"أقوى قصيدة عتاب أشيل الشوك من دربك "

[دخون العود]

أشيل الـــــشــوك من دربك وجرحـي كـان يدمينـي ​

--------------------------------------------------------------------------------​

كتبت الشـــعــــــر مــــو لجلـك ولكــــــن فـاض بـي
بركـــان
وأما أنت فلا تسوين قصيده في نظر عيني ​

..​

حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي ​

..​

كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي ​

..​

خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي ​

..​

سنـــــــه مـن عمـــــــري وأنـا فـي لعبتـك غرقـان
أشيل الـــــشــوك من دربك وجرحـي كـان يدمينـي ​

..​

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي
..
عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي ​

..​

حفرتك داخلي وظني تصوني عشرتـــــــي أزمـان
وكنت أحفر قبر موتــــي علـى ساحـل شرايينـي ​

..​

على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي ​

..
..ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي ​

..
أنا مو عادتي اشحذ من أمثالك رضــــــا وإحسـان
أمـــــــــــوت بـــعــــزتـي ارحـم ولا ذلــك يغطيـنـي ​

..
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي ​

..​

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي ​

..
ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي ​

..
تقول الناس في وصفك جميلة مثل عـود البــــان
وإنك أجمل وأحلى بشـــــــــر مخلـوق مـن طينـي ​

وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي ​

..​

حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني ​

..
إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي
م \ر__________________​

 

[jasmine2000]

الله الله شنو هال شعر الجميل عيني دخون
شوفينة بعد ابداعاتج الحلوة:blush-anim-cl:
يسعدني ان اكون اول من يرد

 

[maha1384]

الله على العزة

كلمات رااااااااااااااااااااااااائعة


ننتظر المزيد

<<<<<<<<<<<<<طماعه

 

[بنت الحفر]

روووعه يعطيكـ العافيه

 

[عيون نواف]

إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي


صح لسان قايلها

وسلمت يمين ناااقلها


ابيات قوية ورائعة .....

راقت لي كثيرااا

 

[اوراق ملونة]

كلمات راااائعه وقويه حقا ..مااروعها سلمتى يامبدعه

 

[سكون العتيبي]

الله من جد ولا احلى ولا اروع ولا اجمل ولا ابدع من ها القصيده صح لسانك تراك تعجبيني دايم اقرا لك تقبلي مروري

 

[birda]

وأما أنت فلا تسوين قصيده في نظر عيني

عفوا ... ولكن من يحب بصدق لا يقول متل هذا الكلام ..كان اكتفى بقول روحي الله يسامحك ....

 

[توئم لولو]

صراحه قصيده قويه قويه قويه

مشكوره أختي على الطرح

 

[الامراة الشامخه]

يالله الشعر يصف مايخالط النفس من كلمات ومشاعر
سلمتي في قمة الخياااااااااااااااااااااااال