أفكر جديا بالطلاق منه

[صبري ملني]

السلام عليكم بنات أتمنى انكم اتكونون بخير .. أنا عضوي يديدة معاكم و دلتني بعض البنات على هالمنتدى الراقي عشان اعرض مشكلتي اللي بهدلتني .. انا صارلي متزوجة من 8 اشهر و حاليا انا حامل بشهري ال 4 و لكن اعيش حياة تعيسة مع زوجي بصراحة أحس انه مب رجال لأنه من بداية زواجنا و هو يطلب مني فلوس بمعنى ثاني يستغلني..:dunno::dunno: مع العلم اني اشتغل و راتبي زين و هوه بعد يشتغل و راتبه زين بس مشكلته مديون ف لما يخلص راتبه يرجع و يطلب مني فلوس يعني حتى قعدتي وياه في الشقة صارت بفلوس تخيلوا قام يطالبني ادفع له فلوس ايجار الشقة مع العلم انه ما دفع لي مهر كبير يعني كل المهر اللي عطاني اياه 30 ألف و مؤخري 20 ألف بس صج انا مب طايقتنه أبدا بسبة هالسالفة لأني احس انه خذاني برخص و مع هذا انا يالسه أدفع له والله كرهته و صدق احس انني وصلت حدي المشكلة محد من هلي يعرف باللي يصير قولوا لي شو اسوي ؟؟؟ انا حالي واااااايد أحسن من دونه يعني بقدر اشل مسؤليتي و مسؤلية البيبي الي في بطني من دون ما ارجعله !! و الله خاطري احس باحساس اي بنت لما اتسير السوق عشان تشتري ثياب و ريلها يصرف عليها مب هيه اللي تدفع فلوس لبسها و اكلها و شربها و قعدتها وياه .. بليز بنات شورو علي لأني وصلت حدي و الله​

 

[ميوسه]

امنعي عنه الفلوس ووواجهيه بانو مو مشكلتك هو المسئول عن حياتك حتى لو تدين


وخليك قويه معاه ولا تضعفي حتى لو قال مديون راح انجن الرجال يعرفوا يدبرو انفسهم



واذا مافاد فيه دخلي طرف من اهلك وحطي شروط


موفقه

 

[ميوسه]

انسجن=انجن

 

[**دلوعة بابا**]

:showoff:

امنعي عنه الفلوس ووواجهيه بانو مو مشكلتك هو المسئول عن حياتك حتى لو تدين


وخليك قويه معاه ولا تضعفي حتى لو قال مديون راح انجن الرجال يعرفوا يدبرو انفسهم



واذا مافاد فيه دخلي طرف من اهلك وحطي شروط


موفقه

عين العقل والله :shiny::showoff:


مافي احد بيقدر يساعدك اذا انتي ما ساعدتي نفسك وجمدي قلبك وقلتي له مافي انا مسوولة منك انت

مو انت بعد مسؤول مني

ووش ما صار خليكي هادئة وامنعي عنه اي ريال الا اذا مصاريف اعتيادية وتحت رغبتك انتي

فلا تكوني ضعيفة


ما قبل وزاد بوقاحته <<سوري ع ها الكلمة


بس اذا ما زال كذا دخلي اهلك في الموضوع


وترى الطلاااااااق حلال بس يعتبر اخر الحلوووووووووول فلا تستهيني به لن حياة البيبي مو بس فلوس ومعيشة كويسة يا زين لو تربي بوسط اسرته وبجو مناسب


محبتي
وموفقة

 

[ناناسي]

هذا مايسوى من اولها كذا اجل وش بيسوي بعدين اذا جاه عيال

 

[الأميرة ابتهال]

مثلي انك كرهتي الشغل وانك تتعبين نفسيا لمن تداومين
اطلبي اجازه استثنائية سنه كامله وقولي انك استقلتي
وشوفي وضعك شلون يصير
بالتوفيق

 

[ملكة اسطورية]

طولي بالج حبيبتي واذكري الله ادريبج متضايجه وتعبانه اول شي من ريلج وبعدين الحمل يسببلج حساسيه زايده على المواضيع شوفي الغاليه انتي تعرفين ظروف ريلج يعني لو صدق مديون ماعليه تساعدينه بس بشروط ياخذهن كسلف منج
او قوليله خلصن فلوسي او قوليله اشتركت بجمعيه او سلفت حد وبردها عقب سنه ولا سنتين المهم تكون حجج منطقيه ويلسي وياه يلست صراحه وفهميه بالعدال وقوليله انا احبك واقدرك وادري تسوي المستحيل عسب بس ما تخليني حس انه ناقصني شي بس سالفة اني اصرف على عمري صعبه عليه خاصه نحن نعرف انه الريال هو اللي يصرف ورجال قوامون على النساء بما فيه (ليس الأمر كما يرون ويفهمون من القوامة ، فليس قوامة الرجل في الإسلام قوامة السطوة والاستبداد والقوة والاستعباد ، ولكنها قوامة التبعات ، والالتزامات والمسؤوليات ، قوامة مبينة على الشورى والتفاهم على أمور البيت والأسرة ، قوامة ليس منشؤها تفضيل عنصر الرجل على عنصر المرأة ، وإنما منشؤها ما ركب الله في الرجل من ميزات فطرية ، تؤهله لدور القوامة لا توجد في المرأة ، بينما ركب في المرأة ميزات فطرية أخرى ، تؤهلها للقيام بما خلقت من أجله ، وهو الأمومة ورعاية البيت وشؤونه الداخلية.)
اختيه حلي موضوعج بهداوه وبدون عصبيه وادعي ربج واستغفريه حياتج الزوجيه توج داخلتنها وأصعب سنتين من الزواج وعقب بتتعودين على اطباعه وبيتعود على اطباعج
الله يوفقج

 

[memo_a]

امنعي عنه الفلوس ووواجهيه بانو مو مشكلتك هو المسئول عن حياتك حتى لو تدين


وخليك قويه معاه ولا تضعفي حتى لو قال مديون راح انجن الرجال يعرفوا يدبرو انفسهم



واذا مافاد فيه دخلي طرف من اهلك وحطي شروط


موفقه

أنا مع الإخت ميوسة أهم شي قوة الشخصية الرجال ما يحب المرأة الضعيفة ولا اللي تصرف عليه مع الوقت عزيزتي ممكن مايحبك لأنه راح يحس انه مالو اي داعي وهنا تنتهي رجولته وينتهي دورة اذا الرجال ما حس بالمسؤلية شلون يحس انه متزوج الزواج مسؤلية مو لعب عيال انتي ممكن تقولين له مابقى عندي فلوس مثل ما قالت الإخت وبالتوفيق طمنينا وش يسير معك بعد النقاش بس انتبهي اختاري الوقت المناسب ومن غير مشادة بالكلام :icon30:
موفقه اختي

 

[نايس هواوي]

المسأله ماتوصل للطلاق ابدا قولي لزوجك انك فيه اشياء ممكن تشيلينها عنه زي مصروفك كامل وتشاركين في مصروف البيبي مشاركه موب كل شي عليك بعض اغراض البيت مثل اغراض للمطبخ اطقم اذا نقصت عليك مفارش للغرفه هذه الاشياء الي لاز تكون بذوقك يعني اما الايجار والفواتير عليه الاكل ومصروف البقاله عليه لازم تساعدينه واذا هو شاف انك جديه صدقيني بيمشي مضبوط لاتنسين انك في فترة الحمل ويمكن حكمك يكون بحساسيه زايده لاتدخلين اهلك تحرجينه قدامهم وانت حاولي تحلين مشكلتك بنفسك

 

[دلولة زوجها2009]

حلي هذه الأمور بحكمة و رويه ، فلك منا حياته الخاصة .
على الزوج أن يتدبر امور معيشة اسرته ، و انت تساعديه
عن طيب خــاطر إن أردتي ذلك ، لكن بعقل ، لا أن تصرفي انت
كل شيء ، تعاوني معه بحدود العقل و العرف ، لا تجعلية يتعود
أن مصرف البيت عليك أنت ، اقتصدي معه حتى ينتهي من تلك الديون
، و شجعيه أن يعمل عمل اضافي ليقوي مقدرته المالية اذا استطاع ذلك .
كوني له السند الذي يشجعه و يقف معه و اصبري فإن الله مفرج الكرب
و لا تفكري في الإنفصال . قلبي الأمور جيداً ، و استشيري ذوات الخبرة
في تلك الأمور ، ثم توكلي على الله في أمرك .

 

[منال الليل]

اختي الغاليه ... اذا ما فاد الكلام ادخلي حكمين من اهلك ومن اهله فقد فاد معي هذا الموضوع انا كان كرتي مال البنك عنده تخيلي .... بس الحين الحمدلله .... انا مرتاحه باسقلاليتي وهو يصرف عالبيت جربي وكان الله في عونك .

 

[femme]

مثلي انك كرهتي الشغل وانك تتعبين نفسيا لمن تداومين
اطلبي اجازه استثنائية سنه كامله وقولي انك استقلتي
وشوفي وضعك شلون يصير
بالتوفيق

مالومك شين احساسك انك ماعندك رجال.

 

[نهر الحياه]

صديقتي كانت تصرف ع زوجها وع شقه

وع نفسها ...وفي الاخير طلقها


بما انج جديدة ع المنتدى شكلج ماقريت

عدل عن موضوعات المنتدى انا قريت انه الرجل اللي تصرف عليه

زوجته يراها ضعيفة المسؤولية فيتزوج عليها أو يطلقها

مرة ثانية لما يسألج قولي عطيت اهلي الفلوس لانهم محتاجين

او افضل الحل انج تقولين له انا مشاركة في جمعية ومااقدر اعطيك

من اللحين اقطعي عنه ولا تعطيه قبل مايطول عليج وتستوي كبيرة

 

[@باونتي@]

ياقلبي..من اسمك واضح عليك قد المعاناة اللي عايشتها.....
صبري ملني....يعني صبرك انتهى وتعدى الحد المعقول.....اعتقد انك بقرارت نفسك مقرره وخالصه لكن تحتاجين لدعم من البنات....
هلا فيك بالمنتدى..واحنا مبسوطين لتواجدك معنا..لعل وعسى تلقين حل هنا باذن الله........
حبيبتي...مايحتاج اقول لك ان اللي يسويه معك زوجك غلط ..لانك اكيد عارفه..مانتي صغيره نعلمك ونقول هالشئ اللي قاعد يصير غلط..ابدااا واحسن مافيك انك عارفه ورافضه هالشئ لكن قاعده تجاملين اي انك رافضته بالسر فقط...الحل.....طلعي اللي كاتمته بقلبك
انطقي بقوه رغبتك المكتومه...قولي....لا...لا...لا...
عودي نفسك على هالكلمه..قليلة الحروف لكن عظيمة المعنى
ارفضي طلباته السخيفه...يريد مال..؟؟ لا
اصرفي يافلانه على نفسك...قولي..لا
احتاج............قولي لا
اخرجيها منك...لاني احس انك كاتمتها بقلبك..لكن الخوف متغلب عليك
بعد ماتوجهينه وتحرمينه من (مالك)شوفي ردة فعله..اذا استسلم وخضع لقوتك فانه شاريك ويبيك
لكن.....اذا هددك وتغير معك وكانه يريد الانفصال فمعناة واضح....مايبيك وماكان يريده اختفى...........
وعلمينا بجديدك....

 

[امل الحياة]

اذا طلب منج فلوووس تعذري له باي عذر مرة قوليله مااقدر ابغي اشتري لي غرض بالقيمة كذا ...او خاطري بلبسة وفلوسي على قدها وكل مرة تحججي باي شي ...لين يمل ومايطلب ...وطبعا خلج هادية واذا عصب قولي له ...الزوج هو اللي يصرف على زوجته مو الحرمة هي اللي تصرف عليه ...ليما يتعود على الوضع ...
اذا حسيتسه عادي خلاص ...واذا شفتيه تغير بالمعاملة صارحية ان الوضع مو عاجبج ....لازم تحطين لبنقاط على الحروف ....وابعدي الطلاق عن بالج وان شاء الله يتحسن وضعج وخبرينا بالنتااايج
موفقــــــــــــــة...

 

[الشوق غلاب]

حبيبتي لاتفكرين بالطلاق لوكانت هذي مشكلتكم الوحيدة ........

اخذي الموضوع ببساطة ولاتدفعين له ولافلس.. خليه يحس بالمسؤلية شوي ...!!

وانتي مشكلتج انج غلطتي في البداية ورضيتي انج تتكفلين بمصاريفج ومصاريف الشقة...

الحين اول خطوة تسوينها انج توقفين عنه المصرووف .. واذا طلب منج ... اتهربي بطريقة غير مباشرة...

قوليله مثلا انا ساحبه فلوس حق ابوي او متدينه لأهلي وعندي ارتباطات بالبنك ... وسويلج حساب خاص ....

خلي البنك يسحبون منج شهريا ً عشان تجمعين مبلغ ... ومنها بنفس الوقت تتهربين منه ... وطنشيه حسسيه انج قوية هالمره ومارح ترضين بالمهزله الي قاعده تصير وبالتوفيق لج....

 

[نونا98]

والله أنتو الحريم تحبون تجيبون المشاكل لأنفسكم ليش من البداية رضيتي تعطينه وألحين تبين تسحبين تحملي مايجيكي