أكره زوجي الذي كرهني في نفسي!!

[HaTTan]

لا تضعفين يا أختي قدام أي مشكله بينج و بين ريلج خلج قوية و واثقه من نفسج قدام ريلج و أهله و الناس كلهم طبعا بالاحترام... حاولي تنزلين وزنج و تنتبهين لعمرج لا تخلين النفسية تأثر على حياتج و اشغلي عمرج يالياهل اللي معاااج و حاولي تبتكرين طرق تخلين ريلج كل ما يسافر يتمنى لو كان موجود بينكم...هدي أعصابج و خلي عنج التوتر و لا تخلين الشيطان يصور أشياء يمكن تكون مش موجوده في الواقع ترى الشيطان شاطر...و حطي في بالج ترى مو كل شي في هالدنيا "شغل" في أشياء أهم منها الزوج و الأطفال و الأسرة و كيفية المحافظه عليهم...لا تخلين شغلج الشاغل "الشغل" إذا ريلج ماكان راضي صدقيني هو نفسه ماراح يساعدج في هالموضوع حطي في بالج يمكن يمر عليج أيام تكونين فيها تعبانه من الشغل طبعا ريلج ما راح يراعي هالشي و راح يطلب حقوقه كامله لأنه هو من البداية كان معارض و مو راضي...أنا يا ختي ما أحاول أحبطج بس أحاول أخليج تنظرين إلى الجانب المشرق في السالفه هو إن ريلج يمكن يغار عليج و ما يردج تحتكين بالرياييل و يبى إن اسمج يتردد على لسان أي أحد فيهم...

و السموحه إذا طولت عليج....:bigsmile:

 

[onoothah]

آآآآآآآآآآآآآآآآآآآآآآآه يا قلبي ما ادري شو أقول
والله أحس بمرض من هالريال...
اتخيلوا انا صار لي أسبوع ما شفت أهلي
وكنت ناوية اروح البارحة وأجلت علشان أقضي اليوم مع خواتي (اليوم إجازة) وزوجي مسافر فقلت له قالي لا تروحين لأن احتمال اهله يسافرون (وطبعا هم ما يحبون يقولون حق حد)
اتخيلوا أني قاعدة طووووووووووول اليوم بس انتظر انهم يسافرون...
وآخر شي قلتله خلص اليوم عالفاضي بروح بيت أهلي، قال لي الوقت اتأخر ....!!!!
لا ويوم أطلب منه إني بطلع يقولي بعد شوي برد أكلمج ويخليييييييييني لين ما يروح الوقت ويقول خلاص ماشي وقت!!!! شو أسوي ؟؟؟
خلاااااااااااااااااااااااااص أنا تعبت.......
ياريتني ما اتزوجت .... ياريتني... لو الحين أنا في بيت أبوية معززة مكرمة...
والله هذا الريال بيرفع ضغطي... مب عارفة كيف أتعامل معاه؟؟؟

 

[onoothah]

واااايد أكره نفسي وأكره زوجي ... حتى أختي أكرهها (أحس أنها السبب في إن شخصيتي بهالشكل)...
أحس اني مريضة أو مرضت نفسيا....
أختي الكبيرة أعتبرها أمي من يوم نحن صغار دايما تسبني وتهيني بالكلام ولين الحين إذا ما سويتلها اللي هي تباه خلاص أنا ولا شي!!! أخاف منها ... صوتها وهي معصبه يخوفني... سببتلي عقدة (الله يسامحها)
أحس اني في حالة اكتئاب... مب عارفة شو أسوي
كنت أتمنى زوج يعوضني كل الحب اللي كنت محتاجه له ...
عمري ما حسيت بالحب... الإحساس اللي كل الناس تتكلم عنه...
يمكن لأني كنت دايما أسمع اللي حولي يقولون إن الواحد لازم ما يحب علشان ما يتبهدل؟؟؟ بس أنا محتاجة أحس بأن في حد يحبني...
كنت دايما محط إعجاب اللي حولي... يمكن هالشي اللي بنى ثقتي في نفسي...
كنت أحب حياتي... كنت سعيدة...
ما كنت أفكر بالزواج إلا ما ندر... كنت راسمة لنفسي خط أو طريق أمشي فيه وحاطة موضوع الزواج على الهامش.. مش لأنه شيء ثانوي.. لاااا بس لأني ما كنت أريده يشغل تفكيري وأنا ما أعرف إذا الله كاتب لي زواج أو لا؟؟؟
كانت عندي صديقة مقربة جدا مني وكنت أفضفضلها وهي نفس الشيء...
وانتم أصدقائي الجدد..
فأشكركم على إعطائي الفرصة للفضفضه...

 

[مس شاريول]

غريبه مع انه العنوان مايدل على الموضوع لاني بعد ماقريت الموضوع شفت انج تحبين زوجك بدليل التنازلات الي قدمتيه حقه
اختي انا الي الاحظه انه شخصيتج ضعيفه وهذا الشي الي مخلي زوجك ماخذ راحته لازم تفرضين شخصيتج عنده لازم يكون الج صوت مسموع مثل ماانتي تحترمين اوامره لازم يقابله بالمثل وبعدين كيف هو يسافر ويشوف الدنيا وحارمنتج انتي منها ولو بشي بسيط
اختي انا مااقويج على ريلج بس حبيت افتح عيونج شوي لازم تكون عندج حياه اجتماعيه موبس ويا اهله المفروض تحيين حياتج
اذا هو مب راضي تطلعين ويا ربعج اعزميهم عندج في البيت واذا مو ربع الجامعه على الاقل ربع الدوام
خلي يكون عندج هوايات سويلج سابا (يعني اترسي البانيو واشتريلج من بودي شوب مجموعة عطور تبع البانيو وشموع ) وترسي الحوض ماي دافي واستجمي فيه ونسي عمرج لو حتى في البيت تراه وايد يرفع المعنويات اشتري جهاز مال الشي وسوي رياضه فيه اشغلي وقتج في عمرج لا تقهرين عمرج بعدج شباب عيشي حياتج وطنشي الهم (لا تشتكي وتنوح عمر الحزن مايدوم والعمر في كم يوم حتى نعيشه بآآآآآآآه) صح انه جديمه الغنيه بس فيها نصيحه وايد حلوه

 

[Cappuccino]

أهلين انوثة..
انا بلاحظ موضوع انه الشخص ما بيطلع مع زوجته خوفا انه يشوفها اصدقائه معه منتشر كتيير خاصة بالخليج !! ما بقدر اعطيكي حل مباشر لانه يعتمد على طبيعة زوجك يعني ممكن يكون الحل انك تتغشى لما تطلعي معه او تحطي نقاب او ممكن تخليه هو يختار الاماكن الي بتريحه مش لازم مطاعم او سينما اي مكان مبدئيا وبعدين ممكن يتعود بالتدريج على الموضوع..
بالنسبة لموضوع الطلعة من البيت في وقت متأخر بتوقع تكون قوانين البيت عندهم هيك يعني مش قصده يضايقك بس هو متعود ومتربي على انه المره ما بتطلع من البيت بعد ال 9 في كتييير ناس عندهم هاد التفكير فحاولي تخلصي مشاويرك كلها قبل هاد الوقت.
وهام شي تلاقي شي يسليكي وتشغلي فيه وقتك داخل البيت يعني اشتركي بدورات متلا اونلاين او كملي دراستك اونلاين ، بتعرفي والله بتمنى يكون عندي وقت فراغ في البيت كنت راح اعمل كتييير اشياء لحالي ولابني .. حاولي تنظري للنقاط الايجابية في مشكلتك والي هي انه عندك وقت فراغ كبير ممكن تستغليه في اشياء كتير مفيدة ومسلية بنفس الوقت..
وصدقيني لما نفسيتك تتحسن راح تلاقي الطريقة المناسبة لتغيير زوجك او انك راح تتأقلمي معه لاني اعتقد انه هاي طباع العائلة عندهم مش بس عند فيكي انت شخصيا..

الله يوفقك ويريح بالك

 

[ೋ دلع قطــر ೋ]

عزيزتي..

انتي عارفة ان زوجج ماله حق في اغلب قرارته...

ليش تحاولين تقنعين نفسج ان الغلط منج...

اذا على الصديقات ترى عادي... الدنيا تلاهي... وانا احيانا انسى صديقاتي فترة مع مشاغلي بين الدوام والبيت والاهل... مع اني بنت مب متزوجة...


ولما افضى او في المناسبات... احاول اوصلهم.. ولاتتعذرين في هالنقطة بالذات لانج تقدرين اذا فضيتي نفسج يوم واحد طلعتي فيه معاهم او عزمتيهم في بيت اهلج... ممكن هذا يغير نفسيتج شوي...


فديتج لاتعقدين الامور... ترى بيدج كل شي...


انا اتوقع ان سالفة الوزن ماثرة عليج واااايد... وخايفة على صورتج جدام صديقاتج...معاج حق... لازم بتسمعين مقارنات عليج قبل والحين..

انتي ابتدي غيري حياتج... ولاتضيعين احلى سنين عمرج في هم ونكد... ترى الزمن مايرجع ورا...



و لا تحاولين تبررين لنفسج شي.. بالعكس اخذي اراء البنات... وقولي انا من اليوم بسوي كذا وكذا...


وبالتوفيق ان شالله..

 

[onoothah]

مساء الخير ...
أشكر كل الأخوات اللي ردوا على مشكلتي وعطوني من وقتهم...
الإخت HaTTan
الله يوفقج وينولج كل ما تتمنين...
الإخت مس شاريول
أنا أكرهه والله حتى صرت أنتظر اليوم اللي بيسافر فيه علشان أرتاح منه ومن همه وآخذ راحتي...
حتى هو يستغرب لما يكون مسافر ويتصل في ساعة متأخرة من الليل ويلقاني سهرانه يقول لي لما أكون موجود كل شوي تقولين فيني رقاد ، نفسيأقوله القعدة معاك مملة بس عيب!!!
وأنا أعترف ان شخصيتي ضعيفة بس ما أعرف كيف أغيرها؟؟
(لا تشتكي وتنوح عمر الحزن مايدوم والعمر في كم يوم حتى نعيشه بآآآآآآآه) وايد حلوة أشكرج عليها...
الإخت CUPPUCCINO
صرت استانس لما أشوف وجودك في موضوعي !!!:clap:
والله إني قلتله بتغشى ما يرضى وهو أصلا ما يحب أني أتغشى!!!
وموضوع الطلعات والمشاوير لما ما يكون أهله في البيت يخليني أتأخر عادي!!! تخيلوا أنا شو بتكون نظرتي لهالرجل؟؟
طاح من عيني خلاص وصرت ما اتحمله....
أشكرك اخيتي على دعائك اللي أنا في أشد الحاجة إليه ووفقك في حياتك...​

 

[onoothah]

عزيزتي..

انتي عارفة ان زوجج ماله حق في اغلب قرارته...

ليش تحاولين تقنعين نفسج ان الغلط منج...

اذا على الصديقات ترى عادي... الدنيا تلاهي... وانا احيانا انسى صديقاتي فترة مع مشاغلي بين الدوام والبيت والاهل... مع اني بنت مب متزوجة...


ولما افضى او في المناسبات... احاول اوصلهم.. ولاتتعذرين في هالنقطة بالذات لانج تقدرين اذا فضيتي نفسج يوم واحد طلعتي فيه معاهم او عزمتيهم في بيت اهلج... ممكن هذا يغير نفسيتج شوي...


فديتج لاتعقدين الامور... ترى بيدج كل شي...


انا اتوقع ان سالفة الوزن ماثرة عليج واااايد... وخايفة على صورتج جدام صديقاتج...معاج حق... لازم بتسمعين مقارنات عليج قبل والحين..

انتي ابتدي غيري حياتج... ولاتضيعين احلى سنين عمرج في هم ونكد... ترى الزمن مايرجع ورا...



و لا تحاولين تبررين لنفسج شي.. بالعكس اخذي اراء البنات... وقولي انا من اليوم بسوي كذا وكذا...


وبالتوفيق ان شالله..

أشكرج الغالية على اهتمامج بموضوعي..
بس عندي سؤال كيف ماله حق في أغلب قراراته؟؟؟
صح أنا سالفة الوزن مأثرة علي بس على شكلي أنا مش جدام صديقاتي لأن ملابسي صارت ما تدخل فيني.:dunno:.
وأنا قاعدة أحاول أنزل وزني ان شاء الله بوصل لهدفي (إدعولي)..
والله يوفقج ..​

 

[ೋ دلع قطــر ೋ]

الله يوفقج فديتج وتوصلين لكل اللي تتمنيه..


بالنسبة لقصدي..

انا اقصد انه ما يمشي على منطق.. ولاعنده مبادئ صحيحة او متعارف عليها عشان يقولج سوي ولاتسوين..

بالعكس كل اوامره عشان يحافظ على صورته جدام اهله وجدام نفسه...

ولما يحاول يهز ثقتج بنفسج.. عشان هو يكبر بعين نفسه....


فديتج تذكري ان حياتج ملكج محد بيعيشها غيرج... خلي التغيير منج.. وحاولي تتكيفين مع الوضع الي حولج وتخلينه لصالحج...


وبالتوفيق ياقلبي..

 

[أميرة بأخلاقي]

عزيزتي ​

موضوعك الجديد قد حذف لتكراره .. ​

و هذا هو موضوعك الاصلي و يمكنك أضافه ردودك و المشاركه فيه مره اخرى اذا ان هناك ما يهمك من الجديد حوله ..​

أميــرة بأخلاقـــي ​

 

[روحي تحبه]

حبيبتي ..مشكلتج ذكرتني وااايد بقصة أم بسمة ياريت تقرينها في قسم قصص وحكايات من ملف الاستشارات ..وأنصحج بشيئين ..
تعرفي على نمط شخصيتج أولا ثم شخصية زوجك .. وبالنسبة للسكن الخاص هذا حق من حقوقج لا تتنازلين عنه بس شوفي لج طريقة تناسب شخصية زوجك ..

موفقة يالغالية

 

[قهوه تركيه]

اذا كان الشغل سبب للتعاسه 000 ا لا فضل اتركيه وعيشى فى هدؤ0000 وحاولى تشغلى نفسك بشى مفيد وصديقاتك حاولى لو تكون لك وحده مقربه

 

[onoothah]

أشكر كل من رد علي..

كل الأخوات اللي ردوا علي أشكرهم..

الاخت دلع قطر
أشكرج على ردج المشجع
كلامج 100% صحيح
ياريت أقدر أفكر بهالطريقة التغيير وايد وايد وايد صعب حتى التكيف صعب
الله يعيني واتغير...
شكرا

المشرفة أميرة بأخلاقي
أشكرك على تنبيهي وأعتذر لعدم معرفتي بهذه الأمور..

الاخت روحي تحبه
قريت قصة أم بسمة من زمااااااااااااان وتمنيت أكون مكانها علشان أرتاح من هذا الهم....
كيف أتعرف على نمط شخصية زوجي؟؟؟
موضوع السكن الخاص أعتقد واتمنى أن تكون مسألة وقت لأنه يقول انه يبني..
أشكرك أختي

الأخت قهوة تركية
قصدك أترك شغلي ؟؟؟
أنا ما أشتغل...
محاولاتي كلها فاشلة...
شكرا على الإهتمام...​

 

[دفى قلبه]

:icon26:حبيبتي حبي:icon26: نفسك و ارجعي مثل اول

و لا تفرطي باي شي على حساب:icon28: روحك

حبي الحياة و حبي زوجك

اتجددي و حسسيه انك وحده :showoff:غير لو تقدري تشتغلي و ترجي شغلك يكون افضل

حبي حالك و بس:icon30:

 

[onoothah]

:icon26:حبيبتي حبي:icon26: نفسك و ارجعي مثل اول

و لا تفرطي باي شي على حساب:icon28: روحك

حبي الحياة و حبي زوجك

اتجددي و حسسيه انك وحده :showoff:غير لو تقدري تشتغلي و ترجي شغلك يكون افضل

حبي حالك و بس:icon30:

أشكرك غاليتي على اهتمامك بمشكلتي..
والرجوع مثل أول وااااااااااااايد صعب...
حب الحياة يحتاج نفسية مرتاحة وأنا بديت أحس بإكتئاب...
موضوع الشغل مفروغ منه .. ولكن بحاول وبحاول وما بيأس...

 

[احاسيس*]

اختي انت مشكلتك وحده وهي الفراااااااااااااااغ

يعني الحل تشغلين نفسك بالدراسه او عمل

انا كنت مثلك وبعد مااشتغلت نسيت زوجي ومشاكلي والحين هو يلاحقني وانا ماني فاضيتله هههههههههه

 

[**الغضه**]

(إن الله لايغيير مابقوم حتى يغيروا ما بأنفسهم)
ياحبيبتي خلي عندك ايمان قوي وعزيمه واصرار وابعدي عن نفسك قد ماتقدرين الوساوس والهم انظري للجانب المشرق من حياتك زوجك يحبك لاكن بطريقته وانتي بعد تحبينه بس تكرهين تصرفاته اول شي غيري داخلك ثم شكلك وجسمك صدقيني بعد كذا بتقدرين تغيرينه واذا ممنوع الشغل ادرسي دورات لاي شي اهم حاجه انك تتطلعين يوميا كانك تداومين والله معك:icon26:​

 

[الساعة اللماعة]

حبيبتي لا تدفنتن عمرك ةفي هذا الروتين الممل خليك لالاحبيبه لزوجك ولكن لاتهملين نفسك من لا تستطيع ان تحب نفسها لا تجبر غيرها بحبها يعني حبي نفسك يحبك زوجك وكل من حولك والله يسعدك ويوفقك ياااااااااااارب

 

[انوثة بلا حدود]

حبيبتي لا تدفنتن عمرك ةفي هذا الروتين الممل خليك لالاحبيبه لزوجك ولكن لاتهملين نفسك من لا تستطيع ان تحب نفسها لا تجبر غيرها بحبها يعني حبي نفسك يحبك زوجك وكل من حولك والله يسعدك ويوفقك ياااااااااااارب

 

[onoothah]

الاخت
احاسيس*
أشكرك على الرد
أتمنى أصير مثلك بس شكله الموضوع وايد صعب...
لو قلتله أريد أدرس بيطلع مية علة....:icon28:
ما أعرف كيف أتعامل معاه :no:
الله يعين ...
الاخت
**الغضه**
كلامك مليووووووون بالمية صح ولكن؟؟؟؟:sadwalk:
ما في جانب مشرق أبدا ... كل يوم هم..هم..هم..:icon1366:
يمكن هو يحبني...:dunno:
لكن للأسف وصلني لمرحلة كره له...
أحس ما تصدقوني لو قلتلكم أدعي عليه من كثر الكره... :shutup:
حتى خواتي يستغربون يقولون لي شو بتستفيدين يوم بتكونين أرملة؟؟؟
أقول لهم على الأقل برجع بيت أبوي معززة مكرمة...
شكرا أختي على وقفتك معاي...:bye1:
الاخت
الساعة اللماعة
أشكرك على أهتمامك بمشكلتي
ولكن...
لاحظت أنكم تعطونني نتائج الحلول وليس الطريقة للوصول إلى الحل.. وهو ما أنا بأشد الحاجة إليه...:dunno:

والله يسعدك ويوفقك ياااااااااااارب

جميعا ان شاء الله....​

الاخت
أنوثة بلا حدود
شكرا والله يوقفنا جميعا...:clap:​