أسئلة في لندن ؟؟؟

[القطرية2]

عندي أسئلة؟


شو أحسن شهر لسفر لندن؟ وأي مدينة مناسبة من ناحية الطقس والتكلفة المعيشية وكم أودي وياي خاصة إني مسافرة مع عائلة صغيرة أنا وزوجي وبنتوتي للدراسة اللغة وكم شهر يفضل لدراسة اللغة؟ وماهي أفضل الجامعات ؟

الرجاء الرد علي اللي سافر لندن وعنده باك أكراوند.



وتحياتي للجميع وشكرا

 

[وجه البدر]

ان شاءالله بيفيدونج الينات

 

[القطرية2]

34 مشاركة وماشي رودود حرااااااااااااااااام عليكم وينكم يابنات قطر

 

[شموخ الجبال]

اهلين وسهلين اختي .. تروحين وترجعين بالسلاامة ..

بالنسبة للجو هناك فبريطانيا اغلب السنة باردة لانك لو تشوفينها على الخريطة تلاقينها بالشمال اقرب للقطب الشمالي .. وكل مارحتي لجنوبها يكون الجو ادفى واحلى ..

احلى الشهور فيها شهور الصيف 6 و7 و8 ممكن قبلها بشهر تجين زيادة ..

احسن الاماكن لدراسة اللغة .. كل المدن تدرس اللغات اكيد بس اقولك عن خبرة ..كل مااتجهتي شمال كل ماكانت لغتهم ولهجتهم ماهي واضحة وغير مفهومة بسهولة .. فدائما يمدحون مناطق الجنوب لدراسة اللغة ..

اما من ناحية الجامعات فيه جامعات كثيييرة تعتبر عالمية ومشهورة مااقدر احدد لك شئ فيه موقع قدشفته ممكن تتطلعين عليه فيه تصنيف الجامعات الافضل عالميا ..
وكونها لغة فماراح يضر بأي جامعة .. اما من ناحية كم تجلسون للغة .. الاهم الممارسة ممكن تجلسون ثلاث شهور وتتعاملون مع الانجليز وتطبقون وراح تتعلمون كثير وبسرعة .. وممكن تجلسون سنة او سنتين ماتعلمتوا شئ لانكم تخالطون عرب .. وهذي غلطة كثير من المبتعثين ..


والله يوفقكم وييسر امركم وتروحين وترجعين بالسلامة

 

[nawwaar]

شو أحسن شهر لسفر لندن؟
بالنسبه لي أعتقد انه لندن بكل فصل من فصول السنه لها جمالها
بس فصل الصيف بزحمة العرب تضيع عليج فرصه الحصول على راحتج هذي وجهة نظري

السنه هذي كنت هناك بشهر مارس الجو بارد صحيح لكن مب ثلوج يعني تستمتعين فيه

وأي مدينة مناسبة من ناحية الطقس

كل مااتجهتي للشمال زاد البرد هذا اللي اقدر افيدج فيه

والتكلفة المعيشية وكم أودي وياي خاصة إني مسافرة مع عائلة صغيرة أنا وزوجي وبنتوتي للدراسة اللغة

السكن بخارج لندن تكلفته دائما أقل من العاصمة وأعتقد ايضا انه افضل لأنه تحتكيم بناس ماتتكلم الا الانجليزي ومثل ماقالوا الاخوات حاولي تزيدين احتكاكك عشان الممارسه واذا ظروفك تسمح انكم تسكنون مع عائلة او بجناح عند عائلة هنا تضمنين اكتساب اللغه باسرع فتره
وكم شهر يفضل لدراسة اللغة؟ وماهي أفضل الجامعات ؟


يعتمدعليج وعلى همتك بتقليل التحدث باللغه العربيه قدر الامكان وزيادة الاحتكاك

وتمنياتي لكم برحلة سعيده