أريد حلا عاجل أرجوكم

[omm ahmed]

السلام عليكم أخواتي الغاليات حبيت أسالكم وأستشيركم أرجومنكن التفاعل معي والرد علي لاتطنشوني أنا مشكلتي بنتي الكبيره عمرها عشرين سنه متعبتني بشكل كبير عنيده جدا ماتحترمني ابدااهم شي عندها نفسها ودائما تحرجني امام الأقارب وأنا ماأبغى أشكي لأحد من اقاربي اوأقاربها لأنها في سن زواج وماأبغى أشوه سمعتها تعبت معاها كثير وانا مريضه بالسكر والقلب والضغط لحد اني احيانا من القهر أحس ان قلبي بيوقف المشكله انه أخوانها الأكبر منها بارين ويحبوني حيل ويخافون علي أشيروا علي كيف أتعامل مع هذا النوع من البنات تراني أم متفاهمه ولست متسلطه وشديده

 

[سمفونية الأحلام]

هلا فيج اختي ،،،
اول شي الله يخلي لج بنتج وعيالج كلهم وتشوفينهم كلهم متزوجين ومرتاح بالهم ،،،
ثاني شي ،،، بنتج ،،، الله يهديها ،،، بس يمكن في شي حاصل لها او نقص حاسه فيه ،، ما ادري ما اقول انج مقصره بس احيانا الانسان مع زحمة الدنيا ينسى اشياء ،،، بس صدقيني بنتج هالعصبيه اللي فيها غضب بداخلها من شي وتبي تلفت الانتباه ،،، حاولي تقعدين معاها وخلي لها وقت معاج مخصص روحي معاها تمشوا وطلعوا او روحوا مطاعم ،،، حاولي تكونين صديقتها وتعرفين ايش اللي مخليها جذي ،،، هذا اللي قدرت عليه اختي ،،،
واتمنى اللي عندهم خبره اكثر مني يفيدونج ،،، ​

 

[عمرالوفى]

عزيزتي أم أحمد:::

حالــــــة بنتج ذكرتني بحالتي لما كان عمري تقريبا 18 كنت عنيدة

لأني فبعض المرات كنت أقارن تصرف أمي مع أخواني و ألاحظ أن أمي تكثر علي من النصايح

و كان ها الشي يضايجني مع العلم أني لما أقعد مع نفسي أندم على اللي أسويه بس أحس

أن الذنب مب ذنبي...

لكن مع الأيام أتغيرت و الحين أعتبر أمي أحدى صديقاتي و اللي خلاني أكسر الحاجز

أشياء وااايدة...

و الحين الحمدلله أحس أني باره يمكن هاي الفترة كانت من بقايا فترة المراهقة...

مع العلم أنا بسن بنتج...

 

[omm ahmed]

هلا فيج اختي ،،،

اول شي الله يخلي لج بنتج وعيالج كلهم وتشوفينهم كلهم متزوجين ومرتاح بالهم ،،،
ثاني شي ،،، بنتج ،،، الله يهديها ،،، بس يمكن في شي حاصل لها او نقص حاسه فيه ،، ما ادري ما اقول انج مقصره بس احيانا الانسان مع زحمة الدنيا ينسى اشياء ،،، بس صدقيني بنتج هالعصبيه اللي فيها غضب بداخلها من شي وتبي تلفت الانتباه ،،، حاولي تقعدين معاها وخلي لها وقت معاج مخصص روحي معاها تمشوا وطلعوا او روحوا مطاعم ،،، حاولي تكونين صديقتها وتعرفين ايش اللي مخليها جذي ،،، هذا اللي قدرت عليه اختي ،،،

واتمنى اللي عندهم خبره اكثر مني يفيدونج ،،، ​

جزاك الله خيرا حبيبتي وأنا والله جربت معها كل الطرق صاحبتها ماشيتها رحنا للأسواق اخذتها للمطاعم ماخليت عليها شي لحد انها معروف بالعايله ماأحد يلبس لبسها وشياكتها وزعل زعلت عليها لو اتركها شهر ماأكلمها ماتسألني ايش فيني انا ياأختي ماأدري الغلط فيني او فيها

 

[omm ahmed]

عزيزتي أم أحمد:::

حالــــــة بنتج ذكرتني بحالتي لما كان عمري تقريبا 18 كنت عنيدة

لأني فبعض المرات كنت أقارن تصرف أمي مع أخواني و ألاحظ أن أمي تكثر علي من النصايح

و كان ها الشي يضايجني مع العلم أني لما أقعد مع نفسي أندم على اللي أسويه بس أحس

أن الذنب مب ذنبي...

لكن مع الأيام أتغيرت و الحين أعتبر أمي أحدى صديقاتي و اللي خلاني أكسر الحاجز

أشياء وااايدة...

و الحين الحمدلله أحس أني باره يمكن هاي الفترة كانت من بقايا فترة المراهقة...

مع العلم أنا بسن بنتج...

جزاك الله خير أختي على الرد ممكن اذا مافي مانع تقولي لي ايش هي الأشيا الواجد اللي خلتك تكسرين الحاجز لعلي استفبد ومشكوره حبيبتي

 

[>> تووووووفي <<]

ام احمد .. احلى شي تصادقينها يعني كأنها صديقتك يعني تقولين لها مواقفك قبل وغلطاتك قبل تستشرينها ببعض الامور
الله يخليها لك يارب ويهديها