أسأل الله أن يوفق كل من ترد علي ويرزقها ما تتمنى .. أرجوكم ساعدوني

أحيانا السكوت يكون أفضل خاصة في مجالس النساءمن الغيبة والنميمة
أبدئي كلامك مع أهلك أحكيلهم قصة شوفي ردة فعلهم
بعديت أبدئي عيدي نفس القصة للمجالس الثانيةحتى تتعودييين
ومن ناحية البس عادي تجرأي وأذهبي لسوق بدون مناسبات وألبسيهامن ذوقك
ومن ناحية زوجك لاحبيبتي حاولي تحكين له نكت وشئ قرأتية وتبادل الموضوع
ومأأجمل لوقرأتي السيرة النبوية وقصص الانبياء وكل يوم تقولين جايبتلك موضوع وتجلسين معه أمام النت بشرط تكون من الاشياء الدينية والاشياء الحلوة قصص وأجتماعية وتبديت تردين وتعطين رأيك
أن شاءالله أني وفقت وتفهميتن قصدي
 
اكبر غلط تطلعين قدام زوجك واهله بالذات المرأه صاحبة الشخصيه المعدومه
هذا يشجعهم انهم يزوجون زوجك وحده ثانيه لها كيانها ووجودها وانتي ولاهمك راح ترضخين
حبيبتي اقرأي كثير عن تقوية الشخصيه والثقه ادخلي محاضرات صدقيني هذا كله راح يغير من شخصيتك
وبتصيرين مسيطره اكثر اقرأي كثير بهذا المجال
ربي يسعدك
 
تعودي ذلك عن طريق قراءة كتاب ثم ناقشي احد فيه كوحه نظر بعدين بتلاحظي انك تعودي ولازم تعرفي ان زوجك امانة عندك عشان ما يتزوج عليك وتندمي وتقولي يا ليت ما كنت انا السبب
 
لا تخافي مرحله وتعدي ولاكن ابقي على مانتي عليه كوني اجتماعيه وبلعكس صمتك وهدؤك يدل على رزانتك
احكي مع زوجك عن الاشيا الي تعمليها يومين والمواقف الي تصير ويا صديقاتك
وباين عليك حبوبه المهم الله يسعدك ويخليكم لبعض
 
لييييش الصمت
صدقيني الصمت عند اهل الزووج افضل واحسن بس مولدرجة هذي
اما مع الزووج لييييه ؟؟؟؟طيييب ياعسل لازم تبنين ثقتك بنفسك من اول ثم اجلسي مع الحريم فــ جمعاتهم وحاوريهم وابدي رايك !!!! اتخذي قراراتك بنفسك حتى لو موصائبة رااح تتعلمين من اخطائك
على فكرة الحياة اسهل منها مافيه واحلى منها مافيه<<<<<<دعاية !!!!!أخلصي؟؟؟
فلاتضيعين ايامك في هموم وكتمان وصمت لا لالا اخرجي وخالطي الناس وابدي رايك وعيشي الدنيا بالطول والعرض ولايهمك من اخطاائك بتتعلمين وراح تكون الدنيا شي ثاني بعيونك وربي يسعدك
كثرت الكلام سامحيني !!!!!
محبتك بداية غير
 
الله يفرج مشكلتك ولكن حاولي بالتدريج ان تتغيري
وانتي ابدئي في فتح اي موضوع مهما كان
ووفقك الله
 
حبيبتي انتي باين عليك تحبين الكمال في كل شي،وهذا الغلط ، الانسان من غير قرار مثل السفينه اللي تسير من غير مرساة ،راح تصطدم بالصخور بالنهايه ، انا مو قاعده اخرعج بل انبهك لان ما في ابأس من الانسان اللي ماله قرار، الموضوع ماهو الصمت ولكن ما خلف الصمت لان وراء الصمت اما انسان واثق من نفسه او انسان يخشى الكلام،اقرئي المواضيع المحفزه للذات والنجاح، اما الحل الوحيد والامثل هو ان تخططي لحياتك ماذا افعل غدا اليوم الساعات القادمة،اضع اهداف مستقبليه واسعى لتحقيقها اذا بدأت بخطة اهداف حياتيه بسيطه سوف تزرعين الثقه بنفسك رويدا رويدا ثم تخططين لاهداف مصيريه وهذا سوف ينعكس عليك بالبهجة وسوف ينطلق لسانك بعدها اتبعي حدسك ولا تعتمدي على التفكير والحلقات المغلقه، اتبعي قلبك قبل عقلك ولا تخالفي شخصيتك ولا تسمعي من يقول خالف هواك واتبع عقلك ،لان هذا ينطبق على المعاصي وليس على امور حياتنا التي تخص اتجاهاتنا وميولنا، لا تفكري بتصرفات الاخرين لانك غير مسئوله الا عن نفسك ولا تفسري تصرفاتهم ، وكوني رفيقة بنفسك ولا تجلدي ذاتك ابدا ابدا ، واعلمي ان اتخاذ القرار الخاطئ افضل من عدم اصدار قرار ، وهذا هو التوكل ان الله لا يضيع اجر من احسن عملا ، ولا تحرميني من دعاؤك فانا في امس الحاجه اليه وادعي لي ان يوفقني الله ويفرج كربتي
 
ابدي ينفسك مع اهلك مع اخواتك حاولي تسوين بروفات على نفسك يعني تدربي معهم شوي شوي ماراح تلاقين ذيك الصعوبه دعمي عقلك الباطن برسائل ايجابيه مثلا انا واثقه من نفسي انا قويه انا جذابه كرريها بقناعه دائما قبل ماتطلعين حاولي ماتفاجئين نفسك بجمعات كبيره يعني مره نادي اخت زوجك بس مرات جارتك وحدها كوني صداقات حلو وانت باقي في الجامعه اصبري في البدايه الكل بيفتح عيونه
 
اقرئي كثير في دورات تطوير الذات واكثري الأستغفار والدعاء
وليش ماتثقين في نفسك بالعكس اذا شريتي شي اقتنعي فيه
وحاولي تزيدين الثقة بنفسك بالعمل بالمجال اللي تحبيه طنشي كلام الناس
 
حبيبتي البنات مقصرو معك في اعطاك الحلول بس انتي وينك ماتردين يوم قريت موضوعك حسيتك فاهمه وعنك اسلوب ماشاءالله بس لاحظت انك متردده تخافين من ردت افعالك يمكن الغير يفسرها غلط شوفي اذا كنتي تتجنبيهم عشان كذا ومحد يتكلم فيك صدقيني بتتعبين نصيحه طنشي ولاتشيلين في قلبك هم اي شي وجربي وتشوفين ..............بالنسبه لزوجك حاولي تسالينه عن دراسه زمان اختباراته اي شي يخطر على بالك وساليه عن رحلاته مو تحاولين لا نفذي بعدين باسلوبك راح تعرفين وش يحب انتي ماشاءالله سنه معها الله يوفقكم ........اكيد عرفتي وش يحب مثلا يحب السيارات او له هوايه معينه شاركيه وساليه عنها باهتمام لااوصيك امدحيه دايم على كل شي يسويه لك اولاهله ..........باكمل اذا شفت ردودك
 
حبيبتي مشوار الالف ميل يبتدي بخطوه
وخطوتك الاولى لازم تكون مبادرتك بالسؤال اسألي اي شي واتكلمي عن اي شي
ازرعي بنفسك ومن حولك الثقه بقدراتك كوني جادة وصارمه واكثري من كلمة انا من رأيي او انا افظل هذا الشيء او داك
وربي يحفظك من كل سوء
 
حلي المشكلة نقطة نقطة.

1- الكلام قوليلة حتى المواضيع الي تقرينها بالنت تصدق وحدة مشكلتها كذا لا تتكلمين عن مشاكل الخيانة ولا الطلاق والزوجة الثانية لا لا لا مشاكل عادية او اغتصاب اطفال او مشاكل الخادمات.
2- كثري من النكت.
3- اسالي دائما عن احوال الشغل وعند اهلة حاولي دائما تسالين عن الموضيع العامة اخبارهم وما الجديد ونفس الشي عطيهم بعض اخبارك واخبار اهلك وصاحباتك العادية.
4-حاولي تركزين على مواضيع الحريم يعني الطبخ والرجيم والموضة وبما انك مالك في الموضة لا تتكلمين فية هلفترة.
5-حاولي دائما تبادرين بالسلام والكلام والتحية وبحرارة وباسترسال يعني ياهلا ومرحبا كيف الحال شلونكم وشخباركم بشريني عنك وعن الاهل والعيال عساكم كلكم بخير وشلونكم مع هلجوا الحلوا يعني من البداية كثري من السلام والتحية فهو الانطباع الاول ولا تنسين السلام بنيرة صوت واضحة وباصرار وحماس وطبعا بابتسامة .


الملابس.

1-شوفي حددي المحلات الي تبين تروحين لها وحاولي تكون معروفة واشيائهم حلوة مو مهم السعر يعني زارا ومانغوا والسواني ومجموعة محلات عندهم عادة العرض يجي حلو ومرتب يعني الطقم كامل حلو اشترية كامل بدون تفلسف ولا تحسسينة او الي معاك انك اخذتية لانة معروض لا لا لا ركزي علية في العرض وسوي نفسك تدورين لين حصلتي الي تبين .ولا تكثرين كل مرة خذي بس طقم واحد.
2- ركزي على تصفح النت وخاصة مصممين الازياء تابعي الالوان والجزم والشنط مثلا لو كان اللبس قصير ماذا نلبس نعال ام صندل ام جزمة مرتفع ام واطي اذا كان بنطلون ضيق و و و . وسوف تتعلمين شوي شوي.
3-لا تقولين ابدا لا اعرف او ماعندي ذوق لان هذا يغذي المخ برسائل سلبية عن الذات.
4-ان لم تحترمي نفسك وتقدريها لن يحترمك احد ولن يقدرك.
5-لو صادف احد وقال لك ان لبسك ماهو حلو قولي عاجبني ولو لا اختلاف الاذواق لبارت السلع وقولي لها انا كم مرة شفت على ناس اشياء ماعجبتني بس احترم ذوق غيري وما اقول .



اسفة للاطالة وبالتوفيق.
6-
 
انتي ما تفقدي ولا شي صراحه

بالعكس مبين عليك مره راكزه ولك مهابه لكن لانك مو جايه على هواهم يبون يعرفون عنك كل شي مضايقتهم انتي بهالشي

زوجك صراحه وبدون مقدمات عبري عن طريق الرسائل بداية قولي له انك تحبينه في الورق مبين من كتابتك هنا انك تبي تعبري وعبرتي هنا بالسطور

بقول لك قصه لرجل يشبه وضعك

زوجته بحكم وظيفة زوجها السفر كانت تحط له رساله في شنطته ومره ما حطت طفشت منه انجن قلب الشنطه تقليب ولا لقى الورقه اللي دوم تعبر فيها عن حبها له

لما رجع قال لها ليه ما حطيتي رساله زي كل مره اثر الرجال متاثر ويحب طريقتها هذي

حبيبتي جربي تطلعين كلامك معه تدريجيا والمهم عندك زوجك وبس وما اضن انك ما تسولفين ابد مع زوجك اعطيه تلميحات والحب والغرام شوي شوي بيطلع

بحيث انك تكتبينه في البدايه وبعدين تقرينه على روحك واذا كان ممكن على زوجك تقرين الرسائل مدري اذا طريقتي حلوه

بس تصدقين اتمنى اسكت واصير مبهمه الى درجة يسالوني انتي ليه ساكته ما تتكلمين

بالعكس المره الساكته احسها سر عظيم الكل يحاول فكه الزوج والناس والكل

بالتوفيق حبيبتي
 
حاولي تفتحين معاه مواضيع مثلا عن شغلته شو عمل اليوم وين راح
 
جزاكم المولى كل خير حبيباتي ..

أفدتوني كثير ..

وبإذن الله سأطبق نصائحكم ..

فأنا عازمة على التغيير للأفضل ..

أسأل الله التوفيق للجميع ..
 
اهلين حبيبتي
بصراحه الاخوات ما قصروا الله يعطيهم العافيه
ما بقوا لي شي اقوله
وانا رائيي من رائي اختي طهر الغيم
 
ابدي بالاول مع زووجك بعدين مع اللي حواليك

حااولي انك تشترين لكم لعبة بالبيت وتلعبوونهااا مرة عن مرة بتتعوودين ومن نفسك انتي اللي بتتجرأين

ياريت تعطيني اشوي من سكوتك ههههههههه عشاان يرتااح ريلي مني
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل