أعتبروووني آختــكم تعالوا نصحوني...

[اتعبتيني يادنيا]

الله يفرج همك

 

[عذبوووك ياقلبي]

أم ميسوـوـو:icon26:/حافيه غلاها:icon26:/وحيده في دنياي:icon26:/أم الهام:icon26:/بنت الدرر:icon26:/فنر:icon26:66/الدنيا صعبه:icon26:/نور زوجها:icon26:/الشامي شامي:icon26:/طيبة انسانة:icon26:/em :icon26:gogo/
عاليةالصيت:icon26:/ورد الفل:icon26:/خافيه غلاها:icon26:/الداعية الى الله:icon26:/النفوس الحائره:icon26:/هايم في الحب:icon26:/سكن قلبه:icon26:/
س ر:icon26: /مجنونة زعلانه:icon26:/ام القمر :icon26:15/ريم الدلوعه:icon26:/ام طافحه:icon26:/انثى خلوقه:icon26:/رازيا:icon26:/like sugar :icon26:/يادنيتي حسي:icon26:/اتعبتني يادنيا:icon26:
8
8
فديتكم يابنااات وحده وحدهـ..والله على راسي ردودكم ودعواتكم الحلوه..فديتكم من راسكم لساسكم
وان شاء الله ربي يستجاب دعواتكم ..ويبلغكم ضعف الي تتمنونه بالدنيا قبل الاخــره
بصراحه انبسطت كثير على ردودكم..صحيح الدنيا لساتها بخير وفيها ناس طيبه وزينه
احبـــــــــــــــــــــــــــــكم كلكم..

 

[المذنبه]

الله يفرج عليك

 

[doonat]

الله يسخرلك زوجك ويبعد عنك الهموم يارب ويحفظك من كل شررر0

 

[خافيه غلاها]

طيب فيييييييييييييييينك كملي

 

[سمرء غير]

حبيبتي الله يكون بعونك ويفرج همك واكثري من الاستغفار وقول لاحول ولاقوة الا بالله العلي العظيم والزمي سورة البقرة يوميا وانشاء الله ربنا معاكي والله يكتبلك الخير دائما وابدا

 

[شموخ حور]

طيب فديتك كملي قصتك 00 تحمست وان اقرى 00وزي ماقالوا لك اخواتي ماقصروا 00 حافظي على دنيك 00 ولا تبعدين عن ربك 00 هوه سبب فرج همك 00 والله يهدي زوجك ويفرج همك ويسخره لك00

 

[القوية]

ربنا يكون في عونك......وينصرك على من ظلمك .....اكملي

 

[عذبوووك ياقلبي]

_____الجزء الأخير من القصه____​

بعد الصراعات والزوبعات الي عشتها سنه كامله من زواجي ..وبعد التعب والقهر والظلم والقسوه والجبروت
وبعد ما انفتح السحر وأنزالت العوارض عن زوجي..قلت له اني بروح بيت اهلي أسبوع مشان تهدأ نفسيتي ومشان نفتح صفحه جديده ومشان علاقتنا ويا بعض تقوى اكثر من قبل..
رحت بيت اهلي وصادف انو بعد اسبوعين بيكون يوم زواجي الأول..فقررت اني اعمل له مفاجأه حلوه ..رحت حجزت سويت بفندق خمس نجوم بمدينة تبعد عن شقتي نص ساعه..حجزتها مع بوفيه الفطور والغدا والعشا وطلبت من الفندق يرتب لي الغرفه من وإلى ..واشتريت له ساعه فخمه مايقارب الف وخمس مية ريال..قلت خلني اعطيه شئ كبير عشان يبادلني بالمثل وخاصه ان زوجي بـــخيـــــــــــــــــــــــــــل وحريص على فلوسه بصوره كبيره..
الموهيم مر الاسبوع على خير ورحت شقتي وعملت له المفأجأه على اساس اني بروح حفله بهذاك الفندق ..وبصراحه الفندق روعه شئ خياااالي اجوااء ولا بالاحلااام ..ورتبوا لي الغرفه وصارت روعــه جنااان وذليك الاضواء الهاديه والميوزيك الرومانسي والشموع و ورود الجوري على السرير وفي الارض وفي الحمام وانتوا بكرامه..باختصار اجواء ولا الف ليله وليله..
وانا بكااامل زينتي وكشختي واناقتي ..خليته يجي لي في السويت ويدخل..طبعا هو متفاجأ ولا كان في باله انو اليوم عيد زواجنا ..بس لمن خبرته انها مفجأه من عندي وان هذي الليله تسوى عندي الدنيا ومافيها لانها اول ليله نكون فيها ويابعض ..تدرون شنو قال؟..قالي الحين جايبتني من بيت اهلي وخليتيني اجيبك هنا عشان كذاا!! ..لو مخليتني هناك وجينا الفندق الساعه 1 بالليل كان احسن..
انا تعودت على كلامه الجاارح وحز بخاطري وقلت يابنت هذي ليلتك انبسطي انتي وماعليك منه..
تصدقون يابنات لمن كنا في البوفيــه طبعا بوفيه خمس نجوم شئ راقي مكان فخم اكلات روعــه جلسنا على الطاوله وقبل ما ناكل..قالي تدرين شفتي هالاجواء كلها وهالروعه وهالفخامه ..قلت له اي..قالي ماتسوى قعدتي مع اهلي ..انا خلاص تصروعت اغتظت انقهررررررت..يعني ياناس ياعالم هذا عيد زواجي وجايبته بمكان روعه مشان نكون ويا بعض نسولف نضحك نمزح وننسى الماضي..وكالعاده عديتها له وجلست اصبر نفسي وانا بالعه القهــر..
رجعني الشقه بعد يوم ونص من مكوثنا بالفندق.. وهو راح بيت اهله..وصرت لحالي مثل قبل..ومارجع لي الا قريب الفجر ..وانا كنت جالسه اشوف التلفزيون انتظره ما اقدر انام وهو بعيد عني..جى وجلس جنبي وقالي بقولك موضوع حلو ..انا انبسطت قلت يابنت خلااص بيجيب لك مفاجأه وبيسفرك او اقلها الجوال الي كنت اتمناه من زمان ومستخسره علي..
قالي يابنت اخوي الكبير الي مطلق الاجنبيه..خطب له وحده وملك عليها..انبسطت وباركت له وقلت الله يعوضه خير من بعد ثلاث حريم طلقهن وما استقر معاهن..
قالي فيه مفاجأه اكبر ..قلت له شنو..قالي اخوي بياخذ شقتنا هذي..وانا باخذ شقته الي جنب بيت اهلي (طبعا بيأجرها له بفلووووس وبسعر قريب من سعر شقتي)..
انا لمن سمعت هالكلام صرت بحاله وكأنو حد صاب فوق راسي ماااي باارد..احس الدم تجلط بجسمي كله
شنوووووووو شقتي هذي اطلع منها ليش..انا الي مأثثتها وانا الي اهتميت فيها وانا الي عدلت وحطيت وجبت شلون ياخذها جاهزه..قالي اصلا انا اتمنى اخذ شقته لانها قريبه من بيت اهلي..لاتحطمين حلمي الكبيير..انا انهــرت ..وطبعا رفضت هالطلب..وحاول فيني بس خلاص لين متى بسكت..وطلع من الشقه مسوي روحه زعلاان وتركني لحالي...
مر اليوم الثاني وجاني على الغدا وفتح معاي الموضوع وضليت اصيييح من القهر والظلم ..شلون بياخذ شقتي وبسكن بمكااان مطلقين فيه ثلاااث حريم لاااء مابي..قالي كبري عقلك والمكان مافيه شئ..
ولك مهله اسبوعين عشان ترتبين اغراضك ونطلع لهناك..وعلى فكره ترى اخوي مستعجل على الزواج ويبغى يسكن بهالشقه..بنااااااااااااااات تطالعون وتبون اكثر من كذا ظلم ..ظليت اتوسل فيه واتشفع له وابوس حتى رجوله عشان يخليني بشقتي وهو بكل جبروت وبكل ظلم ومافيه قلبه ذرة رحمه طلع من عندي وقالي انتي مالك راي واحمدي ربك اني بسكنك بشقه..
اقسم بالله العظيم اني ماضريته ولا ضريت اهله لابكلمه ولا بفعل ولابشئ..بالعكس كنت انادي امه بيــمه واقولك لخواته انتوا خواتي مو حميياتي..ومسويتهم اهلي وحاطتهم على عيني وراسي..
يجون ويبادلوني بهالمعامله..؟!!!
بعدها اتصلت عليه وخليته يجيني مشان نتفاهم جيته بالهداوه وبكل خضوع وتوسلت له لكن رد علي بردود وقحه بعدها ما تحملت وقلت له انا ماني طالعه من شقتي واذا عندك كلام ..كلم اخواني..
اضطريت ادخل اهلي بهالموضوع لان الوضع زاد عن حده..
جابني بيت اهلي ودخل على ابوي ..وبكل وقاحه قاله يا اني اطلق بنتك او انها تجي معاي بشقه الي يم بيت اهلي..وقال له ترى هذا الاسبوع بنحمل الاغراض للشقه الثانيه ..(على فكره اهلي عازينه وكارمينه وحاشمينه واذا جى بيت اهلي الذبايح تنذبح له وتخدمه امي ومحطوط على كفوف الراحه)
ابوي لاحول ولا قوة له..كبير بالسن ..اجتمع معاي ومع اخواني وحاولوا يهدوني..وانا ماغير اصيح وجيت تكلمت عن سواته كلها الي سواها لي ..بالاحرى انفجرت وقمت افضفض..
بعد نقاش كبير وافقت اني اروح اسكن معاه بالمكان الي يبغاه..وكلمته بالموافقه ..وقلت له انقل اثاثي وكنبي وثرياتي ..قالي شتخربطين اصلا اخوي عاجبه الكنب والثريات مراح اشيل ولا شئ..
انتي احمدي ربك اني بجيب لك شقه.. واصلا انا ابغضك وبغضتك زياده من بعد رفضك للموضوع...
بنات..انا الحين في حاله مايعلم فيها الا رب العباد..من كثر ما اصيح صار وجهي كأني مدمنة مخدرات..و الي كاان مورد ويشع حيويه..


انصحوووووني شنو اسوي بهذا الظلم الي طاح على راسي..والله ما يهنا لي لانوم ولا شرب وطبعا ما اقدر اكل احس لو اكلت برجع من زود القهر الي رماني فيه..
ومع كذا ألتجأت لربي وكل يوم اصلي صلاة الليل وادعي الله ..بس يارب يستجاب دعوتي ويفرج عني..
وانتوا خواتي ونصحووووووووووووووني ارجووووووووووكم شنو اسوي عشان يحبني جيت له بكل الوسايل لكن مافيه فايده
عمري كله ماشفت انسان متعلق ببيت اهله كثرررهـ..احسه مبالغ بحبه لهم ..هي المحبه طبيعيه حق الاهل وشئ جميل انه يحب اهله..بس يخرب حياتي ويعيشني بمكان غصب عني ما أرضاها..
وهذي قصتي قلتها لكم وانتظر آرآئكم ودعواتكم يالغالييين.
/
/
~عذبوك ياقلبي~

 

[نور زوجها]

الله يفرج همك ويجعلها خيره لك لاتستخرين واحتسبي الاجر وربي بيعوضك

 

[أم البيان]

لاحول ولا قوة الا بالله والله زوجك غريب
بس مالك الا الصبروماتضيق الاتفرج باذن الله
عليك بقيام الليل مع الالحاح والتضرع لله بالدعاء وكثرة الاستغفار

 

[الأميره99]

سأل الله العلي القدير
ان يعوضك استخيري ربك ولا
راح احد يفيدك كثر ربي دق بابه
وانشاء الله تلاقين الراحه​

 

[نســـرين]

ياربي الله يسخرة لك والله مالي غير الدعاء لك ياقلبي​

 

[سيــ نجد ــوف]

والله قهر وظلم حسبي الله عليه
صراحة من القهر ما ادري ايش ارد واساعدك فيه
ان شاء الله المشرفات يساعدونك صاحبات خبرة علم نتعلم منهم
الله يحفظهن ويقويهن​

 

[كرااميلا]

الله يفرج همك يارب ويريح بالك
قوومي بالليل وصلي وادعي
وصدقيني الله مايرد عباده
\

 

[ام القمر 15]

الله يكون بعونك

 

[اقوى شي]

1. الله يكوووووون بعوووووونك ولو انا منك ​
2. ​
3. استخييييييير اروح بيت اهلي او اروح معه ​
4. ​
5. واللي الله يريحني له اسويه ​

 

[نظرهم كلهم]

الله يعيينك يارب ..ويسخر لك زوجـــك..جميعااا
اممم بس انتي اثقلي عليه طنشيه حبه حبه بعدين هوا راح يفقد اهتماامك
وراح يجري وراااك..اممم وخليك دااائما متزبطه ومتشيكه مو عشاانه لاحبيبتي من شانك انتي
دلعي نفسك انتي لساتك صبيه..كلامي ثقيل علييك بس صدقيني من اول تطنيشه راح يتأدب..وربنا معك ياعسل

 

[نظرهم كلهم]

الله يعييينك يااارب ويفررج همــك

 

[^_^الشامخه^_^]

الله يفرج همك

اذا كانت علاقتك مع اخوات زوجك زينة اخبريهم بحاجتك لاثاثك واغراض شقتك