أريد حل لمشكلة أخوي الله يوفق كل من يدخل ويساعده!!

مشكوررين وما قصرتوا الله يفرج همه وينفس كربته ويسعده​
 
الله يكون بعونه انا اعرف قصة وحده احملت على طول وكرهت زوجها لدرجة انها انحاشت لأهلها وعيت ترجعله وزوجها قال ياترجعلي ياأطلقها وطلقها لأن كان غصب عليها وولدت وجابت بنت تغيرة نفسيتها وحاول يرجها بس ابوها رفض الحين البنت عندها 6 وابوها دايم يسأل عنها
 
حرام عليكم ليش تتكلمون عنها كذا وتقولين غريبه هالانسانه هاللي يصير لها مو بيدها
يعني هي متعذبه اكثر من اخوكي
يعني فكرتي باخوكي ومافكرتي فيها
حطي نفسك مكانها
الله يشفيها يارب
 
الله يردهم لبعض يارب....
المفروض يقول لها إني راح أطلقك لكن بعد ماتخلصين النفاس(طبعا هذا الكلام فقط علشان تهداء الحين مو عاد يصدق أخوك)ممكن لو قال ماراح اطلقك ترفع عليه قضية خلع خليه عاقل ويسايرها لان نفسيتها بتزيد تعب وكأبه في النفاس وهذا طبيعي ...
طوال الفترة هذي المفروض أخوك يقراء على نفسه وعلى البيت ويجيب مشايخ ثقه ممكن يكون بينهم سحر فعلا وممكن نفسيتها الحاليه هي اللي مسببه هذا كله..
إلا إلا إلا الطلاق لايستعجل فيه لانهم جميعهم راح يتندمون ....
وقت الولاده المفروض يكون قريب بعيد يعني يكون في المستشفى لكن هي نفسها لاتعرف عن وجوده شي لان نفسيتها تعبانه وممكن وجوده يأزم الوضع....
صدقيني راح تتغير تماما بإذن الله بعد الولادة,,,,لاتلومينها بشي وحاولي تهدين أخوك أنا حامل بطفلي الثالث ومعيشه زوجي بنكد والسبب نفسيتي التعبانه والله أبكي أحيانا اقول مايستاهل اللي اسويه فيه لكن هالشي خارج عن اردتي ..دعواتك لي بتييسير امري وان الله يحفظ لي اولادي وزوجي ويحفظني لهم...
 
الله يفرج همه .... هذا حالي كان في اول حمل لي اللي صار مباشرة عقب العرس ....... لدرجة شوفته كانت تضايقني بس كانت فترة اول 4 شهور تقريبا عقب صرت اوكى
انا اللي اعرفه بعضهم يتمون جي لين 9 شهور صبروه وقوله هذا عادي وكل حرمه غير عن الثانية لين ما تربي بالسلامه عقب لكل حادث حديث والله يجمعهم ع خير
 
حبيبتي انا مع الاخوات العجله من الشيطان وخصوصا ان فيه طفل بطريق والي صبره كل هلاشهر يصبر شوي الين تولد بسلامه ويخف عنها شوي واذا كنتي من الرياض ممكن اساعدك في عنوان اخصائية علاج سلوكي يمكن تقدر تفهم نفسية زوجة اخواك والله يصبره ويهديها يارب ويصخرهم لبعض ويجمعهم على الخير والبركه يارب
 
أهلين خواتي
مشكووورين على الردود
المشكله ماضيق صدر أخوي وتعكر مزاجه ونفسيته تعبت إلا أنها ما تعبره ولا تعطيه وجه ولا رساله علشان تحسسه بأنه زوجها وأبو اللي في بطنها ، اسم متزوج ولكن ما عنده زوجه ولا كمل سنه زواج انصدم الضعيف من الزواج والنساء بس الحمد لله الشكوى لله

هو الحين قطعها وهجرها سمع نصايحكم..​
 
مشكورين وما قصرتوا
يا جماعة تراني تلخبطة ناس يقولون خلي أخوك يصرف عليها لأنها زوجته وهي حامل، وناس يقولون لا يعطيها وجه الثقل زين

الله لايهينكم عطوني الحل الأمثل الله يسعدكم​
 
الله يفرج همه و يجعل له من ضيقه مخرجا ً ... لكن الصبر الصبر حتى الولادة و بعد الأربعين كمان راح الكثير و بقي القليل إن شاء الله و بعدين ابحثوا في الموضوع لعل الله يحدث بعد ذلك أمرا ً .. ترى بعض الحريم للأسف تجيهم حالات غريبة في الحمل و بعد الولادة لعل وضعها كذلك ..
 
لايطلقها اخوك الى لما تولد لاني اعرف وحده كذا والله كرهت زوجها فترة حملها وهي واياه طقاق وطلقها بعدين عاد تحسفت يوم ولدت بالسلامه بس وش الفايده ...
 
نصيحتي لك : خليه يكلم مستشار اسري ويعطيك الراي السديد باذن الله

ماخاب من استشار

صديقتي عندها مشاكل غريبه اشد من اخوك وبتتصل على احد المستشارين تقول اقل شي يعطوني نصيحه عن خبره ودراسه ورأي وبعد نظر

كلها مجرد اتصال بدون روحه او موعد وخرابيط ومرمطه
 
وانا نفس الشيء حامل ووالله لو شفتيني كيف اضرب اولادي وكيف بعاملهم وكانني زوجة ابوهم مش امهم
انا كنت حنونة جدا على اطفالي وتركت كلللللللللل شيء عشانهم ولدي عاطفة قوية جدا تجاه الاطفال ولكن
الحمل الحمل الحمل يغير من توازن الهرمونات في الجسم
الله يعينا ويعين زوجة اخوك واخوك ايضا الى ان يتمم لها على خير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل