أريد حل منكم يابلقيسات .؟؟!

[براءة روح]

السلام عليكم ورحمه الله وبركاته
اخواتي الكريمات ...
بلقيسه جديده بينكم تضع اناملها على سطوركم ..
اعطوني حل أرجوكم لاتتركوني ..؟!
عروسه جديده تزوجت في شعبان املك شقه في بيت عيالي
عيالي مكونين من عدد كبير 12 ابنت و4 اولاد
واسكن في الطبق الثاني في شقه
اصر عمي ابو زوجي اني اطبخ معاهم في شهر رمضان وطبعا بمااني عروسه جديده
استحيت اقول لا وقبلت والعمل واجد متعب عيالي واجد ومتعب الوضع جدااا
والحين يبون يسافرون والسفر جماعي طبعا المتزوجين والغير متزوجين
ويبون رجلي يروح معاهم وانا ماااقدر عليهم
انتظر متى يخلص هالشهر بموت من التعب
انصحوني شنو اسوي ....؟؟؟
اريد حل منكم بموت من التعب
واول مره اسافر مع زوجي اروح سفر جماعي
الوضع واجد متعب واتخيلوا في شقه وحده اشلون بيصير الوضع
لو نمت متأخر بصير مراقبه من كل شي
اشلون اقنع رجلي اني مااروح معاهم
ارجوكم لاتتأخرون اعطوني حل
اختكم المسكينه
براءة روح

 

[الورده الشرقيه]

عروسه جديده تزوجت في شعبان املك شقه في بيت عيالي
عيالي مكونين من عدد كبير 12 ابنت و4 اولاد
معليش ياقلبي بس مافهمت وش تقصدين بكلمه عيالي
المقطع هذا مافهمته ابد ياليت توضحين اكثر

 

[سويرة راحت البر]

الله يعينك ياعزيزتي مادري شقولك بس انشاء الله ينكتب لك اجر على شغلك وادعي ربك ماتدرين يمكن تروحين تستانسين وياهم اللي فهمته من كلامك هذا اول سفره لك معاهم جربي ماراح تخسرين ولو مجامله وخاصة انك عروس لاتخلينهم ياخذون عنك فكره مو حلوه روحي وحطي في بالك انك بتستانسين الله يسعدك ماتدرين ايش الله كاتب لك .

 

[سويرة راحت البر]

عروسه جديده تزوجت في شعبان املك شقه في بيت عيالي
عيالي مكونين من عدد كبير 12 ابنت و4 اولاد
معليش ياقلبي بس مافهمت وش تقصدين بكلمه عيالي
المقطع هذا مافهمته ابد ياليت توضحين اكثر

ولا انا ياعزيزتي​

 

[براءة روح]

عيالي اقصد عائله زوجي تتكون من 12 بنت و4 اولاد والام والاب
يعني عائله كبيره وبصراحه اعمارهم متفاوته ومتعبين كثير
والشغل مكثف ياخواتي

 

[براءة روح]

الله يعينك ياعزيزتي مادري شقولك بس انشاء الله ينكتب لك اجر على شغلك وادعي ربك ماتدرين يمكن تروحين تستانسين وياهم اللي فهمته من كلامك هذا اول سفره لك معاهم جربي ماراح تخسرين ولو مجامله وخاصة انك عروس لاتخلينهم ياخذون عنك فكره مو حلوه روحي وحطي في بالك انك بتستانسين الله يسعدك ماتدرين ايش الله كاتب لك .

مراحب بك عزيزتي سويرة راحت البر..
خيوه المشكله صار لي موقف ليله من ليالي شهر رمضان
نزلت للسحور وكان شعري مبلل بالماء وانحرجت من التعليقات
اللي انقالت ولاعرفت شنو اقول
صعب اني بطلع وبدخل وبكون مراقبة
اتمنى ان تساعدوني فأنا في ضيقه كبيره
خوات زوجي من النوع اللي دايم يحبون يلزقون روحهم معاي
يعني عادي اروح مطعم مع زوجي يقولون بيروحون مايحسون
اني عروس تعبت منهم
اريد حل ياااااااااااااحبايب

 

[براءة روح]

عروسه جديده تزوجت في شعبان املك شقه في بيت عيالي

عيالي مكونين من عدد كبير 12 ابنت و4 اولاد
معليش ياقلبي بس مافهمت وش تقصدين بكلمه عيالي
المقطع هذا مافهمته ابد ياليت توضحين اكثر

تم التوضيح عزيزتي ...
ياليت عندك الحل خيوه

 

[ام هتون2008]

براءه روح بامكانك تكونين مستقله لاتجاملين
سوي اللي يريحك:msn-wink:
وبالنسبه للشغل الله يجعله في موازين حسناتك :c016:
واذا ماتبين تشتغلين عادي اقعدي في بيتك وبعطيك فكره حلوه:a115: :a144:
انا كنت مثلك وكان عددنا 20 شخص تصدقين بالله:a049:
وقالوا لي العام قبل السنه هذي صومي معانا الشهر قلت اوكيه بكل تأكيد:e130:
ورحت اشتريت اغراضي وصمت في شقتي :c011:
لانه تعب عليهم وعلي والله
واكثر من 4عوائل
براءه روح لقبك وايد عجبني:c014:


​

 

[براءة روح]

براءه روح بامكانك تكونين مستقله لاتجاملين

سوي اللي يريحك
وبالنسبه للشغل الله يجعله في موازين حسناتك
واذا ماتبين تشتغلين عادي اقعدي في بيتك وبعطيك فكره حلوه
انا كنت مثلك وكان عددنا 20 شخص تصدقين بالله
وقالوا لي العام قبل السنه هذي صومي معانا الشهر قلت اوكيه بكل تأكيد
ورحت اشتريت اغراضي وصمت في بيتي
براءه روح لقبك وايد عجبني

مراحب عزيزتي ام هتون ...
يسعدني ان ينال لقبي اعجابك ..
عزيزتي طريقتهم يفرضوا الشي وغصب عنك تتقبلي
مثلاً عمي ابو زوجي جاب الاغراض وقال الكل يفطر تحت ولاااحد يتكلم
شريت اغراض مع زوجي بس لازم انزل وحتى السحور لازم معاهم
تعب شغل واجد خيوه اني ماابي اسافر معاهم علشان اعرف انفرد بنفسي
مااقدر اطبخ معاهم والله تعب مايستقنعون بالقليل
يعني معكرونه ماتكفي عشاء لازم معاها اشياء ثانيه وانا ادرس بالكليه مااقدر
ابي حل ارجوووووووووكم ساعدوني

 

[ro0oro0o]

الله يعين حبيبتي بس الافضل انك تفهمي زوجك الوضع عشان هو يعتذر من اهله واهم شي لا تضغطي عليه لانهم اهله وخلي بينكم تفاهم

 

[الورده الشرقيه]

ياقلبي ضيقتي صدري
وش دخله ابو زوجك يجبرك على الطبخ وانتي بعدك عروسه
ووين زوجك من هذا اللي تقولين ليش موقفه سلبي
دام انك ببدايه زواجك خليك قويه شخصيه وبيني انه لك حدود ماترضين احد يتجاوزها
الدور اللي فوق لاتعطينهم وجه ابد انهم يجونك الا اذا انتي قلتي لهم مايكفي انهم ساكنين بنفس الشقه
ولاتاكلين معهم خوذي اكلك لغرفتك وكولي انتي وزوجك دام انك ببدايه الزواج وزوجك يكون ولهان عليك ويبي رضاك افرضي شخصيتك لاتكونين ضعيفه
لانه اذا من البدايه استسلمتي لهم ولطلباتهم بتضطرين تستسلمين طول العمر
ولو كان زوجك ماعنده نيه يحرك ساكن انتي تصرفي ووقفي كلن عند حده عشان يحسبون للكلمه اللي بيقولونها لك الف حساب ولاتعلمينهم عن اي شي يخصك انتي وزوجك اي شي
ولاحتى طلعه مطعم ولاغيره هي الاشياء لك انتي لحالك وهم كل وحده تروح مع زوجها الله لايهينها
لاتسمحين انهم يكسرون شوكتك ويقوون اخوهم عليك انتبهي
وانتي عشان تبعدين عنك الشك والكلام حاولي اذا تروشتي تجففين شعرك سريع سريع
عشان تتجنبينهم
واي استفسار انا حاضره ياقلبي

 

[الدلع مني وفيني]

انصحكي حبيبتي لاتعودين اهل زوجك يطلعون كثير معاك بعدين يتعودون

 

[دنيا حظوظ]

حبيبتي بدري عليك هذا كله يصير لك قولي لزوجك انك تعبانه من شغل رمضان وتبغين تعوضين في العيد وبما انك عروسه مايرفض لك طلب باذن الله

 

[براءة روح]

الله يعين حبيبتي بس الافضل انك تفهمي زوجك الوضع عشان هو يعتذر من اهله واهم شي لا تضغطي عليه لانهم اهله وخلي بينكم تفاهم

مراحب عزيزتي..
حاولت افهم زوجي الوضع مره يقتنع يقول ماراح نروح معاهم ومره يقول نروح
واني خايفه يروح والله بموت من التعب
اني احبهم اهله على عيني وراسي بس مااقدر صعب الوضع بالقوه
انك تخدمي عائله كبيره لاتفكروا اني من النوع اللي ابي الزوج بس العائله مهمه بس لما يكون الوضع زي هذا صعب
يعني مااقدر اقعد بروحي دائما وياي في اشياء خاصه بين الرجل والمراه صح والله لو لا ..؟!
الله يقدم اللي فيه الخير يارب

 

[الورده الشرقيه]

بخصوص السفر لاتسافرين معهم بالعكس هذي فرصتك تقعدين مع زوجك
وعمك فهميه انك ماتبين تسافرين بكل ثقه وقوه شخصيه
والله اللاحظ انهم يحبون الواثقه واللي تفرض كلمتها
وهو ماعليه منك اي امر عشان يتحكم فيك بناته وعياله براحته بس انتي لا
لكن زوجك ماقلتي عنه اي شي ولا عن مواقفه معك

 

[سويرة راحت البر]

بقولك شي براءة روح شوفي حبيبتي اهل زوجك على اللي تعودينهم فمن البدايه حاولي تفرضي رايك باسلوب حلو ومو كل شي يطلبونه منك وانتي مو قادره عليه توافقين اوكي فطور عادي افطري بس السحور ممكن تعتذرين منهم قولي مو مشتهيه الحين وبعدين زوجك ليه مايقول لخواته اانكم تبون تروحون لحالكم زوجك المفروض يفهمهم يقولهم هالمره بطلع مع زوجتي ابشروا بطلعه غيرها لازم يفهم انه لك خصوصياتك وحاولي تجاملينهم وفي نفس الوقت خلي يكون لك شخصية مستقله عنهم واطلبي من زوجك يقولهم انك توعروس ماتعودتي عليهم وعلى طبعهم واتمنى لك حياة سعيدة

 

[ام هتون2008]

براءه روح حبيبتي سوي نفسك تعبانه وانتي فعلا تعبانه وقفلي عليك بابك ياقلبي
بيسألون يوم يومين وبعدين بيملون خليك مستقله من الحين
واوهمي زوجك انك تطيعينه:sadwalk: اذا قالك انزلي عند اهلي
قولي له اوكيه :icon30:ولاتنزلي خليك مقفله عليك قولي تعبانه :sadwalk:
كنت بنزل بس تعبانه بس بكره ان شاء الله
والله تقدرين تحدي نفسك :showoff:​

 

[براءة روح]

ياقلبي ضيقتي صدري

وش دخله ابو زوجك يجبرك على الطبخ وانتي بعدك عروسه
ووين زوجك من هذا اللي تقولين ليش موقفه سلبي
دام انك ببدايه زواجك خليك قويه شخصيه وبيني انه لك حدود ماترضين احد يتجاوزها
الدور اللي فوق لاتعطينهم وجه ابد انهم يجونك الا اذا انتي قلتي لهم مايكفي انهم ساكنين بنفس الشقه
ولاتاكلين معهم خوذي اكلك لغرفتك وكولي انتي وزوجك دام انك ببدايه الزواج وزوجك يكون ولهان عليك ويبي رضاك افرضي شخصيتك لاتكونين ضعيفه
لانه اذا من البدايه استسلمتي لهم ولطلباتهم بتضطرين تستسلمين طول العمر
ولو كان زوجك ماعنده نيه يحرك ساكن انتي تصرفي ووقفي كلن عند حده عشان يحسبون للكلمه اللي بيقولونها لك الف حساب ولاتعلمينهم عن اي شي يخصك انتي وزوجك اي شي
ولاحتى طلعه مطعم ولاغيره هي الاشياء لك انتي لحالك وهم كل وحده تروح مع زوجها الله لايهينها
لاتسمحين انهم يكسرون شوكتك ويقوون اخوهم عليك انتبهي
وانتي عشان تبعدين عنك الشك والكلام حاولي اذا تروشتي تجففين شعرك سريع سريع
عشان تتجنبينهم
واي استفسار انا حاضره ياقلبي

اختي الغاليه وردة الشرقية ...
اطباع العائله يخلونك غصب ترضين يعني تنحطين بموقف محرج وتطرين اتقولين اوكيه
زوجي نوعيته هادئ وهو الكبير في اخوانه
يعني عجبه الوضع اني انزل تحت في رمضان في البدايه لان يقول تعب اني اطبخ علشاني وعشانه
وواوقات يقفل باب الشقه يقوم لاتنزلي ..
والعائله تعرفي لو ماانزل تصير افلام وسوالف وتقوم القيامه على مرت الولد
زوجي وايد زين وياي بس اهله شلون اوصف لك
يعني الشي اللي يبغونه يصير يصير ولاتنسي الخوات واجد بصراحه
ويتعاونون حتى في البدايه السوق مااروح الامعاهم
الحين صرت اروح بروحي لان في اشياء ماابي احد يشوفها خاصه
وشوي واني في البدايه اذا ماحطيت حد اليهم بروح فيها
الله يساعدني عليهم ومشكوره عمري والله يعطيك العافيه

 

[براءة روح]

انصحكي حبيبتي لاتعودين اهل زوجك يطلعون كثير معاك بعدين يتعودون

تسلمي عزيزتي الدلع مني وفيني ..
على النصيحه خيوه والله يعطيك العافيه

 

[براءة روح]

حبيبتي بدري عليك هذا كله يصير لك قولي لزوجك انك تعبانه من شغل رمضان وتبغين تعوضين في العيد وبما انك عروسه مايرفض لك طلب باذن الله

هلاعزيزتي دنيا حظوظ..
اهو يعرف اني تعبانه واني مقرره معاها نسفر مكان غير اللي هم بيروحون
بس اهله يضغطون عليه انه يروح معاهم
انا وضحت اليه اني اول مره اسفر معاه ومحتاجه اتعرف عليه اكثر
بس اهل زوجي اذا اصروا يخلون الجليد يذوب
يعني راح يسكت ولايتكلم