بدويه حلوة
New member
- إنضم
- 2010/09/11
- المشاركات
- 27
[FONT="]بسم الله الرحمن الرحيم [/FONT]
[FONT="]أرجو من أصحاب الخبره أن يفيدوني في مشكلتي التي سأوردها منذ البد ايه ................[/FONT]
[FONT="]في البدايه أنا بنت بسيطه جداً ومثقفه جداً جداً والحمد لله عاقله ورزينه منذ صغري نشأت في الدنيا وحيده بصراحه مع انه الحمد لله بأمي وأبوي وأخواني وأخواتي بس أخواتي تزوجو وأنا صغيره جداً وأمي حرمه كبيره ويعني مثل سالف الحريم الكبار هرجات ودرجات وضحويات وعزايم وكذا يعني [/FONT]
المهم إني تعودت من البدايه إني أشيل مسئوليتي بنفسي من يوم كنت صغيره يعني كل شي أنا أسويه بنفسي من جميع الإتجاهات يعني إن كان من ناحية البيت لأن أمي مهما كان كبيره ماتقدر تشتغل وإن كان من ناحية الدراسه أنا أذاكر لنفسي وأحل واجباتي بنفسي يعني عمري ما ثقلت على أحد ولا قلتله أبيك تساعدني هذا الكلام كله وأنا توني أول متوسط يعني عمري 13 سنه وفي نهاية الترم الثاني وأنا أول متوسط أخوي الكبير طلق زوجته وجاب أولاده عندنا 3 أولاد بنت وولدين وزاد الحمل علي وأمي الله يهديها حملتني مسئوليتهم بالكامل لدرجة أنه الولد الصغير يوم جانا وهو يحبي يعني لسه ما مشى وأنا اللي أهتم فيه هو وأخوانه بالله تخيلوا طفله تربي طفل مهما كان ماعندي وعي كافي عشان أتحمل مسئوليه زي كذا وأنا ولله الحمد ماني من البنات اللي يكلمون شباب أويطلعون ومقابلات وحركات البنات أصلاً هذي كلها مهي عندي ولا أعرفها الحمد لله ربي حاميني عنها عمري ماسويت شي غلط يمس الشرف لأني عاقله من صغري ويمكن المسئوليه وإعتمادي على نفسي زاد عزز فيه هذا الشي المهم قعدت خمس سنين أربي في هالبزران ويربوني أعلمهم ويعلموني أعطيهم ويعطوني لين الحمد لله دخلوا كلهم المدرسه وعلمتهم كل الأساسيات وصاروا هم يعتمدون على أنفسهم من دون مايرجعون لي الحمد لله ثمرت تعبي معهم بس المشكله أنه ما احد قدر أو مقدر هذا التعب وخصوصاً أمي تبيني أضحي لآخر درجه طيب أنا كمان أبي أشوف حياتي أبي أشوف نفسي ودخلت الجامعه الحمد لله وأنا في المستوى الثاني تقدملي واحد من عائله معروفه وناس طيبين ووافقوا أهلي وأمي كمان وافقت وأنا يعني قلت طالما أنه رجال ويخاف الله ليش لا وبيني وبين نفسي أقول جا الوقت اللي أرتاح فيه نفسي أطلع أتمشى أروح وأجي أنبسط ما أحس أني مربوطه بأحد يعني كان ودي مثل كل البنات حياة خاصه فيني بيت يكون لي أنا وبس أنا
[FONT="]ي أتحكم فيه لأن أمي بصراحه ماكنت تخليلي رأي في البيت أبداً مع العلم أنه أمي شخصيته مرررره قويه وإذا سمحتلي أطلع تجبرني أني آخذ معي عيال أخوي ووافقت ولاكن بشروط أمي وهي أنه ما يملك إلا بعد سنه من وقت الخطوبه يعني سنه معلقه بدون عقد ولا أي شي والسنه الثانيه الملكه وبعدها بسنه الزواج يعني ياطويلين العمر ثلاث سنوات سنه خطبه بس وسنه ملكه عقد قران يعني والسنه اللي بعدها يصير الزواج وماكان فيه سبب واضح لهذا كله وكانت حجتها الوحيده هي الدراسه أنها ماتبيني أتزوج قبل لا اتخرج من الجامعه والله وو افقوا الجماعه على شروط أمي وصبرت السنه الأولى طبعاً كنت كل ما أضعف وأفكر أغير تفكيري إجباري لأنه ماأعرف عنه شي يعني أفكرفيه كذا بالمطلق آدمي ما أعرف عنه شي ولا أمي ولا أخواني قالوا لي عنه أي شي أبد غير إسمه وعمله فقط وخلصت السنه وقلت جا الفرج جاء وقت الملكه المشكله أنه صار لي سنه وست شهور يعني المفروض أكون مملكه منذ ست شهور على حسب الإتفاق خلال الست الشهور هذي كل ماتكلموا الجماعه على أساس أنه يجون يملكون أمي تكنسلهم وتخترعلهم أعذار واهيه مره البنت عندها إختبارات ومره البنت تعبانه أجلوها شوي ومره عندنا مناسبه لين مانشف دمي وفقدت الأمل أنو يجون ويملكون أصلاً قلت أكيد بيطفشون من أعذار أمي ويغيرون رأيهم المهم في النهايه بعد تسعه شهور حطوها أمام الأمر الواقع وحددوا يوم وقالولها مافي غير هذا اليوم لأنه الولد بيسافر وماعاد عنده إجازه وخضعت أمي بس بعد ايش بعد ما طفحتني الدم وماقلتلي طبعاً غير قبل الملكه بيوم إنهم بيجون ويملكون وماجهزت نفسي ولاشريت فستان ولارحت عند كوافيره ولاشي الله يهديها وبس حت فرحه مافرحت زي البنات وقالتلهم مانبي عشى بس تعالوا املكوا واشربوا القهوه وامشوا لأنه أنا بعدين بسوي لبنتي شبكه كبيره المهم املكوا ودخل شافني وعلى طول مشوا على أساس انه في شبكه بعدين يعني لاحقين على بعض المهم كل مايتصلون متى الشبكه امي تقول لهم مواللحين ونفس الأعذار الواهيه ودواليت دواليت ووقفولها أخواتي قالوا لها حرام عليك البنت مافرحت زين وانتي صربعتيها مالحقت يوم الملكه تنبسط وتشتري فستان جديد ولا تروح للكوافيره يعني ماحست إنها عروس حتى العشاء اللي هو صدقه أصلاً حرمتيها منه لازم تسويلها شبكه وقعدت تماطلهم شهرين من الملكه وبعدين قررت وبعد جهد جهيد انها تسوي الشبكه وفي نفس يوم الشبكه ماتت وحد تقربلنا من بعييييييييييد والله يابنات ياأمي فرحت فرحه مايعلم بها غير الله انه تكنسلت الشبكه شفت هذا الشي في عيونها وقالت خلاص أصلاً اللحين ماعاد هو وقت شبكات وانا قدي مجهزه نفسي ورحت سويتلي فستان ومسكه وحجزت المصوره وكل شي والله يابنات اللين الليله اطالع في الفستان وابكي وطبعا ماسوينا شبكه واللحين جاء وقت الزواج وكل مايحددون موعد أمي تقول لا مايمديني لا مو مزبوط ليش ما ادري المشكله اللحين حددوا موعد وحجزوا من دون مايرجعون لأمي لأنه بصراحه طفشوا منها كل مايقولوها على شي تقول مايمديني يعني صارت هرجت رجال أبوه كلم أبوي وقاله على الموعد وأمي اللحين ساخطه علي سخطه مو طبيعيه والله يابنات كل ماشافتني تقولي روحي الله يمتحنك روحي الله لايوفقك إنتي تحسبين إنك بتتوفقين واللحين هي ماتكلمي مع انه أنا مالي أي يد في الموضوع ولا لي صلاح ابد ابد الزواج زواجهم وهم حرين فيه انا وش دخلني اللحين هي قاعده تحاول قد ماتقدر تغير موعد الزواج هو بعد سبعه شهور من الآن يعني بعد الإختبارات النهائيه وهي اللحين لاقيه حجه انه مين يذاكر لعيال اخوي واني بفظالهم ولا بتفرغ لنفسي والله ياناس خايفه ربي مايوفقني خايفه اتزوج وهي مو راضيه عني وربي مايوفقني مع العلم انو زوجي مرررره طيب ويحبني وأنا صراحه تعلقت فيه وأحبه لأنه أول رجال في حياتي والله اني بعض الأوقات أفكر في الإنفصال عنه عشان أمي ترتاح وانا كمان ارتاح لانه اعصابي مره تلفت وتعبت نفسياً من كثر التأجيل في رأيكم شنو الحل تكفون أبي ناس كبار ينصحوني وفاهمين لأنه أنا لحالي وما عندي أحد أستشيره وما أعرف شنو أسوي !!!!!!![/FONT]
