أكتشفت نوايا أخت زوجي وأنا على نياتي

الله يعينك ياقلبي بس حاولي لاتتكلمي عنها قدام زوجك مهما يكون هي اخته
 
انا غلطتي تكلمت عنها وكل ما يصير شي اتكلم

خاصة هو مخلنها على راحتها تلبس اللي تلبسه اما انا ينتقدني ويقول اغار واغار

لين ما سألني تغارين على اختي

انقهررررررررررررت والله ما راح اجيب سيرتها

ما ادري ليش اغار اذا كانت تطلب من زوجي طلبات ما ادري ليش ​
 
شكراااااااااا يا حبيباتي

انا علاقتي معها سطحية

يعني مثلا اذا طلعنا او زرناهم ما تعطيني وجه كثير وتكون مبوزة على الاخر ​


زوجي من النوع اللي يحتضني ويبوسني قدامها
فهي تنقهر بس ما تبين لي

واحيانا زوجي بيحس انها مقهورة فاذا غرف لي اكل في صحني غرف لها كمان عشان ما تكبر السالفة وتزعل


والحمدلله معاملته معاه سطحية


اللي عاجبني في زوجي ( مع انه في البداية زعلت)


بيغار علي لما البس لبس ضيق وقت الرحلات ولما اساله ليش اختك ما بتغار عليها

قال ذيك اختي ما لي دخل فيها انتي زوجتي وام اولادي ما ابي احد يشوفج غيري


اما اني اقول لزوجي انه اختك تغار فصعبة لاني اخاف انه ينشغل وياها

احس الحل الوحيد لهال الأزمة اني اجيب بيبي ^_^

وينشغل بالبيبي احسن مليووووووووووم مرة من الاخت الخبيثة


والله بالاول كنت وايد اعزها وادلعها بس بجد ما تستاهل الله يسامحها
 
السلام عليكم

بس انتي حاولي تتقربي لها وعديها اختك الصغيره بس اذ ا استمرت علي هذه الحاله الله يكفيك شرها يا رب
اشغليها باي شي اقترحي انها تشترك في نادي او مهد او حتي تتزوج والله يبعد شر كل حاسد وحاقد يا رب وديري لالك علي نفسك وزجج وحصني نفسك زوجج دايما والله المستعان
 
بسم الله الرحمن الرحيم
خيبه شو هاي البنت الخبيثه صدق خبيثه بكل مال للكلمه من معنى
اقولج طنشيها ولاتحاولين تتقربين منها ولا شي
لان الناس من ها النوع عقارب والله يكافينا شر هاي الانواع
المهم نفس ماقلت لج طنشيها ولا تتقربين منها ولا ترابعينها ولا تحاولين تستميلينها صوبج ولا شي لان ها النوع اذا بغوا شي او اي شي في بالهم بيحسسونج انهم يبونج ولا هم وياج ولا صرتوا اصدقاء لين ماينفذون مأربهم واللي في بالهم عقب يجلبون كل شي ويحطونه عليج وعلى راسج
وانتي من نفسج قلتي ان هاي البنت ذكيه ذكيه ذكيه واكدتيها 3 مرات يعني احسن لج تجنبيها
ان شاء الله اذا انتقلتوا عندهم طنشيها لاتيلسين في مكان هي يالسه فيه واذا انجبرتي لاتسولفين وياها ولاتعبرينها ولا تشوفينها بعد فكي عمرج والله
وكان الله غفورا رحيم
سبحانك اللهم وبحمدك اشهد ان لا اله الا انت استغفرك واتوب اليك
 
فديتكم
انا حساسة
بس والله انا اعاملها معاملة جدا سطحية اف شلون مادة بوزها على الاخر

ولما انتقل وياهم بمر اسلم عليهم شوي وارجع لشقتي واتحجج اني ادرس ^_^

بس وشلون اقدر اخلي زوي في صفي واخليه مجنون فيني
ترا اهي اسلوبها وقح ومرة من المرات قالت كلام في حقي وحق زوجي وشوي زوجي بيصفعها كف
^_^

وماني دارية شلون تسوي جذي مع اني وايد طيوبة معاها

في عيد ميلادها حملت لها حفلة خاصة ويبت لها هداية

اما لما مر عيد ميلادي رسلت مسج وخلاص

بس عشان تسكت اخوها ​
 
مو كل ماقالت لك شي هالبزر تروحين تقولين لزوجك

خلك اكبر واسما

وصدقيني علاقتك مع زوجك بتكبر يوم عن يوم دام حطيتي الثقه قدام عيونك

وهي الهبلا هذي طنشيها ولا تعطينها وجه

بيني لها انها صغيره عليك ومو من نفس تفكيرك

وصدقيني بتنقهر منك وبتتحاشاك
 
.. أحسن حل دوري لهاا على خطيب بأسرع وقت
والله يخليك انتي وزوجك لبعض ويسعدكم ويفرج همومكم​
 
الله يعينك ..

مافي إلا تسمعي من أذن وتطلعي من الأذن الثانية

وفعلا" أول ماتنخطب راح تخف حركاتها
 
كلامك زي العسل يا قلبي حبيبتي

اكيد بكون كذا


تدرون بقول موقف

مرة كنا انا وزوجي نبي نطلع

اتصلت هي عشان تبي تتمشى وتروح الملاهي يحليلها خخخخخ

مهم زوجي اعتذر وقال انه مشغول وانا ما كنت دارية اصلا في السالفة

وقالت له اوكي تمام


وبعدها بالليل طلعنا انا و زوجي الا وتتصل تقول انا قريب بيتكم لو تاخذوني المحل الفلاني فقط قلنا اوكي ما عندنا مانع


وصلناها واحنا راجعين زوجي نزل محل مواد سريعة يجيب لي عشا وقال وبقينا بروحنا بالسيارة واستغلت الفرصة تقول لي تدرين ليش انا هنيه
قلت لها لا

قالت لي لانه اخويا بياخذني الملاهي اليوم !!

وانا كنت مثل الاطرش في الزفة

استغربت فنفسي وقلت ليش زوجي ما قال لي؟

ودخل السيارة

بس غلطتي زعلت كثير وقلت له ليش ما قلت لي بالسالفة حبيبي انا ما اقدر اروح

ورد على الانسة اخته اصلا اان رديت عليكي انه اليوم عندي مشوار ويا زوجتي وبنروح في يوم ثاني


مهم انقهرت لانها هدفها انها تبي تحسسني انها واخوها راي واحد وانا الخبلة


من هذاك اليوم علرفت نواياها الخبيثة

يحليله شلون ذكية واعترف بذكائها والحين

اذا عملت نفس الحركة طنشششششششش​
 
عادي حبيبتي احقريها الحقران يقطع المصران هذي الاشكال كثير منها والكل يسير ملاحضها لكن بسذاجتها تحسب انها تقهرك اعتبريها مي موجوده في المكان الي تكونين فيه وجاريها في حركاتها وكلامها علشان ماتحس بقهرك والزمي سهام الليل مفعولها عجيب وقدام عينك وقولي اللهم اكفينيه بما شئت واشغلها بنفسها ورد كيدها في نحرها اذا متزوجه ممكن ربي يرزقها بتوأم اطفال تنشغل فيهم !!!!!!!!!!!!!!!!!!!!!
 
اطلعي انتي واياها مع زوجك بس مو لحالكم
بس هي وصلت لانها تقول انه صحاها ....يحبني انتي>>باختصار
الصراحه لوني مكانك بخاف منها ما تدرين ايش ممكن تسوي
انتي اقري المعوذات اذا جيتي تدخلين عليها او تدخل عليك
واستعيذي من شرها
وزوجك حسسيه ان الوضع عادي ولو هي تكلمت وقالت وبربرت اسفهيها لا تعطينها اكبر من حجمها\
الله يكون في عونك
 
والله مافيني اطلع معاها ابدا

هذه وحدة تخوف والله قدام ومع الناس برييييييييئة بس في داخل وحش
 
خلي علاقتك معاها سطحية
شكلها مراهقة وكانت دلوعة وتبي تستفزك
بس أنت لا تعطي لحركاتها إهتمام وطنشي هي اللي تاعبة نفسها
وعلاقتها بأخوها لا تدخلي نفسك فيها خليكي بعيدة هو يتفاهم معاها ومع طلباتها برضه هذه أخته
لكن المهم ما يكون هذا على حسابك خليه يفهم أنه ملزم فيك أكثر لكن لو عنده وقت آخر وحب يوديها براحته
وإن شاء الله تتزوج قريب وترتاحي منها
 
يعني مثلا يكون عندي عمل وهو اجازة عادي يوديها ويمشيها ويدلعها

اااااااااااااخ مقهورة
 
اذا قالت لك شي مشييييه وخوذيها على قد خبالها ولا تسألين زوجك بأي شي تقوله

واضح انها تكذب بس تبي تقهرهك خليها تولي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل