أسألكم بالله تجاوبوني بصراحة

هلابج أختي..طيب فرزني أكلج..وبيوم اليمعه خليه تسخين بس..أو تعاملي مع وحده من اللي تعمل أكلات

بالبيت ويبي لج خدامه لو بالساعه...وتكلمي مع ريلج..

قولي له الصراحه أنت واحد جالي بالميلس ومبسوط..لكن أنا مقهورة أمك وخواتك على عيني بس لما

أشوف حريم أخوانك أنقهر...

ولما أسمع صوت الضحك هم أنغبن ليش هم بشنو زايدين عني..حالي من حالهم...

 
سوي روحج مريضة وفكي روحج
لو كلمتيه ماراح يرضى إنه يغر هالعادة

لكن لاسويتي روحج مريضة غصبن عنه بيسكت

عاد أنت اتقني الدور غالفجر جذيه طيحي وأمسكي بطنج ترا البطن مابندرى وش فيه

وأقعدي صخي وابجي لين يوديج الطبيب وراح يصدق
 
والله يااخيتي انا بكتب حل غيرهم كلهم اذا تبينه والا على كيفك
لا تتضاهري انك مريضه جسديا زي ماقالو لك البنات ولا تتضاهري انك مريضه نفسيا زي ماقالت لك وحده لأني اخاف ان الله يبلاك بالمرض (لا تتمارضو فتمرضو) عيب والله تتضاهرين انك مريضه
طيب بتقولين وش الحل
انا اقول لك يااختي هذا شي عادي وليس مشكله ابدا يجون ليلة العيد عندكم يجتمعون يعني في السنه مره بالعكس هذا اجر كبير في الاخره ومعزه وكرامه في الدنيا هي ليلة العيد فقط وفيه اكيد احد تجتمعون عنده يوم العيد والي قالت لك ام زوجها يجتمعون عندها وتكرف لهم ترى ربي مايخلي احد وربي يكرمك ويعطيك من خيري الدنيا والاخره لأنك حسنتي خلقك لهم وسويتي خدمه لزوجك وهذا يثيبك ربي عليه يعني ايش ماتبين الاجر هذا اجر وجاك صح تتغبين لكن كلها ليله وباقي السنه اذا شافوك رحبوبك ومع بعض يقولون والله انها ماتقصر تتعب في العيد ويحترمونك وبعضهم يقول لزوجته ليش ماتصيرين زي هذي
حطي كلامي في بالك وانبسطي كسبتي رضا الله سبحانه وكسبتي اجر كثير جايك بطريق سهل وكسبتي رضا زوجك وكسبتي رضا اهله وكسبتي احترام العائله ماشاءالله عليك
اصبري واحتسبي وصدقيني زوجك بيشيلك فوق راسه بس بقول لك بيني له ان هذا شي يتعب ولكن انك مستعده تسعدينه هو واهله وبعد العزيمه اشرحي بالتفصيل قولي صار كذا وتوضخ 30 صحن و20 ماعون وغسلتهن واوجعتني رجليني من الوقوف لكن هم اهلك وانا مستعده رغم التعب والعناء
وأسأل الله ان يقويك ويخليك تشتغلين بسعاده ولكن ماافيه ماانع تطلبين في ذاك اليوم شغاله او شغالتين من ذا الي اجارهن يومي عشان يساعدونك وعساك على القوه
 
/



يآعممري والله معععكك ححق
مآقول الا الله يصصبرك ويسسخر لك زوجك :icon1366:
 
طيب ليه ماتتناوبون في العيد زي ماتتناوبون برمضان؟
 
قولي ابتعيد عند اهلي واصري على طلبك وابدي من الان وقوليله جرب اهلك يجتمعون من غيري والا لا
 
الله يعينك

اتكلمي معه وناقشيه ووضحيله وجهة نظرك وتعبك

ربنا يوفقك
 
ميخالف ممكن سؤال؟..ليش انت متضايقه؟...انت تقدرين تدبرين نفسك ولاتكرفين ولاشي...ياختي هالحين الطباخات على قفا من يشيل وتسوي لك كل شي...وزوجك ماراح يرفض لو قلتي له..

انا استغرب بصراحه من اللي تكون عينها ضيقه على اهل زوجها ولو هم اهلها كان ماشفتي ولاربع هذا...
انت تسوين هذا لله مو لفلان وعلان...وانا سمعت الشيخ المنجد يتكلم عن اجر من يجمع اهله وكيف ان اجر التواصل يكون له...وخلي هذا يرفع قدرك عند زوجك والحمد لله..هو يووم بالسنه كلها...ب

ناتي توهن صغار وغدا اهل أزواجهن عليهن والفطور برمضان ياخذونه ويروحون يفطرون معهم يوميا...والعيد هن اللي يشتغلن ومااضرهن ولله الحمد الكل يثني عليهن..
يالغلا احتسبي الاجر ومااالك الا الخير بإذن الله...
 
والله قولي هالمره نكسر الروتين ونسير على بيت فلان
اخوك شرايك؟
زوجته عزمتنا تقول الليله السهره عندنا
وتكوني قبلها متصله عليها وعازمه نفسك
خخخخخخخ
والا امرضي جمعي الادويه فوق راسك وصحن الكمادات
وتلحفي عدل
ههههههههههه ونزلي كم دمعه
قولي تعب رمضان توه يطلع بس تضمنين انهم مو جايين قومي وانتي كل حلا هههههههههههه
 
انا من وجهت نظري
انك تجيبين العشاء من برى
وتجيبين خدامه بالاجار توقف على المطبخ تجلي ,, وانتي انبسطي معهم ولا فيه تعب واشكري زوجك بعد الاجتماع انك اول مره تنبسطي وماتحسي بتعب ,,,
 
قولي له زي ماقالت ام محمد استاجروا استراحه وقولي له انكم من الافضل تغيرون جو مليتوا من البيوت واذارفض قولي اجل جيب من المطعم وانه من حقك ترتاحي ومستعده تستقبلينهم وانتي ببببكامل زينتك وقولي امك وخواتك على عيني وراسي اما حريم إخوانه حالك من حالهم وجيبي شغاله بالساعة لالالاتتنازلين ابد عن حقوقك بس بذكاء وبكثيييييير من الدلع
 
شكرا حبيباتي لكل اللي ردوا حسيت اني لي خوات
وانا صراحه طفشت من الوضع هذا زوجي أخذني وانا صغيره
ومن أول ماتزوجت والعيد عندي لي سبع سنوات تعودوا عالهشي
وانا عيني مي ضيقه عليهم بس احس بالظلم هم أكبر مني وعيالهم
شوي يصيرون بعمري وانا وش لزمني فيهم مع إن مابينا شي الحمدلله
المفروض يكون فيه عدل وشغاله باليوميه في العيد مايجون من حقهم يعيدون
صح !!! حتى لو العشاء من المطعم طيب تحضيرات العشاء والشاي والقهوه والحلا
وووو أنا بحاول والله يعيني بس هم بيستغربون أكيد وبيقولون ليه ؟؟؟ بس صراحه
أعجبني كلامك دانة الشام دللي نفسك ليدللك الناس أدعولي فديتكم
 
والله العطيم الله يعينك هذا ظلم
قولي لزوجكي انا عزمتهم برمضان وعزيمة العيد عند بيت ثاني
او قولي له اشتري غداء من المطعم وضعي لهم صحون وملاعق بلاستيك علشان لا تغسلي مواعيين
 
تصدقين أنا أحس انه شي حلو يجتمعون عندك بالعيد تكسبين اجر الصلة
انا اتمنى يكون عندي اجتماع عائلي يوم العيد بس ما يرضون لان الاجتماع بالبيت الكبير الله يجزاهم خير ويرزقهم من حيث لا يحتسبون

لكن اذا انتي تتعبين فهذا شي ثاني

طيب انتي كلمتي زوجك من أول
يمكنك كنتي راضية ومتحمسة وبعدين لزمتك السالفة
انتي كلميه بهدووء وقولي له اللي بخاطرك.
اواقترحي ان كل بيت يجيبون شي
واذا جو لا تستحين اطلبي مساعدتهم اذا هم مايفهمون من نفسهم
وادعي ان الله ييسر الامور ويكتب اللي فيه الخير

ياااارب رنك تيسر امورها وتهديها وزوجها لما فيه الخير
**
 
الاستراحه مايحبون يروحون
صح في البدايه كنت مرحبه ومبسوطه بالوضع
بس هالحين طقيت ماأبي والله أشيل همه
 
اختي الغالية لا تكدري نفسك ولا تسببي خلاف بينك وبين زوجك لكل مشكلة حل
زوجك تعود ان يكون العيد في بيته وهو يعتقد ان هذا شرف له وتقدير وانه يكسب بذالك الاحترام ممن حوله . نصيحتي لك اختي الغالية ان تظل العزومة في بيتك ولكن لا تكوني انت الطباخة كلمي زوجك يطلب الاكل من المطعم والبسي واكشخي يوم العيد واستقبلي ضيوفك
ارضي نفسك وارضي زوجك
 
اقولك الحل من غير مشاكل مع زوجك,,,,لانك عودتيه على كذا فصعب تواجهينه من اول مره
اولا بيتك نظفيه قبل العيد بيوم ...جهزي عيالك ولبسهم ليلة العيد بس يصحون تلبسينهم
والمطبخ خليه فاضي يعني ولاتسوين حلا ولاسلطه ولااااااااااااااااااااشئ بهدوء من غير مايحس عشان مايقول تسوين والا والله فيك وفيك,,طبعا ليلة العيد خليك متميرضه وياقلبي تعبانه ومن هذا الكلام
لما يطبون عليكم قدمي لهم القهوه والشاي فقط مع شوكليت العيد ولاتسوين فيها ام الزين والطبخ والنفخ خلاص هم عرفو طبخك وشطارتك مايحتاج تدلعينهم اكثر
طبعا اطلبي منه يجيب الاكل من برا هو بيتذكر انك البارح كنتي تعبانه ويمكن يحن ويوافق
اجلسي معهم وماله داعي تجلسين تدورين بالقهوه كانك قهوجيه خلي على كل طاوله ثلاجة قهو وفنجانين وصحن تمر وشوكليت واجلسي على الكنبه سولفي معهم
واذا جاء العشاء حياهم ومع السلامه
ليش توقفين في المطبخ تحرقين عمرك عشان تتفنين بالتقديم ومحد جاب خبرك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل