أرجوكم ردوا عليا

[احلا البشر]

ام زوجي راحت عند ولدها وزوجته تعالج
وزوجة ولدها ماهي موظفة
عندها شغالة ومدلعة نفسها آخر دلع تنام الين بعد الظهر وتقوم عادي تسوي الغدا وتسوس قهوة
وعمتي قبل تروح تنكد علي دايم
من كل ناحية
مرة ماحب اكل قدر الضغط
ومرة ليش تنامون للظهر
مع اني موظفة وما اعدي الساعة عشرة نوم
ومرة ليش تغيرين الكني جديد
ومرة لاتشترون من اللمطعم
وان طبخت قالت مالح دسم
وع مهب حلو
وكل جديد اسويها تعذرب فيه ومدري الا بناتها طابخاته بعدي
يعني تاخذافكار وتعلم بناتها حتى قدر الضغط تسب طبخه ومن بعدي حريم عيالها وبناتها طبخو فيه
ولما جات من عند ولدها
اخذي مدح قدامي الله يرزقها
ويخليلها عيالها تسوي فطوري الفجر تسوي الحلا اشكال والوان تنظف تشتغل مع ان كل خداماتي تخليهم ينحاشون من معاملتها الهم
بموت قهر منا
والله ثم والله اني ما ارد عليها اداسبت في شي
ولا اتكلم عشان كذا زوجي واقف معي وهي تعمد قدامه توريه اني رفلا
ويشهد الله اني ماني مقصرة في شي اسوي الفطور والغدا وقهوة العصر وعشا والبيت يلق من النظافة وتربية عيالي
يعني غيرااانه مني واموت فزوجي وهو بعد مايشوف مثلي ويمدحني
بس قاهرتني تكلم عند الناس فس وان معرف اسوي شي
وتمدح غيري والله ظلم
آآىه بس من ا لقهر
وغير كذا تحترم عيالها وحريمهم تموت فيهم
مع انهم تبذير وخدامة وهي مهي موظفة وتمشيات وتمرنا لاهلها ماتجلس عنده
وتحبها حب
الله ينصرني يارب
بالله عليكم لا تخيبوني
شاركووني رايكم لان الكل في الصيف راح يجون عندنا يزورونا طبعا حبا فيها مهو في
مخلين بيتنا استراحة يجتمعن فيه ولا يعبرن
وش اسوي قاه راتني
وهي الام موقفها قوي عوبا وراعية فضايح
يعني غصبن عني يجون واخدم واكرف والمدح الهن
من حقي ارتاح الصيف في بيتي من غيرهن
والار يبخت من زار وخفف
مع العلم اذا راحو من عندنا تغير علينا وتهاوش وتعرب منهن الله ينتقم منهم
شورو علي والله ان افكاري ملخبطه توها مسويتلي مشكله
طلبتك لا تخيبووني:32:

 

[طيبتي غلطة]

الله ينصرك عليها الزمي دعاء (اللهم اكفيني فيها بما شئت)ودعاء (اللهم ادرأ بك في نحرها وأعوذ بك من شرها)
وصدقيني بحول الله وقوته ماعاد تقدر تسوي شي يضايقك ..فقط الزمي الدعاء..والله معاك

 

[عابـــرة سبيل]

الله يعينك ويسخر لك خالتك ...

 

[SARARI]

حبيبتي بالمختصر المفيد .............. "الطيب عيا بالطبيب":bye1:

خلك أحسن منها،
والله سبحانه وتعالى يسمع ويشوف و هو سبحنه ما يضيع حق أحد
فتركي عمل الله لله هو يجيب لك حقك لعند ريولك ولكن بشرط إنك تصبري لله وتحتسبي الأجر
و هذي الأخيرة مهمة لأننا لما نصبر نرجع و نتضايق وننسى إننا محتسبين الأجر عند الله فيتأخرعلينا الفرج
و بالنسبة لتجمع أهل زوجك عندك أعرف إنه مضايقك:icon28: ...
بس الحياة تراها مراحل و هذي مرحلة وراح تعدي
فخليها تعدي بذكرى طيبة و حسن أخلاق وطيبة منك ...
وهذا الي باين عليك:cupidarrow: ماشاء الله​

 

[زهور الخبت]

وسعي صدرس يالحبيبه مدام زوجس فاهم السالفه خلاص وكلي أمرس لله والله أن ربي بيعطيس على قد نيتس

 

[راوية الورد]

أهم شئ زوجك معاك تمام ماعليك منها

وهي مصيرها بتعرف غلطها بس تمي على صبرك ومابعد الصبر الا الفرج

واحتسبي اجر كل شئ

 

[رماني]

عندنا وعندج الخير ،،، بس عايشه حياتي مثل ما ابي والحمد لله ،،، طنش تعش ،،،
الله يهديهن يا رب

 

[$حاكمة بلقيس$]

اقوووول طنشيها والله لو تعطينها عيوووونك بطبق من ذهب ماااتقتنع وعليك بالدعاااااء واذا قدرتي عطيها منوووووم "هههههههههههههههههههه" الله يعينك ياااقلبي ويصبرك وينصررررك

 

[احلا البشر]

الله يجزي كل من ردت الخير والصلاح ربي ان شاء الله يسعدكم ويزيدكم من حسناته

 

[كآرآميلآ]

شوفي ..باين عليها حماتك تحب الترزز والناس الهاي

لانه يعجبها الخدم وشغل الخدم
واعذريني هذي نظرتها سططططططططططططحيه

خليها بكيفها

انت قولي دايم قدمها ..اليوم عملت وطبخت واتكلمي عن انجازاتك وانت واثقه وما عليك منها

دايم اذا فيه عزايم او شي اتكلمي عن الطبخات قدام الحريم وسلفاتك لانك كذا بتحريهم وتدقيهم بالهرج انه هم مايعرفون

وغير كذا جيبي قصص عن الخدامات وبلاويهم وايش يسوون في الاطفال ياااكثرها في النت واتكلمي قدامها

عشان تشوف محاسنك

 

[فديت ثنين ربوني]

اختي الغاليه000هدي اعصابك صدقيني محد مرتاح احمدي ربك ان زوجك معك هذا المهم وعمتك مدري خالتك احترميها ولاتردين على اي تعليق تقوله ترا الاشكال ذي تدور الزله الله المستعان لاتخلينها تمسك عليك ممسك00واهتمي بنفسك لبسك وشياكتك هذا اللي يقهر الحريم 000وباالنسبه للضيوف اللي يجونكم باالصيف اذا كانن سلفاتك وحمواتك عاااادي الوضع اذا فيه خدامه باالبيت انتي كل يومين حطي رجلك لبيت اهلك كثري المسايير لهم وهن جايات للعجوز مو لك اذا كان زوجك يسمح وخليك عااااااااادي ريلاااااااااااكس00000احمدي الله انك موظفه على الاقل تفتكين شوي من وجع الراس وخليها تمدح حريم عيالها سوي نفسك مو مهتمه
الله المستعااااااااااااااااااااااااااااااان

 

[لمسة ورد]

حبيبتي والله مالك الا الصبر هذي ام زوجك ماتقدرين تسوين شي وانشالله ربك يفرجها الله يخليلي ام زوجي عسل ومافيه اطيب منها وماتفرق بيني وبين حمواتي الله يسعدها يارب

 

[براءه طفوله]

ياحبيبتي هالايام ( الطيب مرصوع والعاصي مرفوع )
ماابغا ازيدك هم بس ام زوجك من الاشكال اللي ماينفع معاهم غير
^
^
^
^
^
^
^
^
^
ا ل ت ط ن ي ش
​

 

[احلا البشر]

انا اهلي في منطقة ثانية واذارحت جلس زوجي يصرف عليهن هن وعيالهن ووسخن البيت وكسرن التحف واذا جيت مافي شي في البيت لا لحم ولا رز ولا ااا شي يعني متعمد يغيضوني
وزوجي مايلحق على شي مديون وراتبه اقل من راتبي يعني راتبي كثر راتبه مرتين
والله قهر
وذاعاجب امه وغير كذا يخربووون كل شي ناس مايخافون الله وقدام الناس تقول انا اصرف واشري
يعني تكذب وولدها سااااكت حسبي الله عليها

 

[احلا البشر]

مرة زوجي واجههن بكلام قالوه عني
سون سااالفة هن وبناتها
زوجة حماي اخت امي من امها بس
حرشتها الام علي بكلام كذب واخذنها في صفهن سمعتها تحرشها الصيف الماضي وتقول اني محرشته علاهن وتطلب منها تسكت واني عوبا وكذوب وتحمليها ومن هالكلام
وصدقتها طبعا
ومن عقبها ماتكلمني وتحبهن كلهن اكثر مني وازواجهن خاتم في اصابهن
وششششش اقول بس على الله

 

[سناء القحطاني]

حبيبتي لاتضايقين نفسك ولاتقضبين زوجك ....لاتتعبين نفسك سوي اللي يرضي الله وغصب على الناس(حماتك)ترضى عليك..اخذيها حكمة ولكل خواتي اللي في المنتدى،،لاتبتدين يومك تقولين بيصير كذاوكذا طالما سويتي وماسويتي نفس الشي فلاتفكرين من اساسه ..خلي علاقتك زينه مع زوجك وخواته اكسبيهم ...وهي خليها على ربها والله لازعلها بدخلك الجنة ولا بيطلعك منها..كذلك لابدمن تبليغ زوجك قبل ماتألف أوتزيد عليه السوالف

 

[نعومه كول]

الله يكون في عونك ايش هذه الحماه
الله لايسلط علينا ولا يبلانا
حسبي الله ونعم الوكيل
اهم شي اختب انه زوجك واقف معاكي
وسوي الواجب اللي عليكي ولا همك فيها
سوي واجبك ولاتهتمين لرايها مدحت ذمت كيفها
سوي اكلك بقدر الضغط ولا عليكي منها
حطي الملح اللي تشوفينه ماسب ولاهامك
شيليها من بالك بالمختصر وطنشيها تقول اللي تقول
والله بياجرك عليه ان شالله
وهي ربنا بيحاسبها

 

[احلا البشر]

بس اللي قاهرني يجون بيتي ولا يعبرني يتكلمون مع بعض وياكلن مع بعض ويسكرن عليهن الغرف في بيتي
ويسهرن في الحوش لحالهن
وياكلن من مطبخي استراااحة وبس
يتجمعن يسهرن وياكلن
وانا بالطقاق بالله ماتنقهرون لو انتم مثلي
وحنا نصرف عليهن
مالقيت حل
ان تكلمت قلبن الحقائق لان الهن ناس يتكلمون عندهم وانا مقدر ماني من اهل المنطقة
وان سمت اكلووني بالقهر
بمووووت منهن

 

[دمعة الغيمه]

الله يعينك بجد...المهم انتي لاتسكتين بالمره اذا جت تتمشكل معك وقفيها ستوب عند حدهاااااااا
عشان ماتتجاوز حدودها معاك شافتك سااكته وترميك بسهاام الكلام حتى قدام زوجك ان تكلمت دافعي عن عمرك
وبعدين بالصيف دبري لك سفره مع زوجك ياقلبي مو شرط تستقبلي احد بالصيف....

 

[نعومه كول]

مرة زوجي واجههن بكلام قالوه عني
سون سااالفة هن وبناتها
زوجة حماي اخت امي من امها بس
حرشتها الام علي بكلام كذب واخذنها في صفهن سمعتها تحرشها الصيف الماضي وتقول اني محرشته علاهن وتطلب منها تسكت واني عوبا وكذوب وتحمليها ومن هالكلام
وصدقتها طبعا
ومن عقبها ماتكلمني وتحبهن كلهن اكثر مني وازواجهن خاتم في اصابهن
وششششش اقول بس على الله

اللي افهمه من كلامك انها ساكنه عندكم
طيب ليش ماتسكن ببيتها ليش عندكم
زوجك ولدها الكبير يعني ولا ايش؟:30:

وليش ماتخلين زوجك يكلمها بالهداوه
هذه ايش عندها عليكي كذا
بسالكي هي طريقتها انتي معاكي كذا ولا مع الكل:24: