أفضل طبيبة نساء في مدينة جدة .. فيدي واستفيدي

سمر الشاقي في مستشفى بقشان ماشاء الله عليها رهيييييييبه خبره ذوق حنونه ومثل ما ذكرو الاخوات اهم شي الخياطه مو الولاده على العموم انا ما ولدت عندها بالمرتين ولدت ببلدي عند امي لكن مراجعاتي عندها وماشاء الله عليها صديقاتي كلهم تقريبا ولادتهم عندها يمدحون فيها كثير والله اعلم.
 
يلياني ..
هلا فيك .. أمس انا واخوات زوجي نتكلم عن عفاف.. يمدحوا فيها..

كوفي ..
هلا ياغاليه.. مشكوورة على المشاركة..
 
كلكم تتكلمو عن خياطة وولادة طبيعيه الله يسهل لكم ان شاء الله
بس محد قال مين احسن دكتورة في القيصري

انا ولدت ولادتين عند امال شبكشي بالمتحدون بس خبصت لي كل شي بعدها ولد الثالثه عند هبه بالمتحدون كانت فظييييييييييييييعه ماشالله عليها بس مع الاسف نقلت للشرقيه وللحين مالقيت دكتورة ارتاح لها بس مابي المتحدون لان المستشفى صاير كانه بقاله من الفوضى والزحمة مثل عرفان
 
هلا أميرة..
بصراحة ماقد جا في بالي افكر في القيصري، لأن زوجي اعطاني اياها من بدري
اذا صار لك زي اختك واحتجتي قيصري مالك إلا الولادة والأطفال:( :) :) :)


افيدينا بخبرتك يالغالية..
 
مساء الخير

وسعــــــــــــــــوا الملعب ........

شوفو ياحلوين اقولكم هي::

** نوال السناني الجميـــــــــــــــــــــــــــع يمدح خياطتها

انا عن نفسي أولد قيصري وأرشح الدكتورة سمر الشاقي روووووووووووووعة مرررررة العملية معاها وتعاملها راقي
وعن جد حنونة وطيبة وتراعي مرة وقت العملية وبعدها ،،، بس المستشفى هي في مستشفى بقشان والمستشفى

مو قد كذا مرة عادي اقل من سليمان فقيه شوية


*** دلال بوقس اختي ولدت عندها قيصري وكانت كويسة

*** عفاف النوري اختي الثانية برضو عندها ومررررة روعة خبرة


اش كماااان ؟؟ على فكرة اللي تولد قيصري لا تطنش وتقول اروح لاي دكتورة ترى خطيرة هذه الشغلة مرة ومو كل

دكتورة تتقن الخياطة من جوة بعض الدكتورات الللي أي كلام تنفك خياطتها او تتجرثم و تعفن

مع اجمل الامنيات لكل الاخوات بولادة مرييييييييحة,,,, يالله باي هيجتم ذكرياتي لي ثلاث شور والدة
 
هلا فوفه..

شو رايك ننزل موضوع عن افضل الطبيبات في القيصري
من جد ترى موضوع القيصري خطير .. واحس انو هذي الفترة كثيرات اللي يولودوا قيصري..


عقبالي يارب باقيلي اسبوع في الثامن..
 
بنات في أحد سمع عن سماء ناظر أنا أراجع عندها ومررررة خايفة هيا في المركز الطبي وكيف الخياطة حقتها وهل هيا صبووووره وقت الولادة الرجاء الرد لو سمحتو
 
هلا دودي
كثير اللي يسألوا عن المركز الطبي..
أنا صراحة ماأعرف لكن إن شاء الله تلقي اللي يفيدك..
 
اخواتي كل ماطرحت موضوع ما احد يجاوب يمكن ماحد عنده تجربه
بس اقدر في هذا التجمع اسأل عن دكتور عثمان سندي للعقم اتمنى جوااااااب
 
فجر العزة قال:
هلا أم اورانس
والله ماعندي خلفية.. للأسف.. ياليت أقدر أساعدك..
هل بحثت في النت..
أنقر للتوسيع...
الف شكر لانك رديتي يجزاك ربي الجنه بحثت فالنت ولم اجد تجارب بس مدح فالدكتور اللي ابغاه كيف نظامو واسلوبو في العلاج
 
بصراحه الدكتورة سحر ملودي بمستشفى سليمان فقيه حتى ما شاء الله الخياطه ممتازه وكمان يقولوا الدكتورة عزة بالاطباء المتحدون انا بصراحه ما جربتها بس يقولوا اما سحر ممتازه
 
ياحوامل من جد لا تفوتكم د.سحر في فقيه.. رااااااااااااااااااااااااااااااائعة
اليوم كانت مراجعتي مع د. فاطمة علاوي في المستقبل، بس جاها ظرف وأخذت إجازة وكنت تعبانة مرة، فحجزت عند سحر ، الله يسعدها مريييييييييييييييييحة مرة..
 
حبيباتي مين جربت الولادة بالمستشفى السعودي الألماني وكيف مين تعرف جربت الدكتوره تقوى اللي بالألماني
 
هلا حبيبتي..
أخت زوجي وسلفتي ولدوا في الالماني عند د.تُشكر..يمدحوا فيها
بس زوجي لما شاف الحضانة ماعجبته قال مافيها ذاك الاهتمام..
 
وبعد التجربة ..
مستشفى المستقبل جدا سيئة وما أنصح فيها.. ولا جاتني دكتورتي .. دفعت فيهم على الفاضي الله لا يباركلهم ..
انتظروني في موضوعي( معاناتي بعد الولادة)..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل