السلام عليكم ورحمة الله وبركاته
اختي الغاليه الراجيه عفو الله
الله يعلم اني من كم شهر ودي افتح موضوع يشبه موضوعج
ويتكلم فيه بنفس طريقتج بس للأسف ماكانت عندي فرصه
والحين بعد ماقريت موضوعج بالكامل حسيت انج راح تعطيني اللي كنت أدور عليه
سبحان الله افكارج مثل أفكاري بس الفرق بينهم انج نفذتي الكلام
اما انا نفذت منه شئ بسيط والحمد لله انا معوده عيالي على الصلاة من صغرهم
والحين عندي اربعه في سن الصلاة و2 بعدهم صغار
ابغي منج طلب او هي في الأساس فكره بس انتظر ردج عليها وبأسرع وقت
انا بخبرج اعمار عيالي علشان تعطيني من أفكارج
بنتي البكر 18 سنه وبعدها ولدي 15 وبعده بنت 13 سنه والأخيره 9 سنوات
الحمد لله كلهم يصلون ومايطوفهم فرض إلا لأسباب اجباريه كالمرض والنوم المتأخر
بخبرج عن الغلطه الوحيده في حياتي واللي ندمانه عليها
ماعودتهم على صلاة الفجر للأسف
والله ماكنت أدري اني لازم اقعدهم للصلاة
لاني تعودت اقعدهم للمدرسه يصلون ويروحون للمدرسه
بس سبحان الله جاني حلم وانتبهت ان ربي ينبهني على تعويدهم للصلاة
ومن بعدها عزمت وعلى فكره يعني توني باديه من حوالي شهر
وأحلامي ولله الحمد اكثرها تصير وتتحقق
بديت اقعدهم واشتريت لهم ساعه لكل واحد فيها منبه علشان تقعده للصلاة اذا انا ماقدرت
الحين بخبرج عن فكرتي واتمني منج مساعدتي عليها وجزاج الله خير يالغاليه
الحمد لله انا بين فتره وفتره اسوي اجتماع لعيالي بس مو نفس ترتيبج بس بنفس المعنى
ودي تعطيني فكره عن كل إجتماع معاهم مثلا يتكلم اول اجتماع عن الصلاة وخاصة صلاة الفجر
وبحاول اجمع لهم قصص تخص الموضوع في كل اجتماع
وشرايج احط ملف واكتب فيه الخطبه الأولي واجمع فيه أوراق واسوي مكتبه مخصصه للإجتماع
وبيكون مرجع لهم اذا احتاجوا اي معلومه
المطلوب تنسيق هذي الخطبه وان شاء الله راح تكون أسبوعيه يعني كل اسبوع موضوع مختلف
انتظر ردج بفارغ الصبر لاني ناويه بإذن الله ابتدي فيها بعد نهاية المدرسة :icon26:
