أرجوكم أبي حــل قبل فوات الاوآن

ف

فاطمه صالح2

New member
إنضم
2010/11/20
المشاركات
7
السلام عليكم


اختكم فاطمه عمري 23 سنه صارلي 4شهور متزوجه(من ولد خالتي-اخت امي) الحمدلله عشت ببيت كله حب واحترام ,بعكس البيت الي عاش فيه زوجي كله تفكك اسري ومشاكل ومافي احترام لا الام ولا اب من الجميع ولابين الزوجين الي هم ام زوجي ووالده .


صارلي سنه ونص من ملكة بيني انا وزوجي مشاكل من قبل الزواج

وللأسف تنازلت وسكت كثير


أهم المشاكل بينا عدم الثقه والشك الي فيه


ترك عمله بعد ملكتنا ووضحلي انه ينتظر عمل معين في مكان معين ولكن للاسف بعد الزواج رفض انه يعمل نهائياً

ينتظر على حد قوله تعين رسمي مايبغى اي عمل


انا اعيش عاله على والده ومصاريفنا عليه وبعد مصاريف بسيطه جداً

يتعامل معي بطريقه جداً مهينه سواء بينا او قدام اهلي او اهله

ممكن (يبصق علي )بكل بساطه على سبيل المزح او التأنيب

العادي

يشك بأخوانه انهم ينظرون لي نظره استغفر الله


ممنوع ارد او اناقشه بأي شي لازم اسكت واتقبل كل الاهانات والتجريح وممنوع اظهر اي انفعال غضب حزن دموع اي شي


يتدخل بكل شي بحياتي لبسي البسي فستان كذا ينقي لي وحطي مكياج كذا سوي حواجبك كذا حتى أزالت الشعر الي بجسمي يقرر هو متى وكيف وكل شي

عاق للاسف بوالديه مايحترمهم ابدا وعلى اتفه سبب يغلط عليهم ويجرحهم ويبكيهم


رأيي مو مهم بأي شي ولايحب يسوالف معي


عنيد جداً وهو دائما الصح


صار بينا مشكله وتدخلت والدتي ولما كلمته سكر الخط بوجهها وما اعتذر واعتبرها ملقوفه الى هذا اليوم


ودائما مايتكلم عنهم والدي ووالدتي بكلام جداً سيْ ولايهمه

مشاعري الطلاق على لسانه سهل مره زعلت وقلت بروح بيت اهلي قالي اذا طلعت شنطه وحده من الباب انتي طالق وحلف الطلاق بلسانه عادي


صلاته جداً سطحي فيها ممكن يجمعها كلها بوقت واحد


ومستحيل يروح المسجد وخصوصاً الجمعه

قاسي معي كثير وأحيانا رومنسي

يقول انه يحبني ما ادري عن حقيقة مشاعره لانه وقت الغضب

يقول انه يكرهني

دائما مايوجهلي انتقادات بجسمي وشكلي بالرغم من انه بعيد عن الكمال

موقف ضايقني جدا منه دخل اخته غرفتي وخلها تجرب ملابسي الجديده وانا مو موجوده وقبل فتره يساومني فيها يقول اختي عندها

بجامات شتويه وسيعه ماتبيهم لبستهم مرتين ثلاث خوذيهم وعطيها فستان من فساتينك عاجبها

(يبي يفتك بالحركه هذي من شراء بيجامات شتويه لي)

وبالنهايه قالي جيبي الي عند اهلك الملابس القديمه البسيها

يحب التهديد ويعشق المساومات يعني يا اقبل اصعب الشروط يا اخضعله

مستحيل يسمع بس يبغا يتكلم


حاولت اتركه كذا مره ننفصل يعني خصوصا ان مابينا اطفال

بس دائما اخاف

شخصيتي من تزوجني(ملكة عليه) تغيرت او زادت الله اعلم

ضعفت صرت اخاف واحاول دايما اهرب ما افكر بتصرفاته عشان ما اموت قهر مثل الحين تعبت منه كل فتره يزيد ويتمادى

تعبني مره كل ليله تجرح واهانه وسب كسر كل شي داخلي

وبنفس الوقت خايفه اتركه ما ادري هو حب ولا ايش بس


انا دايم احاول وما اقدر كل الي حولي ينتظرون مني اني اكون قويه واطلب الطلاق اشوف بعيونهم المسانده

خايفين اني اتورط زياده وارجع بطفل يعتبرون حيياتي معاه مجازفه

بالرغم من اني انسانه مؤمنه ولله الحمد الا اني مرات

استغفر الله بلحظات الانهيار الي اوصلها افكر بالانتحار

بجد كل الي اقدر اقول انا تعبانه وبعد الله سبحانه معلقه امل فيكم ابي حـل ؟
 
يااخت صراحه اجلس عند اهلي عانس ولا سجن زوج لا تزعلين مني ب شكله ميؤس من تغيره ولو قلت لك اصبري وخلفتي منه وهوما تغير راح يكون بعدك عنه جدددددددددددا صغب الله يقدر لك الخير وعليك بالاستخاره
 
اختي فاطمه الله يعيننا احنا الاثنين على بلاوينا يقولك من شاف مصيبة غيره هانت عليه مصيبته حبيبتي فكري بنفسك وروحي بيت اهلك والله نار اهلي ولاجنة زوجي وانتي ماعندك اطفال يلوون ذراعك روحي قبل ما يجيك طفل يخليك ماتفكرين بنفسك ابد وبعدين هو يسوي كذا لانه يعرف انك ماتقدرين تتركينه بتصرفاتك واضح هالشي حبيبتي اسمعي كلامي اللي واضح من كلامك انك حاولتي معاه كثير لكن تصرفاته تصرفات واحد طايش ومو قد المسؤليه اما من ناحية حب وما حب فهذه الشي احنا نتوهم فيه والامافي اي رجل عنده اي مشاعر للأسف وخذي كلامي والا ارميه بالبحر زوجك يستناك تغلطين عشان يرميك لانه موواضح انه شاريك
فالحقي تفسك والله يعينك اتمنى ردي موجاي متأخر تحياتي
 
البعد عنه غنيمة بس ياريت تحاولي تهدائي شوووية وترجعي تقرائي اللي كاتبتية ولو شفتي انو نفس الاحساس


معناها استخيري الله في الانفصال وقبلها عيشي فترة نقاهه ببيت اهلك كزيااارة
 
الويل كل الويل للعــــاق لوالديه
والحديث الشريف يوضح ذلك:
((بروا آباءكم تبركم أبناؤكم وعفوا تعف نساؤكم)) .


اعانك الله على بلائك وابدلك ما هو خير منه اعذريني اختي العزيزه مثل هذا الشخص لا يأتمن على الحياه معه الانه من كان عاق لاهله فلن يكون وفياً معك أستخيري واستشيري من هم اقرب منك واهل الدين حول مشروعية ما يفعله زوج فكل اثم مؤجل عقوبته إلى يوم القيامة الا عقوق الوالدين فيعجل له العقاب بالدنيا

اللهم اصلح حال زوجها وازواج المؤمنات (( أمييين))


 
الفراغ الفراغ الفراغ...........................
يقتل الحياه بين المتزوجين ويجيب المشاكل
يتدخل بالبس والاكل والمكياج وووووووووووووووو.طبيعي الاخ مايشتغل قاعد بالبيت طبيعي انه يتدخل بكل شي خليه يدور على شغل كيف يقبل على روحه احد يصرف عليكم؟هو مو رجال؟؟؟؟
خدي موقف حازم وجدي بالموضوع
صدقيني لو يشتغل ويلتهي بالشغل كل حياتك بتتغير وبتصير احسن بس انتي شجعيه
 
الله المستان الوضع مره صعب زوجك اجتمعت فيه صفات تحتاج قووه منك لإكمال الحياه معه

طبعاً انتي ذكرتي مواقف كلها تدل على انه انسان يفتقر للذوق والتهذيب والتربيه السليمه واعتقد اجتمعت خصلتين فيه عقدت حياته اكثر واكثر يبدو لي ان بوصلته الشخصيه شمالي والشمالي بدون ماااده واستقرار وظيفي ما يقدر يعيش صح ابداً ابداً ...

لانه يحب يعطي ما ياخذ ويحب يتفضل ويحب الخصوصيه ...
وبسبب الماده انفصل تماماً عن شخصيته الحقيقيه ..

بالنسبه لوالديه ربما هو ليس عاق ولكن ربما والديه سيئين وانتي من وجهة نظرك تعتبرينه عاق .. طبعا انا ما اقول معه حق يخاصم ويبكي ووالديه لاااكن ماتدرين عن اسلوبهم معه من طفولته ... وصدقيني هو حنون وفي داخله انسااان بس ظروفه صعبه ... ويمكن بعد فتره تكتشفين سلوكيات اسوأ فيه بسبب هذي الظروف ....

الحل بيدك انتي استخيري واستخيري واستخيري وراح يصير كل شي من ربي راح يصير موقف يحسم كل امورك ويطلعك من حيرتك بس الجئي الى الله ووكليه كل أمرك بصدق واخلاص والحاح في الدعاء وكثرة الاستغفار .. وبالتوفيق
 
اختي انصحج تتركينه لانه مبين انه مش طبيعي و عنده نزعة انحراف مخفية .. روحي بيت اهلج و لا تندمين عليه ابدا و ربي يعوضج اخير عنه ان شاالله .
 
هدا يا اختي غير مؤهل ايكون زوج اصلا فكيف ايكون اب اويربي اطفال ويش بتكون حياتهم الله يعينك ياختي
 
اختي العزيزة فاطمة لا اعرف ماذا اقولك لك ولكن اتمني من الله ان يصلح لك زوجك ويفرج همك بالقريب العاجل يارب
اختي صلي صلاة الاستخارة وبعدين توكلي على الله ​
 
اول شي شوفي نفسك اذا تبغاه او لا لكن لازم تفكرين بعمق

تفكير جاد من جميع النواحي اللي تخصحياتك وصلى استخارة واسئلي

اهلك وشوفي ايش ممكن يقولون لك واذا حسيت الحياة مستحيلة معاه

تنفصلين عنه الآن احسن من انه يكون فيه اطفال بعدين والله يختار

الاصلح حيث ما كان ويرضيك به​
 
دعاء سيد الاستغفار(اللهم انت ربي لا اله الا انت خلقتني وانا عبدك وانا على عهدك ووعدك ما استطعت اعوذبك من شرما صنعت وابوء لك بنعمتك علي وابوء بذنبي فاغفر لي فانه لا يغفر الذنوب الا انت)
 
معقوله فيه رجل بهذه المواصفات ويسمى زوج نصيحه اختي اتركيه قبل ان تتورطي باولاد منه فهذا من الصعب تغييره الا اذا كانت اعصابك حديد وكان هناك من يساعدك من خبيرات او الاشتراك باحدى دورات هذا المنتدى الرائع
 
اقولج انة مو رجااااااااااااااااااال اللي قاعد في البيت وما يصرف عليج

ليش ما يروح يدور لة شغلة بدل القعدة في البيت ويتحكم فيك

لو عندة شغل ماكان سوى الاشياء فيج

اتركية وانشاء الله راح يعوضج باللي احسن منة

اذا هو مو محترم امة والاابوة بيحترمج انتي

لا ياحبيبتي اهم شي نفسة دام انة ياخذ المصروووف من ابوة
 
حبيبتي
-(ان الصلاه تنهى عن الفحشاء والمنكر)
-(الله وقضى ربك إلاَّ تعبدوا إلاّ أيَّاه وبالوالدين إحساناً)
-( قال رسول الله صلى الله عليه وسلم " نعمتان مغبون فيهما كثير من الناس: الصحة والفراغ ",
-قال رسول الله صلى الله عليه وسلم (خيركم خيركم لاهله وانا خيركم لاهلي)
-قال رسول الله صلى الله عليه وسلم (الطهور شطر الإيمان والحمد لله تملأ الميزان وسبحان الله والحمد لله تملآن أو تملأ ما بين السماوات والأرض والصلاة نور والصدقة برهان والصبر ضياء والقرآن حجة لك أو عليك كل الناس يغدو فبايع نفسه فمعتقها أو موبقها)
-إن الصدق يهدي إلى البر وإن البر يهدي إلى الجنة وإن الرجل ليصدق حتى يكتب عند الله صديقاً , وإن الكذب يهدي إلى الفجور وإن الفجور يهدي إلى النار وإن الرجل ليكذب حتى يكتب عند الله كذَّّاباً .
حبيبتي
زوجك على حسب كلامك ايمانه ضعيف ومن ماله خير في دينه ولا والديه ماله خييير بالناس كلهم
فنصيحتي لك استخيري وكرري الاستخاره ثم شوري اهلك ثم اختاري مااختاره الله لك
واكثري من الدعاء
(الله يفرج عليك ويعوضك خير)​
 
رضينا بالهم والهم مارضي فينا

الله يكون في عونك اختي فاطمة

عانك الله وهدى زوجك لبروالديه

والله يحببه فيك ويجعله لايرى غيرك

اللهم أمين

لاتنسي ذكر الله​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل