ألحقوني ماعدت أتحمل أحس إني بنفجر.

[دلوعة ويحق لها]

مشكلتي بالعمل أنا أعمل موظفه في مركز تروي ومعي ثلاث زميلات واحده منهم ماهي طايقه تشوف وجهي سلامها علي سيئ جدا وحوتارها معي شبه مقطوع حاولت أتعامل معها كويس علشان الناس ماتلاحظ بس مافيه فايده .وتعامل الثنتين اللي معي بكل ذوق واحترام علشان تغيظني.
محتاره مرره صرت أجي من الدوام أبكي .
أ،اما آذيتها بشئ بالعكس أصور لها أوراق وأعطيها ولاعمري ذكرتها بسوء علشان أقول أحد ناقل كلام .وش الحل دلوني الله يوفقكم وفصلو بالشرح .لوقلتو كلميها في موضوع تعاملها فكرت فيه وحسيت بتزيد الموضوع سوء .

 

[جورية الخبر]

غاليتي ..
انتي ليه معطية الموضوع اكبر من حجمه .. انتي عارفة انك ما سويتي لها شيء .. يعني مأزمة نفسك بدون داعي ؟؟
يا قلبي من عافنا عفناه لو كان غالي ..
وبعدين خلي علاقتك معها رسمية وزمالة عمل .. يعني مو بالضرورة تكونون ( صديقات عمل ) ؟؟
والقلوب بين اصبعين من اصابع الله يقلبها كيف يشاء ..
انتي عامليها بما يرضي الله .. وبسسسسسسسسسسسسسسسسسسسسس واحذري كل الحذر تيبنين لها ان هالموضوع مأزمك لأن بعض الناس يستمتعون بهاللعبة مع الغير ..
تقبلي مروري غاليتي .. واحيي فيك هذه الروح المرهفة الحساسة والله يعطيك على قد نيتك ان شاء الله ..

 

[صدى الصوت]

أنصحج بشدة أن لا تقولين لها أي شئ عن اللي في قلبج .تدرين ليش ؟

سألي نفسج أنتي في شنو أفضل منها . وبتعرفين السبب !!

يمكن هي حاسة أنج أفضل منها فتغار . ممكن تكونين أحلى منها أو أذكى منها بدليل مساعدتج لها .

لاتظنين أنج لما تساعدينها هي أو غيرها أنج راح تكسبيهم . لا . لكل قاعدة شواذ .

في ناس يدخل في قلوبهم نوع من الحسد . حتى لو أتشوفج مبتسمة ، تحسدج على أنج اليوم سعيدة !!!!!!

لاتتقربين منها . عامليها عادي مجرد زميلة لك في العمل .

ولاتحسسينها بأنج مضايقة من تصرفاتها . ولاتفكرين فيها أبداً.

 

[إم البنين]

انا لو في مكانك كان اسوي روحي عادي جدا مثله مثل غيره هي عشان تشوفك تعذبين اتوقع تسوي كذا

 

[همس بلقيس]

انا ويا اختي صدى الصوت والله يعطيج على قد نيتج

 

[ودهم]

هذي نفس مريضة ولاتحرقين قلبك عليها 00

اذا هي قلبها اسود فعلى نفسها 00

انا مع راي خواتي خلي علاقتك معها سطحية علاقة عمل 00

وتجنبيها مثل هالشخصيات تضر و ماراح تعدلين فيها لو شو 00

الله يجنبك شرها 00

 

[مجننة زوجي]

كبرتي الموضوع وهي مجرد زميله شغل ماتأثرك فيك بهذا الشكل وبعطيك قاعده
دعي القافله تمشي وال000000000تنبح :icon30:
واسفه على المثل:blushing:

 

[دلوعة ويحق لها]

بس أحسها تستقطب الثنتين اللي بالغرفه معي لصفها علشان لسانهاحلو .أما أنا صرت وحيده ولما أنا أدخل للغرفه وتصفى الغرفه علي أنا وياها تقوم تطلع من الغرفه يعني تعطيني رساله إني مو مرغوب فيني .تخيلو الوضع النفسي المتعب.أطلع من الغرفه وانفرد علشان أرتاح من استفزازها وش رأيكم.

 

[حرير عنابي]

انا تعرضت لنفس المشكله كنت طيبه معموظفه في نفس المدرسه سويت لها اشياء وايد وفي الاخير قالت لاعز زميله لي فلانه انا ماادانيها بكل قوة عين وصرت احتقرها لها الكلمه بس طنشتها تطنيش ولا اهتميت لها بعد فتره اكتشفت انها سوت نفس الحركه مع ثلاث موظفات غيري .. وطلع السبب تاااافه جدا , السبب هو ان اللي تكرههم يقولون عنهم جميلات وهي ماتحب حد ينذكر بجماله.. آخر زمن, يااخت دلوعه طنشي لانها ماتستاهل ومب صديقه على خير.

 

[عنقود عنب]

عزيزتي

هذه انسانة مو طبيعية

ومثل ما يقول المثل ((اذا جاءتك المذمة من ناقص ...فاعرف انك كامل ))

عطيها طناااااااااااااااااااااااااااااااش ....ولا تساعدينها في ولا شي ابدا

اعتبريها مو موجوده ابدا

خلي بينك سلام عليكم السلام

عزيزتي انت اذا بتصيرين حساسة ما راح تقدرين تواصلين العمل

لاحظي ...يمكن في مجال العمل راح تحتكين مع شخصيات متنوعة ...ويمكن تحتكين مع شخصيات اسواء من هذه الانسانة

يبغي لك تتعلمي كيف تتعاملين مع الناس

 

[زوجة العقيد]

حبيبتي.. حاسة فيكي ..
وباين انك حساسة وطيبه مرررره ..
و

انا عارفه ...
ماراح ترتاحي دام بينكم شي ..

ادعي ...في صلاتك .. اللهم الف بين قلوبنا ...


و

الله يريح بالك ..ويسعدك