أرجوكم ومن قلب محروق ..

[إمرأة صامتة]

محتاجة لمسجات أو إيميلات تؤثر بهداية شاب مراهق أتعب أمه وأبوه وأخواته بتصرفاته

الطائشة والقريبة من الإنحراف فما نفع معه لاشدة ولا لين .. عديم الإحساس ..

إذا ذكرناه بالصلاة صلى وإلا تناسى وتغاضى .. يدخن بالخفاء .. عنيد لأبعد الحدود ..

رسب بالسنة الدراسية الماضية .. يعني كأنه مو من عائلتنا المحافظة والبسيطة ..

لانملك إلا الدعاء ..

وعسى أن تؤثر فيه المسجات ويكون لها صدى داخل نفسه .. ويصحى ضميره ..

أرجوكم أدعو له بالهداية والصلاح ..

 

[إمرأة صامتة]

أرجوكم ..

 

[ليلى12]

يابعد قلبي إنتي ......والله حاسه فيك

أخوي كذا مابأيدينا غير الدعاء الله يصلحهم ويهديهم

وأنت إذا طلع أو خفتي عليه أستودعيه الله

الذي لاتضيع ودائعه وهو خير حافظ........

 

[الحلا مبتليها]

الله يصلحه ويهدية عليك بالدعاء له في اخرالليل

 

[جوان المرايم]

الله يهديه يارب

 

[دلع قلبه]

عزيزتي المراهق في هذا السن على استعداد لتجربة اي شي لأثبات رجولته!!
لذلك امنحوها اياها في المنزل حتى لو عذبكم عشااان مايبحث عنها فالخارج والامور السيئة
ممكن تستفزعين به ف موضوع من تاليفك وتحسسينه ان رجل الموقف وانك ماتستغنين عنه ومحتاجته قوووووه
وممكن بعدها تثنين عليه فالمسجات والرسايل وبعد ماتكونين اقرب المقربين تنصحنه وتذكرينه بالله
اهم شي يحس برجولته ولا يكون فالبيت احد يستنقصها..
الله يهديه وشباب المسلمين اجمعين..

 

[أم ذياب89]

الله يهديه

 

[حلوة ماما]

الله يهديه ويصلحه وشباب المسلمين
مالكم غير الدعاء له .. وأستمرو بالمعاملة الينة
عندي اخوي نفس الطريقة ماقصرنا معه ..
بس الله الهادي سبحانه .

 

[إمرأة صامتة]

الله يجزيكم الخير ويهدي أخوي وكل شباب المسلمين ويسخرلهم الصحبة الصالحة يارب ..

والله أمي دمعتها دوم بعينها من تمرده .. يارب مالنا غيرك ..

 

[جووود الحزن]

الشاب المراهق لابد يمر بهالضروف الا من هداه ربي ولكن تبقى معامله الأهل وهي اهم شي التشدد عليه يخليه يستمر لأشياء اكثر بكثير لكن امنحوة القليل من الحريه والثقة فيه تحت مراقبته امنحوه الحــــــب والشوق والخروج معه والسؤال عنه اذا غاب بفقد وحنان زي مثلآ تحكو والله فقدناك يوم رحت اشتقنالك الجلسه بالبيت بدونك ولاشي هذي الحركات عن تجربه سويها وراح تشوفي تغير بس مع الصبر الطويل عليه لاتفارقيه الا بشوق وتستودعيه استقبليه اخرجي معه غيري برامجه غيري غرفته اشتريله جهاز جديد او شي يحبه ويتمناه وراح تلاحظي تمسكه فيكم لا الفرار من بيت يسوده بس النصايح والعتب هذا مراهق ويكره كثرة النصايح بالكلام اريه افعال وربي معك اتمنى افدتك الله يحميه ويثبته لرضى ربه...