أكتبها بإسمي ولا بإسم بنتي؟؟؟؟انصحووووني.

ا

الخط الفاصل

~◦ღ( مميزة قسم الإستشارات الزوجية )ღ◦
إنضم
2010/05/29
المشاركات
1,921
السسلام عليكم ورحمة الله وبركاته

أخواتي الغاليات..آراءكم تهمني..

حاليا متزوجة..ولي بنت من آخر... هذا الآخر عمره ماصرف على بنتي ولا حتى يعرف شكلها.

ولو شافها بمكان مابيعرف إنها بنته...

وللمعلومية أنا موظفة وامضيت في عملي أكثر من 22 سنة خلال هذه المدة ظروفي ما سمحت لي احوش قرش ولا حتى أشتري بيت او أرض..

سنين عمري مرت وأنا ماسويت شي..

الحين قررت آخذ قرض وأشتري شقة صغيرة جدا في حدود القرض زي ما تجي تجي غرفتين ثلاث ..المهم بدي أشتري شي ملك..

وأنا ودي أحفظ لبنتي شي للزمن ...

أب وأهل أب في عداد الأموات ولا لها اخ ولا أخت ولا احد بالدنيا غيري..
انا بعد الله لها الدنيا كلها...

سؤالي اللي أبيكم تفكرون فيه زين...قبل ماتجاوبون

الشقة أكتبها باسم بنتي ولا بإسمي..

إن كتبتها بإسم بنتي (الموت والحياة بيد الله) ممكن يورثها أبوها..وقهري بيصير قهرين لا صرف عليها وفوقه يورثها بلوشي!!!!!!!!

إن كتبتها بإسمي(الموت والحياة بيد الله) بيدخلون فيه اهلي وزوجي .. وهم راح يتقاسمون معها شي هي في أمس الحاجة له بعدي..

شرع الله مافيه كلام يمشي على رقاب الكل..

أتمنى يكون وصل لكم مافي نفسي وتدلوني وتوجهوني..

نورروني الله ينور عليكم..
 
اكتبيها باسمها وكونى انتى الوصية عليها ولاتعلمى احد باى تفاصيل حتى امك يااختى استخيرى ايضا وصدقينى قصتك المتنى وابنتك والزى نفسى بيدة قطعة جبدى استخيرى لثلاثة ايام ومهما كانت النتيجة لاتعلمى احد باى تفاصيل والخير فيما يختارة الله
 
يااختي اكتبيها بااسمك افضل
والاعمار بيدالله
 
اكتبيها باسمك الببت صغيرة وممكن يجى احد يفر عقلها وتكتبها باسمه لكن تقدرى تكتبى وصيه ان بعد الوفاة ((( بعد عمر طويل يااارب))) تتحول لبنتك
الله يسخر لك الخير واستخيرى
 
أختي الجرح النازف
لا أعتقد احد بينظر للوصية لأن فيها حرمان للورثة من حقهم الشرعي.
 
انا راي من راى الخت الجرح النازف والله يكتب الا فيه الخير
 
استخيري الله واستشيري محامي شاطر
 
اكتبي الشقة باسمك واذا بنتك كبيره اكتبي لها وكاله بحيث تتصرف هي بالشقه لو صار شي لك
الله يطول بعمرك
وومكن تكتبين وصية
 
طيب استشيرى محامى افضل يفهم فى امور الوصيه والى اعرف ان الوصيه لازم تتنفذ وفى اباء يوصو لبعض ابنائم الى محتاجين او عندهم ضروف خاصه

استشيرى محامى افضل
 
حطيها باسمك لكنها وقف لك ولها بعدك _عقب عمرطويل-في حياتها تسكن فيها أوتأجرها وتستفيد من فلوسها وبعدوفاتها تتحول لوقف صدقة جارية اولذريتها من بعدها أولتحفيظ القرآن أوبناء مساجد المهم انها وقف وما يتصرف فيها الابعد وفاتكم انتم الثنتين
واستشيري محامي يمكن كلامي هذا يكون احلام ولا يمكن تطبيقة
ربي يكتب لك الخير
 
انتي قولي لاهلك وزوجك اذا مت بعد عمر طويل ان شاء الله الشقه هذي لبنتي ولا احد ياخذهاواكتبي وصيه
والشقه لالالالالالالازم تنكتب باسمك ولا تفرطين في شقا عمرك
 
حبيبتي جدتي الله يرحمها كتبت قبل لا تموت وصيه ان العماره تنازلت بها بيع وشراء لأمي ولا يحق للورثه المطالبه فيها
اتمنى افدتك
 
رياميس
فكرة الوقف ممتازة
الله يستر لو المحروس زوجي عرف إنها وقف لبنتي.. يمكن ينتحر هع
وإن شاء الله بستشير محامي واأخبركم باللي يقوله لي.
 
انا من رائي تسالي الشيخ .
جارتي كان عندها بيتين شعبي وعندها
اولاد من زوجها الاول وماانجبت من زوجها الثاني
رغم انه زوجها الثاني قعدت معه سنين ماخلفت منها
والحين تزوج عليها وحده صغيره
وشارطه عليه انه مايروح عند الاولى حبت تخلي البيت بأسم اولادها فقط
عشان مايقدر يورث زوجها معهم
بس الشيخ قال هذا مايجوز تعدي على شرع الله
اكتبي بيت واحد لاولادك والثاني سيبيه للورثه الجميع يورث منه
وبس عشان كده اقولك اسألي شيخ موثوق فيه يكون تخصصه بالميراث
ان شاءالله اكون افدتك

 
حبيبتي :
ما فيه شيء صعب والشرع مو حاصرنا بقوة !!

ممكن تشتري الشقة باسمك،، وعشان ماياخذوه أهلك ولا زوجك فيه شيء اسمه (الوقف) يعني روحي وقولي أوقفت هذه الشقة لا بنتي بعد مماتي!! وإن توفيت ابنتي فإما أن توقفيه لأبنائها أو توقفيه لدار أيتام أو أي جمعية خيرية !!
وبكـــذا ما راح يآخذوه لا أهلكـ ولا أبوها !!
الله يوفقك ويهسل لك أمرك وضروري جدا تقدمي على هذي الخطوة ^ ^
 
انا من رائي تسالي الشيخ .
جارتي كان عندها بيتين شعبي وعندها
اولاد من زوجها الاول وماانجبت من زوجها الثاني
رغم انه زوجها الثاني قعدت معه سنين ماخلفت منها
والحين تزوج عليها وحده صغيره
وشارطه عليه انه مايروح عند الاولى حبت تخلي البيت بأسم اولادها فقط
عشان مايقدر يورث زوجها معهم
بس الشيخ قال هذا مايجوز تعدي على شرع الله
اكتبي بيت واحد لاولادك والثاني سيبيه للورثه الجميع يورث منه
وبس عشان كده اقولك اسألي شيخ موثوق فيه يكون تخصصه بالميراث
ان شاءالله اكون افدتك
أنقر للتوسيع...

حبيبتي : اللي أعرفه إنه من حقها تتحكم بفلوسها زي ما تبي ،، يعني من حقها تسمي البيتين باسم عيالها ولا فيه تعدي إلا في حالة واحدة : إذا سوت هذي الأشياء وهي في مرض لا يرجى برؤه بمعنى مرض الموت
والله تعالى أعلم
 
على فكرة >>> الخط الفاصل
خالتي مسوية وقف بيتها لبناتها وتم لها ولله الحمد على خير
 
استخيري الله
واكتبيها بااسمها بشرط انها ماتتصرف فيها الا بعد وفاتك بعد عمر طويل
يعني انتي الوصيه الشرعيه طول حياتك
الله يخليها لك يااااااااااااااااااااارب
 
يوجد قسم في منتدانا اسمه << الاستشارات القانونية >> انقلي تساؤلك لهذا القسم لعل وعسى تأتيك إجابة كافية وافية شافيه .. ربي يختار لك الخير و يلهمك القرار السليم ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل