أشوف السخرية من البعض لأني أرملة

  • بادئ الموضوع بادئ الموضوع صمـــت
  • تاريخ البدء تاريخ البدء
صمـــت

صمـــت

New member
إنضم
2009/02/22
المشاركات
452
بسم الله الرحمن الرحيم
أخواتي العزيزات أبغي مساعدتكن..
الله يسلمكم أنا تزوجت صغيرة وترملت وعمري 20سنة ومالي إلا ثلاثة شهور طالعه من الحداد..
المشكلة نفسيتي ماتغيرت للحين سيئة توقعت بعد ما أطلع من الحداد يتغير الجو وأرجع مثل أول..ظـــاهريا تحسنت حالتي بس من جوى أحس نفسي مخنوقة وإن الكل يجاملني أكره نظرات الشفقة اللي يناظروني فيها أحس نفسي متحطمة وأخـــاف أتزوج و رفضت اللي طلبني..
موهنا المشكلة وبس صرت حتى من أهلي أنجرح من أي كلمة تقال ودموعي تنزل عندي بنت عمرها سنة ونصف أخــاف أتزوج وتعيش بنتي ناقصة بدون أم وأب حقيقين وقلت بربيها وماني متزوجة بس أبوي زعل علي ويقول ماني دايم لك واخوانك مصيرهم بيتزوجون وماتدرين من اي نوع زوجاتهم أحس نفسي عالة على أبوي أتوقع أكبر همه إني يزوجني أدري إنه شايل همي بس ما أقدر أرجع مثل قبل طلبت منهم أروِح لدكتورة نفسية بس عصبو علي وقالو إن اللي فيك شي طبيعي يعني بعد هذي التجربة القاسية أتمنى تساعدوني إذا عندكم لي حل ووش أسوي جاني فقر دم وقولون وأخاف يتطور بي الأمر أكثر أبي أحد يكون مجرب حالتي أو يعرف أحد مثلها على الأقل عشان أرجع مثل أول​
 
لايهمك احد

اهم شي ارضيتي ربك وزوجك ووالديك
 
يا أختي هونيها وتهون أنا زيك والله الناس شمتانين فيني لأن زوجي فيه وفيه ... المهم يا أختي أنا بنصحك نصيحه لوجه الله والله بكره بتندمين أذا قعدتي على طول بدون زواج وش يعني خلاص حياتك كتب عليها الفشل ..أنا أعرف وحده تتزوج وتتطلق الى 6 مرات والحين مع ذا مبسوووطة حيل ..الله يهنيها مو معناته نتهاون في حياتنا الزوجية لا بس أذا كتب لك الفشل مرة لاتقعدين بائسه حزينة بيجيلك يوم و تتزوجين أن شاء الله وتكونين مبسوطة وتدعين لي واللي يشمت في الناس بيجيله يوم تأكدي وبنتك ما راح تضيع هذي بنت عمي كذا ما فيها الا العافية:32:
 
مشكورات ماقصرتو بس ابغي ارجع قوية مثل اول ومايهزني أي شي مو دايم يلون ذراعي اني ارملة و ان بنتي يتيمة وربي صارعندي مثل العقدة للزواج
 
الحمد الله على كل حال
عندك بنوته ربيه ويجيك ولد الحال ويسعدك
وربي يجمعك بزوجك با الجنه
وخلي قريبه من رب العلمين واستمري بقرات القران
وعطي نفسك ايجاابيه الحياااه
صدقين انتي احسن من غيرك با كثير فاحمدي ربك
ولاحول ولا قوة الا با الله
 
تزوجي وانسي الهموم واستانسي توك صغيره لا تقعدين كذا الله يسعدك يارب ويرزقك زوج يحبك ويحن على بنوتتك
 
نحن في الدنيا هذه نعبر ونمر لانستقر
تمر علينا ابتلائات ومحن وهو اختبار انصبر ام نضجر يقول تعالى (وبشر الصابرين الذين اذا اصابتهم مصيبه قالو انا لله وانا اليه راجعون )
اؤصيك بالاصرار والعزيمه وعدم الضعف للحظه ولاتظهريه لاحد الا لربك
استخيري وادعي بحراره فالله معنا قريب سبحانه
تزوجي واشرطي بنتك تبقى معك ويربيها معك ماتدرين يمكن تلقين رجال ولدة حلال يعيشك باحسن عيشه
ابوك خايف عليك وكلامه 100 5%صحيح

اسال الله ونحن بين الاذان والاقامه ان يفرج همي وهمك ويزيح الغم عن قلبي وقلبك
 
الله يهونها عليك حبيبتي .. اللي صار لك مو قليل أكيد
وطبيعي الحالة اللي انت فيها .. لا تروحي على طبيب ولا شي لا تخبصي
انت حساسة لانك أرملة جديد والوضع صعب عليك انك ترجعي تعيشي مع اهلك ومعاك بنت
واهلك اكيد مو متثقلين منك ابدااااااااااا بالعكس بتلاقيهم شايلين همك اكتر منك كمان
لانه متل ما قال لك ابوك الله يحفظه اهلك مو دايمين لك وما بتضمني زوجات اخوانك وهذا الكلام 100% صدقيني وما لك علي يمين 99 % من بنات اليوم بدهم الزوج وبسسسسسسسسسسسسس
ما بدهم لا أمه ولا أبوه ولا أخوه ولا أخته .. ورجال اليوم بدهم الزوجة وبسسسسس ويا ويل ويله اللي بزعل المدام
انا خالتي تطلقت وعمرها 23سنة ومعها بنت وولد وخالتي ما شاء الله قمة الجمال وخطبوها كتير رجال بس كانت ترفض .. بنتها عمرها الان 21 سنة وابنها 19 سنة وكل واحد لاهي بحياته وهي لحالها حزينة وندمانة انها ما تزوجت لانه نسوان الاخوان اااااااااااااخ من بعضهم وفي وحدة من نسوان خوالي بتعايرها
ياما وياما نامت والدموع بعيونها . وازا توفوا أمها وأبوها حياتها راح تدمر بزيادة .. بوكرا بنتها بتتزوج وبتروح بيت زوجها وابنها بيتزوج وبصير يخاف على زعل زوجته وبتصير زوجته تتثقل من خالتي هدا شي مؤكد

انت حاليا تعبانة ارتاحيلك فترة من الزمن وتشجعي وقوي قلبك ولا تيأسي من رحمة الله
وازا تقدم لك شاب وافقي واشرطي البنت تكون معك ولا تتخلي عن بنتك ابدا
والله يجيب لك اللي فيه الخير .. وما عليك من نظرات الناس
ولا تنسي ثقتك بحالك
 
الله يعظم اجرك

بالنسبه الى الزواج
انا ما انصح فيه حاليا وانتي نفسيتك تعبانه قولي للوالد
انك تبين تتزوجين بس مو اللحين قولي له توني طالعه من العده مو حلوة
عطني كم شهر بس ؟؟؟؟ عشان نفسيتي تهدء وبعدين افكر بالعرسان

الشئ الثاني المهم جدا جدا جداااااااا

اهل زوجك وينهم ووين موقعهم من الاعراب ؟؟؟؟؟
وماقالوا بيون البنت؟؟؟؟؟؟؟؟؟


نصيحه اول تأكدي من اهل زوجك لانه اذا اهم معاكي مو اوكي ويبون البنت اذا تزوجتي يقدرون يسحبون منك البنت؟؟؟؟؟؟؟؟؟؟؟؟؟؟؟؟؟
وعشان اتصير بالامان ولا ياخذوه منك لين تزوجتي خل يكتبون تنازل عنها؟؟؟؟؟؟ في المحكمه

لانه صديقتي زوجها توفى
ويوم تزوجت رفع عليها ابو زوجها السابق المتوفي يبي الولد يقول ما ابيه يعيش مع شخص غريب
اخاااف يسووون لك مثل الشئ وقولون مانبي البنت تعيش مع شخص غريب



انا ما اقول لك كذا عشان اتخافين انا انبهك الى اشياء يمكن انتي غافله عنها


احسن شئ تريثي في موضوع الزواج واجليه وشوفي وضع بنتك واهل زوجك ونيتهم

وبعدين اخطي الخطوه

ولا تقومين اب اي خطوه وانتي نفسيكتك تعبانه لاتطلعين من تجربه وتدخلين تجربه ثانيه مثل ما انا سويت
وانا للحين نفسيتي تعبان ومو مستعده فصااارت مشاكل

لازم تكونين مستعده
واتمنى اني ساعدتك واي خدمه انا حاضره
​
 
ياحياتي هذا مو شي هين .. يعني إنك تخسرين زوجك

بس هذا أمر الله .. ولاتضغطين على نفسك تراك تحتاجين شوية وقت عشان تتحسن نفسيتك وترجعين قوية

أعطي نفسك مهلة من الوقت .. مسألة الزواج من جديد بدري عليها ألحين
 
مشكوري وماقصرتو
وبالنسبة لأهل زوجي إلى الحين ماقالو شي مجرد تلميح من أمه إن البنت بتصير عندي بس إذا تزوجت راح تآخذها وهي تقدر تأثر على عيالها الخمسة بشكل كبير وبالنسبة لأبوه متوفي وعند اعمامها اولاد بسن البلوغ هذا اللي مأزم علي أكثر بس الحمدلله أخذت ولاية بنتي اليوم وعقبال مايتحركون بالأوراق الثانيه عشان ترتاح نفسيتي
 
اي احسن اتأكدي انه البنت عندك لو شنو يصير

والاحسن مثل ماقلت لك يكتبون تنازل عنها

مب يقلون لك اخذيها وتتزوجين وياخذونها منك؟؟؟؟

ديري بالك

والله يخليها لك وتتربى في عزك

ولين عزمتي على الزواج دوري الاخلاق وشرطي عليه بنتك اتم معاك
واختاري الاخلاق لانه بكون اب الى بنتك

دوري الطيبه والاخلاق والدين

والله يوفقك ويفتحه عليك وفرج عنك
 
اول شي عظم الله اجرررررك ثااني شي انا رايي من راي الاخواااااااااات وانتي طبيعي بتكون نفسيتك كذا الله يصبررررك يارررب معليش سؤال زوجك مات من ايش
 
مشكورات وماقصرتو
صدى الأيام الله يجزاك خير
وزوجي توفي من حادث ولي ثلاث شهور وبدخل الشهر الرابع مخلصة الحداد
 
حبيبتي لازم تتزوجي
لساتك صغيررره 20 سنه
ايش شفتي من الدنيا لسه
لاتتشائمي بحياتك
ادري ان الي مريتي فيه صعب بس لازم تتجاوزيه
الله يرزقك بالزوج الصالح الي يحطك انتي وبنتك بعيونه
 
حبيبتي اطمني بنتك ما في قوة بالدنيا بتاخدها منك حتى لو تزوجتي
بس خلي كل شي عن طريق المحكمة يعني مستندات موثقة وحكومية أحسن لك واضمن لك
والله يهونها عليك حبيبتة قلبي
 
انا لله وانا اليه راجعون بارك الله فيك اختي صابرة احتسبي اجرك عند الله لتضاعف اجرك ودوما ادع الله سبحانه وتعالى ان يبدك خيرا منه وتتضاقي من كلام والدك فهو يريد مصلحتك وفيه كل الخير لك ولابنتك وتذكري ام سلمة رضي الله عنها ابدلها الله خيرا من ابي سلمة رضي الله عنه برسول الله صلى الله عليه وسلم
ربي يوقك ويجعلك من الصالحين وابنتك يارب العالمين
 
الله يفرج همك وكربك_تذكري أن أرضاء الناس غايه لاتدرك_ومايملى عينهم الا التراب_لاتصيرين حساسه_ترى كل الناس ينتقدونهم_متزوجه_ارمله_عانس_مطلقه_صغيره_كبيره_
أم_عقيم_عندها بنات_عندهاأولاد_فقيره_غنيه_طيبه_ شريره_متعلمه_جاهله
الكل يعاني من الناس ومن نظراتهم_بس الشاطر اللي مايعملهم حساب_أقتنعي برأيك فقط_لأنهم لايعجبهم العجب_والجأي لله وحده_أستغفري_وصلي_قومي الليل_الحي بالدعاء_وستفرج بإذن الله
 
ذكرتيني بوحده قربيتنا حالته زي حالتك وعندها بنت ايضا وهي الى الان رغم ان زوجها توفي من زمان ما تزوجت وعايشه على ذكراه رغم انو اتقدمولها ناس كثار وجالسه عند اهلها وتشتغل بس هذا مو حل 00 ولا يهمك الناس يا اختي واشغلي نفسك بشىء مفيد او ادخلي دورة تحفيظ وربي يوفقك 00 ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل