أطباق منوعة من سفرة سكر اسمر

[سكر اسمر]

أهلييييييييييييييييييين أمرات


أولا الصور بعدين بنزل الطرق

هذا مندي لحم

مكرونة على طريقة سكر اسمر

أرز بالحمص

مكرونة الفريدو

أرز بالكشري

لزانيا

أرز بالربيان

أرز مع دجاج


اصبروا علي وبجيب كل الطرق بس حبيت أحجز صفحة عشان أول مرة أشارك وياكم بالمطبخ أرجو أن تقبلوني في مطبخكم البلقيسي ​

 

[طبيعي ملكه]

ما شاء الله روعه
شكلك من جد طبااااخه ما شاء الله تبارك الرحمن
شهيتيني انواع الرز وبذات الرز بالحمص
والمكرونه

 

[سكر اسمر]

راح ابتدي بالمندي


المقادير والطريقة مرة وحدة


أولا حطي بصل حلقات بطنجرة الضغط وبعدين حطي عليه اللحمة المبهرة بشوي كركم ودارسين وفلفل اسود وكمون وشعلي النار عليها لين تسمعين صوت القلي سكريها بالغطاء زين ونزلي على النار بتاخذ لها نصف ساعة او ثلاثة ارباع الساعة خلي الهوا يطلع من الفتحة اللي بالغطاء وبعدين افتحيها

بيكون عندك مقدار أرز مغسول ومسلوق اشوي نصف سلقة حطي على اللحمة شوي كركم وصفار الزعفران وكبي الأرز عليها ورجعيها عالنار وغطيها مرة ثانية يمكن تحتاج عشر دقيق او ربع ساعة
افتحيها مرة ثانية وحط داخلها فنجان مغطى بقصدير فيه ملعقة زيت وفحمة مولعة واضغطيها مرة ثانية

خمس دقايق وافتحيها بتشمي ريحة أحلى مندي

كبيه بطبق وزينيه باللي تحبي

 

[سكر اسمر]

مشكورة حبيبتي ملوكة عالرد النايسي مانعدمك ومانعدم ردك العسل

 

[ღ♥المخروشـہ♥ღ]

wow
شكــــريآت حبيبتي​

 

[ابتسامة أنثى]

ماشاء الله تسلم الأيادي السُكرة ، بس أنا حبيت الرز بالحمص و الرز بالكشري وكل المكرونات
فلو تكرمت الطريقة باسرع وقت لأنه شكلها خيااااااااااااااااااااااااااااااااااااااااااااااااااااااال
شكراً​

 

[سكر اسمر]

جينا للرز مع المكرونة

اول اسلقوا الأرز وحطوه بصينية

حطي عليه ملعقتين زيت أو زبدة واشوي صفار الزعفران وخليه على جنب


طريقة الدجاج بتكون تحطيه بصينية وتبهريه زين وتملحيه ومعاه بصل مقطع وخضار مثلجة مشكلة وملعقة صلصة حمراء او صلصة صويا

غطيه بقصدير وعالفرن راح ياخذ ساعة أو, ساعة إلا ربع حمريه من فوق

بتكوني مجهزة مكرونة اللي تفضلينها وتكون مسلوقة بعد ماتطلعين صينية الدجاج حطي عليها المكرونة واخلطيها وكبيها عالرز

حطي بقصديرة فحمة مولعة وكم نقطة زيت زيتون وحطيها ويا الأرز وسكريها بالغطاء

ألحين جاهزة وبالعافية عليكم لا تنسون تدعون لي يوم تسوونها ههههههه

​

 

[موية ورد]

الله يعطيك العافية شكل طريقتك بالطبخ سهلة وسرعة ..........
وحدة ماتحب التعقيد ههههههه
كملي انتظر اطباق المكرونة عيالي يحبونها ............:32::32:

 

[سكر اسمر]

ولو تسلموا لي بأقرب وقت أنزل الطرق

ومشكورات ياقمرات عالردود الطيبة

 

[سكر اسمر]

المكرونة هذي اسهل شي

شوفوا تسلقون المكرونة وتخلطون اللحمة المعصجة واياها ولو تكون بالصلصة الحمراء احلى وأحيانا اسويها دجاج أخف وأحلى

جيبي كمية بشاميل وتكون سايلة شوي مو غليظة او سميكة اللي تحبي أناأعملها بدون مقدار ع كيفي وبخلطها بخلاط الكيك اليدوي واحط واياها قشط و وجبنة سائلة تقريبا ملعقتين وجبنة مبشورة

حطي مقدار المكرونة باللحمة في صينية وحطي عليها البشاميل من فوق ورشيها بالجبنة التشدر

حطيها بالفرن ثلث ساعة وبعدين حمريها من فوق

 

[جوريال مكة]

بسرررررررررررررررعة كملي انتظر المقادير لجميع الوصفات تسلم يدك ماشاء الله لاقوة الا بلله

 

[سكر اسمر]

تسلم لي طلتك الحلوة ع راسي

 

[nadoo]

ماشالله تبارك الرحمن

 

[nadoo]

الازانيا بلييييز

 

[ماءالورد]

أطباق رائعة ...

بارك الله فيك ...

 

[سكر اسمر]

مكرونة الفريدو


أي مكرونة مسلوقة

جيبي قطع دجاج أو إذا كان عندك من الغذا ههههه أحب التوفير

طبعا بدون عظم

حطي اشوي زيت على النار وحطي عليها حلقات بصل وجزر وكوسا وفلفل اخضر بارد حركيه اشوي كبي عليها الدجاج وحركيها وبهريها
جيبي مقدار من كريمة الخفق او علبة صغيرة

صبي على الدجاج كريمة الخفق ومعاها نصف ربع كاس ماي وملعقتين طحين وثلاث ملاعق جبن سائل وجبنة مبشورة ربع كاس وحركي لين تصير صلصة سايلة لا تنسين الملح

وبعدين حطي عليها المكونه واخلطيها غطيها اشوي لازم تاكلوها واهي حارة عشان تكون الصلصة ذايبة مثل المطاعم أغرفيها ورشي اشوية اوريجانو إذا تحبين وفلفل اسود ما أستغني عنه هذا شعار الجودة حقي

​

 

[حبيبة ميتوو]

روعه ماشالله كملي معك يالغلا

 

[سكر اسمر]

أهلين بنات نورتوا الموضوع

مشكورين عالتواصل القميل

 

[سكر اسمر]

اللزانيا

اسلقي اللزانيا واشخليها وحطي عليها ماي بارد عشان ما تلصق في بعضها

جيبي لحمة معصجة يالصلصة الحمراء يعني بصل وطماط وصلصة طماطم

وكيس خضار مثلج مسلوق

جبنة موزاريللا المبشورة وتشدر واخلطيهم

جيبي صينية التوست المستطيلة وحطي عليها قصدير حطي قطعة لزانيا وغطيها باللحمة وبعدين الخضار المشكلة والطيقة الثالثة البشاميل وغطيها بالجبنة وكرري العملية كم طبقة انا اعملها ثلاث أحيانا والطيقة الأخيرة بتكون جبنة موزاريللا دخايها الفرن وبعد ماتتماسك حمريها وبالعافية

​

 

[نور نت]

مشكورة حبيبتي شكلها لذيذومشهي بكرة لازم اسوي وحدة من الطرق