::أقوى كلمة صدمك بها شريك حياتك::

[متزوجه ولكن]

بسم الله الرحمن الرحيم​

السلام عليكم ورحمة الله وبركاته​

مسائكم/ صبحاكم ورد يأميرات​

هذا موضوع فيه نوع من الفضفة الي ممكن تريحنا وتخلينا نستفيد من تجارب بعض وردود أفعالهم :icon30: وصدماتهم:harhar1:​

فيه سؤال في بالي للمتزوجات والمملكات :icon31: وهو:​

ماهي أقوى كلمة صدمك بها زوجك :santa_1:؟؟... وكيف رديتي عليه:showoff:؟؟<<< الله يبعد عنا وعنكم الصدمات ويسخرهم لنا​

صدمة ممكن بعدها حسيتي انك كرهتيه:sadwalk:... حسيتي انه ابغض انسان في الدنيا... حسيتي انه مو هو... حسيتي انه جرحك:tears:
حسيتي انه مايحبك:sad_1:... انه مايغار عليك...:busted_red:​

شاركونا مواقفكم​

أرق التحايا لكلن:shiny:​

 

[متزوجه ولكن]

أقولكم على موقفي:
في بداية زواجي قالي لو سافرنا خارج البلد أبغاك تكشفين وجهك :tears: وترى زوجة اخوي تكشف<<< كانت اقوى وأول صدمة لي
لاني كنت متعوده على ابوي اخواني مايبون شي مني يطلع للرجال كيف زوجي يرضى الرجال يشوفون وجهي
صراحه في المره الاولى انصدمت وماعرفت ارد لما كررها علي كم مره ماقدرت اتحمل
وقلت له بعفويه: تبغاني اكشف وجهي لهدرجه ماتغار علي!!
فاجأته بردي .... واستحى على وجهه... ودافع عن نفسه... والحمدلله للحين ماجاب طاري كشف الوجه​

 

[#_#]

والله زين

صرااحة انا هب متزوجة ولا مالجة

 

[Mĭśś řoяǿ]

موضوع رايق والله

بس انا مو متزوجه

 

[دلع نادر وجوده]

بصراجه كلمات كثيرة ممكن تجرح ومايشعر بها


انا عانيت من صدى كلماته اللي قالها لي يوم
وليومج ماني ناسيتها

 

[miss-dl3]

اممم قالى كلمه يوم كنا فى الطعم ومستحيل انساها

قااالى


قاااااااااااالى...






(( قااالى تبين اطلقج)) هو كاااان معصب..

 

[عذاب الصبر]

وش أعد وش اخلي ههههههههههه زوجي عنده كلمه هو متعود عليها ويقولها لكل واحد يتناقش معااه بس انا تقهرني وتثيرجااااام غضبي ..........كلاااااااااااام فااضي تخيلو تتكلمون معه بشي مهم عندك وهو يقول كلااااام فااضي

 

[*نوار قطر*]

الحمد الله
" ماااااصااادف وقاللي شي يحز بالخااااطر او كلمه قوووووويه والحمد الله "
الا بالغشمره بس اكوون اعرف انه يتغشمررررررررررررررررر بس ماااتكوون قوووويه ..

 

[الامل الكبير22]

يوووووووووووووووو

كلام كتير

الحمدلله ربنا فكني منه ومن شره

بس ادعولي ربي يريحني منه لانه متعبني في المحاكم

 

[بعدني عروس]

الحمدلله لك ياربي
صارت مواقف وكلمات جارحة بس الحمدللة
نسيتهااااااااالحمدلله
زوجج فديت روحة نساني ياها
مووووت علية يا ناس

 

[طير اليمامه]

الله يعيني على النسيان ان شالله وهي اول اسبوع من زواجي قال زواجي منك ما حقق لي طموحي او غايتي من الزواج وبنعيش مع بعض فترة سته اشهر اذا قدرنا نعيش مع بعض نستمر واذا ماقدرنا كل حي يروح لحاله

 

[ام نووور]

يؤؤؤؤؤ كثير ماعاد اذكرهم من كثرهم
ادعوله ربي يبعد عنه رفاق السواء

 

[ام الياسمين]

مع انه انسان مؤدب وخلوق والحمد لله احنا متفاهمين لكن هناك كلمات تجرح ولا تنسى
ببداية زواجنا كنت اتوحم بشكل قاسي ومتمدده على الفراش وانا قاطعه الاكل والشرب والدنيا طالعه من خشمي جاب لي كوب عصير وراح للمطبخ يسوي شئ للعشا وبعدين قال انا ما اعرف ليش ما عندي حظ
كل اصدقائي تزوجوا وارتاحوا وانا لازم اتزوج مره ثانيه
طبعا وقتهه تهسرت وهو اعتذر بسرعه لكن الى اليوم ما انساها ومره ذكرته بهالكلمه قال ما اصدق اني قلتهه

 

[تعب قلبي منه]

انا صدمني ثاني يوم ملكه انو حكاني عن وحده كان يحبها
بس بعدها لمن شاف وجهي انقلب واتغير راح يعتذر ويقول انا ابغاكي تعرفي كل شي عني وما ابغ اخبي عنك شي
بس للان حازة في خاطري ومستحيل انسى انو نكد عليا ثاني يوم ملكه

 

[بقلاوة]

شوفي الكلمات الي تجرح واجد بس الحمد لله عندي نسيان فضيع للاشياء هذي مادري تبلد او اخذت مصل مضاد للكلمات الجارحه

 

[سموره22]

كل انواع الكلمات الجارحه
حسبي الله ونعم الوكيل فيه

 

[Butterfly~]

الله يبعد عننا الصدمات ..

 

[المواجهه]

اممممممممممم تصدقوا هدية زوجي لي بعد الولادة للولد إلي كان بيستناه عشرين سنة .... هي كلمة واحدة قالها لي بعد الأربعين ( بيني وبينك حاجز) يا الله من كلمة مني قادرة أنساها للحين ... قالها لي وأنا ألتزمت الصمت .... تصدقوا أخترت حياتي معاه ماشية بدون حب عشان طفلي الله يخليه لي... وبعد صبري معاه أتمنى يحسسني أنه يحبني بالرغم أني متحمله معاه كل شيء وصابرة على أمور مهو قادر يوفرها لي... ما أدري يمكن عدم أهتمامه بي.. بيجي اليوم إلي بتنازل عنه بسهوله يكون هو محتاجني

 

[ruba saif]

زوجي كويس ومحترم بس لازم بين فترة وفترة يرمي كلمة تهز البدن احدى هذه الكلمات
طبعا قالها وانا عروس لسه شهر او اقل قال ((شو شعورك وانت راجعه عند اهلك مطلقة ))

 

[بشاير بنت مرايم]

ااااااااااااااااااة
عدي واغلطي من كثرها
اخر شي لما قالي شفت بنت تطيح الطير من السماء بغيت اوقف السيارة واقولها تتزوجيني؟؟؟؟؟؟؟؟؟؟؟؟؟؟
من جد قوي عين بس انا حقرته وسويت نفسي ماهمني لاني عارفه انه يبغى يستفزني