2:

 

[some1]

الله يرزقني التوأم الصالح
قولوا آمين يابنات

 

[نعم للتغير]

يسعدني ويشرفي اني اكون اول ام للتوائم ترد عالهموضوع
الشعور عند معرفة الخبر؟
كنت راح اطير من الفرحه وما صدقت الخبر في البدايه وبديت اجهز واشتري من كل شي اثنين اثنين
وعانيت في الاشهر الاخير من الثقل وكنت ما اقدر امشي لازم استند على شي علشان اقدر اتحرك يعني كانت حالتي حاله بس الحمد الله عدت
ويات لحظه الولاده طبعا ولدت باخر الثامن وكانت الولاده الحمد الله سهله يعني الفرق بينهم دقيقه وحطو بناتي بالشيشه تقريبا يومين لم اكتمل نموهم , وكنا انا واهلي واهل زوجي طايرين من الفرحه فيهم واربعه وعشرين ساعه ايصورون فيهم .
وبدت المعاناه وما ادراك ما المعانات اه كنت ابجي لاني ما اقدر انام وحد تنام وحد تقعد الحين اعمارهم جريب السنه وليلحيني اعاني معاهم بس معانات خفيفه الحمد الله
بالنسبه للخادمه انا بالنسبه لي لازم علشان اتساعدني لاني موظفه
بس تعالي شوفي سوالف التوائم ايهبلون يتهاوشون مع بعض وساعات اينامون وايدهم على ايد بعظم والغير موجوده طبعا بينهم يعني اذا شلت وحد الثانيه تبجي يعني لازم ثنتينهم اشيلهم مع بعض

 

[طير الحب]

الله يرزقنا

دمعه الامل الله يحفظهم لج

 

[زوجي وبس]

ماشاء الله دمعة امل الله يحفظهم ويجعلهم ذرية صالحة معافاه ويرزقنا ان شاء الله بالتؤام الهم امين

 

[the lost pearl]

دمعة امل ربي يخليج عيالج ياقلبي يجنون

انا حامل بتوأم والحين في الشهر الرابع _ ما شالله _ والله يتمم لي على خير ولحد الحين ولله الحمد كل شي تمام بس بديت احس بثجل والله يسهل علي لين التاسع

دعواتكم

واذا جد جديد اوافيكم بالاخبار

 

[آه ياقلبي]

هلا بيج احاسيس في قسمنا
نور القسم بالغالية
موضوعج جدا مهم
وخصوصا ان سالفة التؤام منتشره هالايام
ما اعرف شو السالفه
عقبااااال الجميع ان شاء الله
حميتي(زوجة اخو زوجي) من كم يوم ولدت وجابت تؤام ولدين ما شاء الله..وبصحة زينه
حملها كان طبيعي في الاشهر الاخيرة تعبت شوي
ولدت قيصري لان وضعهم في بطنها كان مش طبيعي
يوم زرتها بعد الولادة باسبوعين ما عرفتها من الضعف يمكن نزلت عشره كيلو المسكينه
اتقول ينام واحد ويصحى الثاني
الله يعطيها العافيه ويخليهم لها​

 

[احاسيس*]

some1
طير الحب
زوجي وبس

هلا وغلا فيكم _ماشاء الله اشوف الكل يتمنى يحمل بتوأم :1eye:الله يرزقكم يااارب ويكتب الي فيه خير

دمعة امل
هلا وغلا بأول ام توأم :clap:
اسعدني حضورك وحسيت صدق بمعاناتك الله يخليهم لك يارب صدق سوالفهم تهبل ودك بس تسولفين معاهم وتناظرينهم بس هههههههههه الله بعونك يالغلا الله يخليهم لك وتفرحين فيهم يارب

 

[احاسيس*]

انا حامل بتوأم والحين في الشهر الرابع _ ما شالله _ والله يتمم لي على خير ولحد الحين ولله الحمد كل شي تمام بس بديت احس بثجل والله يسهل علي لين التاسع

دعواتكم

واذا جد جديد اوافيكم بالاخبار

ياقلبي والله اختي the lost pearl
الله بعونك وان شاء الله تقومين بالسلامه وتبشرينا فيهم

هلا بيج احاسيس في قسمنا
نور القسم بالغالية
موضوعج جدا مهم
وخصوصا ان سالفة التؤام منتشره هالايام
ما اعرف شو السالفه
عقبااااال الجميع ان شاء الله
حميتي(زوجة اخو زوجي) من كم يوم ولدت وجابت تؤام ولدين ما شاء الله..وبصحة زينه
حملها كان طبيعي في الاشهر الاخيرة تعبت شوي
ولدت قيصري لان وضعهم في بطنها كان مش طبيعي
يوم زرتها بعد الولادة باسبوعين ما عرفتها من الضعف يمكن نزلت عشره كيلو المسكينه
اتقول ينام واحد ويصحى الثاني
الله يعطيها العافيه ويخليهم لها​

هلا وغلا ام حمد
منور القسم باهله والله

صح منتشروعشان كذا جاء في بالي هالموضوع وخاصه ان صديقتي حامل بتوأم وسقطت واحد والثاني موجود وحالتها مومستقره>>الله يشفيها
بس الظاهر ورايي الشخصي ان بعض الادويه المنشطه تسهل الحمل بالتوأم والله اعلم:msn-wink:

الله بعون الجميع....

 

[دمعه منسيه]

السلام عليكم خواتي
انا عندي ولد وبنت
في عايلتنا مافي اتوام ابداااا ولله الحمد حملت بدون علاج

اقوولكم على سرخطيييييييييييييييير في شي سمعت عنه في برنامج اجني وطبقته وحملت بالتوم تعرفون شو هو؟؟































الفوليك اسيد استخدموه 40يوم يعني اليوم ال40يكون يوم التبويض ووالللله يا بنات حملت ادعولي يطلعلي بيت واي سؤال طرشولي عالخاص

 

[&دره&]

بنت عمي ولدت قبلي بتوأم اولاد ما شاء الله

وانا يبت ولد ووحده من اهلنا بعد يابت توأم بنت وولد بعدي

يعني كان ممكن يكون نصيبي توأم لكن الحمدلله انه بس ولد واحد ههههه

واختي خاطرها يتوأم الله يرزقها

وانا ما احب التوائم لي اشوفهم عند غيري اي يحلوهم كيووت يربي يهبلوون بس انا لا بالي مو طويل وواحد ويالله هالنوب اثنين استغفر الله لا ما احب

والله يتمم عليكم يارب ويجعلهم من الذريه الصالحه

 

[زوجة وأم]

كيفكم حبايبي...

الموضوع واضح من عنوانه وهو خاص للأم اللي عندها توأم ..>>ترى ماعندي توأم :1eye:

وعشان كذا حابه ادردش مع الامهات الي عندهم توأم كيف حياتهم وكيف شعورهم يوم عرفوا انهم حاملين بتوأم ؟؟

أنا عندي توأم عمرهم 5 سنوات وشعوري لم عرفت إنهم توأم كنت خايفة جدا لأنهم بكريتي

وتجهيزاتهم للحلوين؟؟

الحقيقة من أمتع الأشياء التجهيز للبيبي فكيف لم يكون توأم الحمد لله كان شعور رائع وممتع وكنت على طول انجن على ملابس البنات فستان طوله شبر وتنورة طولها أصباعين وكل يوم أخرج الملابس من الدولاب وأهشتك وأدلع فيها وأرجعها لدرجة زوجي شك في قواي العقيلة :1eye: امزح ترا :shiny:

ومعانات حملهم وولادتهم:crazy:

آآآآآآآآآآآآآآآآآآآه

الحمل كان متعب جدا من بداية الوحام الشديد لأنهم كانوا من بويضتنين مختلفتين فيكون الواحم مضاعف إلى الولادة المبكرة بسبب تسمم الحمل ونزول المياه واضطرت الطبيبة تعمل لي قيصري وكانوا صغااااااااااار جدا بحجم الدجاج:bleh: ووحدة منهم كانت في حالة خطرة بس الحمد لله الآن صحتها كويسة

والنوووم وماادراك ماالنوم؟؟ :icon1366:

اما النوم فحدث ولا حرج كنت انتهز اي فرصة يناموا فيها وانام معاهم وطول الليل يتناوبوا علي وحدة تبكي ووحدة تسكت:shutup:

وهل لابد من وجود خادمه والاعادي تمشون حالكم!!

والله اتوقع الخادمة لازم على الأقل في الشهور الأولى

بناتي أحلى :harhar1:

انا متعاطفه جدآ معاكم
ودايم افكر فيكم>>احاتيكم >على قولتكم:bleh:
ومتشووووقه اسمع سوالفكم ومواقفكم معاهم لاني خايفه منهم:crazy: ههههههه >
عندي واحد ومجنني>>الحمدلله على كل حال


انتظر تجاربكم وخبراتكم
عشان الكل يستفيد :msn-wink:

هذا اللي عندي وأتمنى تكونوا استفدتوا من خبرتي:nosweat:

 

[سله تمر سكري]

السلام عليكم ورحمه الله وبركاته الحمد لله ربي رزقني بثلاثه توم قولو مشاء الله وهالحين عمارهم ثلاثه سنين بيتي مفتوح للزوار كل الناس يجوني علشان يسلمون عليهم علشان انا ماطلعهم من البيت اخاف عليهم اول ماجبتهم صغار في الثامن والحمد لله رضعتهم طبيعي وطلعو بدري من المستشفى هالحين مالين الدنيا علي بس تعالي شوفيهم اذا تخاصمو ابوهم يطلع من البيت ويقول انتي الحكم :busted_red:ولا عند الترويشه ضهري خلاص بينكسر وذا ضربت واحد منهم كلهم يجون يضربوني ويقولون ياماما احنا مزاعلينك :harhar1: والله يصلحهم ويهديهم

 

[احاسيس*]

اختي عسوله
هلافيك والله يتمم عليك بخيرياقلبي ويسهل عليك
بالنسبه للطريقه اول مره اسمع فيها بعدين وش دخل الفوليك بالتوأم؟

اختي دره
هلاوغلا فيك اجل انت مثلي نحب نشوفهم بس من بعيد لبعيد هههههههه

زوجه وأم
هلاوغلا فيك والله مشاركتك مميزه وتستاهلين رد متميز هههههههه والله ضحكتيني يوم تقولين بناتي احلى
الله يخليهم يارب لك وعطيهم بوسه بالنيابه عني_الله يحفظهم يارب

ضوء النجوم
ماشاء الله تبارك الله ولااله الاالله من جد رحمتك
الله يحفظهم لك ويتربون بعزك والله مشكله يتحدون عليك >>لازم احد يفزعلك ههههههههه

 

[غايتي الجنه]

من شفت الموضوع وانا طير افتحته 000000بصراحه توقعت فيه نصايح للي عندهم تؤام وانا بصراحه محتاجتها بقققققققوه انا جبت تؤام بنت وولد الله يحفظهم واعمارهم الحين 7 شهور ومجننني بصراحه بالنوم خصوصا اسهر معهم للفجر واخدت اجازه لا وهدا وانا عندي شغاله لكن ماحنا ملحقين عموما هم متعبين صراحه الله يحفظهم ويصلحهم
يوم دريت اني حامل بتوام بصراحه فرحت كثثثثثثثثير والحمل كان متعب جدا جدا كل من شافني خاف من كبر بطني طبعا ما احد عارف ان بي توام خخخ وتربيتهم اصعب بكثثثثثثثثثير الله يعينا بس

 

[احاسيس*]

مرحبا غايتي الجنه:icon26:

الهدف من الموضوع طرح تجاربكم وخبراتكم عشان تستفيدون من بعض وان شاء الله يفيدونك الاخوات
والله بعونك يالغلا

 

[أحب بناتي]

يوووووووووووووو......رووووووعه التؤام

سبحان الله من الكلام تبتسمي .....كيف لمن تشوفيهم

الله يحميلكم تؤائمكم من كل مكروه يارب

الله يرزقني بتؤام اولاد ...وجميع بنات ملف ام رفعه

ياكريم يارحيم يارحمن

أختي أحاسيس

تسلمين على هذا الموضوع الأكثر من رائع