أروووع سينابون من مطبخي وبالصور
بسم الله الرحمن الرحيم
مساء الخير ياصبايا ........ أقدم لكم طبقي الثاني في المنتدى
وإن شاء الله ينال إعجابكم أقدم لكم في هذه الليلة الجميلة طريقة السينابون ............. بصراحة أروع طريقة جربتها وأعجبتي وأعجبت أهلي .... للأمانة أنا أخذتها من منتدى وجربتها وصورتها لكم من مطبخي ... جربوها وأحكموا ..ما أبغى أطول عليكم ونذهب للمقادير ............
مقادير العجينة :
(1)مقادير العجينة:
3كاسات دقيق
4ملاعق حليب بودره
فنجان سكر
فنجان زيت
ملعقه كبيره خميره فوريه
ملعقه صغيره ملح
ملعقه كبيره بكنجباودر
مويه دافيه تقريبا كاس ونصف للعجن
الحشوة ( سكر بني...... وقرفة )
طريقة العجينة:
_اول شي حطي المواد الجافه بزبديه واخلطيهابالملعقه بعدين اضيفي السوائل اللي هي الزيت والماء لازم يكون دافي وتضيفينه علىشوي شوي
وتعجنين وتستمرين بالعجن الين ماتشوفين العجينه ماتلزق في حواف الزبديهوتصير متماسكه ببعض وتتركينها تتخمر ساعه كامله.ولما ترجعين لها تشوفينها حجمهامتضاعف
وهذي صورتها ..........
ونفرد العجينة وندهنها بالزبدة ونرش عليها القرفة ولبسكر البني
وهذي صورتها
ونلف العجينة ونقطعها ونصفها في الصينية ونتركها 10 حتى ترتاح العجينة و ندهنها بالحليب ثم ندخلها الفرن ..
نستغل وجودها في الفرن ونعمل صوص السينابون المميز
مقادير الصوص:
علبه حليب نستله
اربع قطع جبن كيري
ملعقه صغيره شكولاته بودره
ملعقه قرفهصغيره
ملعقه نسكافيه صغيره
3 ملاعق عين الجمل مجروش صغيره
ملعقه زبدهكبيره
ملعقه قشطه
الطريقة :
خلطين حليب نستله والكيري في الخلاط حتى نتأكد من ذوبان الجبنة ثم
تذوبين الزبده وتحمسين معها عينالجمل وتحطين ملعقه قشطه ثم الشوكولاته ونسكافيه وحليب النستله ونخلطها حتى تتجانس وهذه صورتها
وصبيها فوقهاالسينابون ...
وهذه الصوره النهائيه
وإن شاء الله تنال إعجابكم ولا تبخلون علي بردودكم ولاتنسوني من دعاءكم...............
وبالهناء والعافيه على قلوبكم
المرفقات
-
95.5 KB المشاهدات: 5
-
90.6 KB المشاهدات: 4
-
95.2 KB المشاهدات: 6
-
91.5 KB المشاهدات: 6
التعديل الأخير بواسطة المشرف:
اسم الموضوع : أروووع سينابون من مطبخي وبالصور
|
المصدر : سفرة انيقة واطباق لذيذة