أستفسار من العرايس والمتزوجات

[مجموعة أنسانة]

السلام عليكم ورحمة الله وبركاته

هلا أخواتي كل عام وأنتم بخير والله يتقبل منا ومنكم يارب العالمين

أخواتي فيه واحدة قريبة لي تبي تتزوج وعلشانها حبيت

أستفسر منكم أستفسارين أخذ خبرتكم فيهم لعلي ألقاء عندكم أفكار أفضل مني

ومنها ناخذ افكار من بعض

الأول <<< والله مستحية أكتبه :blushing:

هو الفوط الصحية بعد الأستخدام وين تحطها العروس ؟؟؟

انا عن نفسي جاوبتها انها تشتري لها زبالة اكرمكم الله يكون تبعها غطا

وتكون خاصه بالدورة الشهرية وتخفيها لما تنتهي

لكن المشكلة اخاف هازبندها يطلع عليه من باب حب اللقافة والأكتشاف

تعرفون سلة النفايات اللي تجي مع طقم الحمام تكون مكشوفه وكل شي يبان منها

أبي أفكاركم أخواتي بهالخصوص الله يسعدكم ويسخر لكم هازبنداتكم


والأستفسار الثاني

العروس مليانة شوي ونبيها تنحف بدري علشان يمدينا نشري لها

فأيش الأفضل

تسوي رجيم ونمسكها الممشى نمتره طول وعرض

ولا تدخل نادي ؟؟؟

واذا كان عندكم طرق تسرع نزول الوزن ياليت تعطونا خبر عنه الله يسعدكم :icon26:


واذا بغيتم أستفسار ثالث :nosweat: <<< بدأ يستاسع وجهها

خطوط الجسم البيضاء له حل ؟؟؟


الله يسخر لكم ازواجكم وامهاتهم ويحقق لكم مناكم يارب العالمين


:icon26:​

 

[سمو الأميرة]

عزيزتي .. الفوط الصحية .. المفروض تلفها بكيس خاص يجي معاها في بعض النوعيات .. أو تاخذ مجموعة أكياس صغيرة تخليها في الحمام .. و لما تريد ترميها في الزبالة تحطها بالكيس و تربطها بقوة ..
و تاخذ لها زبالة صغيرة بغطا أفضل لها و تخليها هذي الزبالة الوحيدة في الحمام .. عشان ما يكون شكلها كأنها شيء خاص بالعكس تستخدمها لكل شيء .. و لأنها تفتح و تسكر حتى لو زوجها كان يريد يرمي فيها شيء ما بينتبه للي داخلها .. و عشان التمويه .. تغطي على الفوطه بقطعة مناديل .. و ما اتوقع زوجها بيكون عنده الفضول للبحث في الزبالة .. :crazy:​

هذي صور لقيتها للأكياس .. في الدول الغربية تكون بهذا الشكل و تلاقينها في كل الحمامات .. معلقة على الجدار جنب المناديل .. اول صورة فيها نوعين الورقي و البلاستيك .. طبعاً البلاستيك افضل لانه اسهل في ربط الطرف

أما عن مسألة الوزن .. أنا اشوف تشترك في نادي أفضل .. لأنها بتلتزم بأوقات معينة و في النادي مجموعة كبيرة بتحس معاهم بالتشجيع على أنها تواصل .. و ما فيه ملل .. :icon30:
و كون النادي يحتوي عدة اجهزة رياضية .. تقدر تنزل من اي مناطق اللي فيها الوزن متجمع أكثر شيء .. ​

أما الخطوط البيضاء هذي يقولون مالها علاج .. لكن اتوقع بالمساج و الترطيب الدائم للبشرة ممكن يتحسن شكلها جداً.. و لو تسوي جلسات LPG في مراكز التجميل أو العيادات .. ايضاً بيعطيها نتيجة أفضل..​

 

[مجموعة أنسانة]

مشكورة حبيبتي

بالنسبة لزبالة فكرتك نفس فكرتي لكنك زدتي عليها انها تكون دائمه

حلوه الفكره لكن طقوم الحمام تجي معها زباله مكشوفه لكن حلو انها تخلي الزباله معها في احدى الزوايا اضافية حتى يتعود على وجودها

صحيح ماراح يفتش فيها هههههههههههه

بس اقصد لو كانت توجد وقت الدورة بس تبي تجيه اللقافه لكن فكرتك حلوه انها تكون دائمه فما تلفت نظره


وبالنسبة لنادي باذن الله


مشكورة كثير على التجاوب بارك الله فيك ومشكورة بعد على معلومة الاكياس اللي توجد في الخارج

والحمدلله غالب الفوط الصحية معها اكياس لكن حلو نكسب معلومة عن الموجود غيرها


تسلمين

 

[سمو الأميرة]

هو صح اجمل استخدام الزبالة اللي مع طقم الحمام من ناحية المنظر.. لكن بشكل عام اللي بغطا افضل على المدى البعيد ..
و زبالة الطقم ممكن تحطها في أي مكان ثاني .. في غرفة الملابس مثلا ً ..​

 

[الاعلامية لولو]

اتوقع موضوع زباله الحمام الله يكرمك

مافيها مشكله حتى لو كانت مفتوحه

بحيث ترمي وراها منديل

او شي يخفيه الكيس الصغير

وعن موضوع الدايت اتوقع تشترك في نادي

وتحاول تشارك احد قروبات المنتدى

بصراحه اكثر من رائعه وراح تحس بحماس رائع

وراح تنحف مثل اغلب بنات القروبات

وصلوا لاوزانهم المثاليه عن طريق القروبات..
​

 

[شيخـ الزينات ـة]

صح ارميها وارمي فوقها مناديل عاديه تغطيها واحسن شيء تحطي زباله بغطاء احسن للجميع

 

[حلمي الجنه]

بالتوفيق غلاتي

 

[مجموعة أنسانة]

سمو الأميرة فكرتك حلوه لكن جتني فكره لو أقولها تشتري زبالة اضافية بغطأ وحجمها يكون صغير

وتكون في أرفف الحمام ويكون شكلها حلو <<< أشك أنها تبي تلقاء شكل يناسب الحمام

وتكون دايم في الحمام أكرمك الله حتى مايلاحظ وجودها الغريب بسبب أستمرارها


الأعلامية لولو وشيخة الزينات

راح يكون ملجائها لهالحركه إذا مالقت زبالة حلوه تناسب حمامها وأنتم بكرامة

وهي حركه حلوه انا استخدمها لكن أنا عندي حمام عيالي اسويها فيه

لأني ما أستخدم حمامي وقت الدورة

علشان كذا أحتجت لنصايحكم بخصوصها




​

 

[اعشق الجمال]

ممكن انا دحين استفسر عن شي ....؟؟؟؟


كيف يعني تخفى الفوطه .. ومايشوفها ..


يعني بالله عليكم مهو داري انو جاتها الدوره ..

ماعندو اخوات ومتعود على دا الشي

ترا بالعكس مرره عادي .. انا مو قصدي ترميها مفتوحه ولا شي . لا


اكيد راح تلفها بالكيس الى يجي معاها .. ولو مافى .. تلفها بمنديل .


وانتهت الحكايه ..


انا بصراحه جاتني الدوريه بعد 4 ايام من زواجي .

والله ادلعت دلع مابعدو ولا قبلو .

انا دورتي تجيني بمغص مو طبيعي . وطول يومي كنت ع السرير

طبعا بس اول يوم من الدوره مو كل الأيام .


والله جلس جنبي . وزعلان عليه . ومو عارف كيف يريحني .


وخدي عاد على حنان .. وبوس .هههه

بس بجد مو شي لازم تستحي منو

بالعكس تقدر تستفيد من الموقف دا لصالحها وتخليه يحن عليها اكتر .









دا رأي ..




وبالنسبه لصحتها .. افضل شي النادي لأنو ينحفها ويشد جسمها بنفس الوقت .

اما الريجيم يطفش ممكن ينزل منطقه قبل التانيه . ويصير شكل جسمها غريب .



والله يوفقها يارب .. ويسعدها .

 

[كل الغلا لك حبي]

من جد ليه تخبيها مو داري مثلا ان الدوره جتها انا قدره انها عروس ومستحيه

بس عادي الزباله المكشوفه وتربط الفوطه في كيس وبيكون فوقها مناديل

ذكرتني باول دوره كنت مسافره خارج السعوديه وهاتك دلع << تذكرت الايام وووه بس

كان معي مغص مرررررره ماقصر فديته

بالنسبه للنادي تشترك فيه افضل

لك ودي ​

 

[حلاوه حامضه]

ياقلبو ترى شي طبيعي وعادي يعني الوحده المفروض تكون متعوده على النظافه حتى قبل الزواج
على العموم انا مااضيف اكتر من اللي البنات قالوه
وموفقه

 

[مرافي]

اعشق الجمال أوافقها الرأي نفس الكلام اللي كنت بقولة عاااااااااااادي ليه الوحدة بتفكر في هذي الأمور وتتعب حالها عاااااااادي زوجك أكيد بعرف لما تجيك الدورة ليه تكبروا الموضوع ترى مرررررررره بسيط وهذا زوجك بس أهم حاجة مايشوف منك حاجة مو حلوة ...
أنا مملكة ويعرف لما تجيني الدورة ومررره عااااااااادي حتى هو صار يعرف الموعد....
ومن ناحية جسمها أفضل حااااااجة تروح نااادي وتكون تحت إشراف طبي هذا مررررره حيساعدها وحينزل وزنها إذا كنتي في جدة تقولي عشان أقولك على دكتورة مررررررره كويسة......
تقبلي مروري...

 

[مجموعة أنسانة]

مشكورات اخواتي لكنكم فهمتوني غلط

انا مو قصدي على النظافة او انها تستحي تعلمه ان الدورة جايتها

لا كل هذا عادي والنظافة متعودين عليها الحمدلله <<< ضايقها رد حلاوة حامضة

انا كل اللي اقصد انها تخاف يشوف الفوط الصحيه حتى لو هي باكياسها

لكن الراي الاخير اللي وصلت له من كلامكم انها تغطيه بمنديل

لانه صراحه حتى حنا يالبنات نتضايق لما نشوف الاكياس لكن حلو نغطيها بمنديل


تسلمون حبايبي